Morgunblaðið - 09.08.2003, Blaðsíða 4

FRÉTTIR
4 LAUGARDAGUR 9. ÁGÚST 2003 MORGUNBLAÐIÐ
Verð á mann frá 19.500 kr.
Óendanlegir möguleikar!
Alltaf ód‡rast á netinu
ALMENNT virðist hafa gengið vel
að ráða í stöður grunnskólakennara
fyrir komandi skólaár en ástandið er
þó mismunandi frá stað til staðar.
„Við fylgjumst að vísu ekki ná-
kvæmlega með ráðningum en það
sem við höfum heyrt bendir til þess
að tiltölulega vel hafi gengið að
manna stöður og eiginlega mun bet-
ur en nokkru sinni fyrr. Þeir skóla-
stjórar sem ég hef hitt hafa borið sig
mjög vel,“ segir Finnbogi Sigurðs-
son, formaður Félags grunnskóla-
kennara. Hann segist gera ráð fyrir
að hlutfall réttindakennara muni
a.m.k. ekki lækka á milli ára. „En ég
býst við að fjöldi leiðbeinenda standi
nokkurn veginn í stað því kennara-
stöðum fjölgar á hverju ári, þjóðinni
fjölgar og það eru enn að koma stórir
árgangar inn í grunnskólana.
Í Fjarðabyggð eru þrír skólar, á
Reyðarfirði, Neskaupstað og Eski-
firði, og segir Gunnar Jónsson, for-
stöðumaður stjórnsýslusviðs Fjarða-
byggðar, að ráðningar gangi vel og
hlutfall kennara með fullgild réttindi
sé um 70% og þokist upp á við.
Kristín Ósk Jónasdóttir hjá skóla-
skrifstofunni á Ísafirði segir að búið
sé að ráða í flestar stöður en ekki
hafi tekist að fá faglært fólk í allar
stöður. Hún segir sýnu verr hafa
gengið að ráða í litlu og fámennu
skólana í sveitarfélaginu en hina
stærri og þar sé sums staðar óþægi-
lega hátt hlutfall ómenntaðs starfs-
fólks. „Í grunnskólunum á Ísafirði
eru nokkur stöðugleiki í mannahaldi
og flestallir leiðbeinendur sem hafa
verið ráðnir þar eru að ljúka rétt-
indum frá Kennaraháskólanum.“
Kristín segist ekki telja að betur
hafi gengið að ráða kennara nú en
undanfarin ár.
Gengið vel á Suðurlandi og
Norðurlandi vestra
Eyjólfur Sturlaugsson, skólastjóri
Vallaskóla á Selfossi, segir að vel
hafi gengið að ráða í kennarastöður í
ár. „Við vorum svotil búin að full-
manna í júní og hlutfall réttinda-
kennara er hátt hjá okkur, líklega
80–90%.“ Aðspurður segist Eyjólfur
telja að að tiltölulega vel hafi gengið
að ráða í kennarastöður á Suður-
landi.
Hjá skólaskrifstofu Húnvetninga
á Blönduósi fengust þær upplýsing-
ar að vel hafi gengið að ráða og að
nánast sé fullmannað í stöður í Vest-
ur- og Austur-Húnavatnssýslum.
Gengur vel að ráða
grunnskólakennara
ÞAU voru þungt hugsi er þau
gengu eftir slóð forfeðranna á brún
Almannagjár á Þingvöllum.
Almannagjá nefnist einu nafni
hraunsprunga sú er liggur vestan
að Þingvöllum, frá Þingvallavatni
og upp í Ármannsfell. Í bókinni
Landið þitt Ísland segir að Al-
mannagjá sé um 8 kílómetra löng
og gróin í botninn.
Morgunblaðið/Kristinn
Á slóð forfeðranna
TÓMAS Ingi Olrich menntamálaráð-
herra segir að full ástæða sé til að
hafa áhyggjur af stöðu nemenda í tón-
listarnámi. Reykjavíkurborg hefur
neitað að greiða kostnað við tónlist-
arnám nemenda sem eiga lögheimili
utan höfuðborgarinnar og hefur Sam-
band íslenskra sveitarfélaga farið
fram á að ríkið standi straum af
kostnaði við framhaldsnám í tónlist.
„Það verður að skoða málið í ljósi
þeirra lagaákvæða sem um það gilda.
Frá árinu 1989 hvílir greiðsluskylda
launakostnaðar tónlistarskóla á sveit-
arfélögunum einum. Þessi ákvörðun
var ekki tekin einhliða af ríkinu held-
ur var lagafrumvarp um verkaskipt-
ingu ríkis og sveitarfélaga í fullu sam-
ræmi við heildarsamkomulag um
verkaskipti ríkis og sveitarfélaga. Það
var því góð sátt um málið,“ segir
Tómas Ingi.
