Morgunblaðið - 17.04.2003, Blaðsíða 30

LANDIÐ
30 FIMMTUDAGUR 17. APRÍL 2003 MORGUNBLAÐIÐ
UNDANFARNAR vikur hefur
danska verið bæði töluð og sungin
jafnt meðal nemenda og kennara í
Grunnskólanum í Borgarnesi.
Ástæðan er heimsókn Hanne
Frøslev sem er danskur gestakenn-
ari á vegum danska menntamála-
ráðuneytisins en samningur er á
milli þess og hins íslenska um stuðn-
ing við dönskukennslu hérlendis.
Þetta skólaár hefur einn lektor við
Kennaraháskólann og tveir gesta-
kennarar verið kostaðir til að sinna
dönskukennslu hérlendis. Hanne
kom til Íslands í ágúst á síðasta ári
og hóf skólaárið í Reykjavík, þar sem
hún kenndi í Álftamýrar-, Hlíða-,
Mela-, Laugalækjar- og Árbæjar-
skóla til jóla. Í janúar og febrúar
kenndi Hanne við grunnskólana á
Akranesi og kom hingað í Borgarnes
í marsbyrjun. Hún hefur starfað með
30 dönskukennurum 7.–10. bekkjar
og alls kennt 1.600 íslenskum nem-
endum í 79 bekkjum á Íslandi þenn-
an tíma.
Samstarfskennarar jákvæðir
Hanne segist vera ánægð með
dvölina á Íslandi og tekur fram að
hún hafi verið sérstaklega heppin
með samstarfskennara sem alls stað-
ar hafi verið jákvæðir. Vel hefur ver-
ið tekið á móti henni í hverjum skóla
en erfiðast sé að þurfa að kveðja þeg-
ar tímabilinu lýkur. ,,Mér leiðast
kveðjustundir og þess vegna gæti ég
ekki hugsað mér að starfa aftur sem
gestakennari seinna,“ segir Hanne,
,,þótt ég gæti vel hugsað mér að
koma aftur til Íslands.“ Vel hefur
gengið að fá nemendur til að tala
dönsku en áberandi finnst henni þó
að nemendur úti á landi eru feimnari
en í Reykjavík. Hanne finnst miður
hversu neikvæðir íslenskir krakkar
eru gagnvart dönskunámi. ,,Ég vildi
óska að ég gæti fengið nemendur til
að láta af andstöðu sinni við dönsku
því hún er inngangurinn að öðrum
Norðurlandamálum, fyrir utan að ég
las einhvers staðar að um 10.000 Ís-
lendingar séu í Danmörku í
tengslum við nám að fjölskyldum
þeirra meðtöldum. Þar fyrir utan er
svo Ísland eina sjálfstæða landið í
heiminum þar sem danska er kennd
sem lögboðin kennslugrein.“
Danskur
gestakenn-
ari í grunn-
skólanum
Borgarnes
SKÓGRÆKTARFÉLAG Skaga-
fjarðar varð 70 ára 8. apríl sl. Í til-
efni afmælisins bauð stjórn félags-
ins til afmælisfagnaðar í Varmahlíð
síðastliðinn sunnudag.
Samkoman hófst á afhjúpun
minnisvarða í samkomurjóðrinu í
gamla skógarreitnum við Varma-
hlíð. Voru það minnisvarðar um tvo
frumkvöðla í skógrækt í Skagafirði,
þær Ingibjörgu Jóhannsdóttur frá
Löngumýri og Guðrúnu Þ. Sveins-
dóttur frá Bjarnastaðahlíð.
Að þeirri athöfn lokinni var
drukkið afmæliskaffi í Hótel
Varmahlíð. Undir borðhaldi fór
fram dagskrá sem byrjaði á því að
Ragnheiður Guðmundsdóttir for-
maður Skógræktarfélags Skaga-
fjarðar flutti ágrip af 70 ára sögu
félagsins. Þá voru heiðraðir 5 fé-
lagar í Skógræktarfélaginu og
þeim þökkuð góð störf í þágu skóg-
ræktar í Skagafirði. Það voru þau
séra Gunnar Gíslason í Glaumbæ,
Marta Svavarsdóttir í Víðidal, Ósk-
ar Magnússon og Herfríður Valdi-
marsdóttir á Brekku og Haukur
Hafstað í Hávík. Jóhann Már Jó-
hannsson í Keflavík skemmti veislu-
gestum með söng við undirleik Sól-
veigar Einarsdóttur. Gestir komu
víða að af landinu til að fagna með
afmælisbarninu og fékk Skógrækt-
arfélagið margar góðar kveðjur og
heillaóskaskeyti í tilefni afmælisins,
auk þess sem veislugestir fluttu
ávörp og færðu félaginu gjafir.
Morgunblaðið/Björn Björnsson
Margir fögnuðu afmæli Skógræktarfélagsins. Frá vinstri Gunnar Gíslason,
Marta Svavarsdóttir, Herfríður Valdimarsdóttir og Haukur Hafstað.
Skógræktarfélag
Skagafjarðar 70 ára
Sauðárkrókur
ÞAU atvinnuþróunarfélög landsins
sem hafa samning við Byggðastofn-
un funduðu á Hallormsstað fyrir
skömmu. Einnig sóttu fundinn svæð-
isbundin félög sem njóta ekki opin-
bers fjármagns og ýmsir samstarfs-
aðilar atvinnuþróunarfélaganna. Má
þar telja Byggðastofnun, nýsköpun-
armiðstöð Impru og viðskiptaþjón-
ustu utanríkisráðuneytisins.
