Morgunblaðið - 25.01.2003, Side 20

SUÐURNES
20 LAUGARDAGUR 25. JANÚAR 2003 MORGUNBLAÐIÐ
Sjúkra-, aðhalds-,
flug- og nudd-
sokkar.
Græðandi,
losar þig við fótrakann
Fríhöfnin
Meyjarnar, Háaleitisbraut
SOLIDEA
BAS ET COLLANTS
AKUREYRI
STJÓRN Dvalarheimila á Suður-
nesjum hefur lagt til að ráðist verði í
stefnumótun öldrunarþjónustu á
Suðurnesjum. Það sé grundvöllur
ákvarðana um frekari uppbyggingu
á þessu sviði í framtíðinni.
Fjögur sveitarfélög á Suðurnesj-
um, öll nema Grindavíkurbær,
standa að Dvalarheimilum á Suður-
nesjum sem annast rekstur hjúkr-
unarheimilisins Garðvangs í Garði
og Hlévangs í Keflavík. Áhugi er á
frekari uppbyggingu á þessu sviði og
hefur hann meðal annars birst í
stefnu nýs meirihluta í bæjarstjórn
Reykjanesbæjar.
Hvað á að byggja og hvar?
Sigurður Garðarsson tók við for-
mennsku í stjórn Dvalarheimila á
Suðurnesjum (DS) eftir kosningarn-
ar í vor og flutti hann umrædda til-
lögu um stefnumótun í stjórninni.
Hann segist vera að koma að þessum
málaflokki í fyrsta sinn og hafi notað
tímann til að setja sig inn í málefnin.
Hann hafi fljótlega séð að það vant-
aði grundvöll til að meta þörfina á
uppbyggingu og ákvarðanir um hvað
ætti að byggja og hvar.
Sigurður vekur athygli á því að DS
annist aðeins hluta öldurnarþjónust-
unnar, það er að segja vistunarþjón-
ustu sem felst í rekstri hjúkrunar- og
dvalarheimilanna. Sveitarfélögn
sjálf annast ýmsa aðra þætti, eins og
dagvistun, heimaþjónustu, fé-
lagsstarf og uppbyggingu sérbýla og
þjónustuíbúða. Þá komi ríkið að upp-
byggingu og annist fleiri þætti, eins
og heimahjúkrun. Allir þessir þættir
spili saman og hafi áhrif hver á ann-
an. Þannig hafi heimaþjónusta og
heimahjúkrun áhrif á það hvað fólk
geti búið lengi heima og hver þörfin
er fyrir uppbyggingu vistheimila.
Því segir hann ekki hægt að taka
hlutverk DS út úr heildinni og meta
það sérstaklega heldur þurfi heildar-
stefnumótun fyrir öldrunarþjónustu
á svæðinu.
Við þá vinnu sem er að hefjast þarf
að sögn Sigurðar einnig að taka tillit
til fjölgunar íbúa á svæðinu, hækk-
andi meðalaldurs og breytingar á
kröfum með tilkomu nýrra kynslóða
sem þurfa að nýta sér þessa þjón-
ustu. Nefnir hann að á næstu árum
komi af þunga inn í þennan hóp fólk-
ið sem flutti á Suðurnesin upp úr
1950 vegna uppbyggingar herstöðv-
arinnar á Keflavíkurflugvelli. Þetta
hafi verið barnmargar fjölskyldur og
ekki sé langt í að börnin þurfi einnig
sína þjónustu en þau hafi alist upp
við að greiða í lífeyrissjóði og geri
væntanlega aðrar kröfur til þjónust-
unnar en foreldrarnir.
Ráðinn verkefnisstjóri
Stefnumörkunin sem lagt er til að
farið verði í á að mati Sigurðar, að
beinast að því að lýsa stöðunni í
málaflokknum, leggja mat á framtíð-
arþörf fyrir öldrunarþjónustu og
leggja til valkosti um það hvernig
hægt verði að standa að uppbygg-
ingu á þjónustu og vistun aldraðra í
framtíðinni. Segir Sigurður að þá
fyrst verði unnt að taka ákvarðanir
um það hvað eigi að byggja og hvar,
til dæmis hvers konar vistunarrými
sé þörf á og hvar best sé að hafa það.
Jafnframt hvort hagkvæmara sé að
DS eða sveitarfélögin hvert fyrir sig
annist þessa uppbyggingu. Lýsir
hann þeirri skoðun sinni að til þess
að sveitarfélögin kjósi að starfa sam-
an á vettvangi DS við frekari upp-
byggingu verði ávinnurinn af slíku
samstarfi að vera sýnilegur.
Samband sveitarfélaga á Suður-
nesjum mun koma að stefnumótun-
arvinnunni með DS og hefur þegar
veitt fjármagn til ráðningar verkefn-
isstjóra. Vonast Sigurður til að hann
verði ráðinn fljótlega og að niður-
stöður fyrstu tveggja áfanganna
liggi fyrir í lok sumars þannig að þá
verði hægt að byrja að meta valkost-
ina á þeim grundvelli.
Stjórn DS vill ráðast í stefnumörkun í öldrunarþjónustu
Grundvöllur ákvarð-
ana um uppbyggingu
Suðurnes
Morgunblaðið/Helgi Bjarnason
Sigurður Garðarsson er formaður stjórnar Dvalarheimila á Suðurnesjum.
Þarfir aldraðra eru mismunandi.
Hér er einn snillingur í biljarði.
BEINT áætlunarflug milli Akureyr-
ar og Parísar verður í boði einu sinni
í viku sumarið 2004 á vegum ferða-
skrifstofunnar Terra Nova Sól.
