Morgunblaðið - 18.07.2003, Blaðsíða 56

MIKILL áhugi er á tónleikum
hljómsveitarinnar Foo Fighters,
sem leikur í Laugardalshöll 26.
ágúst nk. Þessi áhugi endur-
speglast í röð sem hafði myndast
fyrir utan Skífuna á Laugavegi kl.
átta í gærkvöldi, en miðasalan
hefst kl. 10 í dag. Um 25 ung-
menni höfðu þegar safnast fyrir
utan og bættist sífellt í hópinn.
Sigurður Hreiðar Höskuldsson er
einn af aðdáendum Foo Fighters
og hann sá ekki eftir tímanum
sem fór í biðina.
Bíða eftir miðum
á Foo Fighters
Morgunblaðið/Sverrir
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 18. JÚLÍ 2003 VERÐ Í LAUSASÖLU 190 KR. MEÐ VSK.
RANNSÓKN Samkeppnisstofnun-
ar á meintu ólögmætu samráði olíu-
félaganna þriggja, m.a. um verð og
gerð tilboða, beinist að árunum 1993
til 2001 og snýst ekki sízt um hvort
samkomulag hafi verið þeirra í milli
þegar fyrirtæki og stofnanir buðu út
olíuviðskipti á þessu tímabili. Enn-
fremur um samstarf þeirra um sölu
á eldsneyti á Keflavíkurflugvelli og
Reykjavíkurflugvelli og um sölu á
eldsneyti til erlendra skipa í ís-
lenzkum höfnum. Flest málin munu
vera frá fyrri hluta ofangreinds
tímabils. Á þessu tímabili efndu all-
margir aðilar til útboðs vegna elds-
neytiskaupa. Þar var um að ræða
einkafyrirtæki á borð við Flugleiðir,
Ístak, Íslenzka járnblendifélagið
hf., Norðurál, ÚA og Landssímann,
svo að dæmi séu nefnd.
Einnig koma við sögu opinberir
aðilar, svo sem Reykjavíkurborg,
Vegagerðin, dómsmálaráðuneytið
og Ríkiskaup.
Samkeppnisstofnun hóf rann-
sókn sína hinn 18. desember árið
2001 með húsleit í starfsstöðvum
olíufélaganna og mun hafa afhent
olíufélögunum fyrri hluta frum-
skýrslu um niðurstöðu rannsókn-
arinnar í janúar sl. Olíufélögin hafa
rétt á að koma fram andmælum.
Rannsóknin snýst m.a. um það,
hvort olíufélögin hafi gerzt brotleg
við 10. gr. samkeppnislaga þar sem
m.a. kemur fram að samningar og
samþykktir og samstilltar aðgerðir
milli fyrirtækja eru bannaðar, þeg-
ar þeim er ætlað að hafa áhrif á
verð, afslætti eða álagningu, skipt-
ingu markaða eftir svæðum, gerð
tilboða o.fl.
Samkvæmt upplýsingum Morg-
unblaðsins er það skoðun Sam-
keppnisstofnunar, að olíufélögin
hafi haft með sér yfirgripsmikið
samráð á þessu tímabili.
Rannsókn Samkeppnisstofnunar
á viðskiptaháttum olíufélaganna
Beinist að
samráði við út-
boð fyrirtækja
Verðsamráð og markaðsskipt-
ing einnig til skoðunar
KEPPINAUTUR Baugs um bresku
leikfangaverslunina Hamleys hefur
dregið sig til baka og Baugur er nú
einn með yfirtökutilboð í verslunina.
Baugur, sem býður jafnvirði 7,3
milljarða íslenskra króna í allt
hlutafé í Hamleys, hefur þegar
tryggt sér 41,2% hlutafjárins.
Baugur nýtur nú stuðnings óháðra
stjórnenda Hamleys og erlendir fjöl-
miðlar telja að Baugur sé nú búinn
að tryggja sér yfirtöku á félaginu.
Jón Scheving Thorsteinsson, yfir-
maður erlendrar fjárfestingar hjá
Baugi, segir að úr þessu sé erfitt að
yfirtaka Hamleys án þátttöku
Baugs, enda eigi Baugur nú það
stóran hlut að ekki sé hægt að ná
auknum meirihluta í Hamleys án
Baugs. Hann segir að yfirleitt sé
yfirtaka langt komin þegar þessu
stigi sé náð og hann sé því vongóður
um að yfirtakan muni ná fram að
ganga.
Jim Hodkinson, formaður nefndar
óháðu stjórnendanna, sagði í til-
kynningu til Kauphallarinnar í
London að eftir harða keppni í til-
boðsferlinu hefðu óháðu stjórnend-
urnir ánægju af því að mæla með 254
pensa tilboði Baugs í Hamleys.
Tilboð Baugs er háð því skilyrði að
eigendur að minnsta kosti 90%
hlutafjár gangi að því, en við 90%
mörkin verður Baugi heimilt að
leysa til sín þau bréf sem út af
standa.
Er með 41,2% í Hamleys
 Þáttaskil/12
NORSKU loðnuskipin eru nú byrjuð
loðnuveiðar innan lögsögunnar. Í gær
voru 18 norsk skip í landhelginni, þar af
14 að veiðum.
