Morgunblaðið - 25.06.2003, Blaðsíða 31

MINNINGAR
MORGUNBLAÐIÐ MIÐVIKUDAGUR 25. JÚNÍ 2003 31
„Hvar er Sibba?“ spurði einn
vistmaðurinn í Skálatúni mig dag-
inn eftir hörmulegt slys sem kost-
aði Sibbu lífið. „Hún er hjá Guði,“
svaraði ég. Önnur spurning fylgdi
strax á eftir: „Líður henni núna
vel?“
Ég hef velt þessari spurningu
fyrir mér. Sibba var þroskaheft og
gat ekki talað þrátt fyrir að hún
gæti bjargað sér sjálf á mörgum
sviðum. Er hún núna heilbrigð og
getur talað.
Sibba vildi helst aldrei fara neitt
úr húsi. Það eina sem hún fékkst
til að fara var að fara til sum-
ardvalar fjarri Skálatúni. En
venjulega var hún heima að fylgj-
ast með hvort allt væri í röð og
reglu í fataskápunum. Hún fór í
reglubundnar eftirlitsferðir í skáp-
ana í Skálatúni og gætti þess að
röð og regla væri á öllu. Þannig
skoðaði hún vandlega skyrtur og
önnur föt. Ef fötin á herðatrjánum
voru ekki hneppt eða flíkurnar
ekki rétt hengdar upp kom hún
umsvifalaust með þær og gaf okk-
ur starfsfólkinu til kynna að þarna
þyrfti að bæta úr. Við hlýddum
enda var hún ekki í rónni fyrr.
Fyrsti vorboðinn í Skálatúni var
sá að Sibba hélt sig úti og rölti um
lóðina og naut veðurblíðunnar.
SIGURBJÖRG
BENEDIKTSDÓTTIR
✝ SigurbjörgBenediktsdóttir
fæddist í Reykjavík
10. janúar 1950.
Hún lést af slysför-
um 12. júní síðast-
liðinn.
Sigurbjörg bjó á
Skálatúnsheimilinu
í Mosfellsbæ frá
ungum aldri.
Útför Sigurbjarg-
ar fer fram frá
Lágafellskirkju í
dag og hefst athöfn-
in klukkan 13.30.
Sibba vildi alltaf
vera nýklippt og við
urðum að gæta þess að
hún næði ekki í skæri
því þá klippti hún sig
sjálf með misjöfnum
árangri. Á endanum
gripum við til þess að
burstaklippa hana.
Skærin urðu að vera
vel falin.
Nokkrum dögum
eftir að Sibba lést sá
ég skæri liggja á borði
og greip andann á
lofti. Sibba gæti náð
þeim og klippt sig. En
svo rann upp fyrir mér ljós. Sibba
var horfin og enginn hafði lengur
áhuga á skærum eða eftirliti með
fataskápum. Sibba sem var svo
heimakær og vildi helst aldrei fara
frá Skálatúni þar sem hún bjó allt
frá barnæsku var farin í sitt sein-
asta ferðalag. Enginn fylgist með
fataskápunum og ekki þarf að
gæta skæranna. Seinasta ferðalag
Sibbu felur í sér þau fyrirheit að
henni líði vel og hún sé nú heil-
brigð hinum megin. Ég trúi því að
svarið við spurningu félaga hennar
sé það að henni líði vel þar sem
hún er núna.
Við sem sinntum henni daglega
söknum hennar sárt.
Halldóra Jónsdóttir.
Vertu Guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni.
(H. Pétursson)
Í dag kveðjum við okkar kæru
vinkonu, Sibbu, eins og hún var
alltaf kölluð. Elsku Sibba, margar
góðar stundir höfum við átt saman
í Kjallaranum en þangað komstu
hvern virkan dag í þjálfun. Það er
skrýtið að byrja ekki daginn eins
og vanalega með andlits- og hand-
arnuddi. Nú er enginn til að sjá
um að geymslan og skáparnir séu í
lagi. Okkur er sérlega hugsað til
síðustu ferðar okkar saman, þegar
við fórum í heimsókn í Daðahús.
Hvað þér fannst gaman en varst
samt fegin að koma heim í Skála-
tún því þar leið þér best.
