Morgunblaðið - 24.04.2003, Qupperneq 2

FRÉTTIR
2 FIMMTUDAGUR 24. APRÍL 2003 MORGUNBLAÐIÐ
ÍRAKAR HANDTEKNIR
Fjórir menn, sem voru hátt settir í
fallinni stjórn Saddams Husseins
Íraksforseta, gengu í greipar banda-
rískra hermanna í Írak í gær, þar á
meðal fyrrverandi yfirmenn loft-
varna og leyniþjónustu Írakshers.
Bankamenn færa sig
Fjórtán starfsmenn Búnaðar-
bankans hafa sagt upp störfum sín-
um hjá bankanum síðan á mánu-
dagskvöld og verða þeir flestir ef
ekki allir ráðnir til starfa hjá Lands-
bankanum. Fjórir hafa þegar hafið
störf hjá bankanum en Sólon R. Sig-
urðsson, bankastjóri í Búnaðarbank-
anum, segir að hinir 10 geti ekki haf-
ið störf hjá samkeppnisaðila fyrr en í
júní, samkvæmt ráðningarsamningi.
Aukin textun í Sjónvarpi
Stjórnvöld hafa ákveðið að 4,5
milljónir króna verði lagðar í að
auka við textaða dagskrá Sjónvarps-
ins á þessu ári og eykst framboð
textaðs efnis í Sjónvarpinu þar með
úr eitt þúsund mínútum á síðasta ári
í fjórtán þúsund mínútur í ár. Tómas
Ingi Olrich menntamálaráðherra
segir að með framlaginu verði hægt
að texta alla þætti sem ekki eru
sendir beint út.
Arafat lætur undan
Leiðtogi Palestínumanna, Yasser
Arafat, og forsætisráðherraefni
nýrrar heimastjórnar þeirra,
Mahmoud Abbas, bundu í gær enda
á deilur um skipan stjórnarinnar og
skiptingu ráðherraefna. Brautin er
þar með rudd fyrir gildistöku nýrrar
alþjóðlegrar áætlunar um lausn á
átakalotu sem staðið hefur fyrir
botni Miðjarðarhafs síðustu þrjá
áratugina.
PRENTSMIÐJA MORGUNBLAÐSINS FIMMTUDAGUR 24. APRÍL 2003 Á netinu mbl.is/vidskipti BLAÐ B

Glitnir er sérfræ›ingur í fjármögnun atvinnutækja. Rétt val á fjármögnun
getur skipt miklu um heildarkostna› vi› fjárfestingu. Glitnir b‡›ur fjórar
ólíkar lei›ir vi› fjármögnun atvinnutækja. Umsóknir eru afgreiddar á
skjótanháttflegarnau›synleggögn liggja fyrir.
Haf›u sambandvi› rá›gjafaGlitnis e›akíktuáwww.glitnir.isogfá›ua›sto›
vi›a›veljafláfjármögnunarlei›semhentarbest.
Glitnir traustur samstarfsa›ili í fjármögnun atvinnutækja.
F T
T
E
R F E T
O
T P
E
O
P
E Sér›u atvinnutæki›
sem flig langar í?
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í F
VIÐSKIPTI KRÓNAN ÞORSKELDI
Líklegt er að Ísland
verði meðal tilrauna-
samfélaga um rafræn
viðskipti.
Íslenska krónan kemur
til með að haldast sterk
næstu sex árin sem er
slæmt fyrir útflutning.
Með arðbæru eldi á
villtum þorski næst
mun betri nýting afla-
hlutdeildanna.
ÍSLAND/3 STYRKUR/6 200 TONNA/11
GEIR H. Haarde
fjármálaráðherra sagði
á fundinum að sam-
ræmdar reglur um
reikningsskil sem ESB
hefur samþykkt og
teknar verða upp hér á
landi mundu hafa mikil
áhrif. „ESB hefur nú
ákveðið að innleiða al-
þjóðlega reiknings-
skilastaðla frá og með
árinu 2005 og Ísland
mun væntanlega inn-
leiða þá frá sama tíma vegna skuldbind-
inga sinna samkvæmt EES samningum.
Þessar samræmdu reglur munu hafa mik-
il áhrif hér á landi og þá einkum fyrir
skráð félög í Kauphöll Íslands,“ sagði
Geir.
Hann sagðist fagna umræðu um árs-
reikninga og það hvað betur mætti fara á
því sviði. Hann sagði að á síðustu vikum
hefði komið fram gagnrýni á íslensku árs-
reikningalögin, en gagnrýnt hefði verið
meðal annars að lögin væru ekki í nægi-
legu samræmi við alþjóðlega reiknings-
skilastaðla og að íslensku lögin héldu ekki
í við þá þróun sem ætti sér stað erlendis.
