Morgunblaðið - 11.12.2002, Blaðsíða 21

LANDIÐ
MORGUNBLAÐIÐ MIÐVIKUDAGUR 11. DESEMBER 2002 21
Á ÞEMADÖGUM í Lýsuhólsskóla í
sunnanverðum Snæfellsbæ unnu
nemendur meðal annars að papp-
írsgerð, leirmótun og ýmsum um-
hverfisverkefnum en Lýsuhólsskóli
fylgir umhverfisstefnu sem byggð
er á Staðardagskrá 21.
Pappírinn sem nemendur unnu
er úr afgangspappír sem til fellur í
skólanum og safnað er til endur-
vinnslu en slíkt er hluti af umhverf-
isstefnu skólans. Nemendur gera
síðan jólakort úr pappírnum og
teikna myndir á þau auk þess sem
þeir gera kort með klippimyndum.
Kortin eru síðan seld til fjáröflunar
fyrir nemendafélag skólans. Með
kortagerð og leirmótun fá nem-
endur útrás fyrir sköpunargleði
sína. Almennur föndurdagur með
þátttöku foreldra verður síðan í lok
nóvember.
Umhverfismálin eru ofarlega á
baugi í skólanum, enda hefur Lýsu-
hólsskóli náð verulegum árangri í
því að samþætta umhverfisstefnu
sína almennri starfsemi skólans.
Eldri sem yngri nemendur notuðu
því einnig tímann á þemadögum til
að vinna að ýmsum umhverfisverk-
efnum og bjuggu m.a. til vegg-
spjöld með leiðbeiningum og upp-
lýsingum tengdum
umhverfisvernd.
Morgunblaðið/Guðrún G. Bergmann
Nemendurnir önnum kafnir við að móta leir á þemadögum sem haldnir voru í Lýsuhólsskóla.
Pappírsgerð og
leirmótun á þemadögum
Hellnar
SAUMASTOFAN Rebekka ehf. á
Hvammstanga var með opið hús fyr-
ir skömmu í tilefni tíu ára afmælis
fyrirtækisins. Eigendur Rebekku
ehf. eru mæðgurnar Dóra Eðvalds-
dóttir og Ingibjörg Rebekka Helga-
dóttir og eru þær einnig starfsmenn
fyrirtækisins. Ingibjörg er klæð-
skeri að mennt.
Rebekka ehf. vinnur hvers kyns
saumaskap, s.s.tískufatnað og annan
fatnað, rúmföt o.fl., bæði fyrir versl-
anir til endursölu og einnig fyrir ein-
staklinga. Einnig taka þær mæðgur
að sér breytingar á fötum.
Rebekka ehf. er í nýbyggðu húsi
við höfnina á Hvammstanga, í sam-
býli við fjölskyldufyrirtækið Skjanna
ehf., sem er rafeindaverkstæði og
verslun með rafmagnsvörur og raf-
lagnaefni. Skjanni ehf. er í eigu Dóru
og manns hennar Helga S. Ólafsson-
ar rafvirkjameistara og sonar þeirra
Sigurvalds.
Í þessari starfsstöð vinna alls sex
manns, tvær konur við sauma, þrír
starfsmenn við rafvirkjun og einn er
sölu- og þjónustufulltrúi. Í tilefni af-
mælisins var á staðnum hljómsveitin
Málbandið og lék hún ljúfa tónlist.
Morgunblaðið/Karl Á. Sigurgeirsson
F.v. mæðgurnar Áróra Hlín Helgadóttir, Ingibjörg Rebekka Helgadóttir
og Dóra Eðvaldsdóttir með sýnishorn af framleiðslu Rebekku ehf.
Saumar
tískufatnað
Hvammstangi
JÓLAHLAÐBORÐSNEFNDIR
Kvenfélagsins Baugs og Kíwanis-
klúbbsins Gríms geta sannarlega
verið ánægðar með mætinguna á
jólahlaðborðið þeirra í Múla. Því
segja má að hún hafi verið 100% og
geri önnur byggðarlög betur!
Til margra ára buðu félögin tvö
upp á jólaglögg fyrir íbúana í des-
ember. En 1998 var söðlað um og
jólahlaðborð með öllum sínum kræs-
ingum og kertadýrð tók yfir. Gríms-
eyingar eru að vonum glaðir að geta
notið jólahlaðborðs í sinni heima-
byggð eins og hinir Íslendingarnir.
Til gamans má geta þess að kvöld-
ið endaði í útileikjum léttklæddra
barna á stéttinni fyrir framan fé-
lagsheimilið. Enda 9 gráðu hiti úti.
100% mæting í jólaboðið
Morgunblaðið/Helga Mattína
Jónína Sigurðardóttir, Brynjólfur Árnason, Steinunn Stefánsdóttir, Áslaug Alfreðsdóttir, Sæmundur Ólason og
Þór Vilhjálmsson gáfu sér tíma til að líta upp úr önnum í eldhúsinu í Múla, þegar fagnaðurinn var undirbúinn.
Grímsey