Guð geymi þig, elsku Sibba, og
takk fyrir samveruna.
Bertha og Margrét Kristín.
Í dag kveðjum við okkar elsku-
legu sambýliskonu og félaga Sig-
urbjörgu, sem var búsett hér í
Skálatúni frá því að hún var barn-
ung. Sigurbjörg setti með fasi sínu
og framkomu sterkan svip á mann-
lífið hér. Hún lifði í eigin heimi þar
sem hún gat ekki tjáð sig með orð-
um. Eigi að síður duldist það eng-
um hvernig henni leið og oft hreif
hún fólk með sér í kæti eða leiða.
Hún var hér eins konar staðar-
haldari og rölti um allt svæðið til
þess að kanna hvern krók og kima
því að Sigurbjörg vildi hafa allt
eftir settum reglum. Eitt er víst að
nærvera hennar og svipbrigði
hafði mikil áhrif á okkur öll. Við
þökkum henni fyrir allar samveru-
stundirnar.
Ó, drottinn viltu að mér gá.
Ó, drottinn leið mig til og frá.
Ó, drottinn gakktu á undan mér.
Ó, drottinn mig á höndum ber.
Ó, drottinn skil þú ei við mig.
Einkaförunaut kýs ég þig.
Kveðja.
Sambýlis- og starfsfólk
á neðri gangi.
Vertu, Guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni.
(Hallgr. Pét.)
Með þessum orðum kveðjum við
Sibbu sem nú er komin á góðan og
fallegan stað.
Blessuð sé minning hennar.
Steinunn og Birna Ósk.
Elsku afi minn.
Þú varst minn besti
vinur og félagi, þær
voru ófáar stundirnar
sem við áttum saman og umhyggjan
sem þú sýndir mér alltaf lýsir þeim
kærleik sem þú gast gefið frá þér.
Þú varst alltaf tilbúinn þegar ein-
hvers þurfti með.
Þær voru yndislegar, stundirnar
þegar við fórum saman í Suður-
sveitina og þú fræddir mig á leiðinni
á öllum örnefnum og yfirheyrðir
mig svo á leiðinni til baka. Sjálfsagt
hefur þér ekki þótt mikið til eft-
irtektar minnar koma.
Þú hafðir fyrir sið að hringja í
mig daglega í nokkur ár og þá
GUÐBRANDUR
BENEDIKTSSON
✝ GuðbrandurBenediktsson
fæddist á Kálfafelli í
Suðursveit í A-
Skaftafellssýslu 22.
maí 1920. Hann lést á
elliheimilinu Grund
10. apríl síðastliðinn.
Útför Guðbrands
fór fram frá Grafar-
vogskirkju 25. apríl
síðastliðinn.
ræddum við um allt
milli himins og jarðar.
Nú hefurðu kvatt þetta
líf og ég veit að þessi
stund var þér kær-
komin vegna veikinda
þinna.
Ég kveð þig með
sárum söknuði, elsku
afi minn.
Þinn
Björgvin.
Við erum á leiðinni
austur í Suðursveit að
heimsækja Steinþór
frænda og Önnu frænku eða við er-
um úti á túni að virða Kálfafells-
tindinn fyrir okkur. Já, hann er
virðulegur, tindurinn, eða það finnst
okkur.
Elsku afi, þér þótti alltaf gaman
að ferðast og nú ertu farinn í langt
ferðalag þar sem þér líður vel og ég
efast ekki um að þú færð höfðing-
legar móttökur, enda höfðingi á
ferð. Alltaf þegar von var á afa var
hlaupið út í búð og keypt eitthvað
gott því að nú skyldi halda veislu,
borða og hlæja mikið.
Við göntuðumst oft með hve ríki-
dæmið þitt væri mikið, þú ættir 22
afkomendur og það væri nú ekki
svo lítið og alltaf fannst þér þetta
fólk sérlega myndarlegt og
skemmtilegt. Já, hverjum þykir
sinn fugl fagur. Ég er líka rík því ég
á ótal góðar minningar um hlýjan
og góðan faðm alltaf þegar á þurfti
að halda. Og um mikinn húmorista
sem sagði svo skemmtilega frá enda
víðlesinn.
