Morgunblaðið - 17.04.2003, Blaðsíða 22
HÖFUÐBORGARSVÆÐIÐ
22 FIMMTUDAGUR 17. APRÍL 2003 MORGUNBLAÐIÐ
! !
" !
# $% &'#
# $% '
()
*& *+* #
&& && *+ & #
EKKI er útlit fyrir á næstunni að
ráðist verði í byggingu vinnustofu-
íbúða við Mýrargötu 26, þar sem
Hraðfrystistöðin var áður til húsa,
líkt og ráðgert hafði verið. Morg-
unblaðið greindi frá því í janúar sl.
að stefnt væri að því að afhenda
þær væntanlegum kaupendum í
haust, samtals 40 íbúðir.
Magnús Ingi Erlingsson hdl. og
framkvæmdastjóri eignarhalds-
félagsins Nýja-Jórvík, segir að í
raun sé beðið eftir niðurstöðu borg-
aryfirvalda varðandi skipulagsmál á
svæðinu. Leyfi hafi fengist fyrir því
hjá hafnarstjórn í fyrra að byggja
vinnustofur listamanna en ekki
vinnustofuíbúðir eins og ráðgert sé.
Stefnt er að því að gera nýtt
deiliskipulag fyrir svæðið, svokall-
aðan Mýrargötureit, þar sem rúm-
ast á íbúðarbyggð í bland við hafn-
sækna starfsemi. Stýrihópur sem
heyrir undir hafnarstjórn og skipu-
lags- og byggingarnefnd vinnur að
því að undirbúa gerð rammaskipu-
lags fyrir svæðið en hópurinn hefur
fengið til umsagnar nokkur erindi
frá Nýju Jórvík vegna málsins, þar
á meðal tillögu um að húsið verði
fært út af hafnarsvæðinu og að sér-
stakt deiliskipulag verði unnið fyrir
húsið. Að sögn Magnúsar hefur
stýrihópurinn tekið fálega í erindin
og í raun engin skýr svör fengist, að
hans sögn.
Hann segir að það hafi komið sér
og fleirum geysilega á óvart þegar
þeir höfðu kynnt fyrirætlanir sínar
fyrir borgaryfirvöldum að ekki
skyldi vera gert ráð fyrir breyttri
landnotkun á svæðinu í aðalskipu-
lagi sem staðfest var í janúar sl. Í
greinargerð með skipulaginu sé
gert ráð fyrir 200 íbúðum á svæð-
inu. Magnús bendir á að búið sé að
taka ákvörðun um tilfærslu hafn-
arsavæðisins og loka eigi slippunum
í október á þessu ári. Því sé í raun
ekkert til fyrirstöðu að undirbúa
framkvæmdir á svæðinu með íbúðir
við Mýrargötu í huga sem muni
styrkja miðborgina.
„Algerlega fráleitt
að mínum dómi“
Að sögn Árna Þór Sigurðssonar,
formanns hafnarstjórnar sem sæti á
í stýrihópnum, hefur allan tímann
legið ljóst fyrir að húsið stæðið á
hafnarsvæði og gert væri ráð fyrir
hafnsækinni stafsemi í húsinu skv.
skipulagi og lóðarleigusamningi.
Hann segir engar heimildir fyrir því
að samþykkja íbúðir á hafnarsvæði
og borgaryfirvöld hafi litið svo á að
ekki sé hægt að breyta skipulaginu
á svæðinu fyrir þetta eina hús.
Stefnt er að því að auglýsa eftir
skipulagsráðgjöfum fyrir næstu
mánaðamót vegna rammaskipulags
fyrir svæðið en reiknað er með að
skipulagsvinnan taki um eitt ár.
Árni Þór segir mikivægt að
skipuleggja svæðið í heild enda
ýmsir óvissuþættir í skipulaginu,
m.a. sé eftir að rífa þó nokkuð af
húsum, ákveða endanlega legu
Mýrargötunnar og gera ráð fyrir
landfyllingum.
