Morgunblaðið - 25.06.2003, Blaðsíða 6

FRÉTTIR
6 MIÐVIKUDAGUR 25. JÚNÍ 2003 MORGUNBLAÐIÐ
ÞESSA vikuna stendur Sjálfsbjörg,
félag fatlaðra, fyrir Sjálfsbjargar-
dögum á höfuðborgarsvæðinu.
Markmiðið er að vekja athygli á því
að árið 2003 er Evrópuár fatlaðra.
Af þessu tilefni er gefið út sérstakt
blað um aðgengismál fatlaðra en
blaðið mun fylgja með Klifri, frétta-
blaði Sjálfsbjargar.
Að sögn Alexanders Harðar-
sonar, aðstandanda útgáfu sér-
blaðsins, er mjög misjafnt hvernig
aðgengi er fyrir hjólastóla.
Í tengslum við útgáfu blaðsins
var Þórólfur Árnason borgarstjóri í
hjólastól í gær við sín daglegu störf.
Tilgangurinn með uppátækinu er
að vekja athygli á aðgengismálum
fatlaðra á nýstárlegan hátt, vekja
fólk til vitundar og opna umræðu
um daglegar aðstæður fatlaðra.
Þórólfur segir þessa reynslu hafa
verið spennandi en að jafnframt
hafi hann komið auga á marga
þröskulda.
„Við höfum sniðgengið þá staði
sem eru með slæmt aðgengi. Það er
erfitt að komast inn á ýmsa staði
hér í bænum. Sums staðar vantar
lítið upp á til að það gæti verið
betra en annars staðar er erfiðara
að koma því við. Þetta vekur mann
til umhugsunar. Fólk sem er að
kljást við fötlun alla daga á að njóta
betra aðgengis á alla þessa staði
sem við getum umhugsunarlaust
farið á,“ segir Þórólfur.
Þórólfur fór í sund í hjólastólnum
og var nokkuð ánægður með að-
gengið þar. Hann taldi þó líklegt að
hann fengi harðsperrur enda mikil
átök að koma sér ofan í heitu pott-
ana. Auk þess sagði hann aðgengi
fyrir hjólastóla vera sérlega gott í
Ráðhúsinu.
Borgarstjóri er ekki sá eini sem
fær að kynnast veru í hjólastól
heldur mun Lúðvík Geirsson, bæj-
arstjóri í Hafnarfirði, gera slíkt hið
sama á föstudaginn, 45 ára afmæl-
isdegi Sjálfsbjargar.
Morgunblaðið/Arnaldur
Þórólfur Árnason borgarstjóri sést hér handlanga sig ofan í heita pottinn í Laugardalslauginni.
Borgarstjóri reynir aðgengi fatlaðra á Sjálfsbjargardegi
„Vekur til umhugsunar“
FASTEIGNASALAR segja að af-
greiðsla Íbúðalánasjóðs á húsnæðis-
lánum dragist meira en góðu hófu
gegnir. Tvær til þrjár vikur taki að af-
greiða mál, sem venjulega eigi að taka
þrjá til fjóra daga. Hallur Magnússon,
sérfræðingur stefnumótunar- og
markaðsmála Íbúðalánasjóðs, segir
marga frídaga í miðri viku undanfarið
og frí starfsmanna skýringuna.
Sveinbjörn Halldórsson, hjá fast-
eignasölunni Gimli, segir að það taki
allt að tvær vikur fyrir kaupendur að
fá lán sín afgreidd hjá Íbúðalánasjóði.
Oft virðist sem ferlið taki lengri tíma
á sumrin þegar óvant starfsfólk hefji
störf og fastir starfsmenn fari í frí.
Ingólfur G. Gissurarson, hjá Val-
höll, tók dæmi af umsókn sem var
lögð inn hjá Íbúðalánasjóði 4. júní og
afgreidd í gær. Hvimleitt sé þegar
svona bið verði á afgreiðslu lána.
Leifur Aðalsteinsson, hjá fast-
eignasölunni 101 Reykjavík, segir
biðina sveiflukennda og fari mikið eft-
ir því hve flóknar umsóknirnar séu.
Allt að tíu dagar geti liðið þangað til
umsóknir séu afgreiddar. Enn hafi
það ekki komið illa við viðskiptavini
fasteignasölunnar.
