Morgunblaðið - 22.07.2003, Page 4

FRÉTTIR
4 ÞRIÐJUDAGUR 22. JÚLÍ 2003 MORGUNBLAÐIÐ
Skógarhlíð 18, sími 595 1000. www.heimsferdir.is
Heimsferðir bjóða nú síðustu sætin
til Verona á hreint ótrúlegum kjör-
um. Þú bókar 2 sæti, en greiðir bara
fyrir 1, og kemst til einnar fegurstu
borgar Ítalíu á hlægilegu verði.
Að auki getur þú valið um úrval
hótela í hjarta Verona og bílaleigu-
bíla frá Avis á einstaklega
hagstæðu verði.
Munið Mastercard
ferðaávísunina
Verslunarmannahelgin
á Ítalíu
30. júlí
frá kr. 19.950
Verð kr. 19.950
M.v. 2 fyrir 1.
Fargjald kr. 32.600 / 2 = 16.300.-
Skattar kr. 3.650.-
Samtals kr. 19.950.- pr. mann.
Gildir út 30. júlí, heim 11. ágúst
Almennt verð kr. 20.950.-
Úrval hótela í boði.
Síðustu sætin
ÞRÍR nýir einangrunarklefar fyrir mikið veika sjúk-
linga hafa nú verið teknir í notkun á Landspítala – há-
skólahúsi í Fossvogi og munu þeir til dæmis nýtast ef
upp kemur hér á landi farsótt svipuð HABL-bráða-
lungnabólgunni.
Í framhaldi af bráðalungnabólgufaraldrinum
HABL var ákveðið að fara út í framkvæmdir við ein-
angrunarstofur, og öndunarvélakostur gjörgæslu-
deildarinnar endurnýjaður, segir Kristinn Sigvalda-
son, yfirlæknir á gjörgæsludeild Landspítala –
háskólasjúkrahúss: „Aðalsmitsjúkdómadeild landsins
er í þessu húsi og gjörgæsludeildin tilheyrir því. Við
tökum við veikustu sjúklingunum, en smitsjúkdóma-
deildin tekur þá sem eru frískari, en þurfa samt að
vera í einangrun.“
„Áður vorum við bara með eitt pláss fyrir alvarlega
veika sjúklinga sem þurftu að vera í einangrun,“ segir
Margrét Ásgeirsdóttir aðstoðardeildarstjóri. Sjaldn-
ast þurfti fleiri en eitt rúm í einangrun.
Loftræstikerfið í nýju sjúkrastofunum þremur er
alveg lokað af frá aðalloftræstikerfinu í spítalanum og
segir Kristinn að loftræstikerfið sé svo notað til að
stjórna þrýstingi í stofunum. Það þarf að fara um
tvennar dyr til að komast inn á hverja stofu, og mega
þær ekki vera opnar á sama tíma ef sjúklingur er í ein-
angrun. Hægt er að stilla loftræstikerfið á annaðhvort
yfirþrýsting eða undirþrÝsting inni á stofunum. Krist-
inn segir að þrýstingurinn sé í raun notaður til að ein-
angra stofurnar: „Maður stillir á yfirþrýsting ef maður
vill ekki að neitt berist inn á stofuna. Það er varnarein-
angrun fyrir sjúklinginn svo það berast engar bakt-
eríur eða veirur inn til hans.“ Þessi stilling er einkum
notuð ef sjúklingurinn er með lélegt ónæmiskerfi og
þolir engar veirur eða bakteríur. „Svo er hægt að stilla
á undirþrýsting sem tryggir að ekkert loft komist út
úr herberginu. Það er notað þegar um er að ræða sótt-
einangrun, þegar sjúklingurinn er með einhverja
sýkla sem ekki mega berast út.“
Í heild eru 11 rúm á deildinni, og ef upp kæmi alvar-
leg farsótt, til dæmis svipuð og HABL, þá er til við-
bragðsáætlun þar sem ökk gjörgæsludeildin verður
einangruð, að sögn Kristins. Þá væri hægt að hafa 11
sjúklinga í einangrun, auk þeirra sem geta verið á
smitsjúkdómadeild. Þar eru 5 sjúkrastofur svipaðar
og nýju stofurnar á gjörgæsludeildinni. Einnig eru
aðrar stofur í sjúkrahúsinu þar sem mætti einangra
sjúklinga í neyð. Nýju stofurnar verða notaðar eins og
almennar stofur þegar ekki er þörf á einangrun.
Nýir einangrunarklefar í Landspítala – háskólasjúkrahúsi
Nýtast ef alvar-
legar farsóttir
koma upp
Morgunblaðið/Arnaldur
Kristinn Sigvaldason, yfirlæknir á gjörgæsludeild,
og Margrét Ásgeirsdóttir, aðstoðardeildarstjóri á
gjörgæsludeild, við eina af nýlegu öndunarvélunum í
nýrri einangraðri sjúkrastofu.