„Það er nauðsynlegt að stjórnvöld skapi
traust umhverfi fyrir fyrirtæki til að
starfa í. Hluti af því er að til séu skýrar
og sanngjarnar reglur um rétt reiknings-
skil fyrirtækja. Vegna þeirrar þróunar
sem verið hefur erlendis er aukin krafa
gerð til gagnsæis og samanburðarhæfni
ársreikna fyrirtækja,“ sagði Geir H.
Haarde á morgunverðarfundi Láns-
trausts.
V I Ð S K I P T I
Samræmdar
reglur munu
hafa mikil áhrif
Geir H. Haarde
fjármálaráðherra.
REYNIR Grétarsson, fram-
kvæmdastjóri Lánstrausts hf.,
sagði á morgunverðarfundi Láns-
trausts á Grand hóteli í gær þar
sem fjallað var um ársreikninga,
birtingu þeirra og uppgjörsað-
ferðir, að af þeim 16–17.000 fyr-
irtækjum sem skila eiga árs-
reikningum til ríkisskattstjóra
hafi aðeins 1.800 fyrirtæki skilað
á réttum tíma á síðasta ári, eða
um 10%.
Alls eiga 90–92% fyrirtækja
hér á landi að skila ársreikning-
um til ríkisskattstjóra að hans
sögn og skal þeim skilað í síðasta
lagi 8 mánuðum eftir lok reikn-
ingsárs.
Reynir sagði að reglur varð-
andi ársreikninga væru brotnar í
einhverjum tilvikum og sagði t.d.
að upplýsa skyldi í ársreikningi
um þá sem ættu yfir 10% hlut í
félagi en eftir því væri farið í inn-
an við 50% tilvika.
Ábyrgð endurskoðenda
Um það hver beri ábyrgð á því að
skila inn ársreikningi sagði
Reynir að skilaskylda hvíldi á
stjórn og framkvæmdastjóra.
„Ég tel hins vegar eðlilegt að
endurskoðunarskrifstofur taki
þetta að sér eins og annað er lýt-
ur að gerð og frágangi ársreikn-
ings. Er ástæðan sú að ég held að
stjórnum fyrirtækja og fram-
kvæmdastjórum sé oft ekki
kunnugt um skyldu sína til að
skila ársreikningi. Endurskoðun-
arskrifstour eru eftir sem áður að
skila alltof seint. Eru vinnubrögð
endurskoðenda hér gagnrýnd og
talin ein ástæða þess að ákvæði
laga um ársreikninga varðandi
skilaskyldu eru brotin með þeim
hætti sem hér hafa verið nefnd
dæmi um.“
Reynir taldi upp nokkur úr-
ræði til úrbóta og sagði m.a. að
Ríkisskattstjóri þyrfti að auka
eftirlit og reyna að beita þeim
viðurlögum sem fyrir hendi
væru. Í fjórða lagi sagði hann að
setja þyrfti skýrari heimildir í lög
um viðurlög við því að skila ekki
ársreikning með réttum hætti.
„Að mínu mati rétt að taka upp
dagsektir t.d. 20 þúsund krónur á
dag og setja í lög heimild til að
slíta félögum sem ekki hafa skil-
að með fullnægjandi hætti innan
árs frá því að frestur rann út,“
sagði Grétar í erindi sínu.
Stefán Svavarsson, endurskoð-
andi og dósent við Háskóla Ís-
lands, sagði að misræmi væri of
mikið í afkomu- og efnahagsmæl-
ingum fyrirtækja á markaði.
Hann sagði að til að minnka mis-
ræmið væri besta lausnin í stöð-
unni að fyrirtæki á markaði
beittu reglum alþjóðareiknings-
skilaráðsins strax frá og með
árinu 2003 og Kauphöll Íslands
fyrirskipaði að þeim reglum
skyldi beitt. Jafnframt sagði
hann að óskráð fyrirtæki ættu að
beita sömu reglum og fyrirtæki á
markaði og benti á að í Banda-
ríkjunum væri enginn greinar-
munur gerður á stórum og litlum
fyrirtækjum að þessu leyti.
Vantar meiri sundurliðun
Almar Guðmundsson, forstöðu-
maður greiningardeildar Íslands-
banka, sagði að enn vantaði mikið
upp á að fyrirtæki sundurliðuðu
rekstrarupplýsingar í ársreikn-
ingi nægilega vel og sagði að mik-
ilvægt væri fyrir fjárfesta að geta
áttað sig á tekjum, framlegð,
sjóðstreymi og fjárbindingu í
rekstri einstakra rekstrarein-
inga. Sagði hann að erlend fyr-
irtæki stæðu mun framar í þess-
um efnum.
Karl Þorsteins, forstöðumaður
fyrirtækjaviðskipta hjá Búnaðar-
banka Íslands, sagði að ársreikn-
ingar veittu lykilupplýsingar
þegar metin væri útlánaáhætta
en mat á henni er mikilvægasta
atriðið þegar tekin er ákvörðun
um útlán að hans sögn.
