Morgunblaðið - 09.08.2003, Blaðsíða 49

ÍSLENSKIR námsmenn á erlendri grundu láta fæstir það á sig fá að vera fjarri
heimahögunum yfir verslunarmannahelgina. Frónbúarnir fjölmörgu, sem hafa
gert sér hreiður á Kagså Kollegiet í Herlev, úthverfi Kaupmannahafnar, efndu
þannig til veglegrar og þaulskipulagðrar hátíðar á laugardegi verslunarmanna-
helgarinnar. Komu þá saman hinir hartnær 200 Íslendingar sem á stúdentagarð-
inum búa, mikið til fjölskyldufólk, á vænum sælureit framan við garðinn og
gerði sér glaðan dag. Á grillið settu flestir danskt, svínasteik, naut eða pylsur, en
þeir heimakærustu höfðu orðið sér út um alíslenskt lambalæri og var ekki laust
við að þeir væru litnir öfundaraugum. Leikin voru íslensk dægurlög af hljóm-
plötum uns hússveit Kagså tók að sér að skemmta viðstöddum. Þegar leikar
stóðu sem hæst voru kassagítarar síðan dregnir fram og útilegusöngvar tóku að
hljóma svo skapaðist sönn brekkusöngvastemmning á Sjálandi miðju.
Fjölmenn Íslendingagleði í Kaupmannahöfn
Blak, brekkusöngur
og íslenskt lambalæri
Yngri kynslóð Kagså-búa kunni vel að meta pylsupartíið.
Kaupmannahöfn. Morgunblaðið.
FÓLK Í FRÉTTUM
MORGUNBLAÐIÐ LAUGARDAGUR 9. ÁGÚST 2003 49
AÐ sjálfsögðu þótti það fífldirfska
er þeir Steely Dan-félagar, Donald
Fagen og Walter Becker, ákváðu að
leggja í nýja plötu
sem þeir svo gáfu út
árið 2000 undir
heitinu Two Ag-
ainst Nature. Heil
tuttugu ár voru þá
frá „svanasöngn-
um“ Gaucho en á áttunda áratugnum
„rúlaði“ sveitin því sem næst með fag-
mannlegu djassrokki sínu. Óslitin röð
frábærra platna, gefnar út árlega frá
og með 1972 til og með 1977, er árang-
ur sem ekki hefur verið toppaður í
seinni tíð. Sú röð var toppuð með
meistaraverkinu Aja, kennslubókar-
dæmi í hvernig á að gera fullkomlega
úthugsaða plötu þar sem legið er yfir
hverju smátariði án þess að tapa sál-
inni eða tónlistinni um leið.
Það var því með gát sem maður
setti þessa aldamótaplötu Dan-
manna á. En viti menn … það virkaði.
Plata sú liggur einhverstaðar á milli
Aja og Gaucho í hljómi og gæti því
sem næst hafa verið gefin út ári á eftir
þeirri síðastnefndu. Hér sannaðist
kannski best hversu sígild arfleifð
Steely Dan er því að orðið „gamal-
dags“ átti ekki við, platan einfaldlega
skotheld Steely Dan-plata.
Everything Must Go heldur þessu
ferli áfram og … ótrúlegt … hún er
enn ein rósin í hnappagatið!
Það er merkileg upplifun – og
nokkuð sérstök – að hlusta á nýja
plötu með Steely Dan. Fyrstu 4–5
hlustanirnar er ekkert að gerast. Ég
var meira að segja með slátrun í huga
og var að gefast upp á plötunni. En
síðan gerist það – platan breiðir úr
sér, hægt og rólega líkt og blóm. Lag
og lag fer að hoppa inn í hjartað og að
endingu eru þau öll komin þangað. Og
þá fer platan að verða betri og betri
með hverri hlustun.
Hljómfræðilega sest platan í hóp
með Aja, Gaucho, The Royal Scam,
Katy Lied og að sjálfsögðu Two Ag-
ainst Nature. Lögin eru öll í svipuðum
stíl og rennslið heilsteypt. Ekkert
grallaralegt stílaflökt eins og á Count-
down… eða Pretzel Logic.
Fyrsta lagið, „The Last Mall“, er
drífandi djassrokkstemma, skreytt
sólógítarleik Beckers, þéttum
trommutakti og hinni sérstæðu rödd
Fagens. „Things I Miss The Most“
má í raun strax telja sem sígilt Dan-
lag og „Blues Beach“ er alveg jafn
„fönkað“ og þeirra bestu verk í þeim
geiranum („Green Earrings“ t.d.).
Seinni helmingur plötunnar býr yfir
þyngri og torræðari stemmum (í anda
„Deacon Blues“ t.a.m.). Lokalagið,
hið drungalega titillag, kallast svo á
við lokalag The Royal Scam, sem og
bar titil þeirrar plötu.
Becker syngur eitt lag hér, í fyrsta
skipti á ferli sveitarinnar. Sá er nú
ekki lagviss en innlegg hans skemmir
þó ekki. Veit samt ekki hvort hann
ætti að vera þenja barkann meira á
næstu plötu (og það verður að vera
næsta plata!).
Everything Must Go er beinskeytt-
ari plata en Two Against Nature og
um margt einfaldari. T.d. notast þeir
félagar nokkurn veginn við sömu
hljóðfæraleikarana út í gegn, hátt-
semi sem er lítt tíðkuð á þeim bænum.
Útkoman úr þeirri nálgun er þó alger-
lega skotheld og gott betur en það,
eins og hér hefur verið rakið.
Everything Must Go er frábær
plata, skyldueign fyrir aðdáendur svo
og unnendur góðrar tónlistar. Dan
lifi!
Tónlist
Fumlaust
Steely Dan
Everything Must Go
Reprise/Warner
Eftir níu hljóðversplötur hafa Steely Dan
ekki enn stigið feilspor. Hvernig fara þeir
að þessu?
Arnar Eggert Thoroddsen
Lykillög: „Things I Miss The Most“,
„Blues Beach“, „The Last Mall“,
„Everything Must Go“, „Godwhack-
er“.