Hann segir að samkvæmt sam-
komulaginu sé ljóst að sveitarfélögum
beri að standa undir launakostnaði
kennara og skólastjóra tónlistarskóla
í hverju sveitarfélagi fyrir sig. „Þessi
skylda er óháð búsetu nemenda. Allir
eiga rétt til tónlistarnáms og hvers
konar mismunun byggð á búsetu er
óheimil,“ segir hann.
Af þessum ástæðum telur Tómas
Ingi kröfur Reykjavíkurborgar á
hendur þeim sveitarfélögum þar sem
nemendur eiga lögheimili ekki hafa
lagastoð. „Borgin hefur lögum sam-
kvæmt ekki stöðu til þess að krefjast
þess að nemendum sem eiga lögheim-
ili utan borgarinnar fylgi greiðslu-
þátttaka viðkomandi sveitarfélags,“
segir Tómas Ingi.
Hann telur hins vegar að sanngirn-
isrök liggi til þess að gerðir verði
samningar um þennan kostnað og
bendir á að Samband íslenskra sveit-
arfélaga sé rétti vettvangurinn fyrir
slíka umræðu.
Skoðist í samhengi við verka-
skiptingu ríkis og sveitarfélaga
Tómas Ingi segir að krafa sem
fram hefur komið um að ríkið fjár-
magni framhaldsnám í tónlist gangi
einnig í berhögg við samkomulag um
verkaskiptingu ríkis og sveitarfélaga.
Hann segir að ef vilji sé fyrir að end-
urskoða það samkoumlag sé eðlilegt
að slíkt sé gert á réttum vettvangi:
„Sá vettvangur er nefnd á vegum fé-
lagsmálaráðherra sem fjallar al-
mennt um verkaskiptingu [ríkis og
sveitarfélaga]. Á borði þeirrar nefnd-
ar eru mál sem snerta mun fleiri mál-
efni en þau sem eru á verksviði
menntamálaráðuneytisins,“ segir
Tómas Ingi.
Deilur um kostnað vegna tónlistarnáms
Ekki lagastoð fyrir kröf-
um Reykjavíkurborgar
ÁRNI M. Mathiesen sjávarútvegs-
ráðherra setti í fyrradag rækjuhá-
tíðina Kampalampann 2003 á Ísa-
firði. Hátíðin er haldin í tilefni þess
að áttatíu ár eru liðin frá upphafi
rækjuveiða við Ísland en vagga
þeirrar sjávarútvegsgreinar stóð á
Ísafirði.
Margháttuð dagskrá er fyrir-
huguð vegna hátíðarinnar á næstu
dögum. M.a. verður haldinn hafn-
ardagur við Ísafjarðarhöfn. Þá
verður grillveisla og sýning um
sögu Ísafjarðarhafnar verður opn-
uð. Á myndinni sést Árni M. Mathie-
sen gæða sér á einum af þeim fjöl-
mörgu rækjuréttum sem boðið var
upp á við setningu hátíðarinnar og
við borðið sést Halldór Halldórsson
bæjarstjóri raða góðgæti á disk.
Morgunblaðið/Halldór Sveinbjörnsson
Rækjuhátíðin sett
HÓPUR fimm breskra ofurhuga á gúmmíbát á leið yfir
Norður-Atlantshafið kom í höfn í Reykjavík um kvöld-
matarleytið í gær og verður hópurinn hér í nokkra
daga. Leiðangurinn hófst í Nova Scotia í Kanada á
fimmtudaginn í síðustu viku, þaðan var haldið um
Labrador og komið til Grænlands á þriðjudaginn.
Eftir dags viðdvöl í Grænlandi lá leiðin til Reykjavík-
ur en bátsverjar lentu í miklum hrakningum og slæmu
veðri á leiðinni og að sögn Bear Grylls, forsprakka
hópsins, voru þeir orðnir æði skelkaðir um tíma og
fegnir að hafa fast land undir fótum í nokkra daga.
Héðan mun hópurinn halda til Færeyja en þaðan til
Skotlands þar sem ferðinni lýkur.
Þetta er í fyrsta sinn sem siglt er yfir Norður-
Atlantshafið með þessum hætti en leiðangurinn er far-
inn í góðgerðarskyni fyrir hjálparsjóð Karls Breta-
prins. Sjóðurinn beitir sér fyrir að styrkja ungt fólk við
að koma undir sig fótunum í viðskiptalífinu og stefna
leiðangursmenn á að safna 50 þúsund pundum í sjóð-
inn.
Morgunblaðið/Árni Sæberg
Bresku siglingarkapparnir. F.v.: Mick Crosweight, Charlie Lang, Andy Leavers, Nigel Thomson og Bear Grylls.
Úthafið sigrað