Morgunblaðið - 14.08.2003, Blaðsíða 16

ERLENT
16 FIMMTUDAGUR 14. ÁGÚST 2003 MORGUNBLAÐIÐ
Kringlan 4-12, sími 568 6211.
SKÓLADAGAR
Helgartilboð
fimmtudag - föstudag - laugardag - sunnudag
30%
Converse
Puma
Le Coq Sportif
afsláttur
EINHVERN daginn, jafnvel áður
en langt um líður, mun hinn nýi
erfingi stjórnmálakrúnunnar í
Kaliforníu fara að tjá sig um ein-
hver málefni, ekki satt? En ekki í
dag. „Engar fyrirætlanir um að
koma fram opinberlega,“ sagði í
tölvuskeyti sem kosningastjórar
kvikmyndaleikarans Arnolds
Schwarzeneggers sendu öllum þeim
fjölda fréttamanna sem bíður í of-
væni eftir því að kosningabarátta
„Tortímandans“ hefjist fyrir alvöru.
Spurningarnar brenna því enn á
vörum.
Nú er um það bil vika liðin síðan
Schwarzenegger, flestum að óvör-
um, lýsti því yfir að hann myndi
bjóða sig fram til embættis ríkis-
stjóra í Kaliforníu í kosningunum
sem fram fara sjöunda október.
Heimsbyggðin hefur síðan fylgst
með í ofvæni, en frambjóðandinn er
eiginlega enn í felum.
Hann hefur komið stuttlega fram
opinberlega nokkrum sinnum og
einu sinni veitt fimm mínútna viðtöl
í morgunþáttum stóru sjónvarps-
stöðvanna í Bandaríkjunum. Við
þessi tækifæri hefur hann farið
með frægustu setningarnar úr
kvikmyndum sínum og sagt kjós-
endum að hann sé mikill leiðtogi,
staðráðinn í að bæta það sem af-
laga hefur farið í Kaliforníu – eins
og til dæmis efnahaginn og skóla-
kerfið.
Reyndar hefur Schwarzenegger,
sem býður sig fram fyrir Repúblík-
anaflokkinn, tekið afgerandi af-
stöðu í einu málefni. Nái hann
kjöri, sagði hann, ætlar hann að
fella niður bifreiðaskattana sem nú-
verandi ríkisstjóri, demókratinn
Gray Davis, þrefaldaði fyrr á árinu.
„Hófsamur íhaldsmaður
með samfélagsvitund“
Eina dagblaðsviðtalið sem
Schwarzenegger hefur veitt var við
blað í Austurríki, þar sem hann er
fæddur. „Ég myndi lýsa sjálfum
mér sem hófsömum íhaldsmanni
með sterka samfélagsvitund,“ sagði
hann í viðtalinu við Neue Kronen
Zeitung. Ennfremur sagðist hann
ekki hafa neinar fyrirætlanir um að
flytja fjölskyldu sína og heimili til
Sacramento, höfuðborgar Kaliforn-
íu, næði hann kjöri, og að vegna
framboðsins hefði hann snúið baki
við kvikmyndatilboðum sem gefið
hefðu sextíu milljónir dollara í aðra
hönd.
„Arnold ræður sjálfur kosninga-
baráttu sinni,“ sagði talsmaður
hans, Sean Walsh, á þriðjudaginn.
„Hann lætur ekki stjórnast af fjöl-
miðlunum, sérhagsmunahópum eða
einhverjum öðrum utanaðkomandi
áhrifum. En á næstu vikum mun
hann leggja fram mörg afgerandi
stefnumið sem munu taka af allan
vafa um hvar hann stendur.“
Sumir stuðningsmanna leikarans
segja að hann kunni að vera að
tefla á tvær hættur með því að vera
ekki þegar farinn að tjá sig um til-
tekin málefni.
„Arnold vill vera öllum hnútum
kunnugur áður en hann fer að tjá
sig,“ sagði Sheri Annis, stjórnmála-
ráðgjafi sem starfaði fyrir
Schwarzenegger í fyrra. „En hann
hefur ekki mikinn tíma til að hugsa
málin.“
Reuters
Arnold Schwarzenegger ræðir við stúlku í sumarbúðum Miðborgar-
samtakanna í New York, sem leikarinn heimsótti fyrr í vikunni.
