Morgunblaðið - 17.04.2003, Blaðsíða 8

FRÉTTIR
8 FIMMTUDAGUR 17. APRÍL 2003 MORGUNBLAÐIÐ
Það verður erfitt að toppa þetta.
Ráðstefna um rafræn viðskipti
Rafræna bylt-
ingin er hafin
RAFRÆN viðskiptiog gagnsöfnunfærast mjög í vöxt
í þjóðfélaginu sem og um
víða veröld. Slík vinnu-
brögð einfalda mjög við-
skipti og gagnasöfnun,
draga úr pappírsflóði og
þykja einfaldlega vera
framtíðin. Ráðstefna um
rafrænu byltinguna verð-
ur haldin á Hótel Nordica
23. apríl nk. og er sam-
vinnuverkefni fjármála-
ráðuneytisins og Sam-
taka atvinnulífsins.
Þórhallur Arason, skrif-
stofustjóri fjárreiðu- og
eignaskrifstofu fjármála-
ráðuneytisins, er í for-
svari fyrir ráðstefnuna og
svaraði hann nokkrum
spurningum Morgun-
blaðsins.
– Segðu okkur nánar frá yfir-
skrift ráðstefnunnar, tildrögum
og tilgangi hennar?
„Ráðstefnan ber yfirskriftina
„Rafræna byltingin er hafin, ríki
og atvinnulífið vinni saman.“ Til-
gangur ráðstefnunnar er að
leiða saman ríki og almennan
markað með það að markmiði að
efla framgang rafrænna við-
skipta sem skilað getur hagræði
í viðskiptum, öllum til hagsbóta.
Á undanförnum árum hefur
fjármálaráðuneytið í samstarfi
við fjölmarga aðila hrint af stað
verkefnum sem ætlað hefur ver-
ið að skila hagræðingu í ríkis-
rekstri en jafnframt að stuðla að
því að ríkið geti í krafti magn-
innkaupa skapað grundvöll fyrir
uppbyggingu á þjónustu sem
nýst getur fyrirtækjum á al-
mennum markaði.
Við undirbúning verkefnanna
hefur verið lögð áhersla á sam-
ráð við helstu hagsmunaaðila á
markaði varðandi stöðlun og
fleira og ríkið hefur reynt eftir
fremsta megni að sýna frum-
kvæði að því að leita eftir sem
hagkvæmastri lausn í stað þess
að byggja sjálft upp viðkomandi
þjónustu.
Ráðstefnan er gott dæmi um
þetta samráð þar sem hún er
haldin í samstarfi fjármálaráðu-
neytisins og Samtaka atvinnu-
lífsins.“
– Á hverju verður helst tekið á
ráðstefnunni um rafrænu bylt-
inguna og hvaða spurningum
verður helst leitast við að svara
á henni?
„Á ráðstefnunni verður farið
yfir helstu verkefni sem eru á
döfinni og falla undir þá stefnu-
mótun sem mótuð hefur verið af
stjórnvöldum á undanförnum ár-
um og snerta mjög samskipti við
einkamarkaðinn. Frummælend-
ur munu leitast við að fara yfir
snertifleti við fyrirtæki á al-
mennum markaði annars vegar
er varðar ný fjárhags- og mann-
auðskerfi ríkisins sem gegna
lykilhlutberki í að tæknivæða
ríkisstofnanir og gera ríkisstofn-
anir hæfari til að opna
leið fyrir rafræn við-
skipti ríkisstofnana.
Hins vegar verður
kynnt verkefni um
rafrænt markaðstorg
þar sem ríkið hefur haft frum-
kvæði að uppbyggingu þjónustu
þar sem öll fyrirtæki geta pant-
að vöru og þjónustu og mun
gegna því hlutverki að verða
samskiptavettvangur kaupenda
og seljenda. Einnig verður á
ráðstefnunni reynt að leiða fram
viðhorf markaðarins gagnvart
þessum verkefnum þar sem
fulltrúar atvinnulífsins munu
taka þátt í pallborðsumræðum í
lok ráðstefnunnar.“
– Hverjir verða frummælend-
ur á samkomunni og um hvað
munu þeir tala?
„Fjármálaráðherra, Geir H.
Haarde, mun setja ráðstefnuna
og kynna áherslur ríkisins í raf-
rænum viðskiptum. Frummæl-
endur verða síðan Gunnar H.
Hall fjársýslustjóri sem hefur
haft veg og vanda af innleiðingu
nýrra fjárhagskerfa ríkisins.
