Morgunblaðið - 04.06.2003, Qupperneq 22

LISTIR
22 MIÐVIKUDAGUR 4. JÚNÍ 2003 MORGUNBLAÐIÐ
SKEMMTIHÚSIÐ, leikhús á er-
lendum tungumálum, hefur sum-
arstarf sitt í dag með sýningu á
Sögu Guðríðar á ensku. Sýningin
hefst klukkan 20.30, en sunnudag-
inn 8. júní verður hún frumsýnd á
þýsku, klukkan 18. Í júní og fram
eftir júlí verður The Saga of Gud-
ridur sýnd fjórum sinnum í viku á
ensku og tvisvar í viku á þýsku.
Um mánaðamótin júlí/ágúst hefj-
ast einnig sýningar á frönsku.
Skemmtihúsið, leikhús sem er
til húsa við Laufásveg 22, sérhæfir
sig í sýningum á erlendum tungu-
málum og vinnur eingöngu upp úr
íslenskri bókmennta- og sagna-
arfleifð. Síðar í sumar verða frum-
sýnd þar tvö ný verk, annað leik-
gerð úr Laxdælu, hitt um
Vesturfarana.
Í Sögu Guðríðar er sagt frá
ferðum Guðríðar Þorbjarn-
ardóttur til Vesturheims, eða Vín-
lands eins og það hét á þeim tíma,
þar sem hún dvaldi í þrjú ár með
eiginmanni sínum, Þorfinni karls-
efni, og ól þar soninn Snorra. Ný-
legar rannsóknir benda til að Guð-
ríður og fylgdarlið hennar hafi
dvalið á því svæði þar sem nú er
New York.
Saga Guðríðar hefur verið sýnd
á íslensku, ensku og sænsku í átta
löndum Evrópu, auk þess sem hún
hefur verið sýnd víða um Banda-
ríkin og Kanada.
Þær leikkonur sem leika munu
Guðríði í sumar eru Þórunn Erna
Clausen, sem leika mun jöfnum
höndum á ensku og þýsku, og Val-
dís Arnardóttir, sem leikur á
ensku. Solveig Sihma kemur síðan
frá París til þess að leika sýn-
inguna á frönsku – en hún hefur
sýnt þar í Aktéon leikhúsinu frá
því í byrjun febrúar og verður
sýningum haldið áfram þar í
haust.
Um leikmynd og grímur í sýn-
ingunni sér Rebekka Rán Samper,
Filippía Elísdóttir hannar bún-
inga, lýsing er í höndum Jóhanns
Bjarna Pálmasonar, tónlist er eftir
Margréti Örnólfsdóttur, leikstjóri
er Brynja Benediktsdóttir.
Leika Ferðir
Guðríðar á þýsku
og ensku í sumar
Þórunn Erna Clausen í hlutverki Guðríðar Þorbjarnardóttur.
Skemmtihúsið hefur sumarstarf sitt
Morgunblaðið/Kristinn
Smáverk á
faraldsfæti
FÉLAGAR í Samlaginu listhúsi á
Akureyri eru á faraldsfæti með sýn-
inguna Gestir að Norðan og stendur
hún nú yfir á kaffihúsinu Við árbakk-
ann á Blönduósi og stendur til 27.
júní. Á sýningunni eru smáverk:
málverk unnin með olíu, vatnslitum,
akryl og verk unnin í textíl, tré, leir
og fleira.
Þá fer sýningin til Egilsstaða,
Stykkishólms og Reykjavíkur og
stoppar hún í tæpan mánuð á hverj-
um stað.
Bjartir dagar í
Hafnarfirði
Miðvikudagur
Hafnarborg kl. 20: Tónleikar
Kammerkórs Hafnarfjarðar og
Bardukha-sveitarinnar.
Gamla bókasafnið kl. 20: Óraf-
magnaðir tónleikar rokkhljómsveit-
arinnar Sign.
Nýr kór syngur
í Hjallakirkju
KÓR Lindakirkju í Kópavogi heldur
tónleika í Hjallakirkju í Kópavogi kl.
20 í kvöld, miðvikudagskvöld. Um er
að ræða fyrstu vortónleika kórsins
sem stofnaður var haustið 2002. Kór-
inn mun flytja fjölbreytta dagskrá
innlendra og erlendra laga. Stjórn-
andi kórsins er Hannes Baldursson
og undirleikari Zsuzsanne Budai.
Einsöngvarar eru Heiða Margrét
Guðmundsdóttir og Svanhildur
Sveinbjörnsdóttir.