„Það væri algerlega fráleitt að
mínum dómi að taka þarna eitt hús
á þessum reit, gefa því einhvern
sérstakan status í skipulagi fyrir-
fram og láta það síðan binda alla
skipulagsvinnuna fyrir þennan mik-
ilvæga reit í miðborg Reykjavíkur,
það er engin glóra í því að mínu viti,
og þessa afstöðu hafa þeir [Nýja-
Jórvík] þekkt á annað ár.“
Ekki útlit fyrir að vinnustofuíbúðir við Mýrargötu verði tilbúnar í bráð
Morgunblaðið/Sverrir
Engar framkvæmdir hafa verið við húsbygginguna við Mýrargötu 26 frá því á síðasta ári. Búið er að ljúka við
hönnun hússins þar sem gert er ráð fyrir fjörutíu vinnustofuíbúðum að erlendri fyrirmynd.
Eigendur
vilja færa
húsið út af
skipulaginu
Vesturbær
AÐSÓKN á gæsluleikvelli hefur
dregist verulega saman á und-
anförnum árum, árið 1990 voru
starfræktir 27 gæsluvellir í borginni
en þeir eru 12 í dag. Frá 1990 til árs-
ins 2002 fækkaði heimsóknum þang-
að um nær 100 þúsund, úr tæplega
163 þúsund í tæpar 63.500 heim-
sóknir. Þetta kemur fram í nýlegu
svari forstöðumanns fagsviðs Leik-
skóla Reykjavíkur við fyrirspurn
Vilhjálms Þ. Vilhjálmssonar borg-
arfulltrúa á fundi borgarráðs í síð-
asta mánuði, um stöðu og þróun
málefna gæsluvalla.
Kostnaður borgarinnar vegna
reksturs gæsluleikvalla á síðasta ári
var rúmar 76 milljónir króna, að því
er fram kemur í svarbréfinu, eða lið-
lega 1.200 krónur á hverja heim-
sókn. Í bréfinu er á það bent að yfir
90% barna á aldrinum 2–5 ára séu í
leikskóla á daginn og um 83% í heils-
dagsdvöl. Leikskólaráð hafi í nóv-
ember á síðasta ári samþykkt að
stofna starfshóp sem vinna á áætlun
um að draga enn frekar úr starfsemi
gæsluleikvalla og að starfsemin í nú-
verandi mynd verði lögð niður á
næstu þremur árum.
Gert er ráð fyrir að starfsmönn-
unum verði boðin önnur störf hjá
borginni en í svarbréfinu segir að
endanleg útfærsla liggi ekki fyrir.
Vilhjálmur Þ. Vilhjálmsson er
undrandi á að stefnt sé að því að
loka fleiri gæsluvöllum á næstunni,
t.a.m. í Breiðholti, þegar ekki liggi
fyrir endanleg útfærsla. Hann segir
að lítið sem ekkert samráð sé haft
við foreldra þegar komi að lokunum
og vísar þar í bréf sem honum barst
nýlega frá íbúa í Breiðholti. Í bréf-
inu segir að loka eigi gæsluvelli í
Bakkahverfi í sumar sem nýlega
hafi verið gerður upp og sé mjög
vinsæll meðal íbúa. Þess í stað eigi
að smala öllum börnunum á gæslu-
völl í Vesturbergi en þar sé að finna
bæði gamalt hús og spennustöð inni
á vellinum.
Vilhjálmur hefur óskað eftir að
tillögur um framtíð gæsluleikvalla
verði lagðar fyrir borgarráð til um-
fjöllunar.
„Ég tel þetta mikilvæga starfsemi
sem eigi ekki alfarið að leggja niður,
það má hins vega skipuleggja hana
betur og hagræða miðað við miklu
færri heimsóknir,“ segir Vilhjálmur.
Morgunblaðið/Ásdís
Heimsóknum á gæsluvelli borgarinnar fækkaði um liðlega 100 þúsund frá
1990–2002. Árið 1990 voru gæsluvellirnir 27 en þeir eru 12 í dag. Kostn-
aður borgarinnar vegna reksturs þeirra er rúmar 76 m. kr. ári. Myndin er
tekin á gæsluvelli við Freyjugötu.