Hreinn Jakobsson, forstjóri
Skýrr hf., og Guðni Guðnason,
framkvæmdastjóri ANZA hf., en
þessi fyrirtæki voru bæði valin
til samstarfs við ríkið að und-
angengnu útboði til að þróa
verkefni á sviði rafrænna við-
skipta.“
– Hverjir teljast helst eiga er-
indi á ráðstefnu af þessu tagi og
er hún öllum opin?
„Við viljum hvetja alla þá sem
áhuga hafa og hagsmuna að
gæta í þessum málaflokki til að
koma á ráðstefnuna og hlýða á
það sem þar verður fram fært.“
– Er stefnt að einhverjum
ályktunum eða sérstökum nið-
urstöðum í ráðstefnulok …eða
viljið þið sjá ráðstefnuna marka
einhver þáttaskil?
„Við teljum mikilvægt að ráð-
stefnan marki upphaf að sam-
hentu átaki helstu hagsmuna-
aðila á markaði með það að
markmiði að efla framgang raf-
rænna viðskipta í
landinu, enda teljum
við að nú sé gott tæki-
færi til að gera átak í
þessum málum. Fram
hafa komið lausnir
sem eiga að tryggja að tækni-
lega séu tækifæri til byltingar
en eftir stendur að gera þarf
átak í hugsunarhætti og því
hvernig við nálgumst viðskipti
almennt. Við gerum okkur grein
fyrir að enn eru fyrir hendi úr-
lausnarefni sem nauðsynlegt er
að vinna að á næstu misserum
en teljum að það muni ganga vel
ef viljinn verður til staðar.“
Þórhallur Arason
 Þórhallur Arason er skrif-
stofustjóri fjárreiðu- og eigna-
skrifstofu fjármálaráðuneytisins.
Skrifstofan hefur m.a. með hönd-
um verkefni er snúa að sam-
skiptum ríkis og einkamarkaðar.
Sérstök áhersluverkefni skrif-
stofunnar á því sviði hafa verið á
sviði opinberra innkaupa m.a.
innleiðing verkefna um rafræn
viðskipti ríkisstofnana og tengsl
þeirra við fyrirtæki á almennum
markaði. Þórhallur er viðskipta-
fræðingur frá Háskóla Íslands,
56 ára gamall og er giftur Rann-
veigu Tómasdóttur og eiga þau
þrjú börn.
Átak þarf að
gera í hugs-
unarhætti
VALGERÐUR Sverrisdóttir iðnað-
ar- og viðskiptaráðherra hefur kynnt
í ríkisstjórninni möguleika á að reisa
verksmiðju á Húsavík sem framleið-
ir svokallað polyol og hefur ríkis-
stjórnin ákveðið að leggja 30 millj-
ónir króna í verkefnið. Þetta
tilkynnti ráðherra á sameiginlegum
fundi framboðanna í Norðaustur-
kjördæmi sem haldinn var á Húsavík
á mánudag. Á vef Framsóknar-
flokksins segir að ráðherra telji
Húsavík mjög álitlegan kost fyrir
þessa starfsemi, en 65-70 manns
myndu starfa við framleiðsluna ef
áformin yrðu að veruleika.
Polyol er unnið úr sykri og þar
sem allmikla gufu þarf í vinnsluna
hafa tveir staðir á Íslandi fyrst og
fremst komið til greina fyrir polyol-
verksmiðju, Reykjanes og Húsavík.
Polyolverksmiðja á Húsavík er
fjárfesting upp á um 10 milljarða kr.
og er gert ráð fyrir að hagkvæmniat-
hugun taki 18 mánuði. Reynist nið-
urstaða jákvæð og verksmiðjan verði
reist, þarf að leggja gufulögn frá
Þeistareykjum sem flutt getur um
milljón tonn af gufu árlega. Fljótlega
verður haldinn kynningarfundur
með heimamönnum um málið.
Polyol-
verksmiðja
í athugun
BROTIST var inn í frystigeymslu
Hafnarness í Þorlákshöfn í fyrrinótt
og þaðan stolið 70–80 kílóum af
frystum humri. Tilkynnt var um inn-
brotið í gærmorgun.
Að sögn lögreglunnar á Selfossi er
talið sennilegt að þjófarnir hafi verið
tveir eða fleiri. Þeir brutu rúðu á
húsinu og söguðu í sundur keðju með
hengilás á frystigeymslunni. Þeir
sem hugsanlega hafa upplýsingar
um málið eru beðnir um að hafa sam-
band við lögregluna hið fyrsta.
Í byrjun apríl var brotist inn í
frystihús Þorbjörns-Fiskaness hf. í
Grindavík og stolið 440 kílóum af
humri.
Humri stolið í
Þorlákshöfn
♦ ♦ ♦