Morgunblaðið - 25.06.2003, Blaðsíða 19

SUÐURNES
MORGUNBLAÐIÐ MIÐVIKUDAGUR 25. JÚNÍ 2003 19
„REYKJANESSKAGINN býr yfir
mikilli fegurð og náttúran er mjög
margbreytileg. Við erum búin að
ganga saman um svæðið í fjögur
sumur og þó við höfum farið víða
eigum við margt eftir að skoða. Mér
sýnist við geta gengið nokkur sum-
ur í viðbót án þess að fara um sömu
svæði,“ segir Rannveig Lilja Garð-
arsdóttir (Nanný) í samtali við
Morgunblaðið, en hún er önnur
tveggja í forsvari fyrir Strand-
gönguhópinn.
„Ég er alin upp á fjöllum,“ segir
Nanný og er nokkuð ljóst að áhugi á
ferðamennsku og útivist er henni í
blóð borin. „Ég var, eins og svo
margir aðrir, afar upptekin af því að
fara alltaf eitthvert út á land til þess
að njóta náttúrunnar og stunda úti-
vist. Fyrir nokkrum árum varð þó
hugarfarsbreyting hjá mér og ég
vildi vita meira um mitt nánasta
umhverfi, en ég er uppalin í Kefla-
vík. Það voru fleiri sem höfðu þetta
sama áhugamál og smám saman
myndaðist lítill hópur áhugafólks
um göngur í fallegri náttúru
Reykjanesskagans.“
Göngusvæðið afmarkað
með strandgöngu
Nanný segir hópinn hafa byrjað á
því að ganga strandlengjuna frá
Vogum að Stafnesi í nokkrum
áföngum og má segja að fyrstu
göngurnar hafi verið mjög táknræn-
ar, því með strandgöngunni markaði
hópurinn það svæði sem hann ætl-
aði að einbeita sér að, enda er nafn
gönguhópsins dregið af þessari
strandgöngu. „Í framhaldi ákváðum
við að ganga alltaf einu sinni í viku á
sama tíma og á sömu kvöldum til að
gera fleirum kleift að vera með.
Smám saman hafa fleiri og fleiri
heyrt af þessu og bæst í hópinn,
bæði héðan af Suðurnesjum en einn-
ig frá höfuðborgarsvæðinu. Ákveð-
inn kjarni hefur myndast en auðvit-
að er þetta opið öllum sem hafa
áhuga. Það eina sem þetta kostar er
800 krónur fyrir rútuna á staðinn.“
Þetta er fjórða göngusumar
Strandgönguhópsins og hófst það
með göngu í kringum Kleifarvatn á
sumardaginn fyrsta. Forsvarsmenn
hópsins, Nanný og Elín Halldóra
Hermannsdóttir, leggja mikinn
metnað í alla umgjörð ganganna,
m.a. með dreifingu upplýsinga um
göngur sumarsins og fróðleik um
svæðið sem ganga á um.
Hópurinn hittist við Njarðvíkur-
kirkju á hverju miðvikudagskvöldi
kl. 19 og bíður þar rúta frá Sérleyf-
isbifreiðum Keflavíkur sem sér um
að koma göngumönnum á áfanga-
stað. Á leiðinni á gönguslóðir fræðir
Nanný hópinn um áfangastað
kvöldsins og hefur jafnframt hvatt
fólk til þess að lesa sér til um svæð-
ið í bókum og blöðum. „Við höfum
byggt þetta þannig upp að við höf-
um þrjár stórar góðar dagsgöngur
yfir sumarið, en hinar eru á bilinu
þriggja til fimm klukkustunda lang-
ar. Göngurnar eru miserfiðar og í
dreifibréfinu sem við útbúum hvert
sumar er þyngdarstig hverrar
göngu tekið fram. Við leggjum þó
áherslu á að hafa þetta göngur við
allra hæfi.“
Góðir skór eru mikilvægir
Nanný segir að jafnframt væri
lögð áhersla á að fólk væri vel útbú-
ið. „Ég hef fengið fyrispurnir um
hvort óhætt sé að koma í striga-
skóm en við því er svarið nei. Mjög
mikilvægt er að vera í góðum
gönguskóm og einnig að klæða sig
eftir veðri. Nesti verður líka að vera
með í för og á meðan við snæðum
fræði ég fólk um staðinn eða segi
sögur.“
Auk þess að vera mikil áhuga-
manneskja um útivist hefur Nanný
menntað sig í ferðamálafræðum og
er um þessar mundir að ljúka slíku
námi frá Ferðamálaskólanum í
Kópavogi. Starfsnámið stundar hún
í nýrri Upplýsingamiðstöð Reykja-
ness sem staðsett er í Bókasafni
Reykjanesbæjar „Ég er alin upp á
fjöllum þannig að áhuginn hefur
alltaf verið til staðar. Sennilega hafa
göngurnar þó orðið til þess að ég
dreif mig loksins í þetta nám. Ekki
spillir að mitt aðaláhugamál er úti-
vist og uppáhaldssvæðið er Reykja-
nesskaginn þannig að þetta hefur
unnið mjög vel saman, göngurnar
og námið.