Um 10% fyrirtækja
skila á réttum tíma
Framkvæmdastjóri Lánstrausts telur að auka þurfi eftirlit og beita viðurlögum
Morgunblaðið/Halldór Kolbeins
Karl Þorsteins, framkvæmdastjóri fyrirtækjaviðskipta í Búnaðarbankanum, í
pontu. Við háborðið sitja Árni Tómasson, fundarstjóri og bankastjóri í Bún-
aðarbankanum, Reynir Grétarsson, framkvæmdastjóri Lánstrausts, og Almar
Guðmundsson, forstöðumaður greiningardeildar Íslandsbanka.

Miðopna: Styrkur krónunnar veikir atvinnuvegina
SAMTALS hafa fjórtán starfsmenn sagt
upp hjá Búnaðarbanka Íslands frá því á
mánudagskvöld. Fjórir þeirra hófu störf
hjá Landsbankanum í gær, líkt og fram
kom í Morgunblaðinu í gær. Samkvæmt
heimildum Morgunblaðsins munu fleiri ný-
ir starfsmenn koma þar til starfa í júní.
Uppsögnum
fjölgar hjá
Búnaðarbanka


Yf ir l i t
Í dag
Sigmund 8 Umræðan 38/50
Erlent 16/20 Minningar 50/55
Höfuðborgin 22 Kirkjustarf 55
Akureyri 24 Brids 57
Landið 28/29 Bréf 62
Suðurnes 30 Dagbók 64/65
Neytendur 31 Íþróttir 66/69
Listir 32/37 Fólk 70/77
Forystugrein 40 Ljósvakamiðlar 78
Viðhorf 44 Veður 79
* * *
Kynningar – Blaðinu í dag fylgir aug-
lýsingablaðið „Sund & sumarfrí“ frá
Speedo. Blaðinu er dreift um allt
land.
NÝJAR höfuðstöðvar Orkuveitunnar á Bæjarhálsi 1
voru vígðar við hátíðlega athöfn í gær. Nýja húsið
sem er fjórtán þúsund fermetrar er byggt á verð-
launatillögu arkitektastofunnar Hornsteina og
Teiknistofu Ingimundar Sveinssonar. Húsið verður
opið almenningi í dag og fram á sunnudag milli
klukkan 14 og 18 alla dagana. Gefst fólki þá tækifæri
til að skoða húsakynnin og kynna sér starfsemi fyrir-
tækisins. Þórólfur Árnason borgarstjóri flutti ávarp í
opnunarhófi í nýjum aðalstöðvum Orkuveitunnar.
Morgunblaðið/Jim Smart
Opið hús hjá Orkuveitunni
FORSVARSMENN nýs fjölmiðils á
Netinu, tunga.is, segja í erindi sem
þeir hafa sent menntamálaráðu-
neytinu, Ríkisútvarpinu og Alþingi
að Ríkisútvarpið hafi hvorki laga-
heimild til fréttamiðlunar á Netinu
né heimild til sölu auglýsinga á Net-
inu. Vilja þeir að á þessu verði tekið
án tafar. Forsvarsmenn Ríkisút-
varpsins segja þessar fullyrðingar
hins vegar á misskilningi byggðar.
Í fréttatilkynningu bendir
tunga.is á að Ríkisútvarpið hafi þeg-
ar hafið sölu auglýsinga á Netinu.
Að auki reki stofnunin vefverslun.
„Ríkisútvarpið hefur eytt miklum
fjármunum í að byggja upp vef sinn
og nýtur afnotagjalda sem eiga að
fara í hljóð- og sjónvarpsrekstur
auk ókeypis ríkisauglýsinga til að
kynna vefinn.“ Einnig er á það bent
að Ríkisútvarpið hafi „ítarlegar
textafréttir á vef sínum,“ og fari það
því í samkeppni, m.a. við mbl.is.
„Samkvæmt lögum um Ríkisútvarp-
ið hefur stofnunin ekki heimild til
vefmiðlunar og á því verður að taka
án tafar,“ segir í fréttatilkynning-
unni. „Ljóst er að málið er lykilat-
riði í uppbyggingu þekkingariðnað-
ar á Netinu.“
Afdráttarlaus skylda
Markús Örn Antonsson útvarps-
stjóri segir hins vegar að það sé
misskilningur að Ríkisútvarpið hafi
ekki lagalega heimild til að miðla
fréttum á Netinu. „Í lögum um Rík-
isútvarpið frá árinu 2000 er til-
greind afdráttarlaus skylda þess til
að senda út tvær hljóðvarps-
dagskrár og hið minnsta eina sjón-
varpsdagskrá til landsins alls og
næstu miða. Þetta vilja for-
ráðamenn fjölmiðlafyrirtækisins
tunga.is hins vegar túlka sem bann
við því að Ríkisútvarpið aðhafist
meira. Það er mikil rangtúlkun á
ákvæðum laga um Ríkisútvarpið því
að í þeim er enn fremur tekið fram
eftirfarandi: „Veita skal alla þá
þjónustu sem unnt er með tækni út-
varpsins.“ Hugtakið útvarp hefur
víðtæka merkingu skv. útvarpslög-
um. Þar er átt við hvers konar út-
sendingu dagskrárefnis sem ætluð
er almenningi til beinnar móttöku
og dreift er með rafsegulöldum, um
þráð eða þráðlaust, læst eða ólæst,“
segir í frétt frá útvarpsstjóra.
