Morgunblaðið - 11.12.2002, Page 14

VIÐSKIPTI/ATHAFNALÍF
14 MIÐVIKUDAGUR 11. DESEMBER 2002 MORGUNBLAÐIÐ
SÆNSKA fjármálaeftirlitið hefur
veitt samþykki sitt fyrir yfirtöku
Kaupþings banka á JP-Nordiska
bankanum í Stokkhólmi. Þar með er
yfirtöku Kaupþings banka á JP-
Nordiska lokið og fyrsta skráning ís-
lensks fyrirtækis í erlendri kauphöll
síðan í byrjun síðustu aldar að verða
að veruleika, en Íslandsbanki var
skráður í kauphöllina í Kaupmanna-
höfn í byrjun 20. aldarinnar. Vonast
er til að skráningin eigi sér stað á
næstu vikum að sögn Sigurðar Ein-
arssonar, forstjóra Kaupþings.
Sigurður segir að þetta sé mjög
ánægjugt skref fyrir Kaupþing enda
hefur kaupferlið verið bæði langt og
strangt.
Aðspurður hvort að hann hafi ein-
hverntíma óttast að kaupin yrðu ekki
samþykkt af eftirlitinu segir hann að
Kaupþing banki hafi unnið undir öfl-
ugu eftirliti íslenska fjármálaeftir-
litsins og því hafi engin ástæða verið
til að ætla að þeim yrði hafnað í Sví-
þjóð. „Þeir starfa eftir sömu reglum
EES hér í Svíþjóð og heima á Ís-
landi. Það er fyrst og fremst mis-
munandi menning milli landa sem
hefur valdið erfiðleikum, t.d. mis-
munandi uppröðun á rekstrarreikn-
ingi og öðru slíku sem við höfum
þurft að hafa fyrir að útskýra,“ sagði
Sigurður í samtali við Morgunblaðið.
Aðspurður segir Sigurður að í
ferlinu hafi þeir lent í nokkrum mót-
vindi. „Við lentum í því að skipta um
stjórn í miðju tilboðsferli sem er
töluvert óvenjulegt og þurftum að
útskýra að það hefði ekkert með til-
boðið að gera. Svo lentum við í tals-
verðu andstreymi hjá vissum aðilum
hér í Svíþjóð, þeim aðilum sem við
vorum að skipta út í fyrirtækinu svo
og samtökum smærri sparifjáreig-
enda, svokölluðum. Að öðru leyti
höfum við fengið mjög góðar viðtök-
ur, bæði hjá viðskiptavinum Nord-
iska, atvinnulífinu og öðrum aðilum.
Ég held að það sé ekki hægt annað
en að líta björtum augum á framtíð-
ina. Þetta er mjög stórt skref fyrir
okkur og sömuleiðis gæfuspor fyrir
JP-Nordiska.
Sigurður sagði ómögulegt að segja
til um hvaða dag fyrirtækið yrði
skráð í kauphöllina í Stokkhólmi en
hann sagðist eiga von á því á næstu
vikum. Aðspurður hvernig verðþró-
unin á félaginu gæti orðið eftir að
vera skráð á tveimur mörkuðum
sagði Sigurður að hugsanlega
myndu einhver góð tækifæri til mis-
munarverðs gefast sem myndi leiða
til aukinna viðskipta. Það væri þó
eitthvað sem markaðurinn myndi
jafna út á endanum. „Við erum
komnir á mun stærri markað og er-
um með mun meiri seljanleika sem
við teljum að verði til hagsbóta fyrir
hluthafana.“
16.000 hluthafar
Í næstu viku munu þeir hluthafar
JP-Nordiska, sem tóku yfirtökutil-
boði Kaupþings banka, yfir 86%
hluthafa, fá afhent hlutabréf í Kaup-
þingi banka í skiptum fyrir hlutabréf
í JP-Nordiska. Þar með er Kaupþing
banki orðinn meirihlutaeigandi JP-
Nordiska sem verður rekið sem dótt-
urfyrirtæki bankans.
Eftir kaupin á JP-Nordiska bank-
anum og sameiningu við hlutabréfa-
sjóðinn Auðlind hf. eru hluthafar
Kaupþings banka um 16.000.
Dagsetning fyrstu viðskipta með
hlutabréf Kaupþings banka á O lista
Kauphallarinnar í Stokkhólmi verð-
ur tilkynnt eftir samráð við Kaup-
höllina í Stokkhólmi.
Páll Gunnar Pálsson, forstjóri
Fjármálaeftirlitsins, FME, segir að
Fjármálaeftirlitið þurfi ekki að sam-
þykkja sérstaklega yfirtöku Kaup-
þings á JP-Nordiska en hins vegar
hefðu þeir veitt sænska fjármálaeft-
irlitinu aðstoð við málið og verið í
samstarfi við þá. „Við höfum verið í
samstarfi við sænska eftirlitið varð-
andi upplýsingagjöf og gefum okkar
mat á stöðunni varðandi þessa yfir-
töku. Við höfum eftirlit með Kaup-
þingssamstæðunni en sænska fjár-
málaeftirlitið hefur lögum sam-
kvæmt eftirlit með því þegar aðili
eignast virka eignarhluti í sænskum
fyrirtækjum sem heyra undir þeirra
eftirlit og JP-Nordiska mun áfram
heyra undir eftirlit sænska fjármála-
eftirlitsins sem fyrirtæki með starfs-
leyfi í Svíþjóð.“
Kaupþing skráð í Sví-
þjóð á næstu vikum


