Morgunblaðið - 25.01.2003, Qupperneq 47

ÍÞRÓTTIR
MORGUNBLAÐIÐ LAUGARDAGUR 25. JANÚAR 2003 47
Dagskrá:
Veislustjóri: Atli Gíslason, hrl.
Minni karla: Þórhildur Gunnarsdóttir, framkvæmdastjóri.
Minni kvenna: Hallur Hallsson, blaðamaður.
Skemmtiatriði: Óvæntar uppákomur deilda.
Happdrætti: Glæsilegir vinningar.
Dans: Hljómsveitin G - fiðringurinn sér um fjörið.
Miðar verða eingöngu seldir í forsölu
í Víkinni síma 581 3245 og hjá Erni Guðm. í síma 892 6462.
Nefndin
Þorrablót Víkings
verður haldið laugardaginn 2. febrúar nk.
í Víkinni og hefst kl. 19:00.
Heimamenn í Keflavík byrjuðueins og venjulega vel en eins
og svo oft áður leyfðu þeir sér að
slaka á þegar þeir
náðu 12 stiga for-
skoti. Hafnfirðingar
voru ekki viðbúnir
því og náðu ekki að nýta sér strax en
þegar Stevie Johnson hrökk í gang
var ekki að sökum að spyrja, hann
tætti vörn Keflvíkinga í sig og rað-
aði niður körfum. Á tæpum fimm
mínútum í öðrum leikhluta breyttist
staðan úr 38:26 í 41:42 fyrir Hauka.
Þá vöknuðu heimamenn með and-
fælum. Hægt og bítandi hófu þeir að
byggja upp leik sinn, helst vörnina,
og lögðu allt kapp á að gera Stevie
erfitt fyrir.
Það gekk upp og í þriðja leikhluta
stilltu þeir strengi sína með leik-
gleði og sjálfstrausti. Það var of
mikið fyrir Haukana og þeir áttu
ekkert svar, leikgleðin fjaraði út
enda Stevie orðinn þreyttir eftir
mótspyrnuna.
„Við höfum verið að reyna að
komast í þennan gír um tíma; að ná
hraða og pressu og reyna að koma
mótherjum til að gera mistök en fá
þar með auðveldar körfur sjálfir og
frí skot,“ sagði Guðjón Skúlason
sem skoraði 5 þriggja stiga körfur í
gærkvöld, vel studdur af áhorfend-
um. „Annar útlendingur Hauka virt-
ist eitthvað slappur í dag og við vor-
um alltaf með þrjá til fjóra menn á
honum allan leikinn og hann vinnur
ekki leikinn fyrir þá þannig.“ Dam-
on Johnson var að venju öflugur og
er að ná takti með Edmund Saund-
ers og þegar þeir tveir komast á flug
er erfitt við að eiga. Auk þeirra voru
Jón N. Hafsteinsson og Falur Harð-
arson góðir að öðrum ólöstuðum.
„Við komum alls ekki nógu tilbún-
ir í leikinn og þetta var mjög erfitt,“
sagði Þórður Gunnþórsson Hauka-
maður eftir leikinn en þurfti að berj-
ast mikið við stóru Keflvíkingana
undir körfunni. „Það er alltaf erfitt
að eiga við Keflvíkinga, sérstaklega
þegar þeir eru með fullt af áhorf-
endum sem fagna hverri körfu
þeirra og öskra á okkur þegar við
gerum mistök.“ Stevie Johnson var
allt í öllu hjá Haukum og flestir fé-
laga hans voru oft hikandi. Samt
voru Þórður, Sævar I. Haraldsson
og Halldór Kristmannsson ágætir.
Sanngjarn sigur Blikanna
Breiðablik vann sinn annan leik íröð þegar þeir tóku á móti
Valsmönnum. Blikarnir voru betri
mestan hluta leiks-
ins, eða allt þar til
gestirnir hrukku í
gang í fjórða leik-
hluta. Þessi fjörkippur kom hins
vegar of seint fyrir Val og þeim
gafst ekki tími til að ná heimamönn-
um sem unnu leikinn 96:90.
Leikurinn var jafn framan af, þeir
Mirko Virijevic hjá Blikunum og nýr
leikmaður Vals, Evaldas Priudokas,
fóru fyrir sínum mönnum og röðuðu
niður körfunum. Staðan var jöfn
27:27 eftir fyrsta leikhluta en heima-
menn náðu undirtökunum strax í
byrjun annars leikhluta. Valsmenn
áttu þá í erfiðleikum með að koma
knettinum rétta leið ofan í körfuna
auk þess sem Blikar beittu pressu-
vörn sem setti gestina í nokkur
vandræði. Bragi Magnússon var svo
drjúgur fyrir heimamenn í lok fyrri
hálfleiksins þegar hann setti niður
þrjár þriggja stiga körfur í röð.
