Morgunblaðið - 13.05.2003, Page 40

40 ÞRIÐJUDAGUR 13. MAÍ 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞAÐ er fátt þessa dagana sem skiptir
þjóðinni jafnkirfilega og Kárahnjúka-
virkjun og nýtt álver á Reyðarfirði,
nema ef vera
skyldi Atlants-
hafshryggurinn.
500 til 2.000 störf
eiga að skapast í
tengslum við ál-
verið og það veit
sá sem allt veit að
ekki er vanþörf á
fyrir austan.
Ég vil meina að
Austfirðingar geti
gert talsvert betur en láta bandarísk-
an álrisa sem hefur vafasamt orð á
sér annars staðar, valta yfir lítið bæj-
arfélag og kokgleypa allt með húð og
hári. Það er ekki mjög fögur mynd
sem dregin er upp af svokölluðum
„iðnaðarbæjum“ í Bandaríkjunum
sjálfum. Atvinna er víða stopul, laun
yfirleitt í lægri kantinum, mengun er
mikið vandamál og sjálfsmorðstíðni
er hæst á þeim stöðum sem byggja
afkomu sína á einu, tveim eða þrem
stórum iðnaðarfyrirtækjum.
Nei, þið getið gert miklu betur! Til
dæmis, komist á forsíður dagblaða og
kort heimsins og haldið sátt á Fróni
án þess að svo mikið sem veifa litla
fingri nálægt Kárahnjúkum. Hvern-
ig? Notið tækifærið núna og bjóðið
Saddam Hussein, forseta Íraks, hæli
og húsaskjól á Austfjörðum um
ókomna framtíð. Eiðar koma sterkt
inn sem hæli fyrir karlinn, hann fær
þá á tilfinninguna að hann sé ein-
hvers virði aftur og ef Saddam er
sáttur, þá er mikið til unnið. Austfirð-
ingar mundu afstýra blóðugri styrj-
öld þar sem saklaust og fátækt fólk
myndi að líkindum lita rauðan sand-
inn enn rauðari en venjulega ef
Bandaríkjamenn fá einhverju ráðið.
Hægt væri strax að láta trésmiðju út-
búa hillu undir Friðarverðlaun Nób-
els og þannig skapa ný störf í hér-
aðinu um leið. Flugleiðir þyrftu strax
að fjölga ferðum austur, hótel fyllast
um leið af blaðamönnum og ljós-
myndurum, sem að sjálfsögðu þyrftu
aðhlynningu og skemmtun. Þegar
mesti glansinn færi af karlinum
myndu þúsundir ferðamanna flykkj-
ast að til að kynnast landsvæðinu sem
Saddam dvelur á. Sumir hverjir stór-
skrýtnir með fulla vasa af seðlum.
Menntafólk og vísindamenn fengju
áhuga á að stúdera manninn og
gjörðir hans og settust að til lang-
frama. Þar sem húsnæði er af skorn-
um skammti yrði byggt af alefli, fleiri
íbúðir og bústaðir. Jarðir sem legið
hafa í eyði í árafjöld kynnu að seljast
og veita þannig bændum og búaliði
aukin hlunnindi. Hægt yrði að nýta
Saddam sjálfan í mörg verkefni.
Hann sést sjaldan án vopna af ýmsu
tagi og því gráupplagt að ráða hann
sem veiðivörð. Maðurinn er þekktur
fyrir að fara ekki troðnar slóðir og því
tilvalið að Vegagerðin keypti undir
hann veghefil með umsjón yfir Eiða-
svæðinu.
Margt má telja til en upp úr stend-
ur að Austurland kæmist feitt á
heimskortið fyrir aðra og merkilegri
hluti en telja peninga ofan í moldríkt
bandarískt álfyrirtæki. Það hefst
ekkert með voli og væli. Allar hug-
myndir, hversu fáránlega sem þær
hljóma geta vel staðið undir byggð
fyrir austan um ókomin ár. Þá geta
líka nýríkir Íslendingar haldið áfram
að rúnta á upphækkuðu jeppunum
sínum að Kárahnjúkum í friði og
spekt og viðhaldið þannig vexti í þeim
bransa fyrir sunnan.
ALBERT ÖRN EYÞÓRSSON,
Lækjasmára 78,
201 Kópavogi.
Fjár-austur
Frá Alberti Erni Eyþórssyni
Albert Örn
Eyþórsson
GRÍMSNES og Grafningshreppur
hefur áætlanir um að skipuleggja og
selja lóðir í sumarhúsahverfi í landi
Ásgarðs. Auglýsing þar um birtist í
lögbirtingarblaðinu 28. mars sl.
Það er ekki ljóst hvað vakir fyrir
þessum mönnum, en í viðtali við
sveitarstjórann í fréttum sjónvarps
3. maí sl. kom fram að hugmyndin er
að koma upp u.þ.b. 36 „heilsárs“-frí-
stundahúsum þar sem íbúar gætu
haft lögheimili sitt.
Þetta er í mínum huga alveg nýtt
hugtak. Heilsárslögheimili sem er
frístundahús! Hvað er nú þetta eig-
inlega? Það á greinilega að búa
þarna til þéttbýliskjarna eða þorp og
auka tekjur hreppsins. Það er ljóst
að þessir nýju íbúar hreppsins munu
greiða öll gjöld og skatta til Gríms-
nes og Grafningshrepps.
Þetta hlýtur að gefa öllum sum-
arhúsaeigendur heimild til að flytja
lögheimili sitt til hreppsins. Ég get
ekki séð að hægt sé að leyfa einum
og banna öðrum. Þarna er verið að
setja af stað þróun sem mun koma
sér illa fyrir alla aðila.
Hér er verið að koma gjörsamlega
aftan að þeim fjölmörgu sumarhúsa-
eigenda í Ásskógum sem reist af sér
hús til að komast í ró og frið og til að
forðast ljósmengun og skarkala höf-
uðborgarsvæðisins.
Hér munu líka búa um 150–200
manns þegar hverfi þetta verður
fullbyggt og fylgir því gríðarlegt
ónæði fyrir þá sem í góðri trú völdu
þennan fagra stað á liðnum 20 árum.
Ef svo brýn nauðsyn er á slíku
hverfi væri þá ekki hægt að koma því
fyrir á stað sem ekki er beint ofan í
friðsælli sumarhúsabyggð? Hvað
verður svo næst? Verður ekki komin
samfelld byggð upp með Soginu eftir
nokkra áratugi.
Ég hvet alla þá sem eiga sumar-
hús eða sumarhúsalóðir í Ásskógum
að senda mótmæli á skrifstofu
Grímsnes & Grafningshrepps fyrir
14.maí nk. t.d. með bréfpósti á gogg-
@gogg.is eða að skrifa á mótmæla-
skjal sem gengur nú meðal eig-
endanna.
Það verður að koma í veg fyrir
þetta umhverfisslys með öllum til-
tækum ráðum.
SKÚLI J. BJÖRNSSON,
Eikjuvogur 29, Reykjavík.
Sumarhúsahverfi
í landi Ásgarðs
Frá Skúla J. Björnssyni