Morgunblaðið - 25.06.2003, Blaðsíða 13

VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 25. JÚNÍ 2003 13
FRAMKVÆMDASTJÓRI Kaup-
félags Árnesinga, Óli Rúnar Ást-
þórsson, hefur látið af störfum. Í til-
kynningu frá KÁ segir að tekist
hafi samkomulag um þetta og Óli
Rúnar hafi hætt störfum sl. mánu-
dag. Í framhaldi af því hefur Einar
Pálsson fjármálastjóri óskað eftir
því að láta af störfum og hætti hann
einnig á mánudaginn.
Haft var eftir Óla Rúnari í frétt-
um Ríkisútvarpsins í gærkvöldi að
hann hefði ekki náð settum mark-
miðum í rekstri félagsins og því
væri eðlilegt að hann hætti störfum.
Í tilkynningu frá KÁ segir að fram-
undan sé fjárhagsleg endurskipu-
lagning félagsins og dótturfélaga
þess. Nokkurt tap hafi verið af
starfseminni síðustu misseri og á
þeim tíma hafi félagið staðið fyrir
uppbyggingu ferðaþjónustu á
Suðurlandi ásamt þjónustu við
bændur.
Reksturinn skoðaður í heild
Guðmundur Búason, sem starfað
hefur hjá félaginu um árabil, hefur
tekið við framkvæmdastjórn þess
fyrst um sinn. Valur Oddsteinsson,
stjórnarformaður, og Páll Zóphaní-
asson, varaformaður stjórnar KÁ,
munu vinna að endurskipulagningu
rekstrar ásamt Guðmundi, að sögn
Vals. „Nú er verið að byrja að vinna
að þessu og reksturinn verður tek-
inn til skoðunar í heild. Við erum í
miklum samkeppnisrekstri, þetta er
harður heimur og verkefnið er að
laga sig að þeim aðstæðum,“ segir
hann aðspurður um væntanlegar
aðgerðir í rekstri.
Rekstur endurskipulagður
hjá Kaupfélagi Árnesinga
SAMKEPPNISRÁÐ Bretlands lýsti
í gær yfir áhyggjum sínum af tilboð-
um keppinauta Safeways í verslana-
keðjuna. Tesco, Sainsbury og Asda
hafa boðið í fyrirtækið, en ráðið telur
að samruni Safeways við eitt þessara
félaga myndi minnka samkeppni á
markaðnum. Samkeppnisráðið hefur
nú tilboðin til meðferðar.
Á hinn bóginn lýsti ráðið yfir, við
sama tækifæri, að yfirtökutilboð
Morrisons-keðjunnar, sem er
smærri en hinar fyrrnefndu, væri
„samkeppnisvænt“. Þessar yfirlýs-
ingar eru taldar vera áfall fyrir stóru
keðjurnar þrjár. Þó sagði í yfirlýs-
ingu samkeppnisráðsins að staðhæf-
ingarnar byggðust aðeins á „núver-
andi hugleiðingum“ og væri ætlað að
gefa vísbendingar um hvað kynni að
ráða úrslitum við meðferð málsins.
Stór samruni
talinn hamla
samkeppni
VÆNTINGAVÍSITALA Gallup
lækkar í júní um tæp 19 stig og
mælist nú 117,9 stig eftir að hafa
hækkað það sem af er ári. Þótt vísital-
an lækki umtalsvert milli mánaða er
hún tæpum 9 stigum hærri en hún var
í júní í fyrra og rúmum 14 stigum
hærri en meðaltal ársins 2002.
Væntingavísitala Gallup mælir
tiltrú og væntingar fólks til efnahags-
lífsins, atvinnuástandsins og heildar-
tekna heimilisins. Þegar væntinga-
vísitala Gallup er 100 stig á tilteknum
tíma þýðir að það eru jafn margir já-
kvæðir og neikvæðir svarendur. Ef
hún er hærri eru fleiri jákvæðir en ef
hún er lægri eru fleiri neikvæðir.
Samkvæmt upplýsingum frá Gall-
up lækkar vísitalan meðal kvenna nú
um 25,6 stig en meðal karla um 13,1
stig.
Væntinga-
vísitala Gall-
up lækkar
SÆPLAST hf. gaf í vikunni út
skuldabréf að nafnverði 370 milljónir
króna og voru þau seld í lokuðu
skuldabréfaútboði til fagfjárfesta.
Um er að ræða stækkun á 530 millj-
óna króna skuldabréfaflokki sem var
gefinn út í febrúar síðastliðnum og
flokkurinn er því nú orðinn 900 millj-
ónir króna að nafnverði.
MP Verðbréf hf. voru umsjónar-
aðili útboðsins sem var liður í að und-
irbúa Sæplast hf. undir frekari vöxt
og fjárfestingar, að því er segir í til-
kynningu. Bréfin eru verðtryggð
eingreiðslubréf til 5 ára með vaxta-
gjalddögum hálfsárslega.
MP Verðbréf hf. höfðu umsjón
með rafrænni skráningu á stækkun
flokksins hjá Verðbréfaskráningu
Íslands.
Sæplast
gefur út
skuldabréf
♦ ♦ ♦
♦ ♦ ♦
AUGLÝSINGADEILD
netfang: augl@mbl.is eða sími 569 1111