Reykjanesskaginn á sér svo mikla
sögu sem er svo víða greinileg, t.d. í
öllum gömlu þjóðleiðunum sem
ennþá markar fyrir víða í hrauninu
og heiðunum. Að hugsa sér að mað-
ur skuli vera að ganga í spor fólks-
ins sem var að ganga hér þvert yfir
skagann fyrir mörgum öldum. Það
eru svo margir sem segja að nátt-
úrufegurð felist aðeins í fjöllum og
skógum. Því er ég ekki sammála.
Fegurðin er ekki síður hraunið, mó-
inn, gróðurinn, jarðfræðin og fugla-
lífið sem hér má finna í miklum
mæli.“
Strandgönguhópurinn kannar Reykjanesskagann
Ganga í spor forfeðranna
Morgunblaðið/Svanhildur Eiríksdóttir
Eins og sést er góða skapið ætíð með í för.
Suðurnes
HANDVERKSFÓLK og aðrir lista-
menn á Suðurnesjum láta ljós sitt
skína þessa dagana í Sumargallerí-
inu í Svarta pakkhúsinu við Kefla-
víkurhöfn. Þar sýna tæplega tuttugu
handverksmenn og -konur afurðir
sínar og sköpun og er úrvalið enn
fjölbreyttara en í fyrra. Þar má finna
allt frá tréskurði og keramikmunum
upp í íkona og málverk í alls kyns
stíl. Sumargalleríið er nú talið ómiss-
andi hluti af sumarmenningu
Reykjanesbæjar.
Listaskóli og góð aðstaða
Guðrún Greipsdóttir, starfsmaður
hjá Listasafni Suðurnesja, segir um-
ferðina um galleríið hafa verið afar
góða, þrátt fyrir að ekkert hafi verið
auglýst. „Það komu á þriðja hundrað
manns á sautjánda júní og skoðuðu
handverkið og fólk sýndi þessu mik-
inn áhuga.“ Guðrún segir þó lokun
Hafnarstrætisins og fleiri gatna
gera galleríinu erfitt fyrir að fá inn
fólk af götunni, þar sem það þurfi að
taka á sig mikinn krók til að komast
að pakkhúsunum. „Það gerir fólki
vissulega erfitt fyrir að bara detta
hérna inn, en fólk kemur engu að síð-
ur, því þetta eru fallegir munir og
gott umhverfi.
Í sumargalleríinu er einnig að-
staða fyrir kennslu í myndlist. Þang-
að koma börn á aldrinum 8–13 ára í
listaskóla á vegum menningar-,
íþrótta- og tómstundasviðs Reykja-
nesbæjar og er þeim skipt í hópa eft-
ir aldri. Thelma Björk Jóhannesdótt-
ir myndlistarkennari segir þennan
valkost við leikjanámskeiðin hafa
notið mikilla vinsælda jafnt hjá for-
eldrum sem börnum. „Það er frá-
bært að geta boðið börnunum upp á
nýja hluti og þjálfun í að tjá sig í
gegnum listina. Það er líka æðislegt
að hafa þessa aðstöðu í pakkhúsinu,
og líka fyrir krakkana. Þau eru svo
spennt fyrir því að fá að stunda
myndlist hér í þessu umhverfi og
upplifa sig sem alvöru listamenn.
Þau fá mikinn innblástur af því að fá
að vera hérna og læra.“
Sumargallerí í
svarta pakkhúsinu
Morgunblaðið/Svavar
Guðrún Greipsdóttir lóðsar gesti sumargallerísins um Svarta Pakkhúsið.
Morgunblaðið/Svavar
Thelma Björk Jóhannesdóttir
kennir börnum grímugerð.
Reykjanesbær
VÐ FUGLAVÍK og Norðurkot er mikið æðarvarp og er
það girt af. Þúsundir æðarfugla hafa þarna varpstaði á
hverju ári og er dúnninn nýttur af bændum.
Fleiri fuglar en æðarfuglinn njóta hinna góðu stað-
hátta á svæðinu og býr þarna gríðarlegur fjöldi kría sem
gætir ekki aðeins sinna eigin eggja, heldur einnig ann-
arra varpfugla.
Magnús Stefánsson æðarbóndi kynntist móðureðli
krínnar þegar hann var að líta eftir hreiðrum á dög-
unum og fékk ergilegt garg í eyra frá gírugum kríunum.
Morgunblaðið/Reynir Sveinsson
Krían sér um sína
Suðurnes