Morgunblaðið - 13.05.2003, Blaðsíða 6

FRÉTTIR
6 ÞRIÐJUDAGUR 13. MAÍ 2003 MORGUNBLAÐIÐ
ALLT kapp verður lagt á að gera
heildstæða úttekt á því sem gerðist
á leikskólanum Sólgarði við Egg-
ertsgötu í Reykjavík á mánudag
fyrir viku þegar 11 mánaða barni lá
við köfnun í sandkassa á baklóð.
Sandkassinn hefur verið fjarlægð-
ur og von er á fulltrúa frá Árvekni,
átaksverkefni um slysavarnir
barna og unglinga, á mánudag sem
gera mun úttekt á leiksvæðinu.
Guðrún Björnsdóttir, fram-
kvæmdastjóri Félagsstofnunar
stúdenta, sem rekur leikskólann
segir að þær spurningar vakni
meðal annars hvort starfsmenn
þurfi að vera annars staðar á lóð-
inni þegar börnin séu úti og hvort
þeir séu hugsanlega of uppteknir
við að taka á móti börnunum úti í
garði til að geta fylgst stöðugt með
öllum börnum á leiksvæðinu allan
tímann.
Á Sólgarði er 51 barn á aldrinum
6 mánaða til tveggja ára. Þau fara
ýmist út einu sinni eða tvisvar á
dag og eru þá nokkur klædd í úti-
föt í einu og einn starfsmaður af
hverri deild fer út með fyrsta hóp-
inn til að taka á móti þeim sem á
eftir koma.
Guðrún segir það umhugsunar-
efni hvort mögulegt sé yfirhöfuð að
hafa sama fyrirkomulag á útiveru
barnanna eftir hádegi þegar börnin
séu orðin þreytt. Þá geti myndast
tímabil þar sem of mörg börn séu
úti en of fáir starfsmenn.
Fyrir rúmu ári var leikskólinn
stækkaður og nýtt og stærra leik-
svæði á baklóð tekið í notkun. Að
sögn Guðrúnar gerðu Leikskólar
Reykjavíkur úttekt á nýja leik-
svæðinu án athugasemda. Strax
eftir að atvikið átti sér stað á
mánudag fyrir viku hefði Fé-
lagsstofnun stúdenta haft frum-
kvæði að því að óska eftir að úttekt
yrði gerð á því af óháðum aðila með
tilliti til þess hvort þar leyndust
slysagildrur. Jafnframt var lög-
regla kölluð til og haft var sam-
band við Leikskóla Reykjavíkur og
öllum foreldrum sent bréf vegna
málsins. Fulltrúar Leikskóla
Reykjavíkur hafa ekki enn skoðað
aðstæður en lögregla hefur lokið
frumrannsókn málsins.
Að sögn Guðrúnar verður for-
eldrum sent annað bréf þegar þeg-
ar úttekt á leiksvæðinu verður lok-
ið og niðurstaða liggur fyrir.
Hafði staðið 5–10 sekúndur
rétt við sandkassann
Heimir Haraldsson, faðir barns
á leikskólanum sem kom fyrstur að
stúlkunni í sandkassanum, segist
hafa staðið í 5–10 sekúndur rétt hjá
sandkassanum með barnið sitt í
fanginu þegar hann sá að þar lá lít-
ið barn og rétt grillti í galla þess og
húfu fyrir sandi. Í þann mund hefði
strákur verið að moka yfir andlitið
á barninu.
„Ég legg strákinn minn frá mér í
flýti, tek stúlkuna upp og sný við
og losa sand frá vitum hennar, svo
kalla ég til leikskólakennara og
rétti henni barnið og þá var mínum
þætti í raun lokið.“
Hann segir þrjú eða fjögur börn
hafa verið í sandkassanum og einn
leikskólakennara verið í garðinum,
talsvert frá og hann hafi verið að
sinna öðrum börnum. Starfsfólk
leikskólans fullyrðir hins vegar að
starfsmenn í garðinum hafi verið
tveir og hafi annar þeirra skroppið
inn og annar leyst hann strax af.
