Morgunblaðið - 18.07.2003, Síða 44
ÍÞRÓTTIR
44 FÖSTUDAGUR 18. JÚLÍ 2003 MORGUNBLAÐIÐ
ERIK Solér, fyrrverandi landsliðs-
maður Noregs og núverandi um-
boðsmaður í knattspyrnu, hefur trú
á því að það sem er að gerast hjá
Chelsea í Englandi sé aðeins for-
smekkurinn að því sem koma skal.
Solér segir að nýríkir Rússar eigi
eftir að láta að sér kveða í auknum
mæli við stjórnun hjá knattspyrnu-
félögum í Evrópu. „Rússar eiga
mikið af peningum og þeir koma til
með að stjórna markaðnum í Evr-
ópu áður en langt um líður.
Fyrir utan að Rússar hafa hug á
að yfirtaka félög í Evrópu, þá hafa
þeir styrkt lið í Rússlandi með leik-
mönnum frá Brasilíu og öðrum
löndum,“ sagði Solér í útvarps-
viðtali í Noregi í gær.
Rússnesk
„innrás“
HEIMSMEISTARARNIR frá
Bandaríkjunum leika í riðli með
Svíþjóð, Nígeríu og Norður-Kóreu
á heimsmeistaramótinu í knatt-
spyrnu, sem hefst í Bandaríkjunum
20. september. Eins og menn muna
þá var HM flutt frá Kína á dögunum
vegna lungnabólgufaraldurs.
Dregið var í riðla í gær í Carson í
Kaliforníu. Ólympíumeistararnir
frá Noregi leika í B-riðli með
Frakklandi, Brasilíu og Suður-
Kóreu. Evrópumeistarar Þýska-
lands leika í C-riðli með Kanada,
Japan og Argentínu og í D-riðli
leika Kína, Gana, Ástralía og Rúss-
land. Tvö efstu liðin úr hverjum
riðli komast í 8 liða úrslit.
Þá mætir sigurvegarinn í A-riðli
liðinu í öðru sæti í B-riðli og sig-
urvegarinn í B-riðli liðinu sem
verður í öðru sæti í A-riðli. Tvö
efstu liðin í C og D-riðli krossa á
sama hátt.
Upphafsleikur mótsins verður
viðureign Nígeríu og Norður-
Kóreu 20. september en úrslitaleik-
urinn fer fram 12. október í Carson.
Norska landsliðið er talið það
besta í heimi í dag og sagði aðstoð-
arþjálfari liðsins, Hans Knutsen, að
róðurinn yrði erfiður ef norska lið-
ið komist í 8-liða úrslitin. „Þá mæt-
um við Bandaríkjamönnum eða Sví-
um. Ef við leikum gegn Svíum
verður það leikur um farseðil á Ól-
ympíuleikana í Aþenu, þar sem við
eigum titil að verja.“
Heimsmeistarar í
sterkum riðli á HM
BEN Johnson sem eitt sinn var
fljótasti spretthlaupari heims en var
dæmdur úr leik á Ólympíuleikunum
í Seoul árið 1988 vegna lyfjanotkn-
unar hefur aðstoðað knattspyrnulið-
ið Perugia á Ítalíu undanfarna
daga.
JOHNSON hefur tekið að sér að
vera með séræfingar sem eiga að
auka hraða leikmanna liðsins en lið-
ið er í æfingabúðum í Folgaria en á
að leika í Intertoto-keppninni á
laugardag gegn finnska liðinu Alli-
anssi í þriðju umferð keppninnar.
HINN 42 ára gamli Johnson er
sagður vera við störf hjá Perugia
vegna tengsla sinna við Saadi Kadh-
afi sem er sonur Moamer Kadhafi
sem stýrt hefur málum í Lýbíu und-
anfarna áratugi. Saadi Kadhafi er
sem kunnugt er leikmaður Perugia
en hann á einnig hlut í Juventus en
hefur ekki látið mikið að sér kveða
sem framherji á undanförnum ár-
um.
SASA Ilic, fyrrverandi markvörð-
ur Charlton, er kominn til æfinga
hjá enska 2. deildarliðinu Barnsley,
sem Guðjón Þórðarson stjórnar.
