Morgunblaðið - 17.04.2003, Blaðsíða 6
FRÉTTIR
6 FIMMTUDAGUR 17. APRÍL 2003 MORGUNBLAÐIÐ
Ísland
Verð frá
3.900 kr.*
1 dagur
Innifalið: 100 km, kaskó og skattur.
Alicante
Verð frá
14.819 kr.*
7 dagar
Innifalið: Ótakmarkaður akstur,
áfylling af bensíni, kaskó, ábyrgðar-
trygging, aukabílstjóri, skattur
og flugvallargjald.
Minneapolis
Verð frá
20.168 kr.*
7 dagar
Innifalið: Ótakmarkaður akstur, kaskó,
þjófavörn, skattur og flugvallargjald.
Ætlarðu til Mombasa,
út á Dalvík, til New Orleans
eða upp á Brávallagötu?
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
ER
2
01
96
0
2/
20
03
Sími: . . . . . . . . . . . . . . . . 5050 600
Fax: . . . . . . . . . . . . . . . . 5050 650
Netfang: hertz@hertz.is
*Gildistími verðs er 01.04. - 30.09. 2003 nema í Minneapolis 01.04. - 14.07. 2003.
„ÞETTA er mjög gott sjóskip og fer
vel með okkur,“ segir Páll Ægir
Pétursson, skipstjóri á olíuskipinu
Keili, sem var smíðað í Kína og fór
þaðan í byrjun febrúar en kom fyrst
til landsins um nýliðna helgi.
Ferðin frá Kína gekk mjög vel, að
sögn Páls Ægis. Siglt var frá
Shanghai 2. febrúar og komið til
Dumai á Súmötru í Indónesíu 9.
febrúar. Þar var meðal annars lest-
uð pálmaolía sem flutt var til Lett-
lands. Um mánaðamótin febrúar
mars var skipið í Súez-skurðinum,
en það kom til Riga um miðjan mars.
Eftir það tóku við tvær ferðir með
olíu frá Lettlandi til Þýskalands áð-
ur en olía var tekin í Svíþjóð á leið til
Íslands, en Keilir kom til Fáskrúðs-
fjarðar sl. föstudag. „Öll siglingin
gekk mjög vel, við fengum gott veð-
ur alla leiðina til Riga og höfum í
raun verið mjög heppnir með veður
hingað til,“ segir Páll Ægir. „Áður
en við lögðum af stað höfðum við
fengið upplýsingar um hvað við
gætum átt í vændum, en alræmdir
sjóræningjar eru á siglingaleiðinni,
bæði í Suður-Kínahafi, Malakka-
sundinu sem er alræmt, frá Sri
Lanka og vestur fyrir Indland, og
svo við Sómalíu. Vegna þessa gerð-
um við ákveðnar ráðstafanir, en
urðum ekki varir við neitt. Reyndar
heyrðum við af sjóræningjum, feng-
um tilkynningar um sjórán á leið-
inni, en við vorum ekki ónáðaðir.“
Páll Ægir segir að þegar þeir hafi
siglt í gegnum Súez-skurðinn hafi
verið ljóst að átök væru í aðsigi.
„Það var mikil herskipaumferð,
bæði á Rauða hafinu og í Miðjarð-
arhafinu auk þess sem við mættum
einu herskipi í Súez-skurðinum. Við
mættum líka nokkrum herskipum í
Gíbraltarsundinu, en sum þessara
skipa höfðu samband við okkur og
þurftum við að gera grein fyrir
ferðum okkar og hverjir við vær-
um.“
Útivera skipstjórans var nokkuð
löng að þessu sinni. „Ég fór upp-
haflega út í nóvember til að sigla
skipinu til Jaingyn þar sem það var
lengt. síðan flaug ég aftur út til Pek-
ing 14. janúar og er nú kominn aft-
ur, þremur mánuðum síðar.“ Páll
Ægir segir að tíminn hafi verið fljót-
ur að líða vegna mikillar vinnu en
hann mæli samt ekki með svona
langri útivist. „Á flestum flutn-
ingaskipum í Skandinavíu eru menn
mánuð um borð og mánuð í fríi og
það er eðlilegt,“ segir hann.
Skipið var smíðað í Shanghai og
er um 103 metrar að lengd og um 15
metrar á breidd, en burðargeta þess
er um 6.000 tonn. Ganghraði við
góðar aðstæður, fulllestað, er rúmar
13 mílur. Keilir er í eigu Olíu-
dreifingar ehf. og leysir Kyndil og
Stapafell af hólmi. Skipinu er ætlað
að vera í stranddreifingu á eldsneyti
og sækja olíu til útlanda. „Við verð-
um líka í verkefnum erlendis í sam-
starfi við norskt fyrirtæki,“ segir
Páll Ægir.
Á slóðum
herskipa
vegna
stríðsins
í Írak
Morgunblaðið/Golli
Olíuskipið Keilir á Miðbakkanum í Reykjavíkurhöfn í gær.
Páll Ægir Pétursson, skipstjóri á
olíuskipinu Keili, í brúnni.
