Morgunblaðið - 14.06.2003, Qupperneq 55

ÍÞRÓTTIR
MORGUNBLAÐIÐ LAUGARDAGUR 14. JÚNÍ 2003 55

UNGIR jafnaðarmenn á Siglu-
firði, ungliðahreyfing Samfylkingar-
innar, hafa skorað á Guðna Bergs-
son að endurskoða þá ákvörðun sína
að gefa ekki kost á sér í íslenska
landsliðið í knattspyrnu. Í fréttatil-
kynningu frá ungliðunum á Siglu-
firði segir m.a.: „Að okkar mati hefur
Guðni verið besti leikmaður liðsins í
sl. tveimur leikjum og erfitt að sjá
draum okkar Íslendinga um þátt-
töku á Evrópumótinu á næsta ári
rætast nema Guðni sé innanborðs.“

DAVÍÐ Höskuldsson, handknatt-
leiksmaður úr Val, hefur ákveðið að
ganga til liðs við bikarmeistara HK.
Davíð er 22 ára gamall hornamaður.

ENSKIR fjölmiðlar greina frá því í
dag að Arsene Wenger, knatt-
spyrnustjóri Arsenal, hafi boðið for-
ráðamönnum Leeds United fram-
herjann efnilega, Jermaine
Pennant, í skiptum fyrir ástralska
landsliðsframherjann Harry Kewell.
Leeds myndi fá um 500 millj. ísl. kr.
að auki frá Arsenal en eins og áður
hefur komið fram eru skuldir Leeds
miklar og er verið að endurskipu-
leggja rekstur félagsins frá grunni.

KOBE Bryant, bakvörður NBA-
liðsins Los Angeles Lakers, fór í að-
gerð á öxl sl. þriðjudag og verður
ekki með bandaríska landsliðinu í
undankeppni fyrir Ólympíuleikana
2004 í sumar. Bryant meiddist á öxl
22. apríl sl. í fyrstu umferð úrslita-
keppninnar gegn Minnesota Timb-
erwolves og verður hann frá æfing-
um næstu átta vikurnar.

FORRÁÐAMENN NBA-liðsins
Toronto Raptors hafa augastað á
tveimur aðilum sem koma til greina
sem næstu þjálfarar liðsins en
Lenny Wilkens var sagt upp störfum
í lok leiktíðarinnar. Það eru tveir
óþekktir þjálfarar sem koma til
greina, Dwane Casey, sem hefur
verið aðstoðarþjálfari Seattle Super-
sonics, og Kevin O’Neill, aðstoðar-
þjálfari Detroit Pistons. Fimm
NBA-lið hafa enn ekki ráðið þjálfara
fyrir næsta vetur.

