Morgunblaðið - 09.08.2003, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 9. ÁGÚST 2003 VERÐ Í LAUSASÖLU 190 KR. MEÐ VSK.
Áskriftarsími 881 2060
Í FORMI– leiðandi í lausnum
Skeifunni 17AcoTæknival Sími 550 4000 Fax 550 4001
HITAVEITA Suðurnesja hefur náð samn-
ingum um kaup á Vatnsveitu Reykjanes-
bæjar og er gert ráð fyrir að þeir verði stað-
festir í bæjarstjórn síðar í mánuðinum.
Kaupverð er 360 milljónir króna.
Hitaveitan kaupir vatnslagnir og dælu-
stöðvar innanbæjar og fær þau réttindi sem
fylgja því að selja notendum vatn. Hitaveit-
an fær framvegis vatnsgjaldið sem Reykja-
nesbær innheimtir með fasteignagjöldun-
um, nærri 90 milljónir króna á ári.
Hitaveita Suðurnesja hefur annast vatns-
öflun fyrir vatnsveitur sveitarfélaganna á
Suðurnesjum nema Voga og skilað vatninu
við bæjarmörk. Þá á hitaveitan vatnsveitu í
Vestmannaeyjum. Júlíus Jónsson forstjóri
segir hafa verið íhugað hvort fyrirtækið
ætti að færa sig meira á þetta svið og sú hafi
orðið niðurstaðan. Sé hitaveitan reiðubúin
að kaupa aðrar vatnsveitur á Suðurnesjum.
Minnihlutinn í bæjarráði Reykjanesbæj-
ar dró lögmæti sölunnar í efa á fundi í fyrra-
dag. Málið verður til umræðu á bæjar-
stjórnarfundi 19. ágúst.
Hitaveita Suð-
urnesja kaupir
vatnsveitu
 Kaupir/18
PÆJUMÓT Þormóðs ramma/Sæbergs var
sett á Siglufirði í gær, en þar leika stúlkur á
aldrinum 6–15 ára knattspyrnu. Keppendur
eru frá 28 félögum af öllu landinu og á mótinu
keppa 124 lið. Fjöldi þátttakenda hefur farið
sívaxandi í gegnum árin og á þessu móti eru
um 1.100 þátttakendur og hafa aldrei verið
fleiri.
svip á bæjarlífið á Siglufirði á hverju ári og
tjaldbúðir hafa verið reistar alls staðar þar
sem tjöldum verður við komið, auk þess sem
allt gistipláss er í fullri nýtingu. Hljómsveitin
8-villt og fleiri sjá um skemmtun á torginu á
kvöldin þar sem ungir og aldnir skemmta sér
saman. Á Siglufirði var í gær hæglætisveður
og hlýtt, en skýjað og úrkomulaust.
Að sögn Þóris Hákonarsonar mótsstjóra
hefur allt farið fram eftir áætlun, en það þarf
að stilla saman marga strengi til að allt gangi
upp á svo fjölmennu móti, en pæjumótið á
Siglufirði mun vera fjölmennasta stúlknamót
sem haldið er á landinu. Auk þátttakenda er
annar eins fjöldi þjálfara, foreldra og annarra
stuðningsmanna liðanna. Þetta setur mikinn
Um 1.100 þátttakendur á pæjumóti
Morgunblaðið/Skapti Hallgrímsson
FYRSTA hálfsársuppgjör Kaupþings
Búnaðarbanka eftir sameiningu var birt í
gær og nam hagnaður bankans 3.065
milljónum króna eftir skatta á fyrri helm-
ingi ársins, sem er 56% aukning frá sama
tíma í fyrra.
Bankarekstur Kaupþings annars staðar
á Norðurlöndum skilaði tapi á fyrstu sex
mánuðum ársins. Hagnaður varð hins
vegar af rekstrinum á Íslandi, í Banda-
ríkjunum sem og í Bretlandi og Lúxem-
borg.
Landsbanki Íslands birti einnig sex
mánaða uppgjör sitt í gær og nam hagn-
aður bankans 1.221 milljón króna sem er
32% aukning frá síðasta ári. Íslandsbanki
birti hálfsársuppgjör sitt í síðustu viku og
nam hagnaður 2.404 milljónum króna og
jókst um 46% frá sama tímabili síðasta
árs.
Samanlagður hagnaður viðskiptabank-
anna þriggja á fyrstu sex mánuðum árs-
ins nam 6.690 milljónum króna. Á sama
tíma í fyrra skiluðu bankarnir, sem þá
voru fjórir, samtals 4.539 milljónum
króna í hagnað og nemur aukningin
47,4% á milli tímabila.
Hagnaður
stóru bank-
anna eykst
verulega
 Hagnaður/12
HLÝINDIN á höfuðborgar-
svæðinu í sumar hafa þau áhrif
á rekstur Orkuveitu Reykjavík-
ur (OR) að frá áramótum hefur
5% minna selst af heitu vatni til
húshitunar en áætlanir gerðu
ráð fyrir. Þýðir það um 350
milljónum króna minni tekjur
en reiknað var með. Á síðustu
tólf mánuðum gaf sala heita
vatnsins 600 milljónum kr.
minni tekjur en í venjulegu ári.
Samkvæmt gögnum OR kemur
í ljós að við hvert eitt stig sem
meðalhiti á þjónustusvæðinu
hækkar þá dregur úr notkun á
heitu vatni um 6–7%.
