Morgunblaðið - 19.07.2003, Blaðsíða 20
HÖFUÐBORGARSVÆÐIÐ
20 LAUGARDAGUR 19. JÚLÍ 2003 MORGUNBLAÐIÐ
ERLENT
ÁRBÆJARSAFN leitar að einstak-
lingum sem hafa búið í húsi sem stóð
við Þingholtsstræti 9 einhvern tím-
ann á lífsleiðinni. Húsið stendur nú á
Árbæjarsafni og hefur úrsmíðasýn-
ing verið í húsinu undanfarin ár.
Einnig leitar safnið eftir einstakling-
um sem búið hafa í öðrum húsum
sem nú standa á Árbæjarsafni.
Að sögn Gerðar Róbertsdóttur,
deildarstjóra fræðsludeildar Árbæj-
arsafns, er um rannsóknarverkefni
að ræða. Helga Einarsdóttir, fram-
haldsnemi í þjóðfræði, fékk styrk frá
Nýsköpunarsjóði námsmanna og er
Gerður leiðbeinandi hennar. „Við er-
um að leita eftir fólki sem hefur búið
í húsunum. Verkefnið gengur þá út á
það að taka viðtöl við íbúana og síðan
fara gögnin í gagnabanka safnsins.
Það verður unnin skýrsla um verk-
efnið. Þetta eru heimildir um húsin
og við notum svona viðtöl mikið þeg-
ar við erum að setja upp sýningar,“
segir hún.
Hún leggur áherslu á að viðtölin
séu leið til þess að hægt verði að átta
sig betur á því hvernig húsin litu út
að innan, hvernig þau voru nýtt, hvað
bjuggu margir í þeim, hvar svaf fólk
og hvað borðaði það. Með viðtölun-
um verði hægt að átta sig betur á
daglegu lífi í húsunum eins og það
var. „Saga hússins verður þá ljóslif-
andi og jafnvel að við getum þá sett
upp sýningu þar sem við notum þess-
ar upplýsingar beint.“
Jákvæðir viðmælendur
þegar þeir finnast
Gerður segir að Helga hafi unnið
samsvarandi verkefni í fyrra, sem
einnig var styrkt af Nýsköpunar-
sjóði, og er verkefnið í ár framhald af
hinu. Í fyrra tók Helga viðtöl við
nokkra íbúa og þá sérstaklega fólk
sem hafði búið í húsi sem kallað er
Miðhús og stóð við Lindargötu 43A.
Hún skrifaði um það mikla skýrslu
og heppnaðist verkefnið mjög vel.
„Viðmælendurnir gátu sagt henni
frá því hvernig lífið var í húsinu og
ýmislegt í kringum það. Einnig
skemmtilegar sögur af íbúunum. Þá
voru þeir líka með ljósmyndir sem
teknar höfðu verið inni í húsinu og
úti í garði. Við fengum að skanna
myndirnar og það hjálpar okkur
mikið, til dæmis getum við séð
hvernig garðurinn var, hvar var girð-
ing, hvar var gras og hvar voru tré.
Þá eigum við auðveldara með að gera
svipaðan garð við húsið hér,“ bætir
hún við.
Gerður segir að vel hafi gengið að
fá fólk til liðs við þau í fyrra. „Þegar
maður gerir svona verkefni gengur
yfirleitt mjög vel að fá viðmælendur,
það er erfiðast að finna þá. Þegar
þeir eru fundnir eru þeir yfirleitt
mjög jákvæðir.“ Hún segir ástæðuna
fyrir því af hverju auglýst sé sérstak-
lega eftir íbúum úr Þingholtsstræti
9, vera þá að fyrir tveimur árum hafi
kona komið í heimsókn á safnið og
sagt leiðsögumönnunum frá því að
hún hefði búið í þessu húsi. Gerður
segir að konan hafi verið mjög hress
fyrir tveimur árum, en því miður hafi
misfarist að taka niður nafn hennar
og spyrja hana hvort hún væri til í
smáspjall og að veita upplýsingar um
lífið í húsinu. „Við erum að vonast til
þess að hún frétti af þessu og hafi
samband,“ segir Gerður að lokum.