Margir leikmenn hafa mætt á æf-
ingar hjá liðinu að undanförnu, eins
og Brynjar Björn Gunnarsson, Pet-
er Handyside, Tom Cowan og Tony
Gallimore.
MIÐHERJINN Marvin Robinson,
23 ára fyrrverandi leikmaður hjá
Derby, er kominn til reynslu hjá
Barnsley. Guðjón þekkir hann vel,
þar sem Robinson lék undir hans
stjórn sem lánsmaður hjá Stoke, en
hann varð fyrir því óhappi að fót-
brotna.
BOLTON hefur samið við varnar-
manninn Ivan Campo til þriggja ára
en hann var í láni hjá liðinu frá Real
Madrid á síðustu leiktíð í ensku úr-
valsdeildinni í knattspyrnu. Bolton
þarf ekki að greiða Madrid neitt fyr-
ir Campo þar sem hann var samn-
ingslaus.
PATRICK Kluivert, sóknarmaður
Barcelona í knattspyrnu, hefur
ákveðið að vera áfram hjá félaginu.
Hann hefur samþykkt að skrifa und-
ir nýjan samning við liðið sem felur í
sér að hann taki á sig launalækkun.
MICHAEL Owen skoraði tvö
mörk og Emile Heskey eitt, þegar
Liverpool lagði Köln að velli í æf-
ingaleik í Köln á miðvikudagskvöld-
ið, 3:1. Gerard Houllier, knatt-
spyrnustjóri Liverpool, var
ánægður með framgöngu Harry
Kewell í fyrsta leik hans með liðinu.
ENN einu sinni er sá orðrómur
kominn upp í Madrid, að Arsenal
vilji fá enska miðjumanninn Steve
McManaman, 31 árs, til sín. McMan-
aman náði ekki að halda sæti sínu í
liði Real Madrid sl. keppnistímabil
og talið er að litlar líkur séu á að
hann nái að tryggja sér fast sæti á
komandi tímabili, þar sem Real hef-
ur keypt David Beckham.
FÓLK
VEÐRIÐ hefur leikið við íslenska
kylfinga þó svo að vindasamt hafi
verið á Opna breska í gær. Þetta
fína veður og góðir vellir hafa skil-
að sér í því að fjölmargir kylfingar
hafa leikið undir pari vallanna í
meistaramótum klúbbanna. Getið
er um árangur Birgis Leifs annars
staðar á íþróttasíðunum.
Á Nesvellinum léku þrír kylf-
ingar á tveimur undir pari fyrsta
daginn, Vilhjálmur Ingibergsson,
Nökkvi Gunnarsson og Sigurður
Hafsteinsson.
Sigurpáll Geir Sveinsson lék á
þremur undir á Akureyri í gær og á
fyrsta degi í Eyjum léku þeir Örlyg-
ur Helgi Grímsson og Júlíus Hall-
grímsson á þremur höggum undir
pari hvor um sig.
Vallarmet var sett í Stykkishólmi
þegar Skarphéðinn Elvar Skarp-
héðinsson lék völlinn á 64 höggum
eða sex undir pari vallarins.
Tveir eru búnir að fara holu í
höggi hjá GKG á meistaramótinu,
Kristján Björgvinsson gerði það á
4. braut sem er 143 metrar og
Gunnar Bergsveinsson á þeirri 11.
sem er 122 metrar.
Hjá Golfklúbbi Setbergs lék
Tryggvi Traustason á tveimur und-
ir pari fyrsta daginn.
Fjölmargir undir pari
Otto lék snemma í gær og þaðgerðu einnig flestir þeir sem
náðu að skora sæmilega en það voru
aðeins fimm kylfingar sem luku leik
undir pari. Fyrrum meistarar Tom
Watson og Greg Norman eru í hópi
efstu manna en sá sem jafnan er tal-
inn sigurstranlegastur þegar golf-
mót er annars vegar, Tiger Woods,
lék á tveimur yfir pari. Hann byrjaði
skelfilega, lék fyrstu brautina á sjö
höggum, þremur yfir pari eftir að
hann týndi boltanum eftir upphafs-
höggið. Hann náði þó að leika restina
á vellinum á einu undir og er því með
í leiknum. „Forvarðarsveitin sá bolt-
ann lenda og benti okkur á hvar
hann átti að vera, en við fundum
hann alls ekki. Þetta var hræðilegt,“
sagði Tiger sem varð að taka víti og
slá sitt þriðja högg af fyrsta teig,
ekki sú byrjun sem menn óska sér.