Enn fremur segir að Netið hafi
fengið að þróast sem opinn fjölmiðill
hér á landi og að það sé aðgengilegt
öllum. „Það væri háskaleg og and-
lýðræðisleg öfugþróun ef setja ætti
boð og bönn um aðgang að Netinu;
úthluta sumum leyfum og öðrum
ekki.“ Segir síðan að Ríkisútvarpið
hafi lagt metnað sinn í að veita nýja
þjónustu í samræmi við þróun
tækninnar. Það eigi bæði við um
textavarpið og Netið.
Deilt um hvort RÚV hafi heim-
ild til að miðla fréttum á Netinu
Samið við
Héraðsverk
um Kára-
hnjúkaveg
LANDSVIRKJUN hefur sam-
ið við verktakafyrirtækið Hér-
aðsverk á Egilsstöðum um
vegagerð á Fljótsheiðar- og
Kárahnjúkavegi. Nemur samn-
ingsupphæðin 245 milljónum
króna en Héraðsverk átti á sín-
um tíma lægsta tilboð í verkið,
sem nam 80% af kostnaðaráætl-
un.
Framkvæmdir eru þegar
hafnar í hlíðunum við Bessa-
staði, þar sem vegurinn liggur
inn á Fljótsdalsheiði. Einkum
er um endurgerð fyrri vegar að
ræða sem lagður var inn að
Laugará fyrir um tíu árum en
þaðan verður gerður nýr vegur,
Kárahnjúkavegur, að Fremri-
Kárahnjúk.
Verður með bundnu slitlagi
Alls er um 55 km langan veg-
arkafla að ræða sem allur verð-
ur lagður bundnu slitlagi. Sam-
kvæmt áætlun á framkvæmd-
um að vera lokið í september
næstkomandi.
DANÍEL Jónsson var einn þeirra sem reru til
fiskjar frá Ólafsfirði síðasta vetrardag en hann
fiskar sér eingöngu í soðið nú orðið. Báturinn
sem Daníel rær á er aðeins 1 tonn að stærð og er
hann smíðaður í Hafnarfirði árið 1969. Þetta er
eini báturinn af þessari gerð sem enn er til á
landinu en þegar Daníel byrjaði til sjós 12 ára
gamall átti hann sams konar bát. Hann hefur not-
að veturinn til að gera bátinn upp og er ánægður
með útkomuna.
Morgunblaðið/Alfons Finnsson
Fiskað í soðið
HANDBÆRT fé frá rekstri ríkissjóðs
var neikvætt um 4,3 milljarða króna
fyrstu þrjá mánuði ársins en var neikvætt
um 0,5 milljarða á sama tíma í fyrra að
því er kemur fram í tölum fjármálaráðu-
neytisins.
Greidd gjöld ríkissjóðs námu tæpum 62
milljörðum króna og hækkuðu um sex
milljarða milli ára eða um 10,7% eða um
ca 7,4% að raunvirði milli ára.
Þar munaði mest um tveggja milljarða
króna hækkun vaxtagreiðslna sem er í
samræmi við áætlun fjárlaga. Hækkun
annarra gjalda milli ára, þ.e. án vaxta-
greiðslna, nam því fjórum milljörðum
króna eða rúmum 7%. Greiðslur til
sjúkrahúsa, sjúkratrygginga og heilsu-
gæslu hækka um 1,5 milljarða króna og
hækkun almannatrygginga nemur tæpum
1,8 milljörðum, þar af eru 0,5 milljarðar
vegna meira atvinnuleysis en í fyrra.
Fjármunahreyfingar voru jákvæðar um
10,7 milljarða króna sem er 10,1 milljarði
betri staða en árið á undan en það skýrist
af sölu á hlutabréfum ríkisins í viðskipta-
bönkunum. Hreinn lánsfjárafgangur nam
því 6,4 milljörðum króna en á sama tíma í
fyrra var um hálfs milljarðs króna af-
gangur.
Greidd út-
gjöld ríkis-
sjóðs jukust
um nær 11%
milli ára