Morgunblaðið - 10.11.2002, Síða 6

FRÉTTIR
6 SUNNUDAGUR 10. NÓVEMBER 2002 MORGUNBLAÐIÐ
FRANSKRA sjómanna, sem fórust
við Íslandsstrendur á fyrri hluta
síðustu aldar, var nýlega minnst
með viðhöfn í kirkjugarðinum við
Suðurgötu. Sendiherra Frakklands
á Íslandi, Louis Bardollet, lagði í
nafni franska ríkisins blómsveig að
minnismerki sem reist var í garð-
inum árið 1952 til minningar um
samskipti Íslendinga og frönsku
fiskimannanna sem hingað komu í
áratugi á skútum sínum til þorsk-
veiða. Margir þeirra áttu ekki aft-
urkvæmt til heimalandsins og þeg-
ar trékrossar á leiðum þeirra í
kirkjugarðinum fóru að týna töl-
unni var minnismerkið reist.
Séra Jacques Rolland flutti stutta
bæn og viðstaddir voru sérlegur
fulltrúi franska utanríkisráðuneyt-
isins, Philippe Zeller, ráðuneytis-
stjóri og Ingibjörg Sólrún Gísla-
dóttir, borgarstjóri í Reykjavík.
Morgunblaðið/Jim Smart
Minning
franskra
sjómanna
heiðruð
STURLA Böðvarsson samgöngu-
ráðherra kynnti á ríkisstjórnarfundi
á föstudag frumvarp um breytingu á
lögum um vinnutíma sjómanna. Er
markmiðið að innleiða í íslenskan
rétt EES-gerðir sem fjalla um
vinnutíma sjómanna.
Hólmgeir Jónsson, framkvæmda-
sjtóri Sjómannasambands Íslands,
segir að um sé að ræða viðbót við
vinnutímatilskipunina sem tók gildi
fyrir landverkafólk fyrir nokkrum
árum. Í frumvarpinu er m.a. að finna
reglur um hámarksvinnutíma og 72
klst. lágmarkshvíldartíma fyrir sjó-
menn á viku. Að mati Sjómannasam-
bandsins er ekki talið að innleiðing
þessara reglna raski útgerðar-
mynstri á Íslandi, en þær komi m.a. í
veg fyrir að fiskiskip verði undir-
mönnuð.
Frumvarp um breytingu á vinnu-
tíma sjómanna var samþykkt í rík-
isstjórn 4. október sl. en fram komu
óskir frá hagsmunaaðilum í sigling-
um og sjávarútvegi um smávægileg-
ar breytingar og í minnisblaði ráð-
herra með frumvarpinu segir að
hagmunaaðilar hafi lýst sig því sam-
mála.
Skapar ekki vandamál
fyrir sjávarútveginn
Þeir telji að lögfesting hlutaðeig-
andi EES-gerða skapi ekki vanda-
mál fyrir íslenskan sjávarútveg og
að ákvæði gildandi kjarasamninga
mill útgerðar og stéttarfélaga rúm-
ist innan ákvæða gerðanna. Gildi
það jafnt hvort sem litið er til há-
marksvinnutíma eða lágmarkshvíld-
artíma.
Frumvarp um vinnutíma sjómanna
Fái 72 stunda
hvíld á viku
SKIPTAR skoðanir komu fram um
það hvort Reykjavíkurborg bæri að
auglýsa breytt deiliskipulag á
Landssímalóð við Sóleyjarrima í
Grafarvogi á borgarstjórnarfundi á
fimmtudagskvöld. Sögðust borgar-
fulltrúar minnihlutans, í Sjálfstæð-
isflokki og F-lista frjálslyndra og
óháðra, telja að svo miklar breyting-
ar hefðu átt sér stað á skipulaginu að
nauðsynlegt væri að auglýsa það að
nýju. Sjálfstæðisflokkurinn sagði
borgarfulltrúa R-listans nota álit
borgarlögmanns þegar það hentaði
þeim, en vitað væri að hann teldi
nauðsynlegt að auglýsa deiliskipu-
lagið á ný.
