Morgunblaðið - 19.07.2003, Blaðsíða 49

ÍÞRÓTTIR
MORGUNBLAÐIÐ LAUGARDAGUR 19. JÚLÍ 2003 49
Leikurinn var jafn allan tímann ogliðin áttu í mesta basli með að
byggja upp almennilegt spil. Blikarn-
ir reyndu þó að láta
boltann rúlla en
sterkir miðverðir
Þórs brutu flestar
sóknir þeirra á bak
aftur. Þórsarar beittu aðallega
löngum sendingum fram á völlinn,
sem Blikavörnin átti auðvelt með að
hirða upp. Blikar komust svo yfir á
40. mínútu. Þeir fengu hornspyrnu og
Hreiðar Bjarnason átti hörkuskot
sem Þórsarar vörðu á línu. Ívar Sig-
urjónsson fylgdi á eftir og skoraði
með bylmingsskoti. Mínútu síðar
fengu Blikar ámóta færi en Þórsarar
björguðu með naumindum á línu.
Þeir fengu svo hornspyrnu hinum
megin og upp úr henni skoraði Hlyn-
ur Birgisson sem stóð einn og óvald-
aður inni í markteig Blika.
Í síðari hálfleik gerðist fátt mark-
vert þar til Þórsarar komust yfir á 84.
mínútu. Þá vippaði Jóhann Þórhalls-
son yfir Pál Gísla Jónsson, markvörð
Blika, af markteig. Ívar Jónsson
bjargaði að því er virtist á línu en að-
stoðardómarinn veifaði mark og
verður sá dómur að teljast mjög hæp-
inn.
Alexandre Santos bætti síðan við
marki í uppbótartíma eftir mikinn
einleik.
Í blálokin skoraði Andri Alberts-
son glæsilegt sjálfsmark, setti bolt-
ann upp í hægra markhornið þar sem
hann stóð aleinn í vítateig Þórsara,
óverjandi og afar óvænt.
Þrátt fyrir sigurinn voru Þórsarar
langt frá sínu besta.
Gamlingjarnir þrír, þeir Hlynur,
Páll Gíslason og Atli Már markvörð-
ur spiluðu reyndar vel, auk Ármanns
Ævarssonar sem lék sem miðvörður
við hlið Hlyns Birgissonar. Á miðj-
unni gekk nánast ekkert upp og þótti
tíðindum sæta ef sendingar rötuðu á
samherja. Alexandre Santos byrjaði
rólega en kom til er leið á leikinn.
Hjá Blikunum spiluðu flestir ágæt-
lega en þeirra bestir voru Þorsteinn
Sveinsson og Ívar Sigurjónsson.
Maður leiksins: Hlynur Birgisson,
Þór.
Loks heimasigur
ÞÓRSARAR unnu sinn fyrsta leik á heimavelli í sumar þegar þeir
lögðu Breiðablik að velli, 3:2, í jöfnum leik. Með sigrinum eru þeir
enn á hælum Víkinga í baráttu um sæti í efstu deild en Blikarnir eru
sem fyrr í fallsæti þótt reyndar sé stutt í næstu lið fyrir ofan þá.
Einar
Sigtryggsson
skrifar
Gunnar Þór Gíslason, stjórnar-formaður Stoke, sagði í samtali
við Morgunblaðið í gær að tilboð
Brynjars hefði ekki verið á þeim nót-
um sem forráðamenn félagsins hefðu
verið tilbúnir til að ræða um.
„Ég held að ráðgjafar Brynjars
hafi ekki veitt honum góð ráð og þeir
hafi skotið langt yfir markið. Brynj-
ar fór fram á rúmlega fimmtíu pró-
senta launahækkun í heildina og það
er ekki inni í myndinni hjá okkur að
semja um slík kjör. Brynjar hefur
staðið sig vel fyrir félagið síðan hann
kom til Stoke og það er missir af
honum. Það er ljóst að við þurfum að
styrkja leikmannahópinn og við er-
um byrjaðir að skoða hvaða mögu-
leikar eru opnir í þeim efnum.
Stoke er að fara í æfingaferð til
Hollands á sunnudaginn og þar
munu nokkrir leikmenn frá megin-
landinu koma og æfa með liðinu. Það
eru ýmsir leikmenn á Bretlandi og á
meginlandinu sem eru tilbúnir til að
vinna fyrir Stoke á eðlilegum kjörum
og það er öruggt að við munum
styrkja liðið.
Markmið okkar fyrir næsta tíma-
bil er ekki að vinna sæti í ensku úr-
valsdeildinni heldur að fóta okkur
enn frekar í fyrstu deildinni.
Möguleikar til að styrkja félagið
og gera atlögu að úrvalsdeildinni
munu vera meiri á næsta ári. Þá
breytist launaumhverfið í knatt-
spyrnunni og þúsundir knattspyrnu-
manna frá verðandi ESB-aðildar-
ríkjum munu fá atvinnuréttindi á
Englandi og knattspyrnumenn
munu lækka í launum. Við þessa
breytingu munum við geta fengið
fleiri sterka leikmenn til Stoke,“
sagði Gunnar Þór Gíslason.