Stefnu Schwarzenegg-
ers beðið með óþreyju
Los Angeles. The Washington Post.
BILL Clinton, fyrrverandi
Bandaríkjaforseti, hefur undan-
farnar vikur verið einn helsti
ráðgjafi Grays
Davis, ríkis-
stjóra í Kalif-
orníu, sem
berst fyrir sigri
í aukakosning-
unum er haldn-
ar verða sjö-
unda október.
The New York
Times greinir
frá þessu á
fréttavef sínum.
Átti Clinton fund með Davis og
konu hans, Sharon, í Chicago í
síðustu viku, þar sem þau sátu
ráðstefnu, og veitti þeim ráð í
baráttunni. Að sögn heimildar-
manns sem var á fundinum ráð-
lagði Clinton Davis m.a. að láta
fjölmiðlana ekki etja sér út í slag
við Arnold Schwarzenegger.
Clinton ráð-
gjafi Davis
Gray Davis
SPRENGING í smárútu sem var á
ferð við héraðshöfuðborgina Lashkar
Gah í sunnanverðu Afganistan varð
17 manns að bana í gær. Var um
helmingur fórnarlambanna börn.
Liðsmönnum talíbana og al-Qaeda er
kennt um atburðinn. Segir í frétt á vef
BBC að sennilega hafi sprengjan
sprungið fyrr en ætlast var til. Mark-
mið tilræðismanna hafi verið að trufla
hátíðarhöld vegna sjálfstæðis lands-
ins í næstu viku.
Heimildarmenn segja að andstæð-
ingar stjórnar Hamids Karzais for-
seta virðist nú vera að efla mjög vopn-
aða andstöðu við stjórnina, og erlenda
friðargæsluliðið sem aðallega sér um
öryggisgæslu í höfuðborginni Kabúl.
Einnig hóta talíbanar að myrða
starfsmenn erlendra hjálparstofnana
og segja þá vera óvini þjóðarinnar.
Yfirmaður bandaríska herliðsins í
landinu sagði í júlí að búast mætti við
að talíbanar og stuðningsmenn þeirra
myndu grípa æ oftar til hryðjuverka í
Afganistan. Stjórn Karzais vill að
friðargæsluliðið, sem nú er undir
stjórn Atlantshafsbandalagsins,
NATO, aðstoði við að koma á friði í
héruðum utan Kabúl-svæðisins.
Lashkar Gah er í um 550 kílómetra
fjarlægð frá Kabúl. Hún er í Helm-
and-héraði en þar og í austri við
landamærin að Pakistan hafa leifar
talíbanasamtakanna verið athafna-
samar undanfarna mánuði.
Sprengingin varð um áttaleytið að
morgni og að staðartíma og var mjög
öflug. Líkamshlutar dreifðust um
stórt svæði og söfnuðu lögreglumenn
þeim saman til að átta sig á því hve
margir hefðu dáið. Auk hinna 17 slös-
uðust þrír í sprengingunni. Lögregl-
an taldi víst að sprengjan hefði verið í
bílnum.
Óttast fleiri árásir
Yfirmaður öryggismála í Helmand,
Abdul Rahman Sabir, sagði að talíb-
anar og al-Qaeda-menn hefðu verið að
verki. „Við höfum upplýsingar um að
þeir ráðgeri fleiri sprengjuárásir,“
sagði hann. Á þriðjudag fórust tveir
háskólanemar í Kabúl og sá þriðji
slasaðist er sprengja sem þeir voru að
búa til sprakk í húsinu. Lögreglan í
borginni telur að mennirnir hafi verið
liðsmenn al-Qaeda.
Skýrt var frá því í gær að afganskir
stjórnarhermenn hefðu aðfaranótt
miðvikudags fellt átta menn í bardaga
er ráðist var á landamæraverði í
Khost-héraði við landamærin að Pak-
istan. Tveir af árásarmönnum reynd-
ust vera erlendir, annar Pakistani og
hinn frá arabaríki, að sögn talsmanns
afganska hersins, Khial Baz Khan.
Sprengja verð-
ur 17 að bana
í Afganistan
Talið að talíbanar og liðsmenn
al-Qaeda hafi verið að verki
Kabúl. AFP.
AP
Afgani og friðargæzluliði í Kabúl.
Átta vikur eru til endurtekinna ríkisstjórakosninga í Kaliforníu og kosningabaráttan að hefjast