Steinunn Valdís Óskarsdóttir, for-
maður skipulags- og byggingar-
nefndar, sagðist vilja skoða það bet-
ur hvort nauðsynlegt væri að
auglýsa skipulagið á ný, mikilvægt
væri að huga að því fordæmi sem það
gæfi í skipulagsmálum. Mikinn tíma
tæki að auglýsa nýtt skipulag auk
þess sem það væri kostnaðarsamt.
Lögum samkvæmt þyrfti einungis
að auglýsa deiliskipulag að nýju
hefðu verulegar breytingar verið
gerðar á skipulaginu, alltaf væri
álitamál hvað teldust verulegar
breytingar. Til greina kæmi að stað-
festa hluta deiliskipulagsins og aug-
lýsa aftur þann hluta þar sem mestar
breytingar hefðu átt sér stað. Þannig
hefðu önnur sveitarfélög farið að,
m.a. Kópavogur.
Guðlaugur Þór Þórðarson, borg-
arfulltrúi Sjálfstæðisflokks, sagði
einkennilegt að á fyrri hluta borg-
arstjórnarfundarins, þegar málefni
Línu.Nets voru til umfjöllunar,
hefðu borgarfulltrúar byggt mál-
flutning sinn á áliti borgarlögmanns
en þegar skoðun hans hentaði ekki
R-listanum væri borgarlögmaður vé-
fengdur. Allt yrði greinilega gert til
að keyra þetta skipulag í gegn. Í
Skipulaginu væri gert ráð fyrir of
þéttri byggð sem yki álag á umferð-
armannvirki og Rimaskóla. Íbúar í
Grafarvogi hefðu trúað því fyrir
kosningar að komið yrði til móts við
kröfur þeirra en þegar til kom hefði
lítið samráð verið haft við íbúana.
Steinunn Valdís vísaði þessari
gagnrýni á bug. Sagði að íbúar hefðu
einkum gert athugasemdir við fimm
atriði í skipulaginu og komið hefði
verið til móts við fjögur þeirra.
Skipulag Landssíma-
lóðar verði auglýst á ný
BORGARFULLTRÚAR Sjálfstæð-
isflokks segja nauðsynlegt að skera
úr þeirri réttaróvissu sem ríkir um
starfsemi Orkuveitu Reykjavíkur.
Þetta kom fram á fundi borgar-
stjórnar á fimmtudagskvöld þar sem
vinnubrögð í stjórn fyrirtækisins
voru sömuleiðis gagnrýnd og túlkun
meirihluta stjórnar á lögum um
Orkuveituna og sameignarsamningi
fyrirtækisins. Borgarstjóri sagði að
ákvæðin væru sambærileg ákvæðum
í lögum um Landsvirkjun og sagði
að sátt hefði ríkt um túlkun þeirra
laga. Eigendafundur muni taka af-
stöðu til þess hvernig beri að túlka
ákvæðin, það sé rétti vettvangurinn
til þess.
Guðlaugur Þór Þórðarson, borg-
arfulltrúi Sjálfstæðisflokks, sagði
það alveg ljóst að samanlagðar
skuldbindingar Orkuveitunnar næðu
auðveldlega yfir 5% af eiginfé fyr-
irtækisins, sem þýddi að þá þyrfti að
bera skuldbindingar undir eigendur
fyrirtækisins en nýlega festi OR
kaup á ljósleiðaraneti Línu.Nets fyr-
ir tæpa 1,8 milljarða króna. Hann
sagði vinnubrögð stjórnar OR eins
óeðlilega stjórnsýslu og orðið gæti.
„Ég hef setið í mörgum stjórnum og
ráðum á vegum borgarinnar og ég
hef aldrei kynnst þessum vinnu-
brögðum eins og eru í stjórn Orku-
veitu Reykjavíkur. Þar er engin
virðing borin fyrir lýðræðislegum
vinnubrögðum eða góðri stjórn-
sýslu,“ sagði Guðlaugur Þór.
