Morgunblaðið - 14.06.2003, Síða 52

KNATTSPYRNA
52 LAUGARDAGUR 14. JÚNÍ 2003 MORGUNBLAÐIÐ
Landsliðið náði ágætum árangri ífyrra og tapaði naumlega gegn
Bandaríkjunum í febrúar, sem gæti
verið gott veganesti. „Það skiptir
engu máli þegar út í leikinn er komið
en við höfum sýnt að við getum ótrú-
lega margt svo að góð úrslit geta
ekki annað en hjálpað okkur. Það
myndaðist skemmtileg stemmning í
síðustu keppni og við fengum áhorf-
endur á völlinn, vonandi heldur það
áfram og við munum auglýsa fyrir
leikinn. Það er mikilvægt að áhorf-
endur haldi áfram að fylgjast með
okkur og komi á völlinn, við höfum
trú á því sem við erum að gera og
ætlum að standa okkur vel.“
Ásthildur er leikjahæst í liðinu
með 51 leik, þar af 16 sem fyrirliði
auk þess að hafa skorað 15 mörk.
„Það eru auðvitað miklar breytingar
á hópnum en við verðum að stilla
strengina vel og ná góðri stemmn-
ingu til að vinna þennan leik. Það er
öðrvísi að vera í A-landsliðinu, meiri
alvara og meiri gæði. Ábyrgðin fær-
ist því á þær reyndari í hópnum svo
að við verðum að vera duglegar að
koma þessum ungu inn í leikinn og
rífa þær með okkur. Það er gott að fá
þær inn í liðið. Þetta eru sterkar
stelpur,“ sagði Ásthildur.
„Þurfum
að vera
klókar“
„VIÐ vitum nánast ekkert um
ungverska liðið svo að við byrj-
um eflaust rólega til að finna
taktinn, sjáum svo hvað það
gefur okkur. Við þurfum að vera
klókar til að sjá hvort við þurfum
að breyta um taktík en þjálf-
arinn fylgist með og sér það ef-
laust út,“ sagði Ásthildur Helga-
dóttir, fyrirliði landsliðsins, um
leikinn gegn Ungverjum.
Helena er samt hvergi smeyk eft-ir gott gengi liðsins undanfarin
ár. „Við höfum reynt að fá upplýs-
ingar en það hefur því miður gengið
mjög illa svo að við þurfum að ein-
blína á eigin styrkleika. Við erum
með konur með mikla reynslu og við
munum byggja ofan á eigin getu svo
að úrslit velta á okkur sjálfum. Við
förum varlega inn í leikinn á meðan
við erum að átta okkur á þeim en svo
vona ég að við náum eitthvað að
sækja. Við náum þremur æfingum
saman, það er ekki mikið og maður
ætlar að gera mikið á stuttum tíma
en undirbúningurinn gengur bara
vel held ég. Mér sýnist allar stelp-
urnar tilbúnar líkamlega en árangur
landsliðs byggist mikið á að ná upp
stemningu í liðinu.
Með gott sjálfstraust
Það þarf líka sjálfstraust og mér
sýnist þær margar hverjar hafa nóg
af því. Við erum með ungan hóp og
þá er gott að gangi vel að ná honum
saman. Það er ákveðin endurnýjun
því margir jaxlar eru ekki með í
þetta sinn en það kemur maður í
manns stað og ég treysti þessum
átján stelpum til að ljúka verkefninu
með sóma. Við heyrum mikið fjallað
um karlalandsliðið og minna um okk-
ur svo við höfum unnið rólega að
þessum leik, það er jafnvel hið besta
mál.“
Rússar og Frakkar góðir
Með Íslandi í riðli eru Rússland,
Frakkland, Ungverjaland og Pól-
land. „Maður heyrir hitt og þetta um
hvaða lið séu góð og hver slök, Ung-
verjar og Pólverjar slakir en Rússar
og Frakkar mjög góðir, en það er
varla hægt að segja að eitthvert lið
sé slakt. Ef hins vegar er miðað við
árangur undanfarinna ára hlýtur að
vera markmið okkar að halda öðru
sætinu í riðlinum. Þetta eru allt
stelpur með metnað, þær komust í
tæri við góðan árangur í fyrra en
auðvitað er hugsað um einn leik í
einu. Svo eru Rússar og við eigum
betra með að fá upplýsingar um þá
og við ljúkum þessum leik fyrst,
sagði Helena.
