Morgunblaðið - 25.06.2003, Blaðsíða 18

AKUREYRI
18 MIÐVIKUDAGUR 25. JÚNÍ 2003 MORGUNBLAÐIÐ
KARLAKÓR Akureyrar Geysir
syngur við messu í Péturskirkjunni
í Róm á morgun, fimmtudag, þar
sem Jóhannes Páll páfi verður við-
staddur og syngur raunar aðal-
messuna. Akureyringarnir syngja
fjögur lög og hlakkar hópurinn
mikið til að sögn Erlu Þórólfs-
dóttur, stjórnanda kórsins. Alls eru
29 kórfélagar með í för auk Erlu.
Svo skemmtilega vill til að þetta er
ekki í fyrsta skipti sem Erla flytur
tónlist fyrir páfa; hún söng barn
með Kirkjukór Akraness við nýárs-
messu Páls páfa þrettánda 1978,
skömmu áður en hann dó, og segir
það hafa verið ógleymanlegan at-
burð.
„Þetta verður klukkustundarlöng
athöfn þar sem páfi syngur aðal-
messuna, en auk hans tekur þátt í
athöfninni herskari kardinála,
munka og preláta,“ sagði Erla í
samtali við Morgunblaðið í gær þar
sem hún var stödd í litlu þorpi
skammt utan Rómaborgar.
Þegar hún er spurð um lagavalið
segir Erla að kórinn syngi það flott-
asta sem hann geti boðið upp á, að
hennar mati. Fyrst syngur kórinn
Almáttugur Guð allra stétta úr Lilju
(sem allir vildu kveðið hafa) Ey-
steins Ásgrímssonar, þá Ave María
eftir Kaldalóns, síðan Faðir vor eft-
ir Malotte og loks Heyr himna smið-
ur eftir Kolbein Tumason við lag
Þorkels Sigurbjörnssonar. Nýlega
var kveðið upp úr um það að sálmur
Kolbeins væri elsti sálmur sem sam-
inn hefði verið á Norðurlöndum.
Karlakór Akureyrar Geysir stát-
ar af prýðilegum einsöngvurum, og
tveir kórfélaga spreyta sig í einsöng
að páfanum viðstöddum á morgun;
annars vegar Jóhannes Gíslason í
Faðir vorinu og hins vegar Þorkell
Pálsson í Ave Maríu.
Kórinn hélt utan á laugardag og
söng á sunnudaginn í hádegismessu
í Markúsarkirkjunni í Feneyjum og
á mánudagskvöldið söng hann svo í
Anastasíu-kirkjunni í Verónu, elstu
kirkju borgarinnar að sögn Erlu.
Kórinn á frí í dag en á morgun
rennur „stóri dagurinn“ upp eins og
Erla orðaði það. „Jú, það eru allir
orðnir mjög spenntir. Þetta verður
rosalega gaman og örugglega stund
sem maður á eftir að muna alla
ævi,“ sagði hún. Erla sagði helst að
menn kviðu því að syngja vegna hit-
ans. „Það er svolítið erfitt fyrir
strákana að vera í smóking í 32–35
stiga hita.“
Kórfélagar eru 29 í ferðinni, auk
Erlu, sem fyrr segir og einnig er
með í för Sólveig Anna Jónsdóttir
píanóleikari.
Akureyringar syngja fyrir páfann
Erla Þórólfsdóttir stjórnandi Karlakórs Akureyrar
Geysis söng fyrir Pál páfa þrettánda sem barn 1978
Reuters
Jóhannes Páll páfi II
HÁSKÓLINN á Akureyri og Dul-
kóðun Islandia hafa gert með sér
samning um kaup þess fyrrnefnda
á Webdemo-fjarkennslu- og net-
fundakerfinu. Kerfið mun gera há-
skólanum kleift að halda kennslu-
stundir í rauntíma með nemendum
beint yfir Netið með hljóði og
mynd, en það byggist á nýrri teg-
und fjarfundakerfa sem það mun
keyra á tölvukerfi háskólans. Það
styður vörpun á skjá fundarstjóra
yfir á skjá allra fundarmanna,
flutning á skjölum, sameiginleg
vinnslusvæði fyrir netfundi og
samvinnslu á forritum. Allir fundir
verða nú teknir upp til að hægt sé
að spila þá aftur í heild sinni
seinna. Notendur þurfa einungis að
vera með nýlega útgáfu af Internet
Explorer og þokkalega góða net-
tengingu til að geta notað kerfið.
Sigrún Magnúsdóttir, forstöðu-
maður upplýsingasviðs HA, sagði
að þetta kerfi væri hrein viðbót við
þann fjarfundabúnað sem verið
hefur í notkun og að HA væri eini
skólinn á landinu sem er kominn
með þetta kerfi. „Þetta gerir okkur
kleift að kenna mörgum nemend-
um í einu þó að þeir séu dreifðir
um stórt svæði. Við erum ekki
lengur bundin því að þurfa að hafa
marga nemendur á sama stað á
landinu. Þetta skapar nýja mögu-
leika í fjarkennslunni og í raun og
veru er Netið það eina sem þarf.
Við erum fyrst til að taka kerfið í
notkun en ég veit að það eru aðrir
skólar sem eru að skoða kerfið og
eru að hugsa um að kaupa það.
Kerfið er ekki dýrt miðað við þau
not sem við munum hafa af því.
