Morgunblaðið - 14.08.2003, Blaðsíða 17

ERLENT
MORGUNBLAÐIÐ FIMMTUDAGUR 14. ÁGÚST 2003 17
SPENNAN fer nú vax-
andi í umræðunni um
evruna í Svíþjóð, mán-
uði áður en sænskir
kjósendur ganga að
kjörborðinu til að segja
af eða á um aðild lands-
ins að Efnahags- og
myntbandalagi Evr-
ópu, EMU.
Í skoðanakönnunum
hafa sænskir andstæð-
ingar evru-aðildar mik-
ið forskot á stuðnings-
menn. Undir þessum
kringumstæðum
reyndi Göran Persson
forsætisráðherra í síð-
ustu viku sitt bezta til að sýna efa-
semdarmönnum meðal landa sinna
fram á þá margvíslegu kosti sem
fylgdu evrunni, fyrir heimilin í land-
inu, neytendur og framtíðarhlut-
skipti Svíþjóðar sem Evrópuríkis.
Eftir að skoðanakannanir sýndu
að fáir Svíar létu sannfærast af orð-
um forsætisráðherrans greip hann
til þess ráðs í gær að reyna að slá
evruandstæðinga út af laginu með
því að lýsa í blaðaviðtali þeim erf-
iðleikum sem sænskt efnahagslíf
myndi rata í utan evrunnar.
Án evru-aðildar
myndi Svíþjóð þurfa að
þola fullan þunga svo-
nefndra „ósamhverfra
áfalla“, efnahagslegan
óstöðugleika sem hefur
áhrif aðeins á hluta
stærri efnahagsheild-
ar, en ekki á aðra hluta
hennar. „Það væri mis-
ráðið að trúa því að það
fælist vernd í sænsku
krónunni,“ sagði Pers-
son í Svenska Dag-
bladet.
Hann sagði slík áföll
hafa á sínum tíma
haldið verðgildi þýzka
marksins hærra en efnahagsaðstæð-
ur í Þýzkalandi gáfu tilefni til en gert
t.d. ítölsku líruna að hálfgerðum
spilapeningum, áður en báðir þessir
gjaldmiðlar gengu inn í evruna.
Persson viðurkenndi að Svíþjóð
hefði á síðustu árum sloppið við mikl-
ar kollsteypur í gengismálum, en
fyrir því væri engin trygging að
sænska krónan yrði ekki aftur fyrir
spákaupmennskuárásum eins og
gerðist í byrjun tíunda áratugarins.
„Hvað gerist næst þegar við stönd-
um frammi fyrir slíkri kreppu –
munum við þurfa að verja okkar
gjaldmiðil með stjarnfræðilega
háum vöxtum?“ spurði forsætisráð-
herrann.
Út á jaðarinn
Persson sagði að veldu Svíar að
standa utan evrunnar myndi það ýta
Svíþjóð út á jaðar evrópsks efna-
hagslífs, á tímum þegar viðskipti
Svía fara í æ vaxandi mæli fram í
evrum. „Ég kæri mig ekki um að lifa
í landi þar sem sífellt fleiri fyrirtæki
reka sín viðskipti í gjaldmiðli sem
ekki er okkar eigin,“ sagði hann.
Samkvæmt niðurstöðum nýjustu
skoðanakannana er nú rétt tæpur
helmingur sænskra kjósenda and-
vígur evru-aðild, um þriðjungur
styður hana og aðrir eru óákveðnir.
Persson varar evru-
andstæðinga við
Göran Persson
Stokkhólmi. AFP.
ÚTGEFANDI tímaritsins
Penthouse, General Media, hef-
ur farið fram á greiðslustöðvun,
að því er fram kemur á fréttavef
breska ríkisútvarpsins, BBC.
Hátt í 40 ár eru liðin frá því að
tímaritinu var hleypt af stokk-
unum í London, en því var ætlað
að keppa við Playboy.
Útgefendur Penthouse segja
tímaritið vera fremst í flokki í
erótískri afþreyingu, en fjár-
hagserfiðleikar hafa plagað út-
gáfuna í nokkur ár. Endurskoð-
andi útgáfufyrirtækisins lét af
störfum í maí vegna deilna um
afkomutilkynningar.
Fjárhagserfiðleikarnir hafa
orðið til þess að útgáfu tímarits-
ins hefur seinkað, og er ágúst-
hefti þess ekki enn komið í efstu
hillur í verslunum. Útgefandinn
hefur sagt, að meginástæða erf-
iðleikanna sé stórminnkuð sala
er rekja megi til mikils fram-
boðs á klámefni á Netinu.
Erfiðleikar
hjá Penthouse
SKÓGARELDAR í Portúgal nálg-
uðust í gær Algarve-hérað á suður-
strönd landsins að því er fram kom
í frétt AFP-fréttastofunnar. Um
470 slökkviliðsmenn börðust við eld-
ana í nær óbærilegum hitanum og
notuðust þeir við meira en 100
slökkvibíla til að reyna að koma í
veg fyrir að eldurinn næði til hinna
fjölsóttu ferðamannastaða í hér-
aðinu.
Vilborg Birningur hjá Úrvali-Út-
sýn segir allt gott að frétta af ís-
lenskum ferðamönnum á þeirra
vegum í Albufeira í Algarve. „Far-
arstjórarnir okkar höfðu sérstak-
lega orð á því í dag [gær] að þeir
yrðu ekki varir við skógareldana.
Þeir sæju hvorki eldtungur né yrðu
varir við brunalykt.“
Eldurinn braust út í Moncique-
fjallendinu í suðvesturhluta Portú-
gals fyrir nokkrum dögum og hefur
síðan verið að teygja sig í norður og
suður í átt að hinni sögufrægu hafn-
arborg Lagos þar sem útlitið var
sagt vera slæmt. Hundruð manna
hafa verið flutt á brott þaðan. Borg-
arstjóri Lagos, Julio Barraso, sagði
slökkviliðsmennina vera uppgefna
eftir að hafa barist við eldinn alla
vikuna og mæltist til þess að yf-
irvöld í Algarve-héraði stæðu sam-
an í baráttunni við eldinn. Algarve
laðar til sín nær 40% allra ferða-
manna sem koma til Portúgals.
Skógareldar nálg-
ast ferðamanna-
staði á Algarve
Moggabúðin
Geisladiskahulstur, aðeins 700 kr.
Moggabúðin
Músarmotta, aðeins 450 kr.