Morgunblaðið - 25.01.2003, Side 18

HÖFUÐBORGARSVÆÐIÐ
18 LAUGARDAGUR 25. JANÚAR 2003 MORGUNBLAÐIÐ
Með blaðinu
í dag fylgir
32 síðna tímarit
um heilsu
Ingólfur G. Gissurarson, logg. fast. - www.valholl.is - Opið virka daga frá kl. 9-17.30.
Vegna skipulagsbreytinga eigum
við eftirfarandi til ráðstöfunar í
þessu glæsilega húsi.
1. Hæð suðurhús. samtals 312 fm.
4. Hæð suðurhús. samtals 312 fm.
2. Hæð norðurhús. samtals 531 fm.
Skrifstofur í toppstandi, gott lyftuhús,
glæslegt útsýni yfir Laugardalinn.
Húsnæðið uppfyllir allar kröfur til nútíma
skrifstofureksturs.
Eignin er í eigu Landsafls, sem er öflugt
sérhæft fasteignarfélag.
Sanngjörn og hagstæð leiga fyrir rétta aðila.
Uppl. veitir Magnús Gunnarsson, s. 588 4477 eða 822 8242.
Suðurlandsbraut - til leigu
LÆGRI byggð, færri íbúðir og auk-
in fjarlægð að Elliðavatni er meðal
þeirra breytinga á tillögu að nýju
deiliskipulagi Norðlingaholts sem
kynntar voru á fundi í Árbæjarhverfi
í fyrrakvöld. Ekki er talið að auglýsa
þurfi tillöguna að nýju þrátt fyrir
breytingarnar þó ekki hafi verið tek-
in endanleg ákvörðun þar um.
Að sögn Ágústu Sveinbjörnsdótt-
ur, hverfisstjóra hjá skipulags-
fulltrúanum í Reykjavík, miðast
breytingarnar að því að koma til
móts við þær athugasemdir sem bár-
ust á auglýsingatímabili tillögunnar.
„Aðalatriði mótmælanna voru útsýn-
isskerðing úr húsum í Selási vegna
hæðar húsanna í deiliskipulaginu,
þéttleiki byggðarinnar og samsetn-
ing hennar auk þess sem athuga-
semdir komu um fjarlægð byggðar-
innar frá Bugðu og Elliðavatni. Þá
var það gagnrýnt að náttúrulegt um-
hverfi svæðisins væri skert og
þrengt væri að reiðleiðum.“
Breytingarnar, sem nú hafa verið
gerðar á skipulagstillögunni, felast
meðal annars í því að íbúðum á svæð-
inu hefur verið fækkað nokkuð. „Áð-
ur mátti byggja allt að 1.105 íbúðir í
hverfinu en nú er búið að fækka þeim
í 933 sem er 172 íbúðum færra,“ seg-
ir Ágústa.
„Fyrst og fremst fækkar íbúðum í
fjölbýlishúsum en á móti kemur að
sérbýlishúsum fjölgar nokkuð.
Þannig að samsetningin breytist á
þann veg að áður var u.þ.b. fjórð-
ungur íbúða í sérbýlishúsum en nú
er það þriðjungur. Þéttleikatölurnar
hafa líka breyst. Það voru 26 íbúðir
brúttó á hektara samkvæmt eldri til-
lögu en eru núna rúmar 23 íbúðir á
hektara.“
Lágreist sérbýli í
stað fjölbýlishúsa
Ágústa segir ekki síður mikilvæga
breytingu að fjölbýlishúsin næst
byggðinni í Selásnum hafa verið
lækkuð. „Þau hafa verið færð úr
fimm og sex hæðum í þrjár þannig að
útsýni er ekki lengur skert því þú
horfir yfir þessar þrjár hæðir. Fjöl-
býlishúsin, sem voru syðst á svæðinu
á fjórum og fimm hæðum og ætluð
voru öldruðum, eru farin og í staðinn
eru komin tvíbýlishús og raðhús.
