Morgunblaðið - 