Árbæjarsafn leitar að
íbúum gamalla húsa
Árbær
GAGNGERAR endurbætur fara
fram á Vífilsstöðum um þessar
mundir. Hrafnista hefur tekið húsið
á leigu til ársins 2007 og er ætlunin
að opna 50 rúma hjúkrunarheimili í
janúar á næsta ári.
„Það er óhætt að segja það að
húsið sé fokhelt. Það er búið að rífa
stóran hluta innan úr húsinu,“ segir
Vilhjálmur Ólafsson, umsjónar-
maður húsanna á Vífilsstöðum, en
búið er að hreinsa nánast allt fast
úr gamla spítalanum, fjarlægja
lagnir og brjóta skilrúm og innrétt-
ingar. Hann leggur þó mikla
áherslu á að húsið haldi sínu yfir-
bragði bæði að utan og innan og því
verði ekki breytt að neinu leyti,
nema fært í nútímahorf.
Tvær einbýlisstofur verða gerðar
úr stofum sem áður hýstu fjögur
sjúkrarúm. „Einkenni hússins held-
ur sér alveg, allt útlit er óbreytt.
Gangarnir verða nákvæmlega eins
og þeir hafa verið frá upphafi, upp-
runalegar hurðir verða notaðar og
svo framvegis,“ bætir hann við.
Hann segir að farið hafi verið að
huga að verkinu í byrjun ársins og
niðurrifið hófst í febrúar, mars. Bú-
ið er að bjóða verkið út og verið er
að semja við verktaka þessa dag-
ana. Verktakinn á að skila verkinu í
desember og nýja hjúkrunarheim-
ilið verður síðan opnað í janúar á
næsta ári.
Vilhjálmur segir að niðurrifið
hafi gengið mjög vel fyrir sig, en
hafi að vissu leyti verið meira en
menn gerðu ráð fyrir í upphafi.
Hann undirstrikar að frummynd
hússins verði á engan hátt breytt.
Endurbætur á Vífilsstöðum
Morgunblaðið/Sverrir
Vífilsstaðaspítalinn hefur löngum þótt tignarlegt hús. Frummynd þess verður ekki breytt.
Garðabær
Húsið er í dag fokhelt en viðgerðum lýkur í árslok.
Vilhjálmur Ólafsson, umsjónarmaður húsanna, segir að niðurrifið hafi
gengið mjög vel fyrir sig, en það hafi reynst meira en talið var í upphafi.
BRESKA pressan sakaði forsætis-
ráðherrann Tony Blair um það í gær
að hafa algerlega snúið við blaðinu í
Íraksmálinu með því að segja að eng-
an veginn væri nauðsynlegt að finna
gereyðingarvopn í Írak til að árásin á
landið teldist hafa verið réttlætanleg.
„Blair færir markstangirnar,“ sagði
m.a. í fyrirsögn hægriblaðsins Daily
Mail en í leiðara blaðsins sagði að
ræða Blairs í Washington í fyrradag
væri dæmigerð fyrir mann sem snill-
ingur væri í því að hagræða sannleik-
anum.
Blair ávarpaði Bandaríkjaþing á
fimmtudag og fékk afar góðar viðtök-
ur. Heimafyrir var hins vegar annað
uppi á teningnum.
Blair sagði í ræðu sinni að ef menn
hefðu haft rangt fyrir sér, og engin
gereyðingarvopn fyndust í Írak, þá
hefði a.m.k. verið eytt ógn sem ábyrg
var fyrir „ómennsku blóðbaði og
þjáningum“.
„Þetta er nokkuð sem ég er sann-
færður um að sagan mun fyrirgefa,“
sagði Blair. Hins vegar hefði hik, „er
við stóðum andspænis slíkri ógn og
áttum að veita forystu … [verið]
nokkuð sem sagan hefði ekki fyrir-
gefið,“ bætti hann við.
Lagalegri réttlætingu fórnað?