Þannig að nú er einungis gert ráð
fyrir lágreistri sérbýlishúsabyggð
við suðurjaðarinn.“
Loks hefur fjarlægðin frá Elliða-
vatni að nýju byggðinni verið aukin
nokkuð að sögn Ágústu sem giskar á
að fjarlægðaraukningin nemi um 25
metrum að meðaltali eða þar um bil.
„Þetta er gert til að koma betur fyrir
reiðleið og gönguleið milli byggðar-
innar og útivistarsvæðisins,“ segir
hún.
Breytingarnar ívilnandi
Með þessu segir Ágústa talsvert
komið til móts við athugasemdir íbú-
anna. „Það er þó gert þannig að hug-
myndafræðin að baki tillögunni er í
sjálfu sér í öllum aðalatriðum sú
sama,“ segir hún.
„Það liggur fyrir munnlegt álit
lögfræðinga borgarinnar sem telja
ekki þörf á því að auglýsa tillöguna
að nýju þar sem allar þessar breyt-
ingar eru ívilnandi og miða að því að
koma til móts við athugasemdir íbú-
anna. Hins vegar hefur ekki verið
tekin ákvörðun í þeim efnum. Málið
fer aftur fyrir fund skipulags- og
byggingarnefndar í næstu viku og þá
verður tekin afstaða til þess hvort
auglýsa þurfi aftur eða ekki.“ Hún
undirstrikar að tillagan sem slík sé
enn í vinnslu og ekki sé búið að sam-
þykkja breytingarnar.
Hún segir fundargesti á fimmtu-
dag hafa verið frekar jákvæða í garð
breytinganna. „Það voru engar nýjar
athugasemdir sem komu fram þó
sumir hefðu kannski viljað sjá dregið
enn meira úr þéttingunni en mér
fannst stemningin frekar jákvæð.“
Hönnun skipulagsins er í höndum Teiknistofunnar ehf. Hér er horft í átt að fyrirhugaðri byggð frá Elliðavatni.
Tillögur að breytingu á deiliskipulagi kynntar á íbúafundi
Færri íbúðir og lægri byggð
Norðlingaholt
HÉRAÐSDÓMUR Reykjavíkur
hefur fellt niður kröfu ÁHÁ
verktaka á hendur Seltjarnar-
neskaupstað um 585 milljónir
króna bætur. Að sögn bæjar-
stjóra var ekki gert samkomulag
utan dómstóla um fébætur af
nokkru tagi.
Stefna ÁHÁ verktaka var
þingfest í byrjun júní sl. en til-
drög málsins voru þau að verk-
takafyrirtækið taldi sig eiga rétt
á byggingarlandinu á Hrólfs-
skálamel vegna meintra ólög-
mætra vinnubragða við útboð á
landinu. Kröfunni og tilboði um
samninga var hins vegar hafnað
af Seltjarnarnesbæ. Í frétt frá
Seltjarnarnesbæ segir að krafan
hafi verið felld niður að beiðni
stefnanda án kostnaðar og með
samþykki lögmanns Seltjarnar-
nesbæjar.
Að sögn Jóns Steinars Gunn-
laugssonar, lögmanns ÁHÁ verk-
taka, var samkomulag um að
fella niður kröfuna. „Málið er
einfaldlega úr sögunni og það er
með samkomulagi beggja aðila.
Það voru engar kröfur sem dóm-
stóllinn var látinn leysa úr.“
Engar skuldbindingar
af hálfu bæjarins
Jónmundur Guðmarsson, bæj-
arstjóri Seltjarnarnessbæjar,
segir ekkert samkomulag hafa
verið gert um fébætur til ÁHÁ
verktaka.
„Það voru engar skuldbinding-
ar gerðar af hálfu Seltjarnar-
nessbæjar. Ég held einfaldlega
að menn hafi séð að það var eng-
inn fótur fyrir þessari kröfu eins
og við héldum raunar fram allan
tímann.“
Hann bendir á að mikið hafi
verið um það rætt í aðdraganda
sveitarstjórnarkosninganna síð-
astliðið vor hvort krafan ætti
rétt á sér eða ekki. „Ég þurfti að
svara því á mörgum fundum að
ég teldi að svo væri ekki og við
myndum hafa sigur í því máli.
