Morgunblaðið - 25.01.2003, Page 1

STOFNAÐ 1913 23. TBL. 91. ÁRG. LAUGARDAGUR 25. JANÚAR 2003 mbl.is
Komdu í heimsókn til okkar í
Veggjakrot
list eður ei?
Deilt um hvort graffítí sé list
eða krot Lesbók 8
Aðaleigandi Fiat, Agnelli, er látinn.
Hann var ókrýndur konungur Ítalíu 15
Árangri
fagnað
AUÐUR í krafti kvenna skilar
góðum árangri 12
Agnelli allur
HRAUSTUR fálki hremmdi fugl í miðbæ
Reykjavíkur um hádegisbil í gær og flaug með
bráðina til hafs. Tveir gargandi hrafnar veittu
honum eftirför og mávager fylgdist með í
fjarlægð. Ljósmyndari Morgunblaðsins kom
auga á fálkann þar sem hann flaug til norðurs
yfir Hafnarstræti, missti sjónar af honum um
stund en fann hann aftur þar sem fálkinn sat á
Norðurgarði og gæddi sér á bráðinni.
Kristinn Haukur Skarphéðinsson, dýravist-
fræðingur á Náttúrufræðistofnun Íslands,
segir að sennilega hafi fálkinn klófest ungan
hettumáv, en treystir sér þó ekki til að slá því
föstu. Yfirleitt hafa 2–3 fálkar vetursetu á
höfuðborgarsvæðinu. Þeir veiða helst við
strandlengjuna en halda stundum inn í borg-
ina í veiðihug. Sjaldan sjást þeir þó hremma
bráð og enn sjaldnar nást þeir á mynd. Slíkt
hefur þó gerst og fræg er mynd Ólafs K.
Magnússonar, ljósmyndara Morgunblaðsins,
af fálka sem hefur sig til flugs frá Tjörninni
með önd í klónum.
Morgunblaðið/RAX
Á fuglaveiðum í miðbænum

