Morgunblaðið - 17.04.2003, Blaðsíða 28
SUÐURNES
28 FIMMTUDAGUR 17. APRÍL 2003 MORGUNBLAÐIÐ
„VIÐ lokafrágang svæðisins verður
gróðursett í beð og komið fyrir set-
bekkjum. Í því sambandi hefur sú
hugmynd komið fram að reisa
minningarbekki, líkt og tíðkast víða
erlendis. Fólki mun þá gefast kost-
ur á að láta setja upp bekki til
minningar um látna vini eða ætt-
ingja,“ sagði Böðvar Jónsson, for-
maður bæjarráðs Reykjanesbæjar,
í samtali við Morgunblaðið um
framkvæmdirnar við Fitjar í Njarð-
vík.
Miklar framkvæmdir hafa verið
við Fitjar á undanförnum mánuðum
og hafa þær framkvæmdir fegrað
ásjónu svæðisins umtalsvert. Þá
hefur lagning göngustíga um svæð-
ið aukið umferð gangandi fólks sem
ýmist gengur sér til heilsubótar eða
nýtur útiverunnar við að gefa tjarn-
arbúunum brauð.
Að sögn Böðvars Jónssonar hafði
undirbúningur að framkvæmdunum
staðið í nokkurn tíma þegar form-
leg ákvörðun var tekin á öðrum
fundi nýs bæjaráðs að afloknum
kosningum sl. vor. Meðal annars
hafði verið gert ráð fyrir fram-
kvæmdunum í fjárhagsáætlun árs-
ins 2002 og þær hófust 1. júlí það ár.
Böðvar sagði í samtali við Morg-
unblaðið að ástæður fram-
kvæmdanna væru fyrst og fremst
fegrun umhverfisins og innkomunn-
ar í bæinn, en Fitjarnar eru það
fyrsta sem almenningur sér sem
kemur Njarðvíkurmegin til Reykja-
nesbæjar. „Við höfum ekki síður
horft til þess að gera Fitjarnar og
fuglalífið aðgengilegt fyrir bæjar-
búa. Þarna er búið að gera bílaplan
og góða göngustíga með lýsingu svo
þægilegt og öruggt sé að fara um.
Jafnframt hafa verið hlaðnar manir
og útbúin beð sem plantað verður í
fyrir sumarið.“
Naust Íslendings
verður við Fitjar
Fitjasvæðið tengist beint því
landsvæði þar sem víkingaskipið Ís-
lendingur verður staðsett í framtíð-
inni og fyrirhugað víkingaþorp hef-
ur verið teiknað.
„Þetta er mikilvægur forgrunnur
að væntanlegu nausti Íslendings og
því svæði sem tengist því verkefni.
Hér er um að ræða stórverkefni í
menningartengdri ferðaþjónustu
þar sem hægt verður að skoða vík-
ingaskipið og sögu tengdri ferðum
víkinga. Jafnframt verða merkustu
sögustaðir landsins og helstu ferða-
mannastaðir til kynningar. Við slíkt
kynningarhlið inn í landið er mik-
ilvægt að hafa allt umhverfi og að-
komu eins fallega og aðlaðandi og
mögulegt er, sagði Böðvar.
Að sögn Böðvars hefur rigning-
artíðin undanfarið komið í veg fyrir
að hægt væri að ljúka við að tyrfa
manirnar sem liggja með Njarðvík-
urbrautinni, en talsvert svæði í
kringum tjarnirnar hefur verið
tyrft. „Þá á einnig eftir að vinna
töluvert við aðaltjörnina, hlaða kant
úr grjóti við bakkann næst veginum
og setja flotbryggju út í tjörnina
sem hægt verður að ganga út á og
auðveldar fólki að gefa fuglunum.
Áætlað er að þessum framkvæmd-
um verði að fullu lokið fyrir 1. júlí
nk.,“ sagði Böðvar að lokum.
