Morgunblaðið - 25.06.2003, Blaðsíða 52
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 25. JÚNÍ 2003 VERÐ Í LAUSASÖLU 190 KR. MEÐ VSK.
UNDANFARNA daga hefur verið einmuna veður-
blíða á Norðurlandi og svo virðist sem framhald
verði þar á. Opinber hitamælir við lögreglustöðina
á Akureyri fór í 17°C klukkan þrjú í gær en hinn
frægi mælir á Ráðhústorginu fór vel yfir 20°C.
Hitamælir Veðurstofunnar sýndi mest 18°C.
Hrafn Guðmundsson, veðurfræðingur á spádeild
Veðurstofunnar, sagði að framhaldið yrði senni-
lega ekki alveg jafn sólríkt og verið hefur en
samt sem áður verður áfram hlýtt og fínasta veð-
ur. „Það eru hlýindi í kortunum eins langt og við
sjáum. Það sem gerist hugsanlega í framtíðinni er
að það verða suðlægar áttir áfram en á sunnudag
og mánudag virðist hann ætla að snúast í norðan-
eða norðaustanátt, en samt verður áfram mjög
hlýtt. Það verður einhver væta sunnan og vestan
til á landinu en síst þó á Norðurlandi og vænt-
anlega verður hiti víða 15 stig yfir daginn,“ sagði
Hrafn við Morgunblaðið í gær.
Gísli Kristinn Lórenzson, forstöðumaður Akur-
eyrarsundlaugar, sagði að þeir tækju fagnandi á
móti öllum gestum. „Hér er mikið af fólki í sól-
baði sem hefur það gott,“ sagði hann.
Morgunblaðið/Skapti Hallgrímsson
Þessir krakkar léku sér við að vaða í einni tjörninni í Lystigarðinum á Akureyri.
Það var líf og fjör í Sundlaug Akureyrar.
Hlýindi í kort-
unum eins
langt og sést
Í SKÝRSLU stjórnar Prestafélags Íslands, PÍ,
sem flutt var á aðalfundi félagsins á mánudag,
voru kjaramál ofarlega á baugi og var m.a. vikið
að gjaldskrá vegna aukaverka presta en gildis-
tími hennar rann út í febrúar. Hafa prestar ósk-
að eftir því við dómsmálaráðherra og fjármála-
ráðherra að taka aukaverk eins og
fermingarfræðslu og skírn inn í föst laun.
Í kjaramálahluta skýrslunnar segir að for-
svarsmenn félagsins hafi fylgt því mjög eftir að
ný gjaldskrá þoli enga bið. Ekki sé hægt að
hefja fermingarfræðslu í haust nema að vita
hvort, og þá hve mikið, eigi að innheimta fyrir
fræðsluna. Þá sé „mikill kurr í prestum með að
hjónavígslur séu enn eitt sumarið á sama lága
verðinu“.
Í skýrslunni segir ennfremur að nýr dóms-
málaráðherra, Björn Bjarnason, hafi verið sett-
ur inn í málið og hyggist taka á því sem fyrst.
„Hann styður ósk okkar um að taka skírnir og
fermingar út úr aukaverkagjaldskrá og inn í
föst laun.“
Séra Jón Helgi Þórarinsson, formaður PÍ,
sagði við Morgunblaðið að kjaramálin væru oft-
ar en ekki efst á baugi á aðalfundum. Skiljanlegt
væri að aukaverkin hefðu komið til umræðu þar
sem gjaldskráin hefði lítið sem ekkert breyst
undanfarin ár og örðugt hefði reynst að ná fram
frekari breytingum. Þannig hefðu gjöld fyrir
aukaverk eins og skírnir og hjónavígslur hækk-
að um 15% frá árinu 1993, en launavísitalan
hefði hækkað um 70% á sama tíma. Aðspurður
sagði sr. Jón Helgi að grunntaxti fyrir hjóna-
vígslu væri 4.600 kr., að frátöldum aksturs-
kostnaði, og hefði aðeins hækkað um 600 krónur
frá árinu 1993.
Staða guðfræðinga könnuð
Staða guðfræðinga og djákna var einnig til
umræðu á aðalfundinum en sr. Jón Helgi sagði
að óvígðir guðfræðingar ættu erfitt með að fá
embætti innan kirkjunnar. Samþykkt var álykt-
un þess efnis að fela stjórn PÍ að kanna stöðu
guðfræðinga frá Háskóla Íslands og hvernig
finna má leiðir til þess að fjölga prestsembætt-
um innan þjóðkirkjunnar. Niðurstaða þessarar
könnunar yrði lögð fram á næsta aðalfundi fé-
lagsins.
„Hjónavígslur enn eitt sum-
arið á sama lága verðinu“
Reglur um aukið eftirlit í
höfnum í gildi á næsta ári
Veldur
kostnaði
upp á
milljarða
ÓLAFUR J. Briem, framkvæmdastjóri
Sambands íslenskra kaupskipaútgerða, seg-
ir í grein í blaðinu í dag að tillögur sem Al-
þjóðasiglingamálastofnunin, IMO, hefur
samþykkt og miðast að því að hindra óheftan
aðgang manna að höfnum, skipum í höfnum
og farmi sem bíður flutnings þýði kostnað
upp á mörg hundruð milljarða króna. Hann
segir að verði þessum kröfum ekki framfylgt
hérlendis muni skip frá Íslandi ekki fá að
koma í erlendar hafnir né erlend skip hafa
áhuga á að koma í íslenskar hafnir.
