Morgunblaðið - 27.02.2003, Side 48

48 FIMMTUDAGUR 27. FEBRÚAR 2003 MORGUNBLAÐIÐ






 
 



    

 
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
UM 19 ára skeið hafa verið í gildi lög
um tóbaksvarnir og er þeim ætlað að
hlífa því fólki við tóbaksreyk sem
ekki reykir. Eru þessi lög ekki síst til
þess fallin að vernda börnin okkar,
en sífellt þrengir að tóbaksfíklum og
eiga þeir erfiðara um vik þar sem
lögin verða strangari með árunum,
enda full ástæða til.
Undanfarin ár hafa reykingar
landsmanna dregist saman svo um
munar, en á Íslandi reykja um 24%
landsmanna um þessar mundir sé
miðað við aldurinn 18–69 ára, og þýð-
ir það að 76% reykja ekki. Ekki þarf
að líta lengra aftur en til ársins 1985
en þá reyktu 40% landsmanna dag-
lega.
Um veitingastaði gilda sérstök
ákvæði, en þar segir að meirihluti
veitingarýmis skuli ávallt vera reyk-
laus og að gæta beri þess að reykur
mengi ekki loft á reyklausu svæði.
Könnun var framkvæmd á 40 veit-
ingastöðum höfuðborgarsvæðisins
sem leyfa reykingar innandyra síð-
astliðið vor. Einn þeirra uppfyllti
skilyrði lagarammans, en hinir brutu
allir lögin og sumir þeirra gengu svo
langt að hafa engar merkingar um
reyklaus svæði. Er með ólíkindum að
veitingastaðir skuli komast upp með
þetta ár eftir ár, án þess að nokkuð sé
við því gert, en Umhverfis- og heil-
brigðisstofa Reykjavíkur segir að
erfitt sé að framfylgja lögunum eins
og þau eru í dag. Umrædd skýrsla
var birt í fjölmiðlum og vita heil-
brigðisstofnanir af þessari brotalöm.
Starfsmenn Tóbaksvarnanefndar
reyna allt hvað þeir geta, en þeir eru
bæði fjársveltir og fámennir. Þar fyr-
ir utan fá þeir lítinn stuðning sveitar-
félaga, en þar mætti breyting verða.
Tóbaksvarnanefnd á að sjá um allt
forvarnarstarf, alla kynningu og all-
ar tóbaksvarnir á landsvísu með ein-
ungis tvo starfsmenn. Það er til mik-
ils ætlast af tveimur mönnum.
Eftirlit heilbrigðisstofnana hefur
ekki verið til fyrirmyndar að mínu
mati til þessa. Á fundi sem ég átti
með Umhverfis- og heilbrigðisstofu í
byrjun janúar gætti þó mikillar já-
kvæðni og var greinilegt að þar ríkir
áhugi á aðgerðum í baráttunni við
reykingar á veitingastöðum. Þar
voru menn sammála um að aðgerða
væri þörf og ekki eftir neinu að bíða.
Það er afskaplega jákvætt að menn
skuli vera orðnir samstiga um þessi
mál og reiðubúnir að skoða þau niður
í kjölinn.
En er ekki kominn tími til að
stöðva alveg reykingar á veitinga-
stöðum? Það ætla Norðmenn að gera
um næstu áramót. Frá því American
Style varð reyklaus veitingastaður
hafa viðskiptin aukist svo dæmi sé
tekið. Samkvæmt nýrri könnun sem
PriceWaterhouseCoopers gerði fyrir
Tóbaksvarnanefnd segjast einungis
14% þeirra sem afstöðu tóku myndu
fara sjaldnar á veitingastaði og kaffi-
hús ef þessir staðir væru alveg reyk-
lausir. Hins vegar færu 86% jafnoft
eða oftar svo ekki þurfa veitinga-
menn að óttast að þeir missi spón úr
aski sínum.
Ég hvet fólk til að láta í sér heyra,
en margir unglingar byrja einmitt að
reykja á kaffihúsum. Samkvæmt
upplýsingum frá Götusmiðjunni er
mikill meirihluti þeirra unglinga sem
þar lenda háður reykingum. Enginn
óskar þess að börnin okkar lendi í
slíkum málum.
BALDUR SIGURÐARSON,
Víðimel 48, 107 Reykjavík.
Um reykingar á
veitingastöðum
Frá Baldri Sigurðarsyni:
AF einhverjum óskiljanlegum
ástæðum heldur Lúðvík Berg-
vinsson, þingmaður Samfylkingar-
innar, áfram þeirri iðju einnar
flokkssystur sinnar að fullyrða, að
sérstaklega sé níðst á Jóni Ólafssyni
í Skífunni í þessu landi. Í langri
grein í Morgunblaðinu miðvikudag-
inn 26. febrúar vitnar hann í símtal,
þegar Þórarinn V. Þórarinsson
hringdi eitt sinn á mánudagsmorgni
í mig af öðru tilefni og ég notaði
tækifærið til að spyrja hann hvort
við venjulegir símnotendur mættum
leysa úr málum okkar svipað og
Jón, þegar við ættum í erfiðleikum
með að greiða símreikninga okkar.
(Jón fékk að setja eignir upp í hluta
af ógreiddri stórskuld við Símann
og breyta afganginum í langtíma-
skuld.) Lúðvík kýs að rangfæra
þetta símtal, en allar upplýsingar
um það eru í grein minni hér í
blaðinu 1. október 2002. Þar er ekk-
ert að fela og öllum dylgjum um það
vísa ég til föðurhúsanna. Það er til
skammar hvernig Samfylkingin hef-
ur kvatt Gróu á Leiti til liðs við sig í
þessari kosningabaráttu.
HANNES H. GISSURARSON,
prófessor í stjórnmálafræði.
Gróa á Leiti og
Samfylkingin
Frá Hannesi H. Gissurarsyni: