Morgunblaðið - 04.06.2003, Side 19

SUÐURNES
MORGUNBLAÐIÐ MIÐVIKUDAGUR 4. JÚNÍ 2003 19
ÚTSALA - ÚTSALA
Dæmi um verð: Áður: Nú:
Peysa m/v-háls 6.900 3.900
Hlýrabolur 2.400 1.400
Toppur m/mynstri 3.000 1.800
Bómullarpeysa m/rennilás 5.700 2.900
Samkvæmisbolur 5.300 2.900
Bolur 2.600 1.600
Gallajakki 5.100 2.900
Velúrjakki 6.300 3.800
Pils 2.600 1.600
Samkvæmispils 6.900 3.900
Buxur 5.700 2.900
Sumarkjóll 4.900 2.900
...og margt margt fleira
40—50% afsláttur
Síðumúla 13, sími 568 2870,
108 Reykjavík.
Opið frá kl.10.00-18.00
Hefst í dag
MIKIÐ fjör var hjá nemendum og
starfsliði Njarðvíkurskóla þegar hin
árlega vorhátíð skólans var haldin í
blíðskaparveðri. Vorhátíðin markar
lok skólans hjá nemendum en skól-
anum var slitið í gær.
Vorhátíðin hófst með skrúðgöngu
um götur Njarðvíkur og hefur sú
ganga tíðkast í gegnum árin, „svona
til að láta bæjarbúa vita af okkur,“
sagði Guðmunda Lára Guðmunds-
dóttir, aðstoðarskólastjóri Njarðvík-
urskóla, í samtali við blaðamann og
bætti við að það skemmtilega væri að
það væri alltaf gott veður á þessum
degi.
Að skrúðgöngu lokinni var farið í
ýmsa leiki við skólann og í næsta ná-
grenni þar sem allir skemmtu sér
konunglega. Auk þess komu hesta-
menn frá hestamannafélaginu Mána í
heimsókn og lögreglan var með hjóla-
skoðun fyrir þá sem vildu. Þá sáu for-
eldrar um að grilla pylsur fyrir nem-
endurna og má nærri geta að þeir hafi
sporðrennt fleiri hundruð pylsum.
Morgunblaðið/Svanhildur Eiríksdóttir
Gylfi Guðmundsson skólastjóri leiddi skrúðgöngu vorhátíðar Njarðvíkur-
skóla undir dynjandi trommuslætti. Gengið var um nærliggjandi götur.
„Alltaf gott veður
á þessum degi“
Njarðvík
ÁÆTLAÐ er að um 100 lítrar af olíu
hafi lekið af tanki vörubifreiðar á
vatnsverndarsvæði Suðurnesja-
manna við Grindavíkurveg eftir
árekstur sem varð á veginum um há-
degisbilið í gær.
Vörubifreið og fólksflutningabif-
reið rákust saman á Gilhæð á Grinda-
víkurvegi, skammt frá Bláa lóninu.
Ekki urðu slys á fólki. Vörubíllinn
hafnaði utan vegar og gat kom á tank
við vökvakerfi hans með þeim afleið-
ingum að olían rann af. Slysstaðurinn
er á vatnsverndarsvæði Suðurnesja.
Lögreglan lét Heilbrigðiseftirlitið
vita og slökkviliðsmenn úr Grindavík
komu fljótt á staðinn til að hreinsa
upp olíuna. Grófu þeir upp eitt vöru-
bílshlass af jarðvegi úr vegkantinum,
því ekið til förgunar og segir Ás-
mundur Jónsson slökkviliðsstjóri að
tekist hafi að hreinsa upp alla meng-
un.
Náðu að
hreinsa upp
alla olíu
Grindavíkurvegur
TVÆR skólahljómsveitir frá Þýska-
landi halda tónleika í Kirkjulundi,
safnaðarheimili Keflavíkurkirkju, á
morgun, fimmtudag, klukkan 19.30.
Sautján manna stórsveit tónlistar-
skólans í Backnang og nítján manna
strengjasveit tónlistarskólans í
Metzingen eru á ferð hér á landi og
halda nokkra tónleika í samvinnu við
tónlistarskólana á Akranesi og í
Reykjanesbæ og lúðrasveitina Svani
í Reykjavík.
Hljómsveitirnar leika á Akranesi í
kvöld, í Reykjanesbæ annað kvöld, í
Ingólfsskála hjá Hveragerði á föstu-
dagskvöld og í Salnum í Kópavogi
næstkomandi laugardag, kl. 17.
Þýskar hljóm-
sveitir leika
Keflavík
ÞEIR gerast varla skemmtilegri skóladagarnir en sá sem vor-
gleðin í Grunnskóla Grindavíkur hitti á.
Börnin þurftu ekki að mæta fyrr en um klukkan ellefu og
svo var hægt að skemmta sér til klukkan tvö um daginn. Mikið
var hægt að gera og aldrei eins mikið og þetta árið enda allir
himinlifandi.
Frábær dagur sögðu krakkarnir og ekki var annað að sjá á
foreldrum en þeir skemmtu sér einnig vel. Margir foreldrar
mættu í hádegismatinn upp í skóla en foreldrafélagið var með
grillaðar pylsur til sölu þannig að þeir sem voru að vinna gátu
snætt hádegisverðinn með börnunum.
Morgunblaðið/Garðar Páll Vignisson
Hattagerð í hávegum höfð í grunnskólanum.
Sippað á vorgleði Grunnskóla Grindavíkur.
Skemmtilegasti skóladagurinn
Grindavík
♦ ♦ ♦