Samkvæmt upplýsingum frá
OR má reikna með að notkun á
heitu vatni hafi dregist saman
um þrjár milljónir tonna sé tek-
ið mið af hækkandi meðalhita
sem nemur einu stigi. Ef fram
haldi sem horfi geti orkusala
dregist saman um 5–10% á
árinu. Það geti þýtt tekjusam-
drátt í heild um 400 milljónir
króna og bent er á að að baki
séu þeir mánuðir ársins sem
mest seljist af heitu vatni til
húshitunar.
Helgi Pétursson, verkefnis-
stjóri hjá OR, segir við Morg-
unblaðið að þessi þróun hafi
glögglega sést síðastliðin tvö
ár. Meðalhitinn á þjónustu-
svæðinu hafi hækkað jafnt og
þétt. Þannig hafi meðalhiti yfir
allt árið 2000 verið 4,5 stig í
Reykjavík en farið í 5,4 stig á
síðasta ári.
350 milljóna
tekjulækk-
un vegna
hlýinda
GESTUM á veit-
ingastaðnum Óðins-
véum brá heldur en
ekki í brún í gærkvöldi
þegar hinn þekkti
söngvari, Elvis Cost-
ello, mætti á staðinn og
snæddi kvöldverð.
Ástæða þess að
Costello er kominn til
landsins er að Diane Krall, unnusta Cost-
ellos, heldur tónleika í Laugardalshöllinni
í kvöld. Ekki er þó vitað hvort Costello
muni taka lagið með unnustu sinni.
Elvis Costello
á Íslandi
MAROKKÓSKA fyrirtækið Derhem og sjávarútvegs-
fyrirtækið Brim ehf. hafa skrifað undir viljayfirlýsingu
um samstarf á sviði sjávarútvegs. Guðbrandur Sig-
urðsson, framkvæmdastjóri Brims, og Massan
Derhem, forstjóri Derhem, undirrituðu yfirlýsinguna
á Bessastöðum í gærkvöldi að loknum fundi Ólafs
Ragnars Grímssonar, forseta Íslands, og Tayeb
Rhafes, sjávarútvegsráðherra Marokkós, sem staddur
er í opinberri heimsókn hér á landi.
Samstarf fyrirtækjanna hefur verið í undirbúningi í
eitt og hálft ár og hefur undirbúningsvinnan gengið út
á það að kanna möguleika á veiðum og vinnslu sardínu
í Marokkó. „Það sem við höfum verið að líta til er sam-
þættiverkefni, þar sem við komum bæði að veiðum og
vinnslu í landi. Rætt hefur verið um mögulegar veiðar
á allt að 60 þúsund tonnum af sardínu og einhverjum
aukategundum, úrvinnslu og markaðsfærslu á afurð-
unum í landi,“ sagði Guðbrandur.
Miklar breytingar hafa orðið í sjávarútvegi í Mar-
okkó undanfarið og er samstarfið í takt við þær breyt-
ingar. Með verkefninu skapast aukin atvinna, auk þess
sem mikil þekkingarfærsla frá Íslandi til Marokkós á
sér stað. Guðbrandur benti á að það sem þyrfti nú
væru endanleg veiðileyfi fyrir þau fjögur skip sem ætl-
unin er að verði notuð í verkefnið en taldi jafnframt að
miðað við þau orð sem sjávarútvegsráðherrann hefði
látið falla í ferðinni um sinn stuðning við verkefnið
gæti orðið af því fljótlega. Þá væri ekkert annað eftir
en að ganga endanlega frá samningum.
Upphaf að áframhaldandi samstarfi þjóðanna
Að sögn Guðbrands markar yfirlýsingin ákveðin
endalok á undirbúningi og um leið er hún staðfesting
til marokkóska ráðherrans á því að nú væru fyrirtækin
tvö tilbúin, að því gefnu að veiðileyfin fáist, að fara af
stað með verkefnið. Hann sagðist trúa því að ef allt
gengi að óskum væri þetta upphaf að áframhaldandi
samstarfi milli þjóðanna. Brim liti á verkefnið sem
langtímaverkefni, enda væru mörg tækifæri í Mar-
okkó.
Massan Derhem, forstjóri Derhem, tók í sama
streng og sagðist við undirritunina afar sáttur með
samstarfið. Hann sagðist vonast jafnframt til þess að
undirritun samkomulagsins væri upphaf að frekara
samstarfi, sem verði til góða fyrir báðar þjóðirnar.
Við undirritun viljayfirlýsingarinnar ræddi Ólafur
Ragnar Grímsson forseti um mikilvægi sjávarútvegs
fyrir íslenskt samfélag. Hann lagði áherslu á að Ís-
lendingar mættu til samstarfs með það í huga að það
verði öllum aðilum til góða og sagðist sannfærður um
að saman ætti þjóðunum eftir að takast að framkvæma
stóra hluti á þessu sviði. Hann sagðist trúa því að þetta
upphaf á samvinnu landanna gæti orðið mikilvægt fyr-
ir útrás Íslendinga á sviði sjávarútvegs. „Við bindum
miklar vonir við þennan samning,“ sagði forsetinn.
Víðtækt samstarf
Brims við Marokkó
Veiða og vinna allt að 60
þúsund tonn af sardínu
Morgunblaðið/Arnaldur
Guðbrandur Sigurðsson og Massan Derhem undir-
rituðu í gær viljayfirlýsinguna um samstarfið.
♦ ♦ ♦
♦ ♦ ♦