Framkvæmdir við stíga og lýsingu við Fitjar langt komnar
Bætir aðgengi og
fegrar ásjónu bæjarins
Morgunblaðið/Svanhildur Eiríksdóttir
Böðvar Jónsson á Fitjum. Göngustígurinn í baksýn liggur niður í fjöru og
út frá honum liggur stígur að aðaltjörninni þar sem flotbryggja verður
reist innan tíðar. Svæðið er einnig mikilvægur forgrunnur að væntanlegu
nausti víkingaskipsins Íslendings og fyrirhuguðu víkingaþorpi.
Njarðvík
RAGNAR Örn Pétursson, æskulýðs-
og forvarnarfulltrúi hjá Reykja-
nesbæ, var endurkjörinn formaður
Starfsmannafélags Suðurnesja á að-
alfundi félagsins sem haldinn var
fyrir skömmu sem og öll stjórnin.
Í stjórn með Ragnari eru Sæ-
mundur Pétursson varaformaður,
Valdís Sigurbjörnsdóttir gjaldkeri,
Þorgerður Guðmundsdóttir ritari og
Ásdís Óskarsdóttir. Varamenn eru
Margrét Böðvarsdóttir og Jóhannes
Jóhannesson.
Starfsmannafélagið semur um
kjör fyrir starfsfólk sveitarfélaganna
á Suðurnesjum og tengdra félaga.
Ragnar Örn
endurkjörinn
formaður
Suðurnes
REYKJANESBÆR gerði í gær fjór-
tán rekstrarsamninga við íþrótta-
og tómstundafélög í bæjarfélaginu.
Samningarnir voru undirritaðir af
Gunnari Oddssyni, formanni menn-
ingar-, íþrótta- og tómstundaráðs
Reykjanesbæjar, og forystumönn-
um viðkomandi félaga.
Reykjanesbær gerir í ár hátt í
fjórutíu rekstrar- og þjónustusamn-
inga við íþrótta-, tómstundar- og
menningarfélög í bænum og greiðir
þeim tæplega 40 milljónir í styrki,
að sögn Stefáns Bjarkasonar, fram-
kvæmdastjóra MÍT.
Fyrr á árinu hafa verið undirrit-
aðir nokkrir rekstrarsamningar.
Að þessu sinni voru samningar sem
kveða á um liðlega 15 milljóna
króna styrki undirritaðir. Hæst ber
endurnýjun samnings við Íþrótta-
bandalag Reykjanesbæjar um
áframhaldandi greiðsluþátttöku
Reykjanesbæjar vegna launa þjálf-
ara fyrir börn tólf ára og yngri.
Varið er 7 milljónum kr. í það verk-
efni.
Meðal nýrra samninga sem und-
irritaðir voru í gær má nefna að
Reykjanesbær mun leggja fram 900
þúsund króna húsaleigustyrk til
Hnefaleikafélags Reykjaness vegna
æfingaraðstöðu félagsins. Þá taka
Pílukastfélag Reykjanesbæjar og
Flugmódelfélag Suðurnesja að sér
að kynna þessar greinar í grunn-
skólum bæjarins og fá ákveðna
fjárhæð til þess.
Við athöfnina í gær lýsti Gunnar
Oddsson því yfir að Reykjanesbær
hefði áhuga á að gera sambærilega
samninga við fleiri félög og hópa á
árinu og nefndi þar meðal annars
nokkur menningarfélög. „MÍT
hvetur klúbba og félög sem sett
hafa sér markmið um almenna þátt-
töku bæjarbúa, fagleg vinnubrögð
og öflugt forvarnarstarf, að senda
MÍT hugmyndir um samvinnu við
Reykjanesbæ, t.d. með samn-
ingum,“ segir í viljayfirlýsingu sem
Gunnar las upp í gær.
Ljósmynd/Jóhannes Kr. Kristjánsson
Rekstrarsamningar voru undirritaðir í gær af fulltrúum Reykjanesbæjar og íþrótta- og tómstundafélaga.