Framkvæmdastjóri FS um óhapp á leikskólanum Sólgarði
Hugsanlega of mörg
börn úti um tíma
Morgunblaðið/Kristinn
Búið er að fjarlægja sandkassann sem ekki sást frá dyrunum inn í garðinn.
VIÐRÆÐUNEFND hefur undan-
farið skoðað möguleikana á því að
selja Hitaveitu Dalabyggðar til
Orkubús Vestfjarða. „Staðan er sú
að það var skipuð viðræðunefnd af
hálfu sveitarstjórnar til þess að
kanna möguleika á sölu hitaveitunn-
ar,“ sagði Haraldur L. Haraldsson,
sveitarstjóri Dalabyggðar. „Við-
ræðunefndin hefur komist að sam-
komulagi við Orkubúið og nú á eftir
að kynna það fyrir sveitarstjórn.“
Haraldur sagði að næsta skref
væri að halda fund með íbúum sveit-
arfélagsins á fimmtudag þar sem
hugmyndin yrði kynnt fyrir þeim.
„Í framhaldinu verður þetta lagt
fyrir stjórn hitaveitunnar og sveit-
arstjórn,“ sagði Haraldur.
Hann sagði málið mjög mikilvægt
fólkinu í sveitarfélaginu og því
nauðsynlegt að heyra skoðun þess
áður en málið yrði tekið fyrir á
sveitarstjórnarfundi. „Ég ætla mér
að reyna að vera hlutlaus á þessu
stigi og vinna þetta faglega. Það er
sveitarstjórn sem tekur þessa
ákvörðun. Það þarf náttúrlega að
skoða þetta mál í samhengi við
skuldir Dalabyggðar. Málið er að
hitaveitan skuldar Dalabyggð á ann-
að hundrað milljónir þannig að
þetta er ekki einfalt mál,“ sagði
Haraldur.
Sigurður Rúnar Friðjónsson,
mjólkursamlagsstjóri og sveitar-
stjórnarmaður, er einn þeirra sem
vilja ekki að Hitaveita Dalabyggðar
verði seld. Hann sagði málið fara
fyrir sveitarstjórn hinn 20. maí.
Vilja eiga hitaveituna áfram
„Við, sem erum talsmenn þess að
eiga hitaveituna áfram, skiljum ekki
að sölunni til Orkubús Vestfjarða
fylgi niðurfelling skulda og fyrir-
greiðsla frá iðnaðarráðuneytinu til
atvinnuuppbyggingar á svæðinu.
Við höfum unnið í málum Hitaveitu
Dalabyggðar nú á annað ár. Við vit-
um að miðað við rekstur síðasta árs
eigum við að geta átt hitaveituna og
staðið undir lánum sem nauðsynlegt
er til að eiga hana áfram. Ég tala nú
ekki um ef Dalabyggð gæti fengið
sömu niðurfellingu og fyrirgreiðslu
hjá ráðuneytinu og verið er að lofa
Orkubúi Vestfjarða með kaupum á
hitaveitunni,“ sagði Sigurður. Hann
staðfesti það álit Haraldar að mál-
efni hitaveitunnar væru fólkinu á
svæðinu mjög mikilvæg. „Það er
gríðarlegur ágreiningur um þetta
og mikill hiti í mönnum.“
Rætt um sölu Hita-
veitu Dalabyggðar
mála því að Bandaríkin séu of
viljug til að beita hervaldi.
Ekki friður nema mál Pal-
estínu og Ísraels verði leyst
Mikill meirihluti aðspurðra
taldi að það gæti ekki orðið friður
á svæðinu án þess að deila Palest-
ínu og Ísraels yrði leyst.
Í Ísrael var lögð fyrir viðbót-
arspurning og þar kemur í ljós að
rúmur helmingur telur að hern-
aðaraðgerðirnar í Írak og fall
stjórnar Saddams Husseins verði
til þess að auka líkurnar á að
leysa deilur Ísraela og Palestínu-
manna.
Almenn skoðun í mörgum lönd-
um var ekki skýr varðandi það
hvort auðvelt yrði að laga það
sem aflaga fór í milliríkjasam-
skiptum Bandaríkjanna og
bandamanna þeirra og þjóðanna
sem voru á móti stríðinu eins og
Frakka, Þjóðverja og Rússa.