 

 !
 "
#
!$

% 
 
&'
(" 


 
 
   

  
 
  






 
 !




"
"
)!!*+ 

 
 ,
-
!!.

/



!!  

ÁRNI M. Mathiesen sjávarútvegs-
ráðherra flutti í gær ræðu á alls-
herjarþingi Sameinuðu þjóðanna
um málefni hafsins og hafréttarmál
og lagði áherslu á mikilvægi haf-
réttarsamnings Sameinuðu þjóð-
anna, en samningurinn myndar
lagalegan ramma um alla umfjöllun
um málefni hafsins. Hann sagði
jafnframt að í umræðu um málefni
hafsins á þinginu bæri að ræða um
hnattræn málefni en ekki málefni
eins og verndun og sjálfbæra nýt-
ingu lifandi auðlinda hafsins sem
væri staðbundið mál.
Árni sagði að hafréttarsamning-
urinn, sem væri án efa meðal
helstu afreka í sögu Sameinuðu
þjóðanna, væri fyrsti og eini heild-
stæði alþjóðasamningurinn sem
gerður hefði verið á sviði hafréttar.
Hann sagði mikilvægt að ákvæðum
samningsins væri framfylgt og
hvatti menn til að standa vörð um
samninginn, en í gær var haldið
upp á að 20 ár eru frá undirritun
hans.
Ráðherra fagnaði gildistöku út-
hafsveiðisamningsins á síðastliðnu
ári. Samningurinn hefði mikla þýð-
ingu þar sem hann styrkti mjög
rammann um verndun deilistofna
og víðförulla fiskstofna og stjórnun
veiða úr þeim. Virkni hans væri
hins vegar undir því komin að sem
flest ríki fullgiltu hann og fram-
fylgdu ákvæðum hans og hvatti
ráðherra þau ríki, sem ekki hefðu
enn fullgilt samninginn, til að gera
það.
Ráðherra fagnaði því að allsherj-
arþingið hefði á undanförnum ár-
um lagt vaxandi áherslu á málefni
hafsins. Hann lagði áherslu á að í
umfjöllun allsherjarþingsins á
þessu sviði bæri að fjalla um til-
tekin málefni sem væru hnattræns
eðlis en ekki mál sem féllu undir
fullveldisrétt einstakra ríkja eða
fjalla bæri um á svæðisbundinn
hátt. Þannig væri rétt að ræða á
allsherjarþinginu um mengun hafs-
ins, enda virti hún engin landa-
mæri og glíma yrði við hana með
hnattrænum aðgerðum. Verndun
og sjálfbær nýting lifandi auðlinda
hafsins væri hins vegar dæmi um
staðbundið eða svæðisbundið mál-
efni. Ísland gæti ekki fallist á
hnattræna stjórnun fiskveiða þar
sem fiskveiðistjórnun félli undir
fullveldisrétt einstakra ríkja eða
væri á ábyrgð svæðisbundinna
fiskveiðistjórnunarstofnana.
Hnattræn mál-
efni frekar
en staðbundin
Sjávarútvegsráðherra á alls-
herjarþingi Sameinuðu þjóðanna
Árni M. Mathiesen í ræðustól á allsherjarþingi SÞ í New York í gær.
BÚNAÐARBANKINN vill að skoð-
aðir verði kostir þess og gallar að