Miðvikudagur
Hallgrímskirkja kl. 8: Morgun-
messa. Prestar: Jón Dalbú Hró-
bjartsson og Kristján Valur Ingólfs-
son. Tónlistarandakt kl. 12: Prestur:
María Ágústsdóttir. Unnur María
Ingólfsdóttir fiðluleikari og Árni Ar-
inbjarnarson organisti leika tónlist
eftir Corelli og Bach.
Trúlega Bergman (II) kl. 20: Mál-
þing um trúarstef í kvikmyndum
Ingmars Bergmans (fyrri hluti).
Fyrirlesarar: Árni Svanur Daníels-
son, Halldór Hauksson, Pétur Pét-
ursson og Þorkell Ágúst Óttarsson
Completorium - Náttsöngur kl.
22.30: Umsjón: Sr. Jón Dalbú Hró-
bjartsson.
ALAIN Garrabé sýnir 30 olíuverk,
unnin á striga í Galleríi Smíðar og
Skart.
Alain stundaði myndlistarnám í
Toulouse og París árin 1970 til 1975.
Árin 1975 til 1999 starfaði hann sem
myndlistarkennari, fyrst í Suður-
Frakklandi, síðan í Clermond Ferr-
ard og loks í Stuttgart, Þýskalandi.
Alain flutti til Íslands árið 2000 og
ákvað að vinna fyrir sér með list sinni.
Litadýrðin á Íslandi og andstæður
milli ljóss og myrkurs gefa Alain inn-
blástur en þetta er fyrsta einkasýning
hans í Reykjavík.
Syningin er til 14. júní. Opið virka
daga kl. 10-18, laugardaga kl. 10-16.
Olíumálverk í
Smíðar og skart
ÍSLENSKI dansflokk-
urinn og Leikfélag
Reykjavíkur efndu í
vetur til samkeppni
um frumsamið dans-
leikverk eða verk er
flokkast gæti undir
dansleikhús. Níu hug-
myndir voru valdar til
áframhaldandi þróun-
ar í Borgarleikhúsinu,
og er nú unnið að því
dag og nótt að því að
fullgera þessi níu 10 mínútna
löngu verk sem frumsýnd verða
á Stóra sviðinu laugardaginn 7.
júní kl. 20. Hugmyndasmiðirnir
sem vinna nú að því að fullgera
verk sín eru Árni Pétur Guð-
jónsson; Eva María Jónsdóttir,
Marta Nordal og Valgerður Rún-
arsdóttir; Gísli Örn
Garðarsson; Guðmund-
ur Helgason; Helena
Jónsdóttir; Jóhann
Freyr Björgvinsson;
Ólafur Egill og Gunn-
laugur Egilssynir; Ólöf
Ingólfsdóttir; Peter
Anderson. Dansarar Ís-
lenska dansflokksins,
leikarar Leikfélags
Reykjavíkur og fleiri
lista- og leikmenn fara
með hlutverk í dansleikverkun-
um. Meðal þeirra eru einstak-
lingar sem þekktari hafa verið
hingað til fyrir annað en dans-
mennt, t.d. Pétur Blöndal alþing-
ismaður og Sigurður Sveinsson
handknattleiksmaður.
Samuel Wuersten, rektor
dansakademíunnar í Rotterdam
og stjórnandi Holland Dance
Festival, verður formaður fimm
manna dómnefndar, sem velur
bestu dansleikverkin. Auk þess
verða veitt áhorfendaverðlaun,
en þetta kvöld verður leikhús-
miðinn einnig kjörseðill. Slegið
verður upp reglulegri veislu í
Borgarleikhúsinu þetta kvöld,
þegar níu ný dansleikverk verða
frumsýnd. Hljómsveit leikur fyr-
ir dansi á meðan dómnefnd ræð-
ur ráðum sínum og atkvæði leik-
húsgesta verða talin, og
gestgjafar halda utan um allt
saman. Á eftir verður dansað
diskó á Nýja sviðinu.
Stuðningsaðilar keppninnar
eru SPRON, Sjóvá-Almennar og
Flugleiðir.
Þingmaður og handknatt-
leikshetja túlka nútímadans
Leikfélag Reykjavíkur og Íslenski dansflokkurinn
Pétur H. Blöndal
Tónlistarverðlaun
Norðurlandaráðs
Mari Boine
verðlaunuð
TÓNLISTARKONAN Mari Boine,
Sami frá Noregi, hlaut í gær Tónlist-
arverðlaun Norðurlandaráðs, en
Boine hefur sl. tuttugu og fimm ár
verið í hópi fremstu listamanna
Norðurlandanna sem lagt hafa stund
á þjóðlega tónlist.
Þetta var kunngjört í Kaupmanna-
höfn og hafði dómnefndin þetta um
val sitt að segja: „[Tónlist Mari
Boine] einkennist af háum listræn-
um staðli og hún hefur komið tónlist-
armenningu Sama á hið þjóðlega,
norræna og alþjóðlega landakort.