Áhættufjárfesting með
fjármuni almennings
Hann minntist á hvernig Raufar-
hafnarhreppur hefði tapað gríðar-
legum upphæðum í fjárfestingum
sveitarstjórnarmanna á gráa mark-
aðnum og sagði að því miður hefði
R-listinn stundað sömu vinnubrögð
og farið út í áhættufjárfestingar með
fjármuni almennings. Upphaflega
hefði verið sagt að 200 milljónir að
hámarki yrðusettar í fyrirtækið
Línu.Net. „Hér stöndum við þremur
milljörðum seinna, þremur þúsund-
um milljóna síðar. Það er búið að
setja 3,2 milljarða í þetta og ævin-
týrið er ekki búið,“ sagði Guðlaugur.
Sagðist Björn Bjarnason, oddviti
Sjálfstæðisflokks, telja að í ljós hafi
komið að ekki hafi verið staðið nægi-
lega vel að gerð laga um OR sem
samþykkt voru á Alþingi í lok síð-
asta árs. „Er nú svo komið að meiri-
hluti stjórnar Orkuveitunnar reynir
að bjarga sér úr eigin vandræðum
með vafasamri túlkun á 1. grein lag-
anna og 7. grein sameignarsamn-
ingsins um fyrirtækið í þrákelkni
sinni við að komast hjá því að kynna
eigendum fyrirtækisins skuldbind-
ingar þess vegna Línu.Nets,“ sagði
Björn.
Hann spurði hvort borgarstjóri
ætli að láta við það sitja, sem gæslu-
maður 92,22% eignarhluta í OR, að
lög og samningar um fyrirtækið séu
skýrð á þann veg að útiloka eigendur
sem mest frá ákvörðunum um skuld-
bindingar í nafni fyrirtækisins á
ábyrgð eigenda þess.
Eigendafundur sker úr um
túlkun ákvæðanna
Ingibjörg Sólrún Gísladóttir borg-
arstjóri vísaði til þess að ákvæði um
ábyrgðir og skuldbindingar í lögum
um Orkuveitu Reykjavíkur væru
tekin nánast beint upp úr lögum um
Landsvirkjun sem hafi verið túlkuð
á ákveðinn hátt og sátt hafi ríkt um.
Það hafi verið litið svo á að túlka
bæri lögin um OR á sama veg. „Ef
menn eru ekki sáttir við það held ég
að við ættum að koma okkur saman
um hvernig beri að skilja þetta. Ekki
bara eigendur Orkuveitunnar heldur
einnig eigendur Landsvirkjunar,“
sagði Ingibjörg.
Hún sagði að í næstu viku væri
fyrirhugaður eigendafundur hjá OR
þar sem farið yrði yfir hvernig túlka
bæri umrædd ákvæði. Sagðist Ingi-
björg telja það rétta vettvanginn til
þess. „En ég vil benda á það að þeir
sem fara með 99,53% hlut í fyrirtæk-
inu virðast ekki hafa nein vandkvæði
hvað þetta varðar. Það er hins vegar
fulltrúi bæjarfélags sem á 0,47%
hlut sem virðist eiga í vandkvæðum
með þetta og sjálfsagt að fara yfir
það,“ sagði Ingibjörg Sólrún og átti
þar við Garðabæ.
Skýrari reglur nauðsynlegar
Björn vísaði í ársskýrslu umboðs-
manns Alþingis fyrir árið 2001 þar
sem segir að sífellt fleiri álitamál
vakni um það hvort og þá með hvaða
hætti almennar reglur stjórnsýslu-
réttar eigi við um hlutafélög og sam-
eignarfélög í eigu ríkis og/eða sveit-
arfélaga. Umboðsmaður telji að fyrir
slík fyrirtæki þurfi að gilda skýrar
leikreglur um þátttöku þeirra í öðr-
um atvinnurekstri og um ráðstöfun
fjármuna úr sjóðum þeirra.
Sjálfstæðismenn í borgarstjórn Reykjavíkur gagnrýndu meirihlutann
Segja stjórnsýslu í stjórn OR
eins óeðlilega og orðið getur