Það er komið á daginn.“
585 milljóna krafa ÁHÁ
verktaka felld niður
Seltjarnarnes
VILJAYFIRLÝSING um uppbygg-
ingu bryggjuhverfis á Kársnesi var
samþykkt í bæjarráði Kópavogs á
fimmtudag. Yfirlýsingin gerir ráð
fyrir að uppbyggingin hefjist á
næsta ári en stór hluti byggðarinn-
ar verður á um 6 hektara landfyll-
ingu.
Eins og Morgunblaðið greindi frá
á fimmtudag eru það Kópavogsbær
og byggingarfélögin Björgun ehf.
og Bygg ehf. sem standa að vilja-
yfirlýsingunni. Fulltrúi Samfylking-
arinnar í bæjarráði greiddi atkvæði
gegn henni og í bókun hans frá
fundinum kemur fram að nokkur at-
riði komi þar til.
Nefnir hann í því sambandi óvissu
varðandi umferðaraukningu og að
óeðlilegt sé að „afhenda ákveðnum
fyrirtækjum slíkan „gullmola“ án
þess að öðrum fyrirtækjum gefist
kostur á að koma að málinu með
einhverjum hætti. Í því sambandi
má benda á að viðkomandi fyrirtæki
hafa einnig rétt til byggingar á
„bryggjuhverfi“ í Reykjavík og
Garðabæ.“
Þá segir að meiri fjölbreytni þurfi
í hönnun bryggjuhverfa en sami
arkitekt standi að hönnun hverfisins
í Kársnesi og fyrrnefndra bryggju-
hverfa. Loks er nefnt að kostnaðar-
mat bæjarins vegna skólabygginga
og gatnaframkvæmda vanti.
Fulltrúar meirihlutans bókuðu að
þreifingar milli bæjarins og samn-
ingsaðila hafi staðið yfir í 11⁄2–2 ár.
„Fulltrúum K-listans og Samfylk-
ingarinnar hefur verið ljóst frá upp-
hafi í hvaða farvegi málið væri, þess
vegna koma þessi sinnaskipti veru-
lega á óvart,“ segir í bókun þeirra.
Í samtali við Morgunblaðið segir
Flosi Eiríksson, fulltrúi Samfylking-
arinnar, ekki rétt að Samfylkingin
hafi samþykkt málið á fyrri stigum
þess.
Viljayfirlýsing samþykkt
Kópavogur
FRÍDAGAR á borð við námskeiðs-
daga og starfsdaga verða frá og
með næsta vetri þeir sömu í grunn-
skólum Garðabæjar eftir að sam-
ræmt skóladagatal verður tekið í
notkun. Þá verða frídagar leik-
skóla hafðir á einhverjum þeirra
daga sem frí er í grunnskólunum.
Alls eru þrír grunnskólar í
Garðabæ, tveir barnaskólar og
svokallaður safnskóli fyrir ungl-
ingastigið auk nokkurra leikskóla.
Að sögn Gunnars Einarssonar, for-
stöðumanns fræðslu- og menning-
arsviðs Garðabæjar, hefur ósk for-
eldra um að samræma frídaga
milli þessara skóla vaxið á und-
anförnum árum.
„Það gat komið upp sú staða að
foreldrar voru með börn á öllum
þremur skólastigunum þó það væri
að vísu mjög sjaldgæft. Ef það var
frí þar á mismunandi dögum var
það auðvitað bagalegt.“ Um er að
ræða fimm daga á ári hjá grunn-
skólunum en tvo á leikskólastiginu.
Þá munu nemendur fá frí í heila
viku í lok febrúar 2004 og er það í
samræmi við niðurstöður könn-
unar á viðhorfi foreldra til vetr-
arfrís sem framkvæmd var í fyrra.
Morgunblaðið/Kristinn
Þótt gaman sé í skólanum kunna þau Helga, Sindri, Óskar og Skarphéðinn
í Flataskóla sjálfsagt vel að meta frídagana sem eru yfir veturinn.
Sömu frídagar milli skóla
Garðabær