Gómsæt máltíð/4
SPÆNSKA lögreglan handtók í
gærmorgun 16 manns í aðgerð gegn
félögum í hryðjuverkasamtökum
Sádi-Arabans Osama bin Ladens, al-
Qaeda. Var fólkið handtekið í Kata-
lóníu á norðaustanverðum Spáni í 12
íbúðum í Barcelona, Gerona og
nokkrum minni bæjum. José Maria
Aznar, forsætisráðherra Spánar,
sagði að mennirnir hefðu verið að
undirbúa „mikla hryðjuverkaárás“
og fundist hefðu hjá þeim sprengi-
efni, rafeindabúnaður og fjarskipta-
tæki sem hægt væri að nota við
hryðjuverkaárásir. Ekki var skýrt
frá því hver skotmörk hryðjuverka-
mannanna hefðu verið.
„Hópurinn sem nú hefur verið
leystur upp hafði tengsl við hryðju-
verkamenn sem nýlega voru hand-
teknir í Frakklandi og Bretlandi og
voru að undirbúa árásir með
sprengjum og efnavopnum,“ sagði
Aznar á blaðamannafundi. Fyrr í
vikunni voru fimm Marokkómenn
handteknir á Ítalíu með sprengiefni í
fórum sínum. Einnig voru þeir með
nákvæmt kort af miðborg London.
Um 150 lögreglumenn tóku þátt í
aðgerðinni á Spáni og notuðu þeir
blóðhunda. Ráðist var inn fyrir sól-
arupprás.
Flestir frá Alsír
Að sögn spænskra fjölmiðla höfðu
nokkrir þeirra, sem handteknir voru
verið í þjálfunarbúðum al-Qaeda.
Fundist hefðu áætlanir um árásir,
kort, fölsuð vegabréf og tímastilli-
búnaður fyrir sprengjur en einnig
dunkar og önnur ílát sem gætu haft
að geyma eiturefnið rísín. Breska
lögreglan fann rísín hjá meintum
hryðjuverkamönnum fyrir skömmu.
Angel Acebes, innanríkisráðherra
Spánar, sagði að mennirnir væru
flestir frá Alsír og talið væri að þeir
væru í herskáum íslömskum samtök-
um í Alsír sem tengjast al-Qaeda en
einnig hefðu þeir haft samskipti við
hópa í Tétsníu. Samtökin í Alsír
nefnast Salafistahópur predikana og
bardaga, GSPC, en hópurinn hefur
staðið fyrir mörgum árásum á
stjórnarhermenn í Alsír. Felldi hann
39 hermenn og fjóra leiðsögumenn í
fyrirsát skömmu eftir áramótin.
Alls hafa nú 35 manns verið hand-
teknir á Spáni grunaðir um tengsl
við herská íslömsk samtök, síðan
ráðist var á Bandaríkin árið 2001.
Flestir þeirra hafa hins vegar verið
látnir lausir á ný vegna skorts á
sönnunargögnum. Talið er að al-
Qaeda hafi haldið fundi á Spáni í að-
draganda árásanna á Bandaríkin.
Vitað er að Mohammed Atta, sem
stjórnaði árásunum, kom tvívegis til
Spánar skömmu áður en árásirnar
voru gerðar.
Al-Qaeda-hópur
handtekinn á Spáni
Sagður hafa
verið að undirbúa
„mikla hryðju-
verkaárás“
Madrid, La Coruna. AP, AFP.
Í ÁÆTLUNUM Landsvirkjunar er gert ráð
fyrir að á þessu ári verði boðin út verk vegna
Kárahnjúkavirkjunar fyrir samtals 22–24
milljarða króna. Þar af
er gert ráð fyrir bygg-
ingaframkvæmdum
upp á 7–8 milljarða og
véla- og rafbúnaði fyr-
ir 15–16 milljarða.
Þetta kom fram í
máli Agnars Olsen,
framkvæmdastjóra
verkfræði- og fram-
kvæmdasviðs Lands-
virkjunar, á árlegu út-
boðsþingi Samtaka
iðnaðarins og Félags vinnuvélaeigenda í
gær. Inni í þessum tölum er ekki útboð
Landsvirkjunar á síðasta ári á stíflu og að-
rennslisgöngum virkjunarinnar, þar sem
ítalska fyrirtækið Impregilo bauð lægst, eða
44 milljarða króna.
Á þinginu gerðu fulltrúar helstu verk-
kaupa opinberra framkvæmda grein fyrir
áætlunum þeirra á þessu ári.
Agnar Olsen sagði að áætluð unnin árs-
verk starfsmanna verktaka við Kárahnjúka-
virkjun til ársins 2009 yrðu um 3.200. Þegar
mest verði muni um 1.200 manns starfa við
virkjunina, á miðju ári 2005.
Heildarfjárfestingar Landsvirkjunar á
tímabilinu frá árinu 2001 til ársins 2009
vegna álvers við Reyðarfjörð, vegna Norður-
áls og vegna núverandi orkukerfis, verða
væntanlega um 95 milljarðar króna, án virð-
isaukaskatts, að því er fram kom í máli Agn-
ars.
Verk fyrir
22–24 millj-
arða boðin
út í ár

Um 3.200 ársverk/12
PERCY Westerlund, aðalsamn-
ingamaður Evrópusambandsins í
viðræðunum við EFTA-ríkin um
aðlögun EES-samningsins að
stækkun ESB, segir að í augum
ESB skipti ekki öllu máli að ljúka
samningum fyrir 15. apríl. Til
þessa hefur ESB lagt áherzlu á
þessa dagsetningu, til þess að
hægt verði að senda samning um
stækkun EES til staðfestingar
þjóðþinga um leið og stækkun
ESB. „Það mikilvægasta í okkar
augum er ekki þessi dagsetning,
heldur að við fáum samning sem
við erum ánægð með,“ segir West-
erlund á vefsíðu norska blaðsins
Aftenposten.
EES-viðræðum
ekki lokið 15. apríl

Framlagskrafan/2