GÍSLI Helgason, formaður Blindra-
félagsins, fagnar þeirri nýjung í
fréttaþjónustu mbl.is að bjóða nú upp
á fréttasíma.
„Mér finnst framtak Morgunblaðs-
ins, að setja í loftið fréttasíma mbl.is,
frábært. Þetta kemur til með að auð-
velda aðgengi blindra og sjónskertra
að fréttum. Ég tel að margir eigi eftir
að nýta sér þessa þjónustu,“ segir
Gísli um Fréttasíma mbl.is en hann
var opnaður í gær í síma 595 6611.
Í fréttasímanum les þulur, eða tal-
gervill, upp helstu fréttir af vef Morg-
unblaðsins og veitir ýmsar aðrar hag-
nýtar upplýsingar sem á vefnum er að
finna. Gísli sagði að talgervillinn í
fréttasíma mbl.is væri nokkuð gor-
mæltur, en það væri vel hægt að
skilja hann.
„Þetta er góð byrjun og lofar góðu.
Mbl.is er einhver
besti vefur sem
hannaður er með
tilliti til þarfa
blindra og sjón-
skertra. Ég vil
einnig benda á
vefi Blindrabóka-
safnsins og
Stjórnarráðsins,
sem eru líka til
fyrirmyndar fyrir blinda og sjón-
skerta,“ sagði Gísli. Hann segir að það
sé töluvert af fullorðnu fólki sem fæl-
ist tölvur og fréttasíminn væri því
gott framfaraskref í að auka aðgengi
þeirra að Morgunblaðinu.
„Fréttasíminn á eftir að nýtast
blindum, sjónskertum, lesblindum og
eins þeim sem hafa ekki tíma til að
lesa, en vilja skyggnast inn í það sem
er í gangi í fréttum hverju sinni. Allt
sem gert er betur fyrir fólk með fötl-
un kemur ófötluðum líka til góða,“
sagði Gísli.
„Morgunblaðið hefur allt frá árinu
1990 kappkostað að gera hlutina að-
gengilega fyrir blinda og sjónskerta.
Við höfum sem dæmi um það haft net-
aðgang að Morgunblaðinu í gegnum
Windows explorer með talgervli. Ég
vil óska Morgunblaðinu til hamingju
með þetta nýja framtak, “ sagði Gísli
ennfremur.
Fréttasíminn er samstarfsverkefni
Morgunblaðsins og Hex hugbúnaðar,
sem vinnur m.a. að þróun lausna á
sviði tungutækni og gervigreindar.
Fréttasíminn er þróunarverkefni og
þulurinn talar enn með allsérkenni-
legum hreim, en stöðugt er unnið að
því að bæta framburðinn hjá honum.
Auðveldar aðgengi blindra
og sjónskertra að fréttum
Gísli Helgason
UMHVERFISRÁÐHERRA, Siv
Friðleifsdóttir, hefur með nýjum
úrskurði sínum staðfest ákvörðun
Skipulagsstofnunar um að breyt-
ingar á áformum um byggingu ál-
vers í Reyðarfirði séu ekki líklegar
til að hafa í för með sér umtals-
verð umhverfisáhrif og skuli því
ekki háðar mati á umhverfisáhrif-
um.
Reyðarál ehf., nú Fjarðaál,
sendi Skipulagsstofnun tilkynn-
ingu í nóvember á síðasta ári um
breytingu á áformum um byggingu
álvers í Reyðarfirði í Fjarðar-
byggð, þ.e. álver með allt að 322
þúsund tonna ársframleiðslu. Í til-
kynningunni voru borin saman
umhverfisáhrif fyrirhugaðs álvers
Alcoa annars vegars og hins vegar
umhverfisáhrif allt að 420 þúsund
tonna álvers, ásamt 223 þúsund
tonna rafskautaverksmiðju,
byggðu í tveimur áföngum sem
Norsk Hydro og Hæfi fyrirhuguðu
að reisa í Reyðarfirði.
Úrskurður Sivjar er tilkominn
af kæru sem henni barst frá Hjör-
leifi Guttormssyni, fv. þingmanni
og ráðherra, vegna ákvörðunar
Skipulagsstofnunar frá 20. desem-
ber 2002 um breytt álver.
Meðal þess sem segir í úrskurði
ráðherra er eftirfarandi: „Fyrir-
huguð framkvæmd er 100 þúsund
tonnum minni en fyrri áætlanir
gerðu ráð fyrir. Heildarlosun verð-
ur því minni vegna minni álfram-
leiðslu auk þess sem fallið hefur
verið frá áformum um rafskauta-
verksmiðju. Ráðuneytið telur með
hliðsjón af framangreindu að
breytingar sem verða á styrk
mengunarefna leiði ekki til þess að
breyting á áformum byggingar ál-
versins kunni að hafa í för með sér
umtalsverð umhverfisáhrif í skiln-
ingi laga um mat á umhverfisáhrif-
um.“
Dregið úr vissum áhrifum
Undir lok úrskurðarins segir að
þegar metin séu umhverfisáhrif
fyrirhugaðrar framkvæmdar Alcoa
verði einkum að meta umhverfis-
áhrifin með tilliti til mengunar,
enda sé einkum verið að breyta
mengunarvarnabúnaði. Umfang
framkvæmdarinnar hafi ekki auk-
ist og dregið sé úr umhverfisáhrif-
um varðandi tiltekna þætti. Þá
hafi þynningarsvæði ekki verið
stækkað né muni styrkur loftbor-
inna mengunarefna fara yfir um-
hverfismörk samkvæmt gildandi
reglugerðum. Því séu breytt áform
um álverið í Reyðarfirði ekki líkleg
til að hafa í för með sér umtals-
verð umhverfisáhrif.