Þau hófu veiðarnar í fyrradag og eftir
þann dag höfðu þau tilkynnt um 500 tonna
afla. Alls mega þau veiða tæplega 36.000
tonn innan landhelginnar.
Flest skipin eru nú um 37 mílur norður
af Vestfjörðum en áður voru flest skip-
anna, bæði norsk og íslenzk, að veiðum í
grænlenzku lögsögunni. Mikil umferð
hefur verið á norsku skipunum inn og út
úr landhelginni síðan veiðarnar hófust og
hafa mörg þeirra landað afla sínum hér.
Norski loðnubáturinn Sæbjörn að veiðum
á Vestfjarðamiðum. Týr er í baksýn.
Norðmenn
á Vestfjarða-
miðum
♦ ♦ ♦
Asískar
mæður í að-
stöðumun
ASÍSKAR innflytjendakonur sem ala börn
sín hér á landi fá ekki jafngóða þjónustu
og íslenskar mæður frá íslenska heilbrigð-
iskerfinu. Auk þess virðist vera ýmiss kon-
ar munur á börnum þeirra og heima-
kvenna. Tannheilsa er verri strax á fyrstu
árum, málþroski lélegri og börnin eru
höfð skemur á brjósti.
Þetta er meðal niðurstaðna nýrrar
meistararitgerðar Valgerðar K. Jóns-
dóttur í menntunar- og uppeldisfræðum
við Háskóla Íslands. Leitað er skýringa í
menningarlegum bakgrunni, félagslegum
aðstæðum og samskiptum, en áréttað að
asískar mæður hugsi engu að síður vel um
börn sín. Virðist þau jafnvel vera í betra
andlegu jafnvægi en mörg íslensk börn.
Það sem helst skýrir ójafna þjónustu við
hinar nýbökuðu mæður eru tungu-
málaerfiðleikar, en mikill skortur er á
fræðsluefni um heilbrigðismál fyrir Asíu-
konur á þeirra eigin málum.
Þá koma til ólíkar hugmyndir um heilsu
og heilbrigði milli menningarsvæða. Í
sumum Asíulöndum eru sjúkdómar taldir
orsakast af ójafnvægi, svo sem í umhverfi,
fjölskyldu eða tilfinningalífi, og lækning
felst þá í leit að slíku jafnvægi. Margar
kvennanna hafa ennfremur búið við heil-
brigðiskerfi þar sem skjólstæðingum er
mismunað mjög eftir fjárhag og hafa þar
með ekki vanist því að leita reglulega leið-
sagnar á heilbrigðisstofnunum.
 Daglegt líf/6
STJÓRN Bonus Stores hefur ákveðið að
selja alls 214 af um 330 verslunum sem Bon-
us Stores Inc. rekur víðs vegar um Bandarík-
in. Þá hefur dreifingarmiðstöð á vegum fé-
lagsins verið lokað og auk þess hafa
vörubirgðir verslananna 214 þegar verið seld-
ar. Baugur Group er stærsti einstaki hluthaf-
inn í Bonus Stores með um 65% hlut.
Að sögn talsmanns Baugs verður þeim
verslunum sem hugsanlega tekst ekki að
selja væntanlega lokað en hann segir þó eng-
ar ákvarðanir liggja fyrir um slíkt á þessari
stundu. Hann segir það munu skýrast betur á
næstu dögum og vikum hvort til þess komi
eða ekki.
Viðræður standa nú yfir við fimm versl-
anakeðjur í Bandaríkjunum um sölu á hluta
eða öllum þessara 214 verslana.
Ætla að reka áfram
110–120 verslanir
Gangi þetta eftir mun Bonus Stores aðeins
reka á milli 110 og 120 verslanir en Bonus
Stores-verslanirnar voru fleiri en 400 talsins
síðasta haust en síðan þá hefur 40 til 50
Bonus Stores-verslunum verið lokað.
Að sögn talsmanns Baugs er sala og lokun
Bonus Stores-verslananna liður í gagngerri
uppstokkun á rekstri félagsins sem gengið
hefur illa um allnokkra hríð og nam tap fé-
lagsins fyrir skatta í fyrra um 1,9 milljörðum
króna.
Þær verslanir sem Bonus Stores hyggst
reka áfram verða á mun þéttara svæði og er
markmiðið að skapa þannig hagkvæmari
verslunareiningu.
Mikil uppstokkun fyrirhuguð hjá Bonus Stores í Bandaríkjunum
Hafa ákveðið að selja
eða loka 214 verslunum
HLUTABRÉF í deCODE,
móðurfélagi Íslenskrar erfða-
greiningar, lækkuðu um 8,3%
á Nasdaq-markaðnum banda-
ríska í gær. Bréf fyrirtækis-
ins hafa vaxið í verði jafnt og
þétt síðustu vikur og mánuði
en mögulegt er að fréttir af
efnislegri athugun Eftirlits-
stofnunar EFTA á ríkis-
ábyrgð vegna Íslenskrar
erfðagreiningar hafi haft
áhrif á verð bréfanna nú.
deCODE lækk-
ar um 8,3%