Búin að bíða lengi
Leikurinn gegn Ungverjum er
frumraun hennar sem landsliðsþjálf-
ara. „Ég er að kynnast nýrri hlið á
fótboltanum en hlakka til, það er
gott að byrja því ég er búin að bíða
lengi eftir því.“
Morgunblaðið/Jim Smart
Helena Ólafsdóttir þjálfari segist ekki vita mikið um Ungverja
Rennum blint í sjóinn
„VIÐ rennum svolítið blint í sjóinn með þennan leik því við vitum lít-
ið um Ungverjana nema að þeir hafa tapað einum leik og unnið einn
í riðlinum en ég held að stelpurnar séu tilbúnar og leikurinn leggst
vel í mig,“ sagði Helena Ólafsdóttir landsliðsþjálfari um leikinn við
Ungverja, þar sem litlar upplýsingar er að fá um mótherjana.
Með Íslandi í riðli er Rússland,Frakkland, Ungverjaland og
Pólland. Fyrirfram er talið að Frakk-
ar séu með gott lið,
Rússar eins sprækir
en Ungverjar og Pól-
verjar slakari. Úrslit
úr fyrstu þremur
leikjunum undirstrika það, Frakkar
unnu Ungverja 4:0, Rússar unnu Pól-
verja 6:0 og síðan hafði Pólland betur
gegn Ungverjalandi, 2:0. Þessar töl-
ur duga hinsvegar skammt þegar
komið er inná völlinn og það hefur
Helena Ólafsdóttir landsliðsþjálfari
gert stúlkunum ljóst, ef það þá þurfti.
Nokkuð er um meiðsli í liðinu, til
dæmis eru Rósa Júlía Steinþórsdótt-
ir, Rakel Logadóttir og Hólmfríður
Magnúsdóttir frá. Margar ungar
stúlkur munu leika sinn fyrsta A-
landsleik á laugardaginn. Af átján
leikmönnum hafa sex leikið meira en
tíu leiki og fjórar aldrei spreytt sig
með A-landsliðinu. Það ætti samt
ekki að koma að sök því flestar þeirra
hafa fengið góða þjálfun frá unga
aldri og spreytt sig með yngri lands-
liðunum auk þess að fá góða reynslu
úr efstu deild kvenna á Íslandi. Þar
við bætist góður árangur, sem stælir
sjálfstraustið og hleypur kappi í
kinn. Sex leikmenn eru við háskóla-
nám í Bandaríkjunum og spila með
sínum skólaliðum, sem óneitalega
gefur reynslu. Áhorfendur geta því
búist við fjörugum leik og fylkt liði í
Laugardalinn og miðað við gengi
liðsins í fyrra eiga stúlkurnar það
skilið.
Ókeypis er á leikinn, sem verður
kl. 16 á Laugardalsvellinum.
Nú er komið að kvennalandsliðinu í Evrópurimmu
Helena Ólafsdóttir landsliðsþjálfari og Úlfar Hinriksson
aðstoðarþjálfari. Á myndinni fyrir neðan er landsliðshópurinn.
KVENNALANDSLIÐIÐ í knattspyrnu stekkur fram á sviðið kl. 16 á
laugardaginn – ætlar sér að fylgja eftir góðum árangri karlalands-
liðsins með því að vinna Ungverjaland í fyrsta leik liðsins í und-
ankeppni Evrópumótsins. Kvenfólkið náði góðum árangri í fyrra
þegar það komst í umspil um laust sæti á úrslitakeppni heims-
meistaramótsins. Þó svo að litlar upplýsingar sé að hafa um mót-
herjana nú, er ljóst að íslensku stúlkurnar eira engu og eru fullar
sjálfstrausts.
Stefán
Stefánsson
skrifar
Stúlkurnar etja
kappi við Ungverja
í Laugardal