Álver Alcoa þarf
ekki í umhverfismat
Umhverfisráð-
herra staðfestir
ákvörðun Skipu-
lagsstofnunar
HÁLFÞRÍTUGAR systur sem stóðu
saman að innflutningi á um þremur
kílóum af hassi til landsins frá Frakk-
landi hafa verið dæmdar í níu og sex-
tán mánaða fangelsi af Héraðsdómi
Reykjavíkur.
Systurnar játuðu brot sín greiðlega
en upp um þær komst þegar önnur
þeirra var handtekin á Keflavíkur-
flugvelli í byrjun desember sl. Við leit
fundu tollverðir hassböggla sem hún
hafði fest við bæði lærin, undir streng
á sokkabuxum og í brjóstahaldara.
Alls hafði hún falið um eitt kíló af
hassi innanklæða en þetta var fjórða
ferð hennar frá Frakklandi með hass.
Í kjölfarið gerði lögreglan í Reykjavík
húsleit á heimili þeirra systra og fann
þar nokkuð af fíkniefnum, m.a. hálft
kíló af hassi, 21 e-töflu og rúmlega 100
grömm af dufti sem innihélt bæði
kókaín og amfetamín. Systir hennar
var þar stödd og var hún í annarlegu
ástandi, að því er segir í dómnum.
Systurnar lögðu báðar fram fé til
kaupa á hassinu en sú er heima dvaldi
annaðist sölu. Hlaut hún þyngri dóm-
inn. Einnig var hún dæmd fyrir að
hafa um nokkurt skeið selt ótilteknu
fólki allt að 180 grömm af amfetamíni
og fyrir að hafa keypt fartölvu af
tveimur ónafngreindum mönnum
þrátt fyrir að henni væri ljóst að tölv-
an væri þýfi. Fram kemur í dómnum
að hún hefur átt við fíkniefnavanda-
mál að stríða og andlega vanheilsu.
Valtýr Sigurðsson kvað upp dóm-
inn.
Systur
dæmdar
fyrir smygl
á hassi
HÉRAÐSDÓMUR Reykja-
víkur dæmdi í gær hálfsjötug-
an karlmann til að greiða 5,1
milljón í sekt til ríkissjóðs en
sæta ella þriggja mánaða
fangelsi. Sök mannsins var að
hann stóð ekki skil á rúmlega
2,5 milljónum af virðisauka-
skatti sem hann innheimti
vegna sjálfstæðrar atvinnu-
starfsemi sinnar á árunum
1997–2001.
Maðurinn hefur fjórar vik-
ur til að greiða sektina en
vararefsing er þriggja mán-
aða fangelsi. Hann var auk
þess dæmdur til að greiða
sakarkostnað og málsvarnar-
laun skipaðs verjanda, Björg-
vins Þorsteinssonar hrl.
Hjalti Pálmason sótti málið
f.h. ríkislögreglustjóra. Gunn-
ar Aðalsteinsson kvað upp
dóminn.
5,1 milljón
í sekt
vegna
skattsvika
ÞEIR tveir nemendur Menntaskól-
ans við Sund, MS, sem áttu mestan
þátt í ólátum eftir dimmiteringu ný-
lega, fá að ljúka stúdentsprófi í vor, að
því er fram kemur í tilkynningu frá
Má Vilhjálmssyni, rektor MS. Stúd-
entsefnin eru sögð hafa þverbrotið
reglur skólans og fá ekki að taka þátt í
hátíðardagskrá á útskriftardegi 28.
maí nk. Jafnframt verður þeim gert
skylt að mæta í ráðgjöf sem skólinn
hefur ákveðið að bjóða þeim upp á.
Í tilkynningu frá rektor MS segir
ennfremur að með framkomu sinni
hafi nemendurnir tveir vanvirt sjálfa
sig, samnemendur sína og skólann. Í
ljósi þess að þeir hafi sýnt iðrun og
beðið þá fyrirgefningar sem hlut áttu
að máli, auk þess sem þeir hafi átt
frumkvæði að því að leita sér aðstoð-
ar, hafi skólinn tekið þá ákvörðun að
heimila þeim að ljúka námi sínu við
skólann.
Stúdentsefni við MS
Þverbrutu
reglur en fá að
ljúka námi
♦ ♦ ♦