Morgunblaðið - 10.11.2002, Page 8
FRÉTTIR
8 SUNNUDAGUR 10. NÓVEMBER 2002 MORGUNBLAÐIÐ
Útflutningsráð í samkrull með HTV
Virðist vera
góður tími
Heilbrigðistækni-vettvangur erþriggja ára sam-
starfsverkefni ýmissa að-
ila til að aðstoða fyrirtæki
í heilbrigðistæknigeiran-
um, koma á samstarfi
þeirra í markaðssetnnigu
erlendis og auka sam-
keppnishæfni þeirra.
Síðar í þessum mánuði
fara nokkur fyrirtæki í
greininni á stærstu sýn-
ingu heims á heilbrigðis-
tæknisviðinu, Medicu í
Düsseldorf og hafa Út-
flutningsráð, Heilbrigðis-
tæknivettvangur og
Impra greitt götu þeirra,
auk þess sem fulltrúar
verða á sýningunni frá
fleiri fyrirtækjum í grein-
inni hér á landi. Helga
Valfells, forstöðumaður
ráðgjafar og fræðslu hjá
Útflutningsráði, svaraði nokkrum
spurningum um þessa samvinnu.
Í hverju er samstarf Útflutn-
ingsráðs og heilbrigðistæknifyr-
irtækjanna fólgið?
„Það má segja að við séum til-
tölulega nýbyrjuð að vinna með
fyrirtækjum á þessu sviði. Fyr-
irtæki á þessu sviði fara nú með
okkur í fyrsta skipti á sýningu er-
lendis og verður spennandi að
taka þátt í henni og sjá hvernig
það kemur út.
Fyrirtæki í þessum geira hafa
áður tekið þátt í verkefnum sem
Útflutningsráð hefur staðið fyrir
eða komið að, m.a. í stóru verk-
efni sem við nefnum Venture Ice-
land. Þá hafa fulltrúar fyrirtækja
farið á okkar vegum á námskeið
hjá þýska tæknisetrinu Izet og
setið þar námskeið sem heitir
„Train it“. Námskeiðin eru ætluð
frumkvöðlum í hátæknigeiranum
og kenna þeim að útlista ágæti
sitt fyrir fjárfestum. Þessi nám-
skeið eru haldin sex sinnum á ári,
þó nokkur íslensk fyrirtæki hafa
nýtt sér þau til þessa og fulltrúar
tveggja eru á leiðinni út á næsta
námskeið.
Annað verkefni er það sem við
köllum Umboðsmanninn, en það
hjálpar fyrirtækjum að koma sér
upp umboðsmönnum erlendis.
Þetta er verkefni sem fyrirtæki á
heilbrigðistæknisviðinu hafa ekki
nýtt sér til þessa en þar verður
eflaust breyting á í náinni fram-
tíð.
Þá vil ég nefna þjónustu sem
við nefnum Útflutningsráðgjaf-
ann. Útflutningsráð og Nýsköp-
unarsjóður atvinnulífsins eru
með hóp reyndra sjálfstætt starf-
andi ráðgjafa á sínum snærum og
þau fyrirtæki sem vilja nýta sér
þessa þjónustu fá slíkan ráðgjafa
til að starfa með sér í hálft ár.
Einnig vildi ég nefna Markaðs-
ráðgjafann erlendis, þjónusta
sem lýsir sér sjálf.“
Hversu mikilvægt er þetta
samstarf ykkar og heiðbrigðis-
tæknisviðsins?
„Við teljum það vera
mjög mikilvægt og
jafnframt mjög
skemmtilegt. Sviðið
hefur Heilbrigðis-
tæknivettvanginn að bakhjarli og
fyrir vikið virðist hreyfingin vera
mjög samstiga sem auðveldar
mjög allt samstarf. Impra og
Samtök iðnaðarins hafa einnig
staðið vel á bak við greinina.“
Þessi sýning í Düsseldorf,
segðu okkur eitthvað frá henni og
hverjir eru að fara?
„Hún heitir Medica og er hald-
in árlega í Düsseldorf. Þessi sýn-
ing er risi að vexti og þarna er
allt til sýnis sem nafni má gefa á
heilbrigðistæknisviðinu. Einhver
sagði að þarna væri allt frá nýj-
ustu bómullarhnoðrum upp í nýj-
ustu björgunarþyrlur. Þetta er
svo stór sýning að það kemst eng-
inn yfir að skoða hana alla á með-
an hún stendur yfir. Þess vegna
er það svo að þeir sem hana skoða
þurfa að aga sig mjög og skipu-
leggja vandlega hvernig þeir ætla
að verja tíma sínum.
Frá Íslandi fara Heilbrigðis-
tæknivettvangur sem kynnir
starfsemi sína og höldum við með
þeim fundaraðstöðu á svæðinu
fyrir okkar fólk og fyrirtæki. Auk
þeirra fara allt að fjögur fyrir-
tæki sem eiga það sameiginlegt
að eiga uppruna sinn innan spít-
alanna og hafa verið að þróa
tækni og búnað sem þar er not-
aður innan veggja. Má nefna önd-
unartækni- og hreyfibúnað svo
eitthvað sé nefnt. Auk þess verð-
ur þarna fjöldi Íslendinga bæði
úr röðum inn- og útflytjenda.
Impra er jafnframt að skipu-
leggja fyrirtækjastefnumót á
fundarsvæðinu okkar.“
Hversu mikilvægar eru sýning-
ar á borð við Medicu?
„Mikilvægi vörusýninga hefur
aukist almennt seinni árin. Þessi
sýning er mjög mikilvæg fyrir
þennan iðnað. Útflytjendur sem
eru að byrja fá þarna dýrmætt
tækifæri til að ekki
bara kynna vörur sín-
ar, heldur að hitta
mögulega samstarfs-
aðila og keppinauta.
Sjá svona almennt
hvað er helst að gerast í grein-
inni.“
Það má því mæla með þátt-
töku?
„Tvímælalaust, ekki hvað síst í
þessari grein. Það virðist vera
sérstaklega mikill áhugi á heil-
brigðistækniiðnaði um þessar
mundir, þannig að þetta virðist
vera góður tími til að ná viðskipt-
um, samningum, fjárfestum og
því um að gera að nýta sér með-
byrinn.“
Helga Valfells.
Helga Valfells er fædd í
Reykjavík 1964. Stúdent frá MH
og lauk BA námi í enskum bók-
menntum og hagfræði frá Har-
vard árið 1988, síðan MBA prófi
frá London Busines School 1994.
Vann hjá Þjóðhagsstofnun og
Verðbréfamarkaði Íslands-
banka, fluttist til Bretlands í 7
ár. Vann þar m.a. hjá Esteé Lau-
der og í fjárfestingabankanum
Meril Lynch. Frá 1999 for-
stöðumaður ráðgjafar og
fræðslu hjá Útflutningsráði.
Helga er gift Connor Byrne og
eiga þau tvo syni.
…eru yfirleitt
mjög mik-
ilvægar
Ég verð að vera á „gleðipillunni” í eitt ár í viðbót, læknir.