Morgunblaðið - 25.06.2003, Blaðsíða 4

FRÉTTIR
4 MIÐVIKUDAGUR 25. JÚNÍ 2003 MORGUNBLAÐIÐ
Verð á mann frá 19.800 kr.
NÝLEGT tæki sem sameinar lög-
regluradar og myndbandsupptöku-
vél gæti gert umferðareftirlit mun
markvissara og ódýrara, sér í lagi í
minni umdæmum.
Tækið, sem ber hið lýsandi nafn
„sjónarvotturinn“, tekur upp á
myndbandsspólu allt sem sést fram-
an við lögreglubílinn. Á skjánum sést
hraði lögreglubílsins og hraði bíla
sem keyra framhjá og því enginn
vafi á því hvað er verið að mæla eða
hvenær, né á hvaða hraða viðkom-
andi bíll er.
„Þetta kemur til með að styrkja
fámenn umdæmi alveg gríðarlega,“
segir Rögnvaldur Ólafsson, varð-
stjóri í umferðardeild Ríkislögreglu-
stjóra, og segir hann þetta tæki vera
framtíðina í löggæslu á Íslandi. Einn
helsti kosturinn við sjónarvottinn er
að málum sem fara fyrir dóm fækkar
mikið, jafnvel þótt lögreglumaður sé
einn í bílnum, enda lítið hægt að
þræta þegar brotið er tekið upp á
myndbandsspólu. Samtal lögreglu
og brotlegs aðila er einnig tekið upp í
framhaldinu og er lögregluþjónninn
þá með hljóðnema á öxlinni og sendi-
tæki í beltinu.
Kostar um eina milljón
Sjónarvotturinn nýtist ekki ein-
göngu við eftirlit með umferðar-
hraða heldur er hann einnig nytsam-
legur við fleiri aðstæður, svo sem
þegar farsímar eru notaðir í akstri,
beltin eru ekki spennt eða stöðvun-
arskyldu ekki sinnt, að sögn Rögn-
valds.
Ein bifreið Ríkislögreglustjóra
hefur verið búin myndavélinni und-
anfarið ár og stefnt er að því að taka
aðra í notkun í næstu viku. Kostn-
aður við hvert tæki, uppsett í lög-
reglubíl, er í kringum eina milljón
króna og er það um hálfri milljón
dýrara en hefðbundinn lögreglurad-
ar. Þó er líklegt að sá kostnaður skili
sér að einhverju leyti til baka í formi
færri dómsmála, segir Rögnvaldur.
Til að byrja með er líklegt að sjón-
arvottar verði helst nýttir við um-
ferðareftirlit á þjóðvegum landsins,
að sögn Rögnvalds.
Lögreglumenn taka hraðamælingar upp á myndband
Rafrænir sjónarvottar
bætast í lögreglubíla
Morgunblaðið/Sverrir
Þessi ökumaður var innan hraðamarka þegar hann mætti lögreglubílnum.
PRESTASTEFNU lýkur á Sauðár-
króki í dag þar sem m.a. verður
fjallað um drög að erindisbréfi fyrir
presta og djákna. Gærdagurinn fór
að mestu í umræður og hópavinnu
um stefnumótun Þjóðkirkjunnar og
endurskipulagningar prestakalla.
Að sögn sr. Halldórs Reynisson-
ar, verkefnisstjóra fræðslumála á
Biskupsstofu, lágu engar ákveðnar
niðurstöður fyrir um stefnumót-
unina heldur var fyrst og fremst
um kynningu að ræða á þeirri
vinnu sem fram hefði farið síðan á
kirkjuþingi sl. haust. Alls hefðu um
eitt þúsund manns víða um land
komið að stefnumótuninni með ein-
um eða öðrum hætti og því væri
stórt og flókið verkefni hér á ferð-
inni. Á prestastefnu hefðu fram-
komnar upplýsingar áfram verið
vegnar og metnar, horft hefði verið
til framtíðar þjóðkirkjunnar og
hvar hún yrði stödd árið 2010.