Ernie Else er hins vegar í slæm-
um málum því hann lék í gær á sjö
yfir pari og er í 102.–115. sæti en eft-
ir daginn í dag komast 54 kylfingar
áfram og því þarf meistari síðasta
árs að taka á honum stóra sínum ætli
hann sér að komast áfram í mótinu.
Otto hefur aldrei áður tekið þátt í
Opna breska og því kemur árangur
hans nokkuð á óvart þó svo að hafa
beri í huga að oft koma óþekktir
kylfingar á óvart í fyrsta hring á
stórmótunum en missa síðan af lest-
inni er lengra líður á mótið.
Gamla kempan Greg Norman lék
einnig snemma í gær. „Ég held að
það hafi ekki eitt einasta högg í dag
verið auðvelt.“
Watson tók í sama streng en hann
fór illa að ráði sínu á tveimur síðustu
holunum. „Ég endaði illa, en tvær
síðustu holurnar eru erfiðar við að
eiga af teignum og gerðu tiltölulega
ánægjulegan hring að venjulegum.
Ég yfirgaf völlinn með vont bragð í
munninum, en það hefur komið fyrir
áður og á örugglega eftir að gerast
aftur. Ég hef alltaf átt í vandræðum
á þessum velli,“ sagði Watson.
Annar nýliði á mótinu kom á óvart
í gær, Kóreumaðurinn SK Ho, en
hann hefur leikið golf síðan hann var
tíu ára og gerðist atvinnumaður
1995. Hann er í 4.–5. sæti ásamt Sví-
anum Fredrik Jacobson, en hann lék
síðari hluta dags, þegar vinurinn var
hvað sterkastur og því er árangur
hans eftirtektarverður. „Ég átti satt
best að segja ekki von á þessu því
vindurinn var sterkur og það var erf-
itt að eiga við völlinn,“ sagði hann, en
hann fékk fugl á fjórðu braut og par
á restina, sannarlega stöðugur leikur
hjá honum.
Colin Montgomerie, sem hafði
vonast eftir að ná langt í mótinu,
varð að hætta eftir sjö holur. Hann
datt illa þegar hann var að koma úr
morgunverði á hóteli sínu í gær-
morgun. „Ég horfði til himins og
leist ekki á það sem ég sá, en hrasaði
í tröppunum og hruflaði mig á hendi
og fæti. Læknarnir sögðu mér að
reyna ekki að keppa en ég ætlaði að
þrjóskast við, en hefði ekki gert það
ef þetta hefði verið í einhverju öðru
móti,“ sagði Montgomerie vonsvik-
inn en hann var á fjórum yfir pari
þegar hann hætti leik.
Tomas Björn frá Danmörku, fór
illa að ráði sínu í gær. Hann var tvo
undir þegar hann kom á 17. holuna
en þar lenti hann í glompu við flötina
og höggið upp úr henni mistókst og
þá lamdi hann kylfunni í glompuna.
Fyrir það fékk hann tvö högg í víti
þar sem boltinn hans var ennþá í
glompunni. Hann lauk leik á tveimur
höggum yfir pari.
Reuters
Hennie Otto frá S-Afríku er í efsta sæti eftir fyrsta dag.
Reuters
Greg Norman lék vel í gær og er í öðru sæti.
Meistarinn
máttlítill
á Royal St
George’s
HENNIE Otto, lítt þekktur kylfingur frá Suður-Afríku, kom virkilega
á óvart á fyrsta degi Opna breska meistaramótsins í golfi sem hófst
á Royal St George’s-vellinum í gær. Hann lék snemma dags og kom
inn á 68 höggum eða þremur undir pari vallarins og skaut öllum aft-
ur fyrir sig, þar með töldum landa sínum og meistara síðasta árs
Ernie Els, sem er í slæmum málum að þessu sinni.