Þá eru uppi hugmyndir um að
bæta við fleiri áfangastöðum sumar-
ið þar á eftir að sögn Friðriks Arn-
arsonar framkvæmdastjóra Sam-
eignar USA ehf. (Umboðs- og
söluskrifstofa Akureyrar) en skrif-
stofan var opnuð í liðinni viku.
Hún er til húsa í miðbæ Akureyr-
ar, Hafnarstræti 99-101, í Amaro-
húsinu svonefnda, en þar keypti
Friðrik rými undir starfsemina.
Skrifstofan hefur umboð fyrir Ís-
landstryggingu, Alþjóða líftrygg-
ingafélagið og ferðaskrifstofuna
Terra Nova Sól. Friðrik hefur um
árabil verið kokkur á Vilhelm Bald-
vinssyni EA, en ákvað að söðla um,
koma í land og hefja rekstur.
Íslandstrygging er að sögn Frið-
riks nýtt félag á tryggingamarkaðn-
um, stofnað í lok júlí á liðnu sumri í
Reykjavík. Um alhliða trygginga-
félag er að ræða og býðst bæði ein-
staklingum og fyrirtækjum að
tryggja eigur sína hjá félaginu. „Við
bjóðum upp á lægri iðgjöld en önnur
tryggingafélög og það kunna okkar
viðskiptavinir að meta,“ sagði Frið-
rik, en hann nefndi að starfsmenn
fyrirtækisins væru öllum hnútum
kunnugir á tryggingamarkaði, hefðu
flestir áratuga reynslu á því sviði.
„Þetta hefur farið ágætlega af stað
hjá okkur og raunar betur en við
bjuggumst við,“ sagði Friðrik.
Viðskiptavinir ferðaskrifstofunn-
ar Terra Nova Sól á Akureyri geta
nú rekið erindi sín í hjarta bæjarins
og sagði Friðrik það skipta miklu
fyrir þá. Hann sagði að sumarbæk-
lingur ferðaskrifstofunnar kæmi út í
byrjun febrúar og yrði þá kynntur,
en fjölmargar ferðir yrðu í boði.
Meðal áfangastaða eru Dusseldorf,
München, Berlín og Frankfurt í
Þýskalandi og París í Frakklandi en
að sögn Friðriks hefur ferðaskrif-
stofan lagt mikla áherslu á að kynna
Íslendingum þessi tvö lönd. Að auki
eru í boði sólarlandaferðir til Spánar
og Portúgal, sumarhús í Hollandi,
ferðir með Norrænu frá Seyðisfirði,
bændaferðir, skemmtisiglingar og
þá gerir skrifstofan fyrirtækjum og
starfsmannafélögum tilboð í hinar
ýmsu ferðir. „Viðskiptavinum ferða-
skrifstofunnar á Akureyri og ná-
grenni hefur farið fjölgandi síðustu
ár, þannig að ég er mjög bjartsýnn“
sagði Friðrik.
Morgunblaðið/Kristján
Friðrik Arnarson, framkvæmdastjóri Sameignar, ásamt Svölu Jónsdóttur
t.v. og Ragnhildi Stefánsdóttur, starfsmönnum á skrifstofunni.
Umboð fyrir Íslandstryggingu og
Terra Nova Sól opnað á Akureyri
Beint flug til
Parísar 2004
BALDUR KE 97 verður varðveittur
í námunda við Byggðasafn Reykja-
nesbæjar í Duus-húsum í Keflavík.
Bæjarráð hefur samþykkt koma
þar upp aðstöðu fyrir bátinn.
Útgerð Baldurs verður hætt á
næstunni. Ólafur Björnsson, fyrr-
verandi útgerðarmaður, sem lét
smíða bátinn á sínum tíma og gerði
hann lengst af út, óskaði eftir lið-
sinni Reykjanesbæjar við að varð-
veita hann á landi.
Nú hefur bæjarráð samþykkt að
láta gera aðstöðu fyrir hann hafn-
armegin við bryggjuhús Duus og
falið umhverfis- og tæknisviði að
vinna að undirbúningi þess. Jafn-
framt hefur verið þegið boð Ólafs
um að koma Baldri á staðinn og sjá
um viðhald hans þar.
Gert er ráð fyrir að Baldur verði
tekinn upp í marsmánuði.
Smíði Baldurs KE 1961 markaði
viss tímamót, hann var til dæmis
fyrsta íslenska skipið sem notaði
skuttog. Þá var hann mikil happa-
fleyta og líklega hafa engir bátar
landað eins miklum afla í Keflavík.
Baldur KE
verður
varðveittur
Keflavík
NÁMSKEIÐIÐ Öflugt sjálfs-
traust verður haldið að nýju í
grunnskólum Reykjanesbæjar
á næstu vikum. Námskeiðið er
sjálfstyrkingarnámskeið fyrir
foreldra barna í 4. til 7. bekk.
Fyrsta námskeiðið verður í
Heiðarskóla í næstu viku, dag-
ana 27. og 29. janúar, og stend-
ur frá 18 til 21. Foreldrar barna
í Holtaskóla eiga kost á nám-
skeiði 3. og 5. febrúar. Þriðja
námskeiðið verður í Myllu-
bakkaskóla 10. og 12 febrúar og
í Njarðvíkurskóla 17. og 19.
mars.
Fram kemur á heimasíðu
Reykjanesbæjar að bærinn
greiðir kostnað við námskeiðið
að öðru leyti en því að foreldrar
þurfa að greiða 1.000 krónur
fyrir námskeiðsgögn, þar á
meðal geisladisk þar sem er
ávarp höfundar námsefnisins.
Námskeiðið verður nánar
kynnt með bréfi til foreldra
þegar nær líður námskeiðum.
Sjálfstyrk-
ingarnám-
skeið fyrir
foreldra
Reykjanesbær
alltaf á föstudögum