Ástandið gott í næstu viku
Hallur segir að kerfisbilun hafi ollið
töfum á afgreiðslu umsókna í kring-
um páskana, sem síðan var unnið upp.
Síðustu vikurnar hafi aftur dregist að
afgreiða umsóknir þar sem einungis
voru fjórir vinnudagar í viku vegna
fjölda frídaga.
Hann sér fram á að starfsfólk nái
að afgreiða fleiri umsóknir næstu
daga og afgreiðsluferlið verði komið í
eðlilegt horf í næstu viku. Frídagarn-
ir séu færri og lykilstarfsfólk komi úr
fríi.
Hann skilur vel óþolinmæði fast-
eignasala enda sé það óviðunandi að
umsóknir séu ekki afgreiddar innan
þeirra tímamarka sem Íbúðalána-
sjóður setur sér.
Biðtíminn tvær
til þrjár vikur
Tafir á afgreiðslu hjá Íbúðalánasjóði
BJÖRN Á. Guðjónsson
trompetleikari lést af
völdum langvinns sjúk-
dóms sl. mánudag.
Björn vann mikið starf
í þágu tónlistar á Ís-
landi, bæði sem tromp-
etleikari og kennari.
Björn fæddist í
Reykjavík 7. mars
1929. Faðir hans var
Guðjón Þórðarson, skó-
smiður í Reykjavík og
formaður Lúðrasveitar
Reykjavíkur, og Anna
Jónsdóttir kona hans.
Björn nam við Det kongelige
danske musikkonservatorium árin
1949 til 1953 undir leiðsögn Kurts
Pedersens. Þegar hann sneri heim
gerðist hann trompetleikari við Sin-
fóníuhljómsveit Íslands til ársins 1960
og aftur á árunum 1961 til 1967.
Björn stofnaði Skólahljómsveit
Kópavogs árið 1967 og var fyrsti
stjórnandi hennar. Því hlutverki
gegndi hann allt til ársins 1995.
Hann var félagi í
Lúðrasveit Reykjavíkur
1943–1971, var formaður
LR 1963–66 og varafor-
maður Félags íslenskra
hljóðfæraleikara 1960.
Hann var stjórnandi
Lúðrasveitar verkalýðs-
ins 1964 og stjórnandi
Hornaflokks Kópavogs
1977.
Björn var félagi í Det
danske trompeter laup
og heiðursfélagi í Lúðra-
sveit Vestmannaeyja og
Havnarhornorkestur í
Færeyjum. Björn var valinn heiðurs-
listamaður Kópavogs árið 1988.
Eftirlifandi eiginkona Björns er
Ingibjörg Jónasdóttir, fyrrverandi
framkvæmdastjóri. Börn þeirra eru
Jónas Björnsson tónlistarkennari,
sem er látinn, og Anna Þóra Björns-
dóttir (f. 1962) kaupmaður. Sigríður
Ólafsdóttir hjúkrunarfræðingur er
dóttir Ingibjargar og stjúpdóttir
Björns.
Andlát
BJÖRN Á.
GUÐJÓNSSON
TÍVOLÍIÐ sem undanfarin ár
hefur verið við Reykjavíkurhöfn
verður við Smáralind í sumar. Tív-
olíið verður opnað á föstudaginn
og verður hér í mánuð.
Í ár verða fleiri og stærri tæki í
tívolíinu en áður, m.a. „Freak
Out“ sem er stærsta tívolítæki
sem hingað hefur komið. Í því sit-
ur fólk í hring og snýr inn á við,
hringurinn snýst svo og sveiflast
fram og til baka samtímis. Þetta
tæki hefur verið ákaflega vinsælt
erlendis.
Meðal annarra tækja má nefna
„Extreme“ en í því situr fólk í lá-
réttri röð í föstum sætum sem er
lyft í hringi, og „Twister“ sem er
þriggja arma tæki með sætum á
hverjum armi sem snúast aftur-
ábak og áfram. Tívolíið verður op-
ið milli kl. 13 og 23 í mánuð.
Tívolí við Smáralind
NÆRRI lá að stórvirkar vinnuvélar
eyðilegðu forn- og náttúruminjar í Af-
stapahrauni við Kúagerði við malar-
nám vegna tvöföldunar Reykjanes-
brautarinnar fyrr í vikunni. Að sögn
Vegagerðarinnar fór verktaki 20 til 30
metra út fyrir það svæði sem hann
átti að vinna á.
