Morgunblaðið - 27.04.2003, Blaðsíða 50

50 SUNNUDAGUR 27. APRÍL 2003 MORGUNBLAÐIÐ

 


      
     

 


  !"#$%
&
     '
( )   % 

'
&"( 

% 
'




   

 BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
FYRIR nokkrum
dögum fullyrti
ung móðir við
bréfritara að hér
á landi væru
9.000 einstæðar
mæður með
20.000 börn á
framfæri sínu.
Hvort þetta eru
alveg „réttar“ töl-
ur eða þær eru hærri eða lægri
skiptir ekki öllu máli. Vandamálið er
alla vega mjög stórt og þúsundir
þessara barna búa við skertan hlut
og njóta á margan hátt ekki eðli-
legra mannréttinda í okkar þjóð-
félagi. Þau eru afskipt og vantar
margt sem aðrir telja sjálfsagða
hluti.
Okkur er sagt að hér sé í dag svo-
kallað „góðæri“. Það er kostað og
rekið áfram með meiri og meiri er-
lendum lántökum og innflutningi er-
lendra peninga, sem borga á seinna
til baka til útlanda. Við þessar að-
stæður er búið til þjóðfélag eða hag-
kerfi sem gerir of lítið ráð fyrir víð-
tækum vandamálum þúsunda
einstæðra mæðra sem eru oft alein-
ar með samtals þúsundir barna á
framfæri. Einstæðar mæður með
börn vilja gleymast. Byrja ekki
mörg fyrirtæki á því að spara og
hagræða með því að segja upp
þvottakonunni sem oft er einstæð
móðir? Svo er ræstingin boðin út.
Annars er þetta vandamál svo
stórt og hópur hálfvanræktra barna
svo fjölmennur hjá fátækum og jafn-
vel ríkum líka að nokkur orð í blaða-
grein duga skammt.
Bréfritari leggur til að í næstu rík-
isstjórn verði sérstakur barnamála-
ráðherra sem eingöngu vinnur að
rétti barna. Geri ekkert annað. Verði
í því í fullu starfi sem ráðherra.
Hætta verður að líta á börnin sem
ósjálfstætt viðhengi við foreldra
sína. Líta verður meira á sjálf börnin
sem alveg sjálfstæða einstaklinga
sem eiga sinn fulla lögvarða rétt í
þjóðfélaginu. Í dag eru barnabætur
greiddar sem hálfgerður fátækra-
styrkur til foreldra. Öll börn fátæk
sem rík eiga að fá barnabætur burt
séð frá fjárhag foreldra. Það á að
vera þeirra fulli persónulegi réttur.
Ef við fáum nýtt ráðuneyti sem
eingöngu hefði betri hag barna sem
eina verkefni sitt þá er hálfur sigur
unninn.
Síðan ætti þessi nýi barnamála-
ráðherra að taka upp þá einföldu og
föstu reglu að fara t.d. einu sinni í
viku í heimsókn til einstæðrar móð-
ur með börn og spyrja þá beint börn-
in sjálf hver væri hagur þeirra og
hlutur í þessu þjóðfélagi góðæris.
Hvort þau sjálf teldu sig líða skort
eða vera sett ómaklega til hliðar í
okkar þjóðfélagi allsnægta.
Ef börnin opnuðu sjálf sál sína þá
kæmi marg óvænt í ljós. Að óbreyttu
fara mörg þessi börn seinna út í lífið
og þjóðfélagið „kalin á hjarta“. Ný
og ný þjóðfélagsvandamál eru búin
til. Oft að óþörfu.
LÚÐVÍK GIZURARSON, hrl.
Grenimel 20, 107 Reykjavík.
Er réttur barna
okkar vanræktur?
Frá Lúðvík Gizurarsyni
hæstaréttarlögmanni:
Lúðvík Gizurarson
NÚ STANDA kosningar fyrir hönd-
um og mikill hiti í mönnum. Margir
vilja breyta breytinganna vegna, en
er það skynsamlegt? Í fótbolta er
regla sem sjaldan er brotin og þá
venjulega með hörmulegum afleið-
ingum, en reglan hljóðar svo: „Aldr-
ei að breyta vinningsliði“ („Never
change a winning team“ á ensku), en
frá Englandi er fótboltinn kominn og
allar skráðu og óskráðu reglurnar.
Fólk sem ekki vill ræða málefni og
framtíðarsýn Frónbúa, en ræðst
með skítkasti, dylgjum og hálfsögð-
um sögum að æru manna og mann-
orði sér til pólitísks ávinnings, vill fá
atkvæði okkar, en er þetta fólk trú-
verðugt? Öðrum megin höfum við
núverandi stjórnarflokka, sem hafa
skapað hér auð og velmegun, greitt
niður ríkisskuldir og komið skikki á
fjármálasukk liðinna áratuga Stein-
gríms og kratanna. Þeir hafa staðið
við allt sem þeir hafa lofað og gott
betur. Þeir eru að eyða eignarskatt-
inum, hafa minnkað tekjuskatt um 4
prósentustig og hafa eflt lítil og með-
alstór fyrirtæki með lækkun tekju-
skatts fyrirtækja úr 50% í 18% með
þeim árangri að meira hefur komið í
ríkiskassann vegna bjartsýni og
dugnaðar fólksins í landinu. Þeir
hafa tryggt stöðu Lánasjóðs náms-
manna og Íbúðalánasjóðs. Nú lofa
þeir að lækka skatta enn frekar,
auka barnabætur án tekjutenginga
og margt fleira. Samfylkingin lofar
gulli og grænum skógum, en trúir
einhver því að þeir standi við loforð
sín frekar en fyrri daginn? Hver eru
fyrri afrek Samfylkingarmanna?
Lækkuðu þeir skuldir Reykjavíkur?
Lækkuðu þeir skatta á Reykvík-
inga? Þetta getur hver reiknað fyrir
sig. Eigum við ekki bara að hafa
þetta „status quo“ = óbreytt
ástand?
ÓLAFUR H. HANNESSON,
Snælandi 4, Reykjavík.
„Að breyta
vinningsliði“
Frá Ólafi H. Hannessyni: