Morgunblaðið - 25.06.2003, Blaðsíða 17

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 25. JÚNÍ 2003 17
Viðskiptavinir
Herjólfs athugið!
Frá og með 1. júlí næstkomandi þarf að staðfesta
bókun fyrir bifreiðar með fullri greiðslu eigi síðar
en kl. 12 á hádegi daginn fyrir brottför.
Að öðrum kosti fellur bókunin niður.
Bókið á netinu: www.herjolfur.is
Áætlun Herjólfs
Brottfarartímar
1. maí til 31. ágúst
Sun.–fös. 8.15 og 16.00 12.00 og 19.30
Lau. 8.15 12.00
Frá Vestmannaeyjum Frá Þorlákshöfn
03
-0
29
4
KRAKKAFOSS, nýtt leiktæki, var opnað í Fjölskyldu-
og húsdýragarðinum í tilefni af tíu ára afmæli Fjöl-
skyldugarðsins í gær. „Skipið rúmar 24 farþega, sem
samtals mega vega allt að 1,2 tonn. Í tilefni afmælis-
dagsins var frítt í tækið,“ segir Einar Þór Karlsson,
markaðsstjóri Fjölskyldu- og húsdýragarðsins.
Hann segir að töluverður fjöldi hafi sótt garðinn á
afmælinu og biðröð var í Krakkafoss, þótt veðrið hafi
sett strik í reikninginn.
Þórólfur Árnason borgarstjóri hélt ávarp. Þá var
hann hæðarmældur og hæð hans mörkuð á öndvegis-
súlurnar líkt og venjan er þegar nýr borgarstjóri tekur
við völdum. „Það hefur myndast sú hefð að hæðarmæla
borgarstjóra þegar þeir taka við völdum. Þórólfur
Árnason mældist 176 sentimetrar. Árni Sigfússon hef-
ur mælst hæstur borgarstjóra og hann var svo hár að
forstöðumaður garðsins náði ekki að mæla hann, held-
ur þurfti að fá staðgengil, en reyndar er forstöðumað-
urinn frekar lágvaxinn,“ bætir Einar við. Að sögn hans
mældist Árni Sigfússon 190 sentimetrar þegar hann
tók við völdum 16. apríl 1994, en Ingibjörg Sólrún
Gísladóttir er hins vegar lægst eða 164 sentimetrar.
Borgarstjórinn fór um borð í Krakkafoss ásamt
börnum af leikjanámskeiði TBR og Þróttar og Guð-
mundi Þorbjörnssyni, framkvæmdastjóra sölu- og
markaðssviðs Eimskips, en fyrirtækið er einn styrkt-
araðila tækisins.
Árni Sigfús-
son hæstur
borgarstjóra
Morgunblaðið/Jim Smart
Laugardalur
SKIPULAGSNEFND Kópavogs
hefur samþykkt nýtt deiliskipulag
fyrir Lundarsvæðið, þar sem gert er
ráð fyrir íbúðarbyggð, en annað
deiliskipulag fyrir svæðið hafði lengi
verið til umfjöllunar. Gunnsteinn
Sigurðsson, formaður skipulags-
nefndar Kópavogs, á von á því að
bæjarráð fjalli um skipulagið í vik-
unni. Eignarhaldsfélagið Lundur,
sem stendur á bak við framkvæmd-
ina, lagði fram nýjar hugmyndir er
hafa verið til skoðunar í skipulags-
nefnd og í bæjarskipulagi í nokkurn
tíma og nú er, að sögn Gunnsteins,
komin niðurstaða í málið.
Hann segir að gert sé ráð fyrir
átta húsum, frá tíu og upp í fjórtán
hæðir og samtals 481 íbúð. „Það
sem hefur verið lögð megináhersla á
af hálfu skipulagsnefndar er að hafa
græna svæðið sem mest og í skipu-
lagsferlinu var reynt að koma sem
mestu af bílastæðum niður í jörðina.
Það hefur tekist á þann hátt að ég
held að það sé nálægt því að vera
tveir þriðju af bílastæðunum sem
eru komnir undir yfirborðið í dag
samkvæmt þessum tillögum sem
liggja fyrir,“ lýsir hann og bætir við
að í hverfinu sé gert ráð fyrir leik-
skóla og hverfisverslun.