lækka eignamörk yfirtökuskyldu í
33% eða 40% eða til samræmis við
það sem gerist og gengur í ná-
grannalöndunum. Hefur bankinn
þegar lagt þetta til í umsögn sinni
um frumvarp til laga um verðbréfa-
viðskipti sem nú er til meðferðar á
Alþingi.
Að því er fram kemur í mánaðar-
riti bankans sem gefið var út í gær
myndast yfirtökuskylda við 40%
eignaraðild í Noregi og Svíþjóð, við
33% í Danmörku og við 30% eign-
arhluta í Bretlandi. Í dag gildir sú
regla hér á landi að yfirtökuskylda
myndast þegar einhver öðlast 50%
atkvæðisréttar í skráðu hlutafélagi.
Þá skal hann gera öðrum hluthöfum
félagsins yfirtökutilboð.
Í ritinu er sagt að talsvert hafi
reynt á þetta ákvæði á þessu ári og
skemmst sé að minnast yfirtökutil-
boðs vegna kaupa á Húsasmiðjunni.
Er neytendavernd
nægjanleg?
„Þó er rétt að staldra við og spyrja
hvort neytendavernd sé nægjanleg,“
segir í mánaðarritinu. „Svo virðist
sem ákveðnir hópar hafi að undan-
förnu verið að tryggja sér yfirráð í
skráðum félögum með því að skrá
eignarhald á mismunandi lögaðila,
samanber Jarðboranir, SR-mjöl,
Skeljung, Tryggingamiðstöðina og
Þormóð ramma-Sæberg. Við slíkar
aðstæður ná núgildandi reglur tæp-
lega að vernda rétt minnihluta eig-
enda sem skyldi. Eigendur að 1/3
hlutafjár í félagi hafa í raun undir-
tökin í félaginu vegna ákvæða hluta-
félagalaga um breytingar á sam-
þykktum. Dæmin sýna að viðskipti
með slík félög verða lítil í kjölfar
uppkaupa og verð lækkar í kjölfarið
þar sem skilvirk verðmyndun er ekki
til staðar,“ segir í mánaðarriti Bún-
aðarbankans.
Vilja skoða
lækkun
yfirtöku-
skyldu úr
50% í 33%
UTANRÍKISRÁÐUNEYTIÐ segir
að útflutningur á hákarlauggum til
Kína geti verið spennandi tækifæri
fyrir íslenska útflytjendur því eft-
irspurn sé gífurleg og aukist með
vaxandi velmegun. Þurrkaðir há-
karlauggar hafa einu sinni verið
fluttir út frá Íslandi til Kína eða árið
1997 en þá voru flutt út 95 kíló.
Norðmenn og Spánverjar hafa haft
ráðandi markaðsstöðu í Kína þar eð
þeir hafa einir þjóða flutt út hákarl
þangað. Fram kemur í fréttabréfi
utanríkisráðuneytisins að hákarla-
uggasúpa sé einn mesti munaður
sem Kínverjar veiti sér í mat. Diskur
af slíkri súpi kosti um 5 þúsund
krónur í Kína. Kínverjar vilja há-
karlauggana helst ferska, frosna eða
þurrkaða, en sérstök þurrkun eykur
verðmæti þeirra verulega. Sums
staðar í Kína er skrápur hákarlsins
einnig nýttur til matar. Sérstök að-