Hún hefur klárlega haldið tengslum
við rætur tónlistarinnar á sama tíma
og hún hefur gefið henni samtíma yf-
irbragð sem nær athygli hlustenda
víðs vegar um heiminn. Fjölmargar
upptökur með Mari Boine hafa hlotið
viðurkenningu á alþjóðavettvangi og
hún hefur haft víðtæk áhrif víða um
heim. Tónlistarleg forvitni hennar og
hversu opin hún er hefur líka leitt til
samvinnu við merka tónlistarmenn
frá ólíkum menningarheimum. Mari
Boine hefur þjóðlegt innsæi, menn-
ingarlegan kraft og hæfileika sem ná
til alls almennings burtséð frá menn-
ingarlegum bakgrunni.“
Verðlaunin nema 350.000 dönsk-
um krónum, eða tæpum 4,2 milljón-
um íslenskra króna og verða afhent á
þingi Norðurlandaráðs dagana 27.–
29. október.
KLÆÐSKIPTINGUR sem sýnir
myndir af sjálfum sér í ástaratlot-
um á yfirborði keramikvasa sem
hann mótar og tveir bræður sem
síðast vöktu athygli fyrir „lagfær-
ingar“ sínar á ætimyndum
spænska 18. aldar meistarans
Francisco de Goya eru í hópi
þeirra listamanna sem tilnefndir
eru til Turner-verðlaunanna þetta
árið.
Tilnefningar til Turner-verð-
launanna sem kunngjörðar voru á
mánudag, munu að mati breska
dagblaðsins Guardian ekki vekja
minna umtal og deilur þetta árið en
undanfarin ár. Að sögn Sir Nichol-
as Serota, forstöðumanns Tate-
safnsins og stjórnarformanns dóm-
nefndarinnar eru listamennirnir
sem tilnefndir eru þetta árið hins
vegar einstaklega áhugaverðir.
„Þetta eru fjórir listamenn sem
vinna á fjóra mjög ólíka vegu, og
svo vill til að þeir eru allir á þrí-
tugs- og fertugsaldri þannig að
þessi Turner-verðlaun eru ekki til-
einkuð því nýjasta af því nýja, eða
þeim yngstu hinna ungu,“ sagði
Serota, „heldur listamönnum sem
hafa unnið að list sinni í fjölda ára
og lagt sitt af mörkum.“
Listamennirnir sem um ræðir
eru Grayson Perry, bræðurnir
Jake og Dinos Chapman, Willie
Doherty og Anya Gallaccio. Perry
hefur vakið athygli fyrir keramik
vasa sína sem skreyttir hafa verið
umdeildum viðfangsefnum á borð
við barnamisnotkun, sifjaspell og
árásirnar á Bandaríkin 11. sept-
ember 2001, en hann vinnur með
útsaum í sínum nýjustu verkum
sem sýna listamanninn í hlutverki
konunnar Claire, sem m.a. klæðist
hefðbundnum austur-evrópskum
þjóðbúningum með hálfsjálfvirkan
riffil í hönd. Verk þeirra Jake og
Dinos Chapman hafa þá ekki síður
vakið sterk viðbrögð, en bræðurnir
eru ef til vill hvað best þekktir fyr-
ir blóði ataðan lotningarvott sinn
fyrir einu af verkum Goya, er sam-
anstóð af mannhæðarháum gínum
sem strengdar höfðu verið blæð-
andi yfir plasttré með innyflinn
hangandi út. Fyrr á þessu ári
teiknuðu þeir síðan inn á uppruna-
legar ætimyndir eftir listamanninn
og vakti það reiði margra. Hinn
norður-írski Doherty hefur hins
vegar valið sér myndbandið sem
miðil og byggja verk hans gjarnan
á reynslu hans af trúargjánni sem
skiptir Norður-Írlandi í tvennt, á
meðan hin skoska Gallaccio er hvað
þekktust fyrir skúlptúra sína sem
gjarnan verða tímanum að bráð,
enda unnir úr forgengilegum efni-
við á borð við ávexti, blóm og gras.
Ekki verður gefið upp fyrr en 7.
desember nk. hver úr þessum hópi
hlýtur hin tæplega 2,4 milljón
króna verðlaun, en verk listamann-
anna verða til sýnis í Tate-safninu
frá 29. október.
Turner-verð-
launin umdeild
sem endranær
Reuters
Óður Jake og Dinos Chapman til hins spænska Goya, en bræðurnir eru meðal
þeirra listamanna sem tilnefndir eru til Turner-verðlaunanna þetta árið.