Sem flestir njóti útsýnis
Hann bendir á að reynt hafi verið
að staðsetja nýju byggingarnar sem
fjærst þeim húsum sem fyrir séu í
dalnum. Einnig var lögð áhersla á
að setja húsin þannig niður að sem
flestir íbúar nytu útsýnis.
Gunnsteinn segir að fyrra deili-
skipulagið hafi verið töluvert lengi
til umfjöllunar, en í því var gert ráð
fyrir svokölluðum þekkingarlundi.
Þar átti að vera blönduð byggð,
jafnt atvinnustarfsemi sem íbúa-
byggð. „Hugsunin var sú að at-
vinnustarfsemin væri á neðri hæð-
um og síðan íbúðarhúsnæði á efri
hæðum. Þetta er búið að vera tölu-
vert lengi í deiglunni og var til með-
ferðar í skipulagsnefnd rétt fyrir
jól. Það var horfið frá þessu skipu-
lagi vegna þess að það er búin að
vera svolítil lægð yfir þessum mark-
aði. Það var ein ástæðan, auk þess
sem við erum með verslunar- og
þjónustusvæði Kópavogsmegin í
dalnum og þar eru óbyggð hús
ennþá þannig að þetta fór eiginlega
ekkert saman,“ leggur hann áherslu
á.
Hærri hús og stærra grænt
svæði heppilegra
Nokkuð hefur borið á gagnrýni á
fyrirhugað skipulag, meðal annars
frá minnihluta bæjarstjórnar Kópa-
vogs. Flosi Eiríksson, oddviti Sam-
fylkingarinnar, skrifaði grein í
Morgunblaðið á dögunum, þar sem
hann lýsti yfir vanþóknun sinni á
fyrirhugaðri háhýsabyggð á svæð-
inu. Þegar hann er spurður um
þessar gagnrýnisraddir segir Gunn-
steinn að auðvitað geti hver og einn
haft skoðun á málinu. Skoðun sín sé
sú að skipulagið komi ágætlega út,
þar sem hann telji það heppilegra
að hafa húsin aðeins hærri og
grænu svæðin stærri og af því taki
skipulagið töluvert mið. „Það er
heilmargt annað sem fylgir þessu.
Það fylgir með tillaga um breytingu
á aðalskipulagi, auk þess sem gatna-
kerfinu er breytt í leiðinni. Nýbýla-
veginum er breytt og það er gengið
þarna frá aðrein sem kemur frá
Hafnarfjarðarvegi inn á Nýbýlaveg-
inn sem ekki hefur verið áður. Ég
tel þetta allt til mikilla bóta fyrir
þetta svæði. Það hefur lengi staðið
til að byggja á þessu svæði, en þetta
svæði sem við vorum að samþykkja
í skipulagsnefndinni er að mínu viti
allt annað og miklu betra skipulag
heldur en skipulagsnefndin var búin
að afgreiða frá sér í haust.“
Gunnsteinn segir að ef deiliskipu-
lagið verði samþykkt í bæjarráði
fari það í hefðbundið auglýsingaferli
og telur hann að miðað við eðlilegan
gang gætu framkvæmdir hafist
jafnvel á næsta ári. Hann undir-
strikar að sérstakt eignarhaldsfélag
sjái um framkvæmdina og því sé
það bæjarins að sjá um skipulagið
en nánari útfærsla framkvæmdanna
sé á hendi félagsins.
Skipulagsnefnd samþykkir nýtt
deiliskipulag fyrir Lundarsvæðið
Átta háhýsi
fyrirhuguð í
landi Lundar
Kópavogur
Morgunblaðið/Arnaldur
Gert er ráð fyrir átta húsum, frá tíu og upp í fjórtán hæðir og samtals 481
íbúð, í landi Lundar í Kópavogi. Megináhersla hefur verið lögð á að hafa
sem stærst grænt svæði og koma bílastæðum undir yfirborðið.
Bikiní - BCD skálar
Sundbolir
Strandpils
COS
Undirfataverslun • Glæsibæ • S: 588 5575