ferð er viðhöfð við verkun skrápsins
sem að henni lokinni líkist helst sæ-
bjúgum. Fram kemur að heildsali í
Peking upplýsti sendiráð Íslands þar
í borg um að kílóverð dýrasta há-
karlauggans, sem hann hefði selt,
hefði verið 3.000 krónur. Ráðuneytið
segir, að önnur lönd í Austur-Asíu
kunni einnig að vera mikilvæg
markaðssvæði fyrir hákarlaugga,
t.d. Japan, Hong Kong, Singapúr,
Taíland, Malasía og Suður-Kórea.
Hákarla-
uggar
seldir
til Kína?
Í ÚRSKURÐI Samkeppnisráðs
varðandi kaup SS á meirihluta
hlutafjár í Reykjagarði eru sett
ýmis skilyrði varðandi kaupin enda
telur ráðið að kaupin feli í sér sam-
runa í skilningi samkeppnislaga og
uppfylli skilyrði til íhlutunar þótt
SS og Reykjagarður starfi ekki á
sama markaði.
Á meðal skilyrða er að fulltrúi
SS í stjórn Ísfugls, sem SS á 30%
hlut í, láti af setu sinni eigi síðar en
1. júní 2003. SS er jafnframt
óheimilt að beita eignaráhrifum í
Ísfugli til að hafa áhrif á viðskipta-
stefnu og viðskiptaákvarðanir fyr-
irtækisins og SS og Reykjagarði,
annars vegar, og Ísfugli, hins veg-
ar, er óheimilt að hafa með sér
hvers konar viðskiptalega sam-
vinnu umfram það sem nauðsyn-
lega felist í vinnslu SS á bókhaldi
fyrir Ísfugl, eins og það er orðað í
úrskurðinum. Í þessu felst m.a. að
SS og Reykjagarður, annars vegar,
og Ísfugl, hins vegar, skulu að öllu
leyti starfa sjálfstætt við hvers
konar vinnslu á alifuglakjöti, við
dreifingu á alifuglaafurðum og við
sölu og markaðsmál.
Steinþór Skúlason forstjóri SS
segir að SS skilji þann ramma sem
Samkeppnisráð setur og muni hlíta
úrskurðinum. „Við teljum að þeir
hafi sýnt málaefnaleg og vönduð
vinnubrögð við að komast að þess-
ari niðurstöðu og við sættum okkur
við hana,“ sagði Steinþór í samtali
við Morgunblaðið.
Hann sagði að strax yrði farið í
að gera þær breytingar sem gera
þurfi en varðandi stjórnarsetu full-
trúa SS í Ísfugli sé gefinn ákveðinn
tímarammi sem farið verður eftir.
Samkeppnisráð setur
Sláturfélaginu skilyrði
„Sættum okkur
við niðurstöðuna“BÚNAÐARBANKI Íslandshf. seldi í gær helming af
hlutafé sínu í fjárfestingar-
félaginu Straumi hf. að nafn-
verði kr. 120 milljónir. Eign-
arhlutur bankans í félaginu
er nú 4,2787% eða 120 millj-
ónir að nafnverði en var
8,5574% eða 240 milljónir að
nafnverði fyrir viðskiptin.
Samkvæmt heimildum
Morgunblaðsins er kaupandi
bréfanna Íslandsbanki.
Íslands-
banki
kaupir
4% hlut
Straumur hf.
♦ ♦ ♦