SVEINN Björnsson hefur rekið
Flugþjónustuna við Reykjavík-
urflugvöll frá 1973 og starfsemin á
því 30 ára afmæli
í ár. Á þeim tíma
hafa um 35 þús-
und flugvélar af
ýmsum stærðum
og gerðum átt
viðskipti við
Flugþjónustuna
sem útvegar ár-
lega nokkur þús-
und flug-
farþegum
hótelherbergi, bílaleigubíla og aðra
þjónustu auk þess að selja elds-
neyti, veita upplýsingar um veður,
gera flugáætlanir og selja mat í vél-
arnar á meðan þær stoppa hér á
landi. Flugþjónustan er eina fyr-
irtækið sem býður upp á slíka þjón-
ustu á Reykjavíkurflugvelli en á
Keflavíkurvelli eru nokkur flug-
þjónustufyrirtæki starfandi.
Auk Sveins eru tveir starfsmenn
sem vinna fyrir Flugþjónustuna og
oft mikið um að vera þegar nokkrar
þotur lenda með stuttu millibili.
Sveinn segir að vinnan komi þó í
skorpum og háannatíminn sé yfir
sumarið en þá lenda nokkrar vélar
á degi hverjum og þær stærstu taka
70-80 farþega þótt ekki sé algengt
að svo stórar vélar lendi á vellinum.
Aukin viðskipti við einkaflug
„Við eigum bæði viðskipti við
flugvélar í einkaflugi, sem koma
helst frá Bandaríkjunum og eins við
ferjuflugvélar sem eru einkum frá
Evrópu. Til að byrja með þjónuðum
við nær eingöngu ferjuvélum en
það hefur breyst, nú eigum við
meiri viðskipti við einkaflugvélar.
Þróunin í einkaflugi í Evrópu og
hér heima síðustu ár hefur hins
vegar verið sú að dregið hefur úr
því að einstaklingar standi í einka-
flugi og vélar hafa ýmist verið seld-
ar til Bandaríkjanna eða þá að fyr-
irtæki hafa í auknum mæli tekið
yfir reksturinn,“ segir Sveinn.
Nýverið voru gerðar talsverðar
breytingar á Reykjavíkurflugvelli.
Flugvöllurinn var endurbyggður
og flugbrautirnar jafnframt stytt-
ar, bæði vegna hertra örygg-
isreglna og eins vegna fyrirhug-
aðrar færslu Hringbrautarinnar
suður fyrir Umferðarmiðstöðina.
Aðspurður um áhrif breytinganna á
flugumferð á vellinum segir Sveinn
að stytting flugbrautanna hafi vald-
ið því að lendingum á vellinum hafi
fækkað. „Stærri og langdrægari
þotur geta ekki lengur lent á
Reykjavíkurflugvelli og þurfa í
staðinn að fara til Keflavíkur. Völl-
urinn er hins vegar í mjög góðu
ásigkomulagi eftir endurbæturnar
og gagnvart veðri og vindum er
staðsetning vallarins eins og best
verður á kosið. Það er tómt mál að
tala um flugvöll hérna í nágrenni
borgarinnar sem gæti haft jafn-
góða staðsetningu að því leyti,“
segir Sveinn og tekur fram að hon-
um finnist nýting á Reykjavík-
urflugvelli aftur á móti ekki nægj-
anlega góð. „Fyrst völlurinn er
hérna á annað borð er gott að hafa
sem besta nýtingu á honum, þetta
er dýrt mannvirki og okkur veitir
ekki af að fá tekjur af honum.“
Sveinn er þeirrar skoðunar að
ekki eigi að færa Reykavík-
urflugvöll. „Völlurinn er stolt
Reykjavíkur og vera hans innan
borgarmarkanna veitir lands-
byggðinni sjálfsagða þjónustu. Auk
þess leiða öryggissjónarmið varð-
andi sjúkraflug og annað því tengt
til þess að betra er að hafa flugvöll
innan borgarinnar en utan hennar.
Þotur verða æ hljóðlátari með tím-
anum og fólk verður mikið minna
vart við flugumferð en áður,“ segir
Sveinn og bendir á að í Evrópu sé
það mjög algengt að flugvellir séu
inni í borgum.
„Ef innanlandsflug yrði til dæmis
flutt til Keflavíkur mundi flug
verða lengra og dýrara, farþegar
frá Reykjavík þyrftu í flestum til-
fellum að keyra í tæpan klukkutíma
í gangstæða átt miðað við áfanga-
staðinn og hinn aukni kostnaður við
flugið myndi ganga ansi nærri inn-
anlandsflugi í landinu. Flugvöllur í
Reykjavík er að mínu mati ómiss-
andi,“ segir Sveinn.
Sveinn Björnsson hefur rekið Flugþjónustuna í 30 ár
Hefur afgreitt um 35
þúsund flugvélar
Morgunblaðið/Jim Smart
Þetta er ein þeirra 35 þúsund flugvéla sem Flugþjónustan hefur þjónað á
30 ára starfsferli. Vélin kom í gær og á að halda til Kaliforníu í dag.