Flestir íbúar í nánast öllum
könnunarlöndunum eru sammála
því að Sameinuðu þjóðirnar hafi
beðið verulegan hnekki af nýliðn-
um atburðum.
AÐEINS íbúar í Bandaríkjunum,
Albaníu og Kosovo, sem er undir
stjórn Sameinuðu þjóðanna, telja
að veröldin sé öruggari eftir
stríðsátökin í Írak, samkvæmt
niðurstöðum alþjóðakönnunar
Gallup International Association.
Könnunin var gerð í 41 landi og
tóku þátt í henni um 32.000
manns. Könnunin var gerð dag-
ana 16. apríl til 8. maí og var úr-
takið á Íslandi 1.200 manns.
Meirihluti allra annarra þjóða
telur að nýleg stríðsátök í Afgan-
istan og Írak valdi því að heim-
urinn sé hættulegri en áður.
83% Grikkja, 68% Spánverja,
68% Þjóðverja og 65% aðspurðra
í Frakklandi töldu hernaðarað-
gerðir í Írak ekki hafa verið rétt-
lætanlegar. Hins vegar töldu 9 af
hverjum 10 íbúum Ísraels að
hernaðurinn hefði verið réttlæt-
anlegur.
Þá telja flestir að Bandaríkin
og bandamenn þeirra ásamt
Sameinuðu þjóðunum eigi að sjá
um uppbyggingu í Írak.
Í könnuninni kom einnig í ljós
að í flestum löndum er fólk sam-
Bandaríkjamenn
telja veröldina
öruggari eftir stríð
ALLS hlutu 88 verkefni styrki er út-
hlutað var úr Vísindasjóði Landspít-
ala – háskólasjúkrahúss í gær. Er
þetta í annað sinn sem styrkir eru
veittir úr sjóðnum en alls var 28
milljónum króna úthlutað.
Hæstan styrk eða eina milljón
hlaut Björn Guðbjörnsson gigtar-
læknir fyrir verkefni til rannsókna á
líffærasértækum ónæmissjúkdóm-
um með heilkenni Sjögrens. Næst-
hæstan styrk eða 850 þúsund hlaut
Þórarinn Gíslason sérfræðingur í
lungnasjúkdómum fyrir verkefnið:
Kæfisvæfn, örvökur og dagsyfja. Þá
hlutu fjórir 800 þús. króna styrk.
28 milljónir
króna til 88
verkefna
Morgunblaðið/Árni Torfason
Önnur úthlutun úr Vísindasjóði
Landspítala – háskólasjúkrahúss
fór fram í gær.
Úthlutað úr Vísindasjóði Landspítala
GRÉTAR H. Óskarsson, fyrrverandi
framkvæmdastjóri hjá Flugmála-
stjórn, hefur verið skipaður í embætti
flugmálastjóra í
Kosovo á vegum
Sameinuðu þjóð-
anna. Hann er
skipað er í emb-
ættið til eins árs.
Grétar hóf störf
hjá Flugmála-
stjórn árið 1967.
Hann var skipað-
ur framkvæmda-
stjóri loftferðaeft-
irlits stofnunar-
innar 1975 og gegndi því starfi til
ársins 1995. Það ár tók hann við starfi
flugmálastjóra í Namibíu þar sem
hann starfaði til ársins 1999.
Grétar starfaði í höfuðstöðvum
Flugmálastjórnar, ICAO, í Montreal
í tvö ár eða til ársins 2002. Það ár varð
hann ráðgjafi Þorgeirs Pálssonar
flugmálastjóra þar til hann fór á eft-
irlaun 1. apríl síðastliðinn.
Aðspurður segir hann að starf
flugmálastjóra í Kosovo leggist vel í
sig og ef að líkum lætur muni flug-
málastjórn í Kosovo ekki ganga öðru-
vísi fyrir sig en í Namibíu eða á Ís-
landi.
Flugmála-
stjóri í
Kosovo
Grétar H.
Óskarsson