Það sem er líka kostur við þetta er
að við getum leyft nemendum okk-
ar að hafa samskipti sín á milli, til
dæmis vegna hópverkefna sem
verið er að vinna. Þau geta unnið
saman, verið í mynd og haft hljóð,
þau geta einnig deilt með sér skjöl-
um úr tölvunni og því verið á mörg-
um stöðum á landinu. Þetta getur
því skapað aukna samvinnu meðal
fjarnema við skólann. Einnig er
þetta fundarkerfi fyrir okkur ef við
þurfum að halda fjarfundi. Kennar-
arnir geta líka verið heima hjá sér
við kennsluna ef þeir vilja þannig
að þetta er mikil hagræðing fyrir
háskólann,“ sagði Sigrún.
Háskólinn á Akureyri tekur fyrstur skóla í notkun nýtt fjarfundakerfi
Fjarnemar þurfa ekki
lengur að vera á sama stað
IÐANDI mannlíf var í fyrrakvöld í
Kjarnaskógi, hinu vinsæla útivist-
arsvæði Akureyringa, í blíðskapar-
veðri. Aðalheiður S. Eysteinsdóttir
myndlistarkona stóð þar fyrir
tveimur uppákomum, annars vegar
grillveislu í tilefni fertugsafmælis
síns og hins vegar opnaði hún
myndlistarsýningu, af sama tilefni,
og þær verða einmitt 40 sem hún
opnar víðs vegar um heiminn á jafn
mörgum dögum í tilefni afmælisins
eins og áður hefur komið fram í
Morgunblaðinu.
Í dag, miðvikudag, opnar Aðal-
heiður þriðju sýninguna í þessari 40
sýninga röð, í Gránuhúsinu í sínum
gamla heimabæ, Siglufirði.
Gilfélagið stóð einnig fyrir uppá-
komu í Kjarnaskógi í fyrrakvöld
vegna Jónsmessunnar, nokkurs
konar ratleik sem mikill fjöldi fólks
tók þátt í. Þá var boðið upp á
brúðusýningar fyrir börnin í
tengslum við alþjóðlega brúðuleik-
húshátíð á Akureyri um helgina.
Fulltrúar Minjasafnsins grófu upp
gamla drauga, að sögn, fluttur var
margvíslegur fróðleikur um Jóns-
messuna og að endingu var dansað
og sungið. Þá ku einhverjar hafa
velt sér naktir upp úr dögginni…
Aðalheiður afmælisbarn Eysteinsdóttir heilsar upp á tvo gestanna í fer-
tugsafmælinu, sem haldið var á vinsælu grillsvæði neðst í Kjarnaskóginum.
Morgunblaðið/Skapti Hallgrímsson
Arnar Elfar var einn fjölmargra sem skoðuðu listaverk Aðalheiðar í fyrra-
kvöld. Hann sagðist ekkert óttast að svanurinn flygi með sig á brott!
Líf og fjör í
Kjarnaskógi
NÚ er að mestu lokið þeirri
miklu uppbyggingu við gróðr-
arstöðina í Kjarnaskógi sem
ákveðið var að ráðast í fyrir
tveimur árum með auknum
framleiðslusamningum í kjöl-
far útboðs fyrir Norðurlands-
skóga- og Landgræðsluskóga-
verkefnið.
Vignir Sveinsson, formaður
Skógræktarfélags Eyjafjarð-
ar, segir að heildarfjárfesting
sl. tvö ár nemi rúmlega 20
milljónum króna.
„Framleiðslugeta stöðvar-
innar hefur nær tvöfaldast og
er hún nú ein hin stærsta á
landinu. Hægt er að framleiða
um tvær milljónir trjáplantna
auk garðplantna og sumar-
blóma. Með þessu er félagið
orðið öflugt framleiðslu- og
þekkingarfyrirtæki sem
skiptir verulegu máli í at-
vinnulegu tilliti, en ársstörf
eru að meðaltali fimmtán og
hefur fjölgað um fjögur frá
fyrra ári.“
Hann segir áætlaða veltu
ársins 54 milljónir króna og
muni væntanlega aukast þeg-
ar afkastageta verður full-
nýtt, sem stefnt er að að verði
á næsta ári. „Það stefnir í
auknar fjárveitingar á næstu
árum og með vaxandi verk-
efnum á sviði skógræktar
kunna einnig að skapast enn
frekari tækifæri til aukinnar
framleiðslu sem leiðir af sér
þörf fyrir byggingu fleiri
gróðurhúsa og stækkun á
ræktunarsvæði,“ sagði Vignir.
NÆSTKOMANDI laugardag,
hinn 28. júní, kl. 16 ætla
gamlir innbæjingar að hittast
við Hoepfner og fara í sögu-
göngu um innbæinn undir
leiðsögn Gunnars Árnasonar,
sem sjálfur er gamall innbæ-
ingur.
Göngunni lýkur við Skauta-
höllina þar sem áætlað er að
grilla um sexleytið. Grill
munu verða til staðar en hver
og einn þarf að koma með
mat, drykki, borð og stóla.
Ætlunin er að skemmta sér
fram eftir kvöldi og vonast er
eftir að sem flestir sjái sér
fært að mæta, segir í frétta-
tilkynningu frá Átthagafélagi
innbæinga.
Gamlir
innbæing-
ar hittast
Kjarnaskógur
Gróðrar-
stöðin
stækkuð