Breiðablik voru með 12 stiga for-
ystu í hálfleik og Kenny Tate var
kominn í gang. Hann hélt Vals-
mönnum við efnið ásamt Pálma
Frey Sigurgeirssyni en Jason Pryor
sá að mestu um stigaskorunina hjá
Val. Valsmenn spiluðu glimrandi
vörn í fjórða leikhluta og náðu að
halda Breiðabliki í aðeins níu stigum
í leikhlutanum. Tíminn var samt of
naumur fyrir gestina og það voru
því heimamenn í Breiðabliki sem
fögnuðu sigri í lokin.
Kenny Tate og Mirko Virijevic
voru lengst af öflugir fyrir Blikana
og Pálmi Freyr setti niður mikil-
vægar körfur undir lok leiksins. Jas-
on Pryor var atkvæðamestur Vals-
manna og nýr leikmaður Vals,
Evaldas Priudokas, átti prýðilegan
leik.
Helgi Jónas með 46 stig
Það sem einkenndi leik Grinda-víkur og Snæfells var stórleik-
ur Helga Jónasar Guðfinnssonar
sem nánast sá einn
um að afgreiða gest-
ina. Heimamenn
sigruðu með 95 stig-
um gegn 81. Það var ljóst hvernig
þessi leikur færi í byrjun og und-
irritaður hefur ekki séð aðra eins
byrjun hjá Helga Jónasi og þetta
kvöld. Hann skoraði 14 stig í fyrsta
leikhluta og allt sem að honum snéri
var gert af krafti og einbeitingu. Sú
einbeiting og kraftur dreif heima-
menn áfram í fyrsta leikhluta og út-
lit fyrir stóran skell hjá gestunum
sem lentu undir 39:19 í byrjun ann-
ars leikhluta. Snæfellingar komust
þó hægt og rólega inn í leikinn og
stóðu jafnfætis heimamönnum í öðr-
um og þriðja leikhluta en staðan að
loknum fyrri hálfleik var 50:41 og
hafði þá Helgi Jónas sett niður 27
stig. Helgi hafði hægt um sig í þriðja
leikhluta og eins og áður sagði sigu
gestirnir aðeins á heimamenn. Helgi
Jónas tók síðan leikinn í sínar hend-
ur í síðasta leikhluta og skoraði 19
stig til viðbótar af 30 stigum heima-
manna og tryggði heimamönnum
tvö stig. Helgi Jónas var langbestur
í liði heimamanna og spilaði frábæra
vörn og sókn. Þá skilaði Darrel
Lewis sínu að venju. Hjá gestunum
var Clifton Bush mjög sterkur en
einnig átti Hlynur Bæringsson góð-
an leik.
„Við byrjuðum vel í fyrsta fjórð-
ungi en síðan tók við hálfgert kæru-
leysi eftir að við náðum 20 stiga for-
skoti. Mér fannst við samt alltaf með
leikinn í okkar hendi þrátt fyrir að
þeir næðu að minnka forskotið. Við
spiluðum ágætis sóknarleik í kvöld
og ég fann mig vel,“ sagði leikmaður
Grindvíkinga, Helgi Jónas Guð-
finnsson.
Áreynslulaust hjá Njarðvík
Fátt var um fína drætti þegarHamar frá Hveragerði sótti
Njarðvíkinga heim í Ljónagryfjuna.
Kraftmiklir heima-
menn náðu snemma
forystu og héldu
Hamarsmönnum í
góðri fjarlægð. Munurinn fór mest í
tuttugu stig en þegar líða tók á leik-
inn gáfu Njarðvíkingar eftir og lauk
leiknum með ellefu stiga sigri, 95:84.
Fyrstu mínúturnar einkenndust
af góðum leik heimamanna, sóknin
var beitt og þrátt fyrir góðar til-
raunir þeirra Hamarsmanna, Svav-
ars Birgissonar og Keith Vassells,
til að halda í við þá var breidd
Njarðvíkinga of stór biti að kyngja.
Heimamenn náðu snemma öruggri
forystu og voru tregir að gefa hana
frá sér. Þegar í hálfleik var komið
var staðan orðin 55:38 – og þá hafði
stigahæsti leikmaður Njarðvíkur í
vetur, Gary Hunter, aðeins skorað
tvö stig.
Síðari hálfleikur byrjaði líkt og
hinum fyrri lauk, heimamenn juku
aðeins forskot sitt og virtust með
pálmann í höndunum. Hamarsmenn
bitu þó aðeins frá sér í síðasta leik-
hlutanum og náðu aðeins að
grynnka á muninum. Svo fór að
Njarðvíkingar unnu sannfærandi,
95:84.