Reykjanesbær gerir rekstrarsamninga við fjölda félaga
Hvatt til faglegra vinnubragða
Reykjanesbær
STJÓRN Heilbrigðisstofnunar Suð-
urnesja hefur verið lögð niður, eins
og aðrar stjórnir heilbrigðisstofn-
ana, sjúkrahúsa og heilsugæslu-
stöðva á landinu, í samræmi við
breytingu á lögum sem samþykkt
var í vor. Fulltrúum í stjórninni hef-
ur verið tilkynnt þetta en stjórnin
hefur aðeins starfað í fáeinar vikur.
„Ég tel það slæmt að stjórnin skuli
vera lögð niður enda hefur það verið
styrkur fyrir þessa stofnun að hafa
fulltrúa frá sveitarfélögunum, fólk
sem hefur puttann á púlsinum á
svæðinu. Það er sérstaklega slæmt
að þessi tengsl skuli rofin nú þegar
svona illa stendur á hjá, bæði í fjár-
málum og samskiptum við heimilis-
lækna,“ segir Ragnar Örn Péturs-
son, einn þeirra fulltrúa sem
sveitarfélögin á Suðurnesjum til-
nefndu í stjórnina.
Starfsfólkið staðið sig vel
Spurður um læknadeiluna lýsir
Ragnar Örn þeirri skoðun sinni að
Suðurnesjamenn séu í gíslingu Fé-
lags heimilislækna. Læknar hafi ver-
ið reiðubúnir að ráða sig til starfa hjá
heilsugæslustöðinni á þeim kjörum
sem í boði væru en ekki lagt í það
vegna andstöðu Félags heimilis-
lækna. Deilan hafi fyrst staðið um
réttindamál heimilislækna en snerist
nú eingöngu um kjaramál. Kjara-
dómur ákvæði launakjörin og því
ekki unnt að bjóða þær auka-
greiðslur sem áður voru.
Hann segir að þótt heimilislæknar
hafi ekki fengist til starfa hafi þjón-
usta stofnunarinnar verið vel viðun-
andi. Ekki væri lengri bið eftir þjón-
ustu en áður. Það hefði eingöngu
tekist vegna þess hversu frábærlega
starfsfólk stofnunarinnar hefði stað-
ið sig, meðal annars hjúkrunarfræð-
ingar og læknar sjúkrahússins.
Stjórn HSS lögð niður
Í gíslingu
lækna
Keflavík
LISTASAFN Reykjanesbæjar opn-
ar í dag sýningu á verkum Sigur-
björns Jónssonar í Duushúsum.
Sýnd verða ný olíumálverk.
Sigurbjörn segir að sér hafi verið
boðið að sýna í þessum sal og þegið
það. Hann vill ekki hafa mörg orð
um málverkin enda var hann ennþá
með þau í vinnustofu sinni í Reykja-
vík og ekki farinn að hengja þau
upp þegar talað var við hann í gær.
Sagðist raunar vera að leggja loka-
hönd á málverkin og á bak við lista-
manninn heyrðist í þurrku þannig
að á sýningunni verða greinilega
glæný verk.
Sigurbjörn hefur haldið tíu
einkasýningar hér á landi og í New
York þar sem hann var við nám og
listsköpun í nokkur ár. Hann segir
að í verkunum komi fram áhrif sem
hann hafi orðið fyrir allt frá því á
unglingsárum, hérlendis og erlend-
is. „Það safnast í sarpinn og svo fer
maður að efast meir og meir. Það
er kannski þess vegna sem maður
er að þessu,“ segir Sigurbjörn.
Sýningin verður opnuð við at-
höfn í dag en verður opnuð almenn-
ingi á laugardag. Hún verður opin
alla daga, frá kl. 13 til 17 nema
föstudaginn langa og páskadag, til
24. maí.
Brooklyn II, eftir Sigurbjörn.
„Efast meir
og meir“
Keflavík
RSH.is
Dalvegi 16b • 201 Kópavogur
Sími 544 5570 • Fax 544 5573
www.rsh.is • rsh@rsh.is
Fyrir farartæki
VERSLUN • VERKSTÆÐI
Radíóþjónusta Sigga Harðar
Talstöðvar sem þola
nánast allt
Fjarskipti eru
okkar fag
w
w
w
.d
es
ig
n.
is
©
20
03