Morgunblaðið - 14.07.2003, Síða 1
STOFNAÐ 1913 188 . TBL. 91. ÁRG. MÁNUDAGUR 14. JÚLÍ 2003 PRENTSMIÐJA ÁRVAKURS HF. mbl.is
Knattelskur
kaupahéðinn
Rússinn Roman Abramovits er nýr
eigandi Chelsea | Viðskipti 11
Keppti þrátt
fyrir flensu
Jón Arnar Magnússon annar í
tugþraut í Ratingen | Íþróttir 3
Þefvísir
hundar
Þrír nýir fíkniefnaleitarhundar
fluttir inn til landsins | 9
FRAMKVÆMDARÁÐ Íraks kom saman í fyrsta
skipti í gær og fundinum var lýst sem tímamóta-
skrefi í þá átt að endurreisa landið og undirbúa
lýðræðislegar kosningar sem hugsanlegt er að
fari fram þegar á næsta ári.
Sergio Viera de Mello, sendimaður Sameinuðu
þjóðanna í Írak, lýsti fyrsta fundi framkvæmda-
ráðsins sem „tímamótadegi í sögu landsins“.
Hann sagði að landið væri nú „fullgildur aðili að
samfélagi þjóðanna“ eftir að hafa verið einangrað
á alþjóðavettvangi frá því að Írakar réðust inn í
grannríkið Kúveit árið 1990.
Í framkvæmdaráðinu sitja 25 Írakar, þar af 13
sjítar. Súnnítar, sem höfðu bæði tögl og hagldir í
landinu á 35 ára valdatíma Saddams Husseins,
eiga þar aðeins fimm fulltrúa. Í ráðinu eru einnig
fimm Kúrdar, einn Túrkmeni og einn kristinn
Íraki.
Bremer með neitunarvald
Ráðið á að hafa umsjón með undirbúningi lýð-
ræðislegra kosninga, tilnefna ráðherra og stjórn-
arerindreka, samþykkja fjárlög og skipa nefnd
sem á að semja nýja stjórnarskrá. Hernámsliðið á
að bera ábyrgð á öryggi landsins áfram og Paul
Bremer, leiðtogi hernámsstjórnarinnar, hefur
neitunarvald í öllum málum, að sögn heimildar-
manns AFP-fréttastofunnar hjá Sameinuðu þjóð-
unum.
Einn fulltrúanna í framkvæmdaráðinu, Adnan
Pachachi, kvaðst þó telja ólíklegt að Bremer beitti
neitunarvaldinu.
„Tímamóta-
dagur“ í Írak
Fyrsti fundur írasks
framkvæmdaráðs
EPA
Mohammed Bahr al-Uloum, sjía-klerkur frá Naj-
af (t.h.), ræðir við sjítann Abdul Aziz al-Hakim á
fyrsta fundi íraska framkvæmdaráðsins í gær.
Bagdad. AFP.
VERÐ á lýsi og mjöli hefur verið gott og stöðugt
að undanförnu að sögn Björgólfs Jóhannssonar
forstjóra Síldarvinnslunnar í Neskaupstað. Björg-
ólfur sagði að miðað við það sem oft hefði verið áð-
ur væri verð í erlendum gjaldmiðlum gott en mjöl
er einkum selt fyrir pund en lýsi mest fyrir doll-
ara. Hann sagðist þó jafnvel búast við því að mjöl-
verð mundi lækka eitthvað á næstunni, þótt hann
teldi ekki að sú lækkun yrði mikil og að verðið
hækkaði aftur með haustinu.
Mjög vel hefur gengið á kolmunnaveiðum að
undanförnu og sömu sögu er að segja af loðnuveið-
um þegar gefið hefur.
Björgólfur bjóst við að sumarloðnuverðtíðinni
lyki í lok júlímánaðar en taldi góðar horfur vera
framundan í kolmunnaveiðum. Fimm til sex skip á
vegum Síldarvinnslunar hafa verið við kolmunna-
veiðar en skip sem verið hafa á síldveiðum munu
sennilega skipta yfir á kolmunna á næstunni enda
mikil áhersla lögð á að ná kolmunnanum í kjölfar
kvótaaukningarinnar sem varð nýverið. Nóg er
því að gera í bræðslu í Neskaupstað í sumar, enda
fer kolmunni allur í bræðslu. Í júlí hafa fjórar
bræðslur verið í gangi á vegum fyrirtækisins. Það
er aðeins verksmiðjan í Helguvík sem hefur verið
lokuð.