„Við fórum í þennan leik með það
í huga að stöðva Gary Hunter og það
tókst. Verra var að þá var eins og
hinum væri sleppt úr búri – þeir
voru hungraðir í að skora – og
mættu greinilega tilbúnir til leiks,
ekki við,“ sagði Pétur Ingvarsson,
þjálfari og leikmaður Hamars.
„Seinasti leikhluti var dapur, ein-
beitingarleysi hjá mínum mönnun
en ég er mjög ánægður með fyrri
hálfleik – vörnin fín. Ég er mjög
sáttur við það sem strákarnir voru
að skila og segjum bara að ég eigi
Hunter inni,“ sagði Friðrik Ragn-
arsson, þjálfari Njarðvíkur.
Æsispenna í Borgarnesi
Nú var að duga eða drepast fyrirSkallagrímsmenn. Heimaleikj-
um fer ört fækkandi og heimaliðið
varð að landa sigri
til að blanda fleiri
liðum í botnbarátt-
una. Þrátt fyrir mik-
il tilþrif Cliftons
Cook voru heimamenn með foryst-
una í lok fyrsta leikhluta. Í öðrum
leikhluta spiluðu Stólarnir vörnina
fastar og náðu að loka Donte Mathis
af þannig að hann náði aðeins einni
körfu í þessum leikhluta. Í öðrum
leikhluta skoruðu Tindastólsmenn
21 stig á móti 10 stigum heima-
manna og í hálfleik var staðan 36:44
fyrir Tindastól. Tindastólsmenn
voru sterkari í fráköstum og þá sér-
staklega í sóknarfráköstunum. Ef
heimamenn áttu að eiga möguleika
varð að stoppa Clifton Cook, bæta
varnarleikinn og ná meiri yfirvegun
í sóknarleiknum. Munurinn hélst
svipaður út þriðja leikhluta og
heimamenn, virtust þrátt fyrir
mikla baráttu, ekki vera þess megn-
ugir að komast inn í leikinn aftur af
neinni alvöru. Í fjórða leikhluta
benti ekkert til annars en að Stól-
arnir hefðu þetta í hendi sér þrátt
fyrir að heimamenn settu niður
nokkrar þriggja stiga körfur.
Þriggja stiga karfa frá Kristni Frið-
rikssyni tæplega tveimur og fimm-
tán sekúndum fyrir leikslok jók for-
ystu Stólanna í 89:78. Sigurinn
virtist nokkuð vís. En þá komu
þriggja stiga körfur frá heimamönn-
um hver af annarri. Allt í einu var
leikurinn orðinn hörkuspennandi.
Þegar ein mínúta var eftir var stað-
an orðin 92:94. Milosh nýtti annað
vítaskot sitt og Helgi R.Viggósson
svaraði fyrir gestina. Darko Ristic
skoraði þriggja stiga körfu og jafn-
aði 96:96. Tindastólsmenn misstu
boltann í næstu sókn og Skalla-
grímsmenn höfðu 28 sekúndur til að
klára leikinn. Donte Mathis ætlaði
að hanga á boltanum og klára þetta
á lokasekúndunum en Antropov
blokkeraði vel sem oft áður og Helgi
R. Viggósson skoraði sigurkörfuna
4 sekúndum fyrir leikslok. Helgi R.
Viggósson var besti maður Tinda-
stóls með 17 fráköst og 14 stig þar af
10 í síðasta leikhluta og einnig stóð
Antropov vel fyrir sínu með 14 stig í
síðasta leikhluta. Bestur heima-
manna var Hafþór Gunnarsson með
24 stig og einnig börðust bræðurnir,
þeir Darko og Milosh, eins og ljón
allan leikinn.
Keflvíkingar
komnir á flug
Bandaríkjamaðurinn Kenny Tate í liði Breiðabliks skorar hér
tvö af 26 stigum sínum gegn Val í Smáranum í gærkvöldi.
SUÐURNESJAMENN ganga með höfuðið hátt í dag því körfuknatt-
leikslið þeirra unnu öll í gærkvöld á heimavelli. Grindavík vann
Snæfell 95:81, Njarðvík hafði 95:84 sigur á Hamri frá Hveragerði og
Keflvíkingar sýndu sparihliðarnar í 121:85 sigri á Haukum. Í Kópa-
vogi lögðu Blikar Valsmenn að velli, 96:90, en eini útisigur kvölds-
ins var í Borgarnesi þar sem heimamenn í Skallagrími urðu að
sætta sig við tveggja stiga tap gegn Tindastól, 98:96.
Stefán
Stefánsson
skrifar
Benedikt Rafn
Rafnsson
skrifar
Garðar
Vignisson
skrifar
Andri Karl
skrifar
Guðrún Vala
Elísdóttir
skrifar