Eins og sagt var frá í blaðinu í vik-
unni er um að ræða fornan hlaðinn
garð og svonefndan tófustíg sem ligg-
ur austan við námuna. Malarnám hef-
ur nú verið stöðvað.
„Þetta er í austurjaðrinum á nám-
unni og rétt við þetta svæði sem var
verið að vinna úr,“ segir Jóhann
Bergmann, deildarstjóri fram-
kvæmda á Reykjanesi hjá Vegagerð-
inni.
Ekkert hafði skemmst
við framkvæmdirnar
„Verktakinn var að vinna þarna al-
veg í jaðrinum á námunni og við
stöðvuðum hann í gær og færðum
hann inn á raskað svæði. Ég held ég
geti fullyrt það að það hefur ekkert
skemmst við framkvæmdirnar núna
en hann hefði væntanlega farið í þetta
ef hann hefði ekki verið stöðvaður.“
Jóhann segir að aldrei hafi farið
fram umhverfismat í tengslum við
grjótnám úr námunni enda sé hún bú-
in að vera í notkun svo lengi sem hann
man. Hann segir að það hafi ekki
staðið til að fara út fyrir raskað svæði
í námunni og því hafi ekki verið talin
þörf á umhverfismati.
„Nú er ég búinn að hafa samband
við Fornleifastofnun og biðja þá að
gera úttekt á svæðinu,“ segir Jóhann.
Hann segist eiga von á að það verði
gert í næstu viku. „Það hefur ekki
staðið til að fara út fyrir námusvæðið
þar sem búið er að raska öllu síðustu
hálfa öld, svo þetta hefði átt að sleppa
í sjálfu sér. Ég get alveg fallist á að
náman sé of nálægt þessum minjum
þannig séð. Þetta er nú að vísu hraun-
bolli og stígurinn bakvið hraunhól,
svo ef maður gengur stíginn þá er
maður í friði í náttúrunni ef það er
Morgunblaðið/Árni Torfason
Veggurinn liggur þvert á tóustíginn örfáa metra frá malarnámunni.
Gengið nærri forn- og náttúruminjum á Reykjanesi
Grjótnám fór út
fyrir raskað svæði
ekki verið að vinna í nágrenninu með
vinnuvélum.“
Ómar Smári Ármannsson, áhuga-
maður um sögu og náttúru Reykja-
nessins, benti á raskið eftir að hafa
gengið stíginn. Hann er ánægður með
viðbrögð Vegagerðarinnar: „Þetta er
mjög gott mál. Það er oft þannig að
þegar verktakar eru að vinna á svona
svæðum er það oft af meira kappi en
forsjá. Það eru mörg dæmi þess að
sögulegar minjar hafi farið forgörð-
um og þær verða aldrei endurgerð-
ar.“
LESENDUR The Guardian, The
Observer og Guardian Unlimited
hafa kosið Ísland „Uppáhalds Evr-
ópulandið“, en fjölmiðlarnir veita
árlega ferðaverðlaun sem eru
byggð á könnun meðal lesenda.
Verðlaunin, sem eru veitt í nokkr-
um flokkum, vekja jafnan athygli
en þau voru afhent í Marokkó á
mánudag.
Í ár tóku 24 þúsund lesendur þátt
könnuninni sem gengur þannig fyr-
ir sig að lesendur eru beðnir að
meta þá þjónustu sem þeir fá á
ferðalögum sínum með því að gefa
henni einkunn. Magnús Oddsson,
framkvæmdarstjóri ferðamálaráðs,
segir sérstaklega ánægjulegt að
verðlaunin séu byggð á vali neyt-
endanna sjálfra.
„Í þessum verðlaunum felst tvö-
föld ánægja fyrir okkur. Í fyrsta
lagi er ljóst að það mikla kynning-
arstarf sem unnið hefur verið á
Bretlandseyjum hefur skilað þeim
árangri að gestirnir koma til okkar.
Síðan hefur landið sjálft og sú þjón-
usta sem við veitum skilað gest-
unum ánægðum til baka. Það er,
þegar upp er staðið, mikilvægasta
kynningin fyrir okkur,“ segir
Magnús.
Ísland í uppáhaldi