Gísli Jónatansson, forstjóri Loðnuvinnslunnar á
Fáskrúðsfirði, sagði í samtali við Morgunblaðið að
vel hefði gengið það sem af væri árinu og að fiski-
mjölsverksmiðjan hefði tekið við 86 þúsund tonn-
um af hráefni það sem af væri ári. Frá því að
vinnslan byrjaði árið 1996 hefur verið tekið á móti
75–103 þúsund tonnum á ári en allt árið í fyrra var
tekið á móti 77 þúsund tonnum. Gísli sagði að mest
hefði verið unnið af kolmunna, tæplega 50 þúsund
tonn en afgangurinn væri loðna og síld. Mikið af
erlendum skipum hefur landað á Fáskrúðsfirði og
hafa landanir þeirra verið mikil lyftistöng fyrir at-
vinnulífið þar. Að sögn Gísla hafa færeysk skip
verið í meirihluta og þá einkum meðan verkfall
stóð yfir í Færeyjum í maímánuði. Norsk og skosk
skip hafa einnig landað í nokkrum mæli á Fá-
skrúðsfirði en Loðnuvinnslan heldur sjálf úti einu
skipi, Hoffelli.
Gísli sagði að verð fyrir mjöl og lýsi hefði verið
gott fram eftir ári en í ljósi mikils framboðs af
mjöli hefði mjölverð farið lækkandi að undan-
förnu. Styrking pundsins hefur þó dregið úr áhrif-
um verðlækkunarinnar. Lýsisverð sagði Gísli hafa
haldist stöðugt þrátt fyrir að erfitt væri að selja
lýsi. Um 170 manns vinna nú hjá Loðnuvinnslunni
sem er svipaður fjöldi og verið hefur síðustu ár.
Gott verð á fiskimjöli og lýsi
Vel hefur gengið á
kolmunna- og loðnu-
veiðum að undanförnu
Morgunblaðið/Albert Kemp
Norska skipið Rav frá Þrándheimi landaði um
1.000 tonnum af loðnu í Fáskrúðsfirði í gær.
MILLJÓNIR manna hafa flúið
heimili sín vegna flóða í Kína,
Bangladesh og á Indlandi síðustu
mánuði. Fregnir hermdu í gær að
alls hefðu meira en 700 manns látið
lífið af völdum flóða í þessum lönd-
um það sem af er árinu, þar af um
580 í Kína.
Indverji situr hér í skúr í bænum
Narikoli í indverska sambandsrík-
inu Assam. Þrjár milljónir manna
hafa flúið heimkynni sín í Assam
og flóðin þar hafa kostað um 25
manns lífið. Indversk yfirvöld telja
að allt að 50.000 flóttafólksins þjá-
ist af sjúkdómum eins og malaríu.
Óttast er að allt að 75 manns
hafi látið lífið í tveimur aur-
skriðum í suðvesturhluta Kína í
gær. Um 800 manns leituðu að
fólkinu, þeirra á meðal 150 her-
menn.EPA
Milljónir
manna flýja
heimili sín
CONDOLEEZZA Rice, þjóðaröryggisráð-
gjafi Bandaríkjanna, sagði í gær að um-
deild fullyrðing George W. Bush Banda-
ríkjaforseta um að Írakar hefðu falast eftir
úrani í kjarnavopn væri rétt. Hún viður-
kenndi þó að fullyrðingin hefði ekki átt að
vera í stefnuræðu forsetans á Bandaríkja-
þingi í janúar.
Rice og Donald Rumsfeld, varnarmála-
ráðherra Bandaríkjanna, sögðu einnig að
Bandaríkjamenn og Bretar hefðu undir
höndum nokkur leyniþjónustugögn sem
renndu stoðum undir ásökunina um að
stjórn Saddams Huss-
eins hefði reynt að kaupa
úran í Afríkuríkinu Níg-
er. Þau sögðu þó bæði að
leyniþjónustugögnin
stæðust ekki þær miklu
kröfur sem gerðar væru
til upplýsinga sem not-
aðar væru í stefnuræð-
um Bandaríkjaforseta.
Þau staðfestu fréttir um
að George Tenet, yfirmaður leyniþjónust-
unnar, hefði látið taka svipaða fullyrðingu
úr texta ræðu sem Bush flutti í október,
þremur mánuðum fyrir stefnuræðuna.
„Breska stjórnin hefur komist að því að
Saddam Hussein falaðist nýlega eftir veru-
legu magni af úrani frá Afríku,“ sagði Bush
í stefnuræðunni. „Þessi yfirlýsing var
vissulega rétt. Breska stjórnin sagði
þetta,“ sagði Rice og bætti við að fullyrð-
ingin hefði byggst á nokkrum heimildum,
ekki aðeins skjölum sem reyndust hafa
verið fölsuð.
Deilt um hvort stjórn Saddams falaðist eftir úrani í kjarnavopn
Rice segir að fullyrðing
Bush forseta sé rétt
Washington. AP, AFP.
Lét taka/12
Condoleezza Rice