Markmið þessara ráðstafana segir Ólafur
vera að koma í veg fyrir að skip verði vett-
vangur hryðjuverka og þær séu hliðstæðar
reglum um hert eftirlit með flugsamgöngum
sem tóku gildi í kjölfar hryðjuverkanna í
Bandaríkjunum 11. september 2001.
Umferð skipa, bíla og manna um hafnir
verði undir eftirliti og aðeins þeir sem eigi
erindi inn í hafnir og geti gert grein fyrir sér
fái aðgang að hafnarsvæðinu. Enn fremur sé
þess krafist að farmur sé gegnumlýstur og
að við tilteknar aðstæður sé skylt að leita í
farangri þeirra sem komi inn á hafnarsvæði
og eins á þeim sjálfum.
Stýrihópur sem samgönguráðherra skip-
aði á að gera tillögur um með hvaða hætti
eigi að innleiða þessar auknu öryggisráðstaf-
anir hér á landi en þær eiga að vera komnar í
gildi 1. júlí 2004.
Ótti við/25
BANDARÍSKA rokkhljómsveitin Foo
Fighters heldur tónleika á Íslandi síðar í
sumar. Tónleikarnir fara fram í Laugar-
dalshöllinni 26. ágúst en þetta er í fyrsta
sinn sem sveitin leikur hérlendis.
Foo Fighters er ein allra vinsælasta
rokksveitin í heiminum í dag en for-
sprakki hennar, Dave Grohl, er ekki síður
kunnur fyrir að hafa verið trommuleikari
í hljómsveitinni Nirvana. Eftir að Kurt
Cobain, söngvari og aðallagahöfundur
Nirvana, féll frá 1993 og sveitin lagðist
niður stofnaði Grohl Foo Fighters árið
1995. Sveitin hefur síðan gefið út fjórar
stórar plötur, komið allmörgum lögum
hátt á vinsældalista og unnið til fjölda
verðlauna, þar á meðal Grammy-
verðlauna.
Miðasala hefst 18. júlí kl. 10 um morg-
uninn í verslunum Skífunnar.
Rokkhljómsveitin Foo Fighters. Dave
Grohl er lengst til vinstri.
Foo Fighters
til Íslands
Ein vinsælasta / 46
ÞYRLA Landhelgisgæslunnar,
TF-LÍF, var send eftir sjómanni,
sem talinn var með slæmt botn-
langakast, um borð í rússneskt
rannsóknarskip um 190 sjómílur
suðaustur af Vestmannaeyjum
snemma í gærmorgun. Í sömu ferð
sótti þyrlan tæplega áttræðan far-
þega á skemmtiferðaskipinu Alb-
atros sem þar var skammt frá en
hann var með blóðtappa í fæti.
Flogið var með sjúklingana til
Hafnar í Hornafirði þar sem þeir
voru settir um borð í Fokkerflug-
vél Gæslunnar, TF-SYN, sem
flaug með þá til Reykjavíkur og
lenti þar kl. 15.42.
Af öryggisástæðum var talið
nauðsynlegt að Fokker Gæslunnar
fylgdi þyrlunni til að halda uppi
fjarskiptum og vegna lengdar
sjúkraflugsins.
Tveir sjúklingar
sóttir á haf út
Ljósmynd/Gæslan
TF-LÍF á sveimi yfir Albatrosi, skemmtiferðaskipi frá Bahamaeyjum.
Landaði í
flutningaskip
á miðunum
ÞORSTEINN Vilhelmsson EA, skip
Samherja, landaði um 470 tonnum af
síld í frystiflutningaskip í Síldar-
smugunni í gær. Að sögn Kristjáns
Vilhelmssonar, framkvæmdastjóra
útgerðarsviðs Samherja, er þetta í
fyrsta sinn sem skip Samherja skila
afla sínum í flutningaskip en hann
vonast til þess að Þorsteinn EA nái
að landa öðrum farmi í flutninga-
skipið áður en það heldur til Evrópu
til að setja aflann á markað.
„Ástæðan fyrir þessu er fyrst og
fremst sú að þetta er mjög góður
kostur þar sem það er langt að fara í
land,“ segir Kristján. Hann segir að
þessi háttur sé víða hafður á við
löndun afla en Samherji tekur skip á
leigu til að sinna þessu verkefni.
♦ ♦ ♦
♦ ♦ ♦
25 ÁRA gamall maður í San Diego í
Bandaríkjunum hefur játað að hafa
selt miða á tónleika með Björk Guð-
mundsdóttur sem aldrei stóð til að
halda. Maðurinn játaði brot sitt í
gær. Með brotinu rauf hann skilorð
fyrir eldri brot, að því er fram kemur
á fréttavef ABC.
Við yfirheyrslur í apríl síðastliðn-
um kom fram að maðurinn sann-
færði eiganda næturklúbbs í San
Diego um að Björk hefði fallist á að
koma þar fram. Fyrirhuguð dag-
setning tónleikanna var 15. janúar.
Maðurinn hafði náð að selja miða
fyrir að minnsta kosti níu þúsund
dollara, tæplega 700 þúsund krónur,
en miðann seldi hann á 40 dollara.
Seldi falsaða
miða á Bjark-
ar-tónleika