Brynjar
Björn fer
frá Stoke
BRYNJAR Björn Gunnarsson, landsliðsmaður í knattspyrnu, sem
hefur leikið með Stoke City síðustu fjögur tímabil, mun ekki spila
með liðinu á næstu leiktíð. Brynjar Björn er samningslaus, en hann
fékk samningstilboð frá Stoke í maí, sem honum leist ekki á. Hann
gerði Stoke gagntilboð í fyrradag sem forráðamönnum Stoke
fannst vera óraunhæft og þeir ákváðu að hætta samningsviðræðum
við Brynjar.
Brynjar Björn Gunnarsson
Fyrstu tíu mínúturnar réðuGarðbæingar ferðinni en síðan
fóru gestirnir að feta sig framar og
fengu tvö fyrstu færi
leiksins, þegar góður
skallabolti Kristjáns
Jóhannssonar var
varinn á línu og Þór-
arinn Kristjánsson skaut í stöng. Það
var því ekki í samræmi við þróun
leiksins að Stjarnan skoraði en mark-
ið var samt gott, Bernharður Guð-
mundsson lék upp völlinn og renndi
boltanum út á Ólaf Gunnarsson, sem
skoraði af öryggi. Markið sló Keflvík-
inga útaf laginu og þótt þeir reyndu
að komast inn í leikinn á ný gekk það
ekki fyrr en leið að lokum fyrri hálf-
leiks. Þá fór fyrirgjöf Hólmars Rún-
arssonar í slá en sjö sekúndum fyrir
leikhlé þandi Ramsey netmöskvana.
Eftir hlé áttu heimamenn erfitt
uppdráttar og það var ekki fyrr en um
miðjan síðari hálfleik að þeir fóru að
komast inn í leikinn. Engu að síður
voru öll sæmileg færi Keflvíkinga en
Magnús Karl Pétursson, markvörður
Stjörnunnar, stóð fyrir sínu. Hann
varði skallabolta Stefáns Gíslasonar,
gott skot Ramsey, kom vel út á móti
Jónasi Sævarssyni og tvívegis fóru
góð skot Keflvíkinga rétt framhjá
stöng Stjörnunnar. Á síðustu mínútu
leiksins, 37 sekúndum áður en flautað
var til leiksloka, gerðist umdeilt atvik.
Ómar Jóhannsson, markvörður Kefla-
víkur, átti misheppnað úthlaup og Vil-
hjálmur Vilhjálmsson náði ágætu
skoti á markvarðarlaust markið en
þar var fyrir varnarmaður sem varði á
línu. Boltinn hrökk til Ómars mark-
varðar úti í teig en dómari leiksins
dæmdi óbeina aukaspyrnu eins og
varnarmaðurinn hefði gefið á hann
boltann. Keflvíkingar voru æfir enda
komin mikil spenna í leikinn en auka-
spyrna Vilhjálms fór í varnarvegginn.
„Við getum svo sem verið sáttir við
úrslitin, það var í lagi að fá jafntefli en
við fórum samt í þennan leik til að
sigra,“ sagði Ólafur eftir leikinn. „Við
ætluðum að bíða aftarlega og gefa síð-
an á fljóta menn frammi en svo sáum
við hvernig leikurinn spilaðist og færð-
um okkur framar því Keflvíkingar
sköpuðu ekki neina hættu. Ég held að
menn hafi ofmetið Keflavíkurliðið í
sumar, þetta er ekki svo sterkt lið og
það geta allir unnið það. Við sýndum í
dag að við erum ekki með síðra lið,“
bætti Ólafur við og telur tíma Stjörn-
unnar kominn. „Við erum að ná okkur
á strik. Eftir fyrri umferðina í fyrra
vorum við með ellefu stig en enduðum
með 33 stig og það munaði litlu að við
færum upp. Við klárum það núna því
við ætlum í toppbaráttuna og það er
nóg eftir.“
„Við vissum að þetta yrði erfiður
leikur og það er ekki hægt að vinna
alla en við höldum okkar striki,“
sagði Ramsey, sem kom inn á þegar
Ólafur Ívar Jónsson meiddist á 39.
mínútu. „Ég held að þetta sé fyrsta
mark mitt í sumar en þar sem ég hef
ekki skorað mörg áður verð ég að sjá
hvað gerist. Ég er smám saman að
öðlast betra úthald; ég veit að ég verð
að leggja harðar að mér en þetta er
að koma.“
Maður leiksins: Bernharður
Guðmundsson, Stjörnunni.
Keflavík slapp
með eitt stig
GARÐBÆINGAR voru ekki alveg sáttir með að fá aðeins eitt stig
gegn efsta liði 1. deildar í gærkvöldi þegar Keflvíkingar sóttu þá
heim. Þeir urðu að sætta sig við 1:1 jafntefli en færðu sig þó upp um
eitt sæti. Keflvíkingar eru eftir sem áður í efsta sæti deildarinnar
með fjögurra stiga forskot á næsta lið. Tveir leikmenn opnuðu
markareikning sinn, Ólafur Gunnarsson hjá Stjörnunni og Keflvík-
ingurinn Scott Ramsey.
Stefán
Stefánsson
skrifar