Þessi vinna yrði í gangi til næsta
kirkjuþings í haust, þar sem ætl-
unin væri að koma með ákveðnar
tillögur á grundvelli vinnunnar til
þessa.
Halldór sagði að hið sama væri
að segja um endurskipulagningu
prestakalla. Hún yrði mótuð frekar
á kirkjuþingi í haust. Í gær hefðu
starfshópar rætt um viðmiðin, þ.e.
hve stór eða smá prestaköllin gætu
orðið.
Tillögum vísað til
kirkjuþings í haust
Stefnumótun rædd á prestastefnu
BÓLUSETNINGARÁTAKI gegn
meningókokkum C á Íslandi er nú
formlega lokið. Síðan átakið hófst, 15.
október sl., er búið að bólusetja um 85
til 90 prósent þess fjölda sem stefnt
var að í upphafi eða liðlega 70 þúsund
manns.
Stefnt var að því að bólusetja alla á
aldrinum sex mánaða til og með 19
ára innan árs frá upphafi átaksins og
eru það um 85.000 einstaklingar. Að
sögn Þórólfs Guðnasonar, yfirlæknis
á sóttvarnarsviði landlæknisembætt-
isins, er þetta mjög góður árangur.
Hann segir að staðfest sé að 83 pró-
sent þessara einstaklinga hafi verið
bólusett, en vegna ákveðinna vand-
kvæða við að halda utan um nöfn
þeirra sem voru bólusettir sé raun-
veruleg tala nær 90 prósentum.
Þórólfur segir að þennan góða ár-
angur megi einkum þakka heilsu-
gæslunni í landinu sem hann segir
hafa staðið sig frábærlega. „Heilsu-
gæslan hefur staðið mjög vel að
þessu, en svo má ekki gleyma góðum
viðtökum foreldra sem hafa lýst yfir
mikilli ánægju með þetta og áhuga á
að láta bólusetja börnin sín.“
Frá því að átakið hófst hafa þrír
einstaklingar greinst með meningó-
kokka C sjúkdóm og einn með men-
ingókokka B, allt óbólusettir einstak-
lingar. Þetta er mun lægri tala en á
undanförnum árum þegar að meðal-
tali hafa greinst 10 til 15 einstaklingar
á ári. Engar alvarlegar afleiðingar
hafa sést af bólusetningunni.
Meningókokkar er tegund bakter-
íu sem skiptist í nokkra undirflokka
sem eru kallaðir A, B og C. Bólusetn-
ingin virkar eingöngu gegn meningó-
kokkum C. Bakterían veldur einkum
tveimur sjúkdómum, annars vegar
heilahimnubólgu og hins vegar alvar-
legum blóðsýkingum. Þessir sjúk-
dómar draga um einn af hverjum tíu
smituðum til dauða og valda varan-
legum áhrifum, svo sem heilaskaða,
hjá álíka fjölda.
Bólusettu yfir
70 þúsund börn
og unglinga
LANDVÖRÐUM í Herðubreiðarlindum brá illa þegar
þeir komu að þessum ófrýnilegu hjólförum sunnan í
Ferjuás, á leið inn í Herðubreiðarlindir.
Að sögn Bjarkar Bjarnadóttur landvarðar áttu þess-
ar skemmdir sér stað fyrir um þremur vikum, rétt fyrir
komu landvarða í Herðubreiðarfriðland og Öskju.
„Landið okkar á þetta ekki skilið,“ segir Björk. „Utan-
vegarakstur er alltof algengur á hálendi Íslands. Svona
för hverfa ekki á einum degi, þau eru sýnileg í mörg ár.
Þarna er afar viðkvæmur gróður sem á nógu erfitt fyr-
ir, þó menn séu ekki að spæna hann upp og eyða land-
inu enn meir en nú þegar er.“
Landverðir vilja koma því á framfæri að utanvegar-
akstur er bannaður með lögum. Þeir sem vilja keyra ut-
anvegar geti ekið í malargryfjum en aðrir haldi sig á
vegum.
Ljót hjólför utan vega