Sveinn Björnsson
FJÖGURRA bíla árekstur varð á
Reykjanesbraut, við gatnamótin að
Lækjargötu í Hafnarfirði, um kl.
fjögur í gær. Engin slys urðu á fólki,
en töluverðar skemmdir á bílunum
og þurfti að fjarlægja einn þeirra af
vettvangi með kranabíl. Töluverðar
umferðartafir urðu vegna óhappsins.
Fjórir bílar
rákust saman
TALSVERÐUR erill var hjá lögregl-
unni í Hafnarfirði um helgina vegna
unglingasamkvæma í heimahúsum og
nokkuð um að nágrannar kvörtuðu
vegna hávaða og ónæðis er af þeim
hlaust. Ölvun unglinga var einnig
nokkur og þurfti lögregla að hafa af-
skipti af fimmtán ára pilti er var með-
vitundarlaus sökum áfengisneyslu.
Hann var sóttur af foreldrum sínum.
Í dagbók lögreglu segir að það hafi
ítrekað gerst að foreldralaus ung-
lingasamkvæmi hafi farið úr böndun-
um og var svo einnig í þetta sinnið.
Eru foreldrar enn og aftur hvattir til
þess að huga að þessum málum og að
leyfa ekki slík samkvæmi án eftirlits.
Unglinga-
samkvæmi úr
böndunum
TÆPLEGA þrítugur karlmaður
slasaðist illa á auga í gær þegar golf-
kúla skaust í hann úr sláttuvél þar
sem hann var við vinnu í Tungudal í
Skutulsfirði. Eftir skoðun á Fjórð-
ungssjúkrahúsinu á Ísafirði var
hann fluttur með sjúkraflugi á Land-
spítalann í Reykjavík.
Að sögn lögreglunnar á Ísafirði ók
maðurinn dráttarvél með svokallaða
brautarsláttuvél í eftirdragi og var
að slá tún sem á að nota vegna lands-
móts Ungmennafélags Íslands. Svo
virðist sem golfkúla hafi leynst í
grasinu og skotist af miklu afli í auga
mannsins þegar hann ók sláttuvél-
inni þar yfir. Golfvöllur Ísfirðinga er
skammt frá umræddum stað en tún-
ið hefur verið notað sem æfingavöll-
ur knattspyrnumanna.
Golfkúla
skaust í auga
sláttumanns
♦ ♦ ♦
♦ ♦ ♦
SALA á framlengdum hliðarspegl-
um fyrir bíla tók mikinn kipp í síð-
ustu viku og eru slík öryggistæki
nú að verða uppseld víða um bæinn.
Arnar Barðdal, framkvæmdastjóri
Tjaldvagnalands, segir að salan á
speglum hafi rokið upp í kjölfar
fjölmiðlaumræðu þess efnis að
bílar, sem hefðu fellihýsi í eftir-
dragi, væru undantekningalítið
ekki með tilskilda spegla.
„Í síðustu viku seldum við yfir
100 hliðarspegla en venjulega erum
við að selja 10 til 20 spegla á viku.
Það má því segja að þetta sé allt að
því tíföld aukning,“ segir Arnar.
Hann segir mjög jákvætt að fólk
skuli huga að örygginu þegar mesta
ferðahelgi ársins sé framundan.
„Reglan segir að ef þú sérð ekki
aftur fyrir þig í bakspegli eða hlið-
arspegli þá þarftu auka hliðar-
spegla. Þetta á við um flesta fólks-
bíla og minni jeppa,“ segir Arnar.
Benedikt Árnason, sölumaður
hjá Evró, segir speglana vera nauð-
synlega þegar fólk ferðist með felli-
hýsi. „Við mælum með speglunum í
öllum tilfellum enda auka þeir ör-
yggið til muna. Fólk mætti vera
duglegra að nota slíka spegla,“ seg-
ir Benedikt.
Fjölmiðlaumræða
um fellihýsi
Hliðar-
speglar að
seljast upp
TVÖ börn á Sauðárkróki brenndust
þegar kúlur úr flugeldum á flugelda-
sýningu lentu á þeim. Sýning var
haldin í tilefni af Hafnardeginum um
helgina.
Samkvæmt upplýsingum frá lög-
reglu sprungu sjö flugeldar rétt eftir
að þeir fóru á loft og púðurleifar
svifu yfir áhorfendur, sem voru í um
það bil 50 metra fjarlægð frá skot-
palli. Átta ára gamall drengur
brenndist smávægilega á kinn en 10
ára gömul stúlka fékk annars stigs
bruna á hendi. Þau voru flutt á Heil-
brigðisstofnunina á Sauðárkróki til
aðhlynningar.
Misheppnuð
flugeldasýning
♦ ♦ ♦