ENSKA úrvalsdeildarfélagið Bolt-
on Wanderers leitar nú logandi ljósi
að varnarmanni til að leysa Guðna
Bergsson af hólmi. Einn þeirra sem
Bolton hefur leitað til er miðvörður
AC Milan og danska landsliðsins,
Martin Laursen, sem hefur ekki
áhuga. „Með fullri virðingu fyrir
Bolton þá hef ég engan áhuga á að
leika fyrir lið sem alltaf er í fallbar-
áttu. Mig langar frekar að leika með
liði sem gæti landað bikurum.“
FÓLK
Landsliðsþjálfarinn Stefán Arnar-son segir gott að fá leiki við svo
sterk lið en að það sé ekki tilviljun.
„Verkefnið er krefj-
andi og heiður fyrir
okkur að vera boðið
til Danmerkur að
spila við Evrópu-
meistarana og síðan verða leikirnir í
Portúgal góð æfing yfir Evrópu-
keppnina í haust. Lið okkar stóð sig
á alþjóðlegum vettvangi í fyrra, það
vakti athygli og þess vegna var okk-
ur boðið,“ sagði Stefán. Liðið fékk 14
leiki í fyrra og ætlar sér ekki minna
nú. „Við stefnum á að fá aftur fjórtán
leiki í ár og standa okkur vel á Evr-
ópumóti í nóvember. Við gerðum
þriggja ára áætlun og erum á öðru
ári en komin vel áleiðis. Við erum
með ákveðna hluti í gangi bæði í vörn
og sókn, spilum hratt og keyrum
hratt upp miðjuna og verðum sífellt
betri í því. Þótt langt sé síðan tíma-
bilinu lauk eru stelpurnar allar að
komast í gang. Auðvitað vil ég sigur í
hverjum leik en við erum að hugsa
um uppbygginguna og viljum taka
eitt skref í einu í alþjóðlegum hand-
knattleik.“ Þjálfarinn ætlar sér að ná
langt í Evrópukeppninni í nóvember
því auk leikjanna nú verður haldið til
Svíþjóðar í september og Póllands í
október.
Viljum sýna árangur
„Mér líst vel á þessa leiki og það
væri gaman að fara vinna einhverja
og sýna árangur, við höfum fengið
langan tíma til að æfa saman og ég
vona að við sýnum nú árangur svo að
við fáum meiri athygli og auðveldara
sé að fara í fyrirliggjandi verkefni,“
sagði Kristín Guðmundsdóttir sem
þekkir vel til í dönskum handknatt-
leik því hún hefur undanfarin tvö ár
leikið í Danmörku. „Það er mjög
spennandi að spila á móti Evrópu-
meisturunum. Það verður erfitt og
síðan er leikur við danskt félagslið
sem er líklega betra en landsliðið
með A-landsliðskonur í öllum stöð-
um. Við þurfum á öllu okkar að halda
en þetta er um leið góð áskorun því
við erum fimm úr íslenska landslið-
inu að fara spila með Holstebro í
dönsku deildinni. Portúgal er síðan
með öðruvísi lið með framliggjandi
vörn því dönsku og sænsku liðin
spila frekar flata vörn eins og við.
Portúgalar spila hraðar svo að það er
gott að spila þrjá leiki þar til að æfa
sig á móti öðrum leikstíl. Það verður
samt gott að fá þessa leiki og líka
gott að hafa æft saman í fjórar vikur,
það hef ég ekki upplifað áður. Þessi
hópur hefur líka verið meira og
minna saman í nokkur ár og langar
til að sigra.“
Áskorun fyrir nýliðann
Meðal nýliða er Guðrún Hólm-
geirsdóttir. „Það var kominn tími á
að komast í hópinn en ég er í erfiðri
stöðu því það eru margar góðar í
horninu,“ sagði Guðrún en hlakkar
til. „Þetta verður erfitt prógram með
sex leikjum í röð svo að ferðin tekur
á en við ætlum að sýna hvað við get-
um. Við spilum hraðan handknatt-
leik, varnarleikurinn er í lagi og
sóknin öll að koma til en við tökum
samt hvern leik fyrir sig og erum
ekkert að horfa of langt fram á við
strax – byrjum á þessum leikjum.
Danska liðið leikur hratt og öðruvísi
en hérna heima enda danska deildin
sú besta í heimi, það verður því enn
meiri áskorun að vinna það.“
Morgunblaðið/Stefán Stefánsson
Kvennalandsliðið í handknattleik heldur í mikla æfingaferð til Danmerkur og Portúgals, sem er undirbúningur fyrir EM í haust.
Stefán Arnarson landsliðsþjálfari fer með kvennalandsliðið í handknatt-
leik í æfinga- og keppnisferð til Danmerkur og Portúgals
Heiður fyrir okkur
að fá boð frá Dönum
Morgunblaðið/Stefán
Kristín Guðmundsdóttir og Hrafnhildur Skúladóttir báru saman bækur sínar í blíðviðrinu á
fimmtudaginn með dóttur Hrafnhildur, Viktoríu Dís Viktorsdóttur. Landsliðið í handknattleik er
farið í æfinga- og keppnisferð til Danmerkur og Portúgals. Í hópnum eru fimm stúlkur sem leika
með danska liðinu Holstebro í vetur komandi – Hrafnhildur er fyrirliði liðsins.
HANDKNATTLEIKSKONUR und-
irbúa sig af kappi fyrir Evrópu-
keppnina í haust og í því skyni
halda þær í sannkallaða þolraun
á föstudaginn. Fyrst eru tveir
leikir við Evrópumeistara Dana,
einn leikur við toppliðið Ikast og
síðan tekur við ferðalag til
Portúgals þar sem einnig eru
þrír leikir.
Eftir
Stefán
Stefánsson