Einn stærsti gullmolinn í mínu
ríkidæmi er þegar elstu börnin mín
fæddust, tvíburarnir svo litlir, þeg-
ar þú komst inn á vökudeild, tókst
þau upp óhræddur, kysstir og knús-
aðir og tárin runnu niður kinnar
þínar af gleði. 14 mánuðum seinna
fæddist þriðji gullmolinn, stór og
stæðileg stúlka, og mikið fannst þér
hún falleg, svei mér þá ef hún væri
ekki bara lík þér, blessað barnið.
Viti menn, átta árum seinna
stækkaði enn ríkidæmi okkar, ynd-
islegur drengur leit dagsins ljós og
þótt þú værir mjög veikur aftraði
það þér ekki frá að heilsa upp á
okkur með alla þína hlýju og stolt.
Elsku afi, takk fyrir allar stund-
irnar okkar, takk fyrir alla ástina og
hlýjuna sem þú gafst okkur. Guð
geymi þig.
Ingunn Benedikta.
Sérfræðingar
í blómaskreytingum
við öll tækifæri
Skólavörðustíg 12,
á horni Bergstaðastrætis,
sími 551 9090.
LEGSTEINAR
Mikið úrval af legsteinum
og fylgihlutum
Sendum myndalista
MOSAIK
Hamarshöfði 4, 110 Reykjavík, sími 587 1960
Marmari
Granít
Blágrýti
Gabbró
Líparít
Ástkær móðir okkar, tengdamóðir, amma
og langamma,
AÐALHEIÐUR HALLDÓRA
GUÐBJÖRNSDÓTTIR,
andaðist á Landspítalanum Fossvogi föstu-
daginn 20. júní.
Útför hennar fer fram frá Fríkirkjunni í Hafnar-
firði fimmtudaginn 26. júní kl. 15.00.
Oddný Lína Sigurvinsdóttir,
Guðbjörn Magnús Sigurvinsson, Þórunn Einarsdóttir,
Viktor Jón Sigurvinsson, Ólína Sverrisdóttir,
Sigurvin Heiðar Sigurvinsson, Auður Auðunsdóttir,
Jón Ásgeir Sigurvinsson, Elínborg Sturludóttir,
barnabörn og barnabarnabörn.
ÁGÚST ÖGMUNDSSON
frá Litla landi,
Vestmannaeyjum,
andaðist á sjúkrahúsi í Slagelse, Danmörku,
fimmtudaginn 19. júní.
Útförin fer fram frá kapellunni í Korsör mið-
vikudaginn 25. júní.
Systkini hins látna og fjölskyldur.
Þökkum auðsýnda samúð og hlýhug við and-
lát og útför eiginkonu minnar, móður, tengda-
móður, ömmu og langömmu,
GUÐRÍÐAR BENEDIKTSDÓTTUR,
Fjarðarstræti 33,
Ísafirði.
Andrés Jóhannsson
og fjölskyldur.
Jarðarför frænku okkar,
HELGU EYJÓLFSDÓTTUR,
Lindargötu 61,
Reykjavík,
fer fram frá Hallgrímskirkju föstudaginn
27. júní kl. 13.30.
Bræðrabörnin.
Föðursystir okkar,
INGIBJÖRG GUÐNADÓTTIR,
Hjallaseli 55,
lést laugardaginn 14. júní.
Útförin hefur farið fram í kyrrþey að ósk
hinnar látnu.
Þökkum auðsýnda samúð og vinarhug.
Sérstakar þakkir til starfsfólks Seljahlíðar fyrir
góða umönnun og hlýju.
Björk Jónsdóttir,
Svala S. Jónsdóttir,
Lind Ebbadóttir,
Sigurveig Ebbadóttir,
Gerður Ebbadóttir
og aðrir aðstandendur.
Elskulegur maðurinn minn og faðir,
BJÖRN Á. GUÐJÓNSSON
trompetleikari,
Grandavegi 47,
lést á hjúkrunarheimilinu Skógarbæ að kvöldi
mánudagsins 23. júní.
Ingibjörg Jónasdóttir,
Anna Þóra Björnsdóttir
og fjölskyldur.