Morgunblaðið - 20.05.2003, Blaðsíða 15

ERLENT
MORGUNBLAÐIÐ ÞRIÐJUDAGUR 20. MAÍ 2003 15
YFIRVÖLD í Sádi-Arabíu hafa haf-
ið rannsókn á meintri vopnasölu for-
ingja í þjóðvarðliði landsins og eru
þeir grunaðir um að hafa selt liðs-
mönnum hryðjuverkasamtakanna
al-Qaeda vopn, að sögn bandarískra
og sádiarabískra embættismanna.
Vopnin fundust 6. þessa mánaðar
þegar lögreglan réðst inn í hús í eigu
al-Qaeda-manna og í ljós kom að þau
komu úr vopnabúri þjóðvarðliðsins,
að sögn heimildarmanna The Wash-
ington Post í Riyadh.
Innanríkisráðherra Sádi-Arabíu,
Nayef bin Abdul Aziz prins, skýrði
frá því á sunnudag að embættismenn
hefðu borið kennsl á þrjá af tilræð-
ismönnunum sem tóku þátt í
sprengjuárásunum á þrjár húsasam-
stæður í Riyadh sem kostuðu 34 lífið
12. maí. Ráðherrann sagði að menn-
irnir þrír hefðu verið á meðal nítján
manna sem lýst var eftir í tengslum
við áhlaupið 6. maí.
Heimildarmenn The Washington
Post sögðu að þetta væri ekki í
fyrsta skipti sem þjóðvarðliðar væru
grunaðir um ólöglega vopnasölu þar
sem rannsóknir á vopnabúrum þjóð-
varðliðsins hefðu áður leitt í ljós að
vopn hefðu horfið úr þeim. Yfirvöld
hefðu þó ekki reynt að stöðva vopna-
söluna, einkum vegna seinagangs
embættismanna og skriffinnsku.
Heimildarmennirnir sögðu að
nokkrir foringjar í þjóðvarðliðinu
hefðu selt vopn í mörg ár, þ.á m.
sjálfvirka riffla, hverjum sem vildu
greiða uppsett verð, sem væri mun
hærra en markaðsverð vopnanna.
Embættismennirnir lögðu áherslu á
að vopnin hefðu eingöngu verið seld í
gróðaskyni og ekki léki grunur á að
foringjarnir styddu al-Qaeda eða að
liðsmenn hryðjuverkasamtakanna
hefðu gengið í þjóðvarðliðið.
The Washington Post hafði eftir
sádiarabískum embættismanni að
stjórn Sádi-Arabíu og yfirmenn
þjóðvarðliðsins litu málið mjög al-
varlegum augum. Þjóðvarðliði var
skotinn til bana þegar hann reyndi
að stöðva nokkra af tilræðismönnun-
um í vikunni sem leið.
Talsmaður sádiarabíska utanríkis-
ráðuneytisins neitaði því að vopn í
eigu þjóðvarðliðsins hefðu fundist í
húsi al-Qaeda. Hann sagði að þar
hefðu aðeins verið rússneskar
byssur og þjóðvarðliðið ætti engin
slík vopn.
Fjórir menn handteknir
Sádi-arabíski innanríkisráðherr-
ann skýrði ennfremur frá því á
sunnudag að fjórir menn, sem tengd-
ust al-Qaeda, hefðu verið handtekn-
ir. Þeir hefðu vitað af áformunum um
sprengjutilræðin 12. maí en ekki
væri talið að þeir hefðu tekið þátt í
þeim.
Yfir sextíu bandarískir rannsókn-
armenn, meðal annars frá alríkislög-
reglunni FBI, aðstoða sádiarabísk
yfirvöld við rannsókn sprengjutil-
ræðanna. Bandarískur embættis-
maður sagði að samstarfið gengi
mjög vel og ekkert væri hæft í frétt-
um um að sádiarabísk yfirvöld hefðu
meinað Bandaríkjamönnunum að
taka þátt í rannsókninni.
Meint vopnasala sádiarabískra þjóðvarðliða rannsökuð
Grunaðir um að hafa
selt al-Qaeda vopn
Riyadh. The Washington Post, AFP.
ÍRASKUR læknir sem annaðist
bandaríska hermanninn Jessicu
Lynch á meðan hún lá á sjúkrahúsi í
Írak segir frásagnir fjölmiðla af
meiðslum hennar ekki eiga við nein
rök að styðjast. Þá segir hann
Bandaríkjaher hafa sett björgun
hennar á svið enda hafi íraskir her-
menn verið farnir frá sjúkrahúsinu,
þar sem hún lá, þegar Bandaríkja-
her réðst þangað inn og „bjargaði“
henni. Þetta kemur fram á frétta-
vef BBC. Lynch var bjargað 1. apríl
eftir að hafa verið á valdi Íraka í
átta sólarhringa.