Markmið fundarins var að efla
samskipti og upplýsingaflæði milli
atvinnuþróunarfélaganna. Þau eru
mörg hver lítil, en vinna mikilvægt
starf með frumkvöðlum og starfandi
fyrirtækjum að nýsköpun og verk-
efnum tengdum rekstri.
Þróunarstofa Austurlands kynnti
á fundinum margfeldisáhrif virkj-
ana- og stóriðjuuppbyggingar sem
nú er undirbúin í fjórðungnum.
Elísabet Benediktsdóttir er fram-
kvæmdastjóri Þróunarstofu Austur-
lands.
Atvinnuþróunarfélögin
bera saman bækur sínar
Egilsstaðir
BÆNDASAMTÖK Íslands hafa nú
haldið seinna námskeið sitt í gæða-
stýringu í sauðfjárrækt, það fyrra
var haldið fyrir tveimur árum. Þetta
er einn liður í að koma nýja búvöru-
samningnum í fullt gildi en þar er
ákvæði um að bændur fái ekki fullar
beingreiðslur eins og verið hefur
heldur verði þeir að fara inn í svokall-
aða gæðastýringu til að eiga mögu-
leika á að fá álagsgreiðslur á kjötið.
Sauðfjárbændur eru misánægðir
með þetta nýja kerfi því að fyrir þá
sem ekki hafa verið með fjárbókina
skráða hjá búnaðarfélaginu er tölu-
vert verk að skrá allt sauðféð inn í
hana. Einnig þarf að skrá lyfjanotk-
un og áburðargjöf, heyfeng o.fl.
Margir bændur hafa þó árum sam-
an skráð þetta allt hjá sér og falla því
nánast fyrirhafnarlaust inn í kerfið,
en eini óvissuþátturinn er landnýt-
ingarþáttur verkefnisins sem Land-
græðslan tekur að sér að meta.
Á Höfðabrekku í Mýrdal var hald-
ið gæðastýringarnámskeið og sóttu
það bændur úr Mýrdal og Álftaveri.
Leiðbeinendur þar voru Árni Braga-
son frá Landbúnaðarháskólanum á
Hvanneyri og Berglind Guðgeirs-
dóttir frá Búnaðarsambandi Suður-
lands og kenndu þau bændum útfyll-
ingu á svokallaðri gæðastýringar-
handbók og einnig að fylla út
umsóknareyðublöð. Í lok námskeiðs-
ins fengu svo allir þeir sem höfðu
mætt á bæði námskeiðin viðurkenn-
ingu og geta þeir sótt um aðild að
gæðastýringarverkefninu.
Gæðastýringarnámskeið í
sauðfjárrækt í fullum gangi
Fagridalur
Morgunblaðið/Jónas Erlendsson
Sauðfjárbændur fá sér kaffi á námskeiðinu. F.v. Kjartan Magnússon, bóndi
Fagurhlíð, Ólafur Steinar Björnsson, bóndi Reyni, Ásmundur Sæmunds-
son, bóndi Hryggjum, og Einar Guðni Þorsteinsson, bóndi Sólheimum.
LEIKFÉLAG Hólmavíkur sýnir
gamanleikinn Sex í sveit eftir Marc
Camoletti í íslenskri þýðingu og
staðfærslu Gísla Rúnars Jónssonar,
í dag, skírdag. Leikstjóri er Skúli
Gautason. Sex leikarar taka þátt í
uppfærslunni, þrír karlmenn sem
allir hafa komið við sögu leikfélags-
ins nokkrum sinnum áður og þrjár
konur sem eru að stíga í fyrsta sinn
á fjalirnar, a.m.k. hér á Hólmavík.
Ásamt leikurum hefur annar eins
fjöldi aðstoðarfólks komið að upp-
færslunni. Æfingar hafa staðið yfir
í sex vikur en samlestur og annar
undirbúningur frá áramótum.
Verkið gerist eitt laugardagskvöld
í sumarbústað við Eyjafjörð þar
sem húsráðendur eru hin vel stæðu
og huggulegu hjón Þórunn og
Benedikt. Þau eru ekki við eina
fjölina felld og brátt drífur að við-
höld þeirra beggja ásamt mat-
sveinum frá veisluþjónustu Sax-
bautans á Akureyri. Eins og venja
er í góðum farsa gerast hlutirnir
mjög hratt og leysast upp í eina
allsherjar ringulreið áður en kvöld-
ið er úti. Þetta leikrit naut mikilla
vinsælda er það var sett upp í Borg-
arleikhúsinu fyrir fáeinum árum.
Það hefur einnig verið sýnt hjá
Leikfélagi Dalvíkur.
Sýningar verða í Bragganum á
Hólmavík en rúm tíu ár eru liðin
síðan síðast var leikið þar. Frum-
sýningin hefst klukkan 20 en einnig
verður sýnt laugardaginn 19. apríl,
mánudaginn 21. apríl og fimmtu-
daginn 24. apríl. Sýningarnar hefj-
ast allar kl. 20.
Eftir sýningarnar á Hólmavík
eru áformaðar 10 aðrar sýningar
víða um land.
Morgunblaðið/Kristín Sigurrós
Gamanleikurinn Sex í sveit hefur hvarvetna fengið góðar viðtökur.
Leikfélag Hólmavíkur
sýnir Sex í sveit
Hólmavík