Segir gæsluvöllum
lokað án samráðs
Reykjavík
GRAFARVOGSKIRKJA stóð fyrir
nýstárlegu námskeiðahaldi fyrir
börn í kyrruviku sem lauk í gær
með sjálfri „upprisunni“. Nám-
skeiðið nefnist Kátir krakkar í
kyrruviku og var ætlað börnum í
fyrsta bekk í öllum skólum í Graf-
arvogi. Um 100 börn sóttu nám-
skeiðið. Að sögn séra Bjarna Þórs
Bjarnasonar tókst það í alla staði
mjög vel.
„Við erum fyrst og fremst að
kynna fyrir börnunum þennan und-
irbúningstíma sem er fyrir páskana
og fara í gegnum ákveðin þemu,
síðustu kvöldmáltíðina, krossfest-
inguna og upprisuna,“ segir Bjarni.
Í upphafi hvers dags var fána-
hylling og sameiginleg stund. Þá
var skipt niður í hópa þar sem
börnin leystu ýmis verkefni og
föndruðu, auk þess sem boðið var
upp á leiki og íþróttir á lóð kirkj-
unnar. Í lok hvers dags var sam-
verustund.
Í gær var haldin sérstök
uppskeruhátíð þar sem foreldrar
fengu að koma með börnum sínum
og líta á afrakstur af verkefnavinnu
barnanna. Þá voru afhentar við-
urkenningar fyrir þátttöku en há-
tíðinni lauk með Pálínuboði þar sem
allir lögðu einhverjar kræsingar til
á risastórt hlaðborð.
Myndin var tekin í vikunni þegar
nemendur voru önnum kafnir við að
mála myndir í tengslum við kross-
festingu Jesú.
Páskaund-
irbúningur
í kyrruviku
Morgunblaðið/Kristinn
Nemendur mála myndir í tengslum við upprisu Jesú.
Grafarvogur
LÓA Guðjónsdóttir hefur rekið
Listasmiðju Lóu frá árinu 1999 og
hefur kennt fimm ungum þroska-
heftum einstaklingum myndlist, en
nú er komið að tímamótum því Lóa
ætlar að leggja starfsemina niður.
Í sal Þjónustumiðstöðvarinnar að
Vesturgötu 7 stendur nú yfir mynd-
listasýning Ingunnar Birtu Hinriks-
dóttur en undanfarin ár hefur hún
lagt stund á frjálsa málun í Lista-
smiðju Lóu. Ingunn Birta er fædd
16. ágúst 1980 og lauk prófi frá
Öskjuhlíðarskóla 1998. Hún hefur
einnig stundað nám við Iðnskólann í
fatasaumi.
„Undanfarin fimm ár hefur Ing-
unn Birta verið í frjálsri málun hjá
mér ásamt þremur öðrum einstak-
lingum,“ segir Lóa „Þau eru öll um
um tvítugt og hafa nýlokið eða eru
að ljúka námi. Ég hef verið með
þessa krakka heima í stofunni hjá
mér þar til vetur en þá var mér
boðin aðstaða í þjónustumiðstöðinni
Vesturgötu 7, rúma tvo tíma á
mánudögum. Þar hafa þau einnig
fengið að halda sýningar en ég hef
verið með markmiðssýningar og
einkasýningar á verkum þeirra. Ég
hef ítrekað sótt um styrk frá borg-
inni en alltaf fengið synjun og sé
mér ekki fært að reka starfsemina
lengur. En ég vona að ungt og dug-
legt fólk taki sig nú til og
komi upp vinnuaðstöðu fyrir
þennan hóp sem er spennandi og
gefandi verkefni.“
Sýning Ingunnar Birtu er opin
virka daga kl. 9-16.30 og stendur til
28. apríl.
Síðasti
nemandi
Lóu sýnir
verk sín
Morgunblaðið/Kristinn
Ingunn Birta Hinriksdóttir sýnir verk sín á Vesturgötu 7.
Grófin