Shirley Williams, fyrrverandi ráð-
herra í ríkisstjórn Verkamanna-
flokksins og núverandi þingmaður í
lávarðadeildinni fyrir frjálslynda,
harmaði að Blair skyldi snúa við
blaðinu með þessum hætti hvað varð-
aði nauðsyn þess að finna gereyðing-
arvopn í Írak. Forsætisráðherrann
væri að kasta fyrir róða hinni laga-
legu réttlætingu árásarinnar á Írak.
The Guardian sagði umskipti Blairs
hvað þetta varðar „fátíða viðurkenn-
ingu á skeikulleika“ hans. Forsætis-
ráðherrann hefði „útvatnað“ afstöðu
sína til gereyðingarvopna Íraka.
„Sagan mun dæma gerðir mínar,“
sagði í fyrirsögn The Independent og
var þannig vitnað til orða Blairs.
Gagnrýndi blaðið hann fyrir að nota
ekki tækifærið í ávarpinu til Banda-
ríkjaþings til að benda mönnum í
Washington á að þeir væru á rangri
braut. „Af þessu glataða tækifæri
getum við séð annmarka forsætisráð-
herra okkar,“ sagði blaðið.
Bresku blöðin
gagnrýna
ávarp Blairs
London. AFP.
Reuters
George W. Bush ásamt Tony og Cherie Blair við Hvíta húsið á fimmtudag.
BÚIST er við að Ísraelsstjórn sam-
þykki að sleppa nokkrum tugum pal-
enstínskra fanga, meðlimum í her-
skáum samtökum, til að greiða fyrir
friðarviðræðum en Ariel Sharon, for-
sætisráðherra Ísraels, og Mahmoud
Abbas, forsætisráðherra Palestínu,
eiga fund á sunnudag.
Ísraelska dagblaðið Haaretz sagði
að 40–60 meðlimum úr samtökunum
Hamas og Íslamska Jíhad yrði sleppt
til viðbótar við þá 350 fanga sem ríkis-
stjórnin samþykkti að sleppa fyrr í
þessum mánuði. Áður hafði Ísr-
aelsstjórn sagt að ekki kæmi til
greina að sleppa meðlimum samtak-
anna tveggja úr fangelsi. Talið er að
lausn fanganna muni auka verulega
líkurnar á árangursríkum friðarvið-
ræðum enda búist við að Sharon til-
kynni hana fyrir fundinn á sunnudag.
Ekki er kveðið á um lausn fang-
anna í hinum svokallaða Vegvísi til
friðar en málefnið hefur þó verið eitt
af meginviðfangsefnum friðarvið-
ræðnanna. Búist er við að Abbas
muni leggja frekari áherslu á að fleiri
föngum verði sleppt á fundinum með
Sharon. Eftir fundinn á sunnudag
munu síðan báðir forsætisráð-
herrarnir halda til Washington og
eiga þar fund með Bush, sitt í hvoru
lagi þar sem reynt verður að koma
skriði á friðarviðræðurnar.
Hyggjast sleppa
fleiri palest-
ínskum föngum
Jerúsalem. AP, AFP.
Kæra líkræðuna
FJÖLSKYLDA nokkur í Banda-
ríkjunum hefur höfðað mál á
hendur prestinum sínum vegna
þess hve orðljótur hann var er
hann jarðsöng fjölskylduföður-
inn. Sagði presturinn meðal ann-
ars að hinn látni hefði verið
syndum spilltur og væri nú far-
inn norður og niður.
Ben heitinn Martinez hafði set-
ið í bæjarstjórn og verið fremur
virtur maður að flestra áliti.
Presturinn þóttist þó vita betur
og hafði þau orð um að Ben
gamli hefði aldrei verið nema
hálfvolgur í trúnni og hinn mesti
hrappur alla tíð. Það væru ein-
mitt menn eins og hann, sem
ættu vísa vist í því neðra.
Upp á ameríska vísu hefur fjöl-
skyldan, níu manns, höfðað mál á
hendur prestinum, biskupi hans
og erkibiskupsdæminu í Santa
Fe í Nýju Mexíkó.