Lynch, sem er 19 ára, er sögð
hafa særst er íraskir hermenn réð-
ust á herdeild hennar eftir að hún
tók ranga beygju við borgina Nas-
iriya í suðurhluta Íraks. Níu banda-
rískir hermenn féllu í umsátrinu en
Lynch var flutt á sjúkrahús í
grenndinni þar sem Harith
a-Houssona annaðist hana þar til
bandarískir hermenn réðust inn í
sjúkrahúsið átta dögum síðar og
„björguðu“ henni.
Houssona segir ekki rétt að
Lynch hafi haft skot- og stungusár
eða að hún hafi verið beitt harðræði
á sjúkrahúsinu. Hún hafi eingöngu
verið beinbrotin og með áverka
sem rekja megi til þess er bíllinn
sem hún var í lenti út af veginum. Í
bandarískum fjölmiðlum var sagt
að hún hefði barist af hörku og
hefði hún fellt og sært nokkra
íraska hermenn áður en hún var
tekin höndum.
Læknirinn segist jafnframt hafa
gert ráðstafanir til að senda Lynch
á yfirráðasvæði Bandaríkjahers í
sjúkrabíl tveimur dögum fyrir
björgunaraðgerðina. Bandarískir
hermenn hafi hins vegar skotið á
sjúkrabílinn er hann nálgaðist þá
og að hann hafi því orðið að snúa
við.
Þá segir hann bandarísku her-
mennina ekki hafa mætt neinni
mótspyrnu er þeir réðust inn í
sjúkrahúsið. Talsmenn Bandaríkja-
hers hafa sagt að skotið hafi verið á
sérsveitarmennina bæði inni í
sjúkrahúsinu og fyrir utan það.
Myndir Bandaríkjahers af björg-
uninni hafa verið sýndar í fjöl-
miðlum um allan heim en þar má
sjá sérsveitarmennina ráðast inn í
sjúkrahúsið og hafa Jessicu Lynch
á brott með sér. Hún var síðan flutt
á brott í þyrlu ásamt hermönn-
unum.
Fékk hæli eftir björgunina
Íraskur lögfræðingur sem sagð-
ur var hafa aðstoðað við björgun
Jessicu Lynch hefur fengið hæli í
Bandaríkjunum ásamt konu sinni
og dóttur. Lögfræðingurinn, Mo-
hammed al-Rehaief, skýrði að sögn
bandarískum hermönnum frá því
hvar Lynch væri í haldi og gerði
uppdrátt fyrir hermennina af
sjúkrahúsinu, að því er fram kom í
fréttum eftir að Lynch hafði verið
bjargað. Sagt var að lögfræðing-
urinn hefði með þessu lagt líf sitt og
fjölskyldu sinnar í hættu en kona
hans vann sem hjúkrunarfræðingur
á sjúkrahúsinu þar sem Lynch
dvaldist.
Þá hefur tímaritið Variety greint
frá því að í ráði sé að búa til kvik-
mynd um Jessicu Lynch og björgun
hennar í Írak. NBC-sjónvarpsstöðin
er sögð hafa áform þessi uppi.
Uppblásið
afrek í Írak?
Reuters
Jessica Lynch prýddi forsíðu tíma-
ritsins People 21. apríl, þar sem
sagan af björgun hennar var rakin.
Sagt að björgun Jessicu Lynch hafi
verið sviðsett og meiðsli hennar ýkt
GUY Verhofstadt varð á sunnudag
forsætisráðherra Belgíu annað kjör-
tímabilið í röð eftir að hinn frjáls-
lyndi demókrataflokkur hans vann
nauman sigur í þingkosningum þar í
landi. Þannig hélt samsteypustjórn
hans velli með 97 þingsæti af 150
samkvæmt bráðabirgðaúrslitum.
Hinn 50 ára gamli Verhofstadt er
fyrrverandi lögfræðingur sem hefur
verið uppnefndur „litli Thatcher“
vegna brennandi áhuga á frelsi
markaðarins. Forsætisráðherrann
þykir hafa útlit námsmanns en afar
skýra pólitíska hugsun þrátt fyrir að
skapið hlaupi stundum með hann í
gönur.
Verhofstadt og hinn hispurlausi
Louis Michel, utanríkisráðherra
landsins, þóttu sýna einstaka stað-
festu er þeir lýstu andstöðu sinni
gegn Íraksstríðinu á sínum tíma. Af-
staða þeirra skapaði þeim vinsældir
heima fyrir en engar í Bandaríkjun-
um.
Verhofstadt byrjaði ungur afskipti
af stjórnmálum, varð formaður
flokks síns aðeins 28 ára gamall og
komst á þing 32 ára. Á sínu fyrsta
kjörtímabili þótti forsætisráð-
herrann afar frjálslyndur en hann
lögleiddi líknardráp, hjónaband
samkynhneigðra og neyslu mar-
íúana í Belgíu.
Reuters
Guy Verhoftstadt, forsætisráð-
herra Belgíu, greiðir atkvæði.
„Litli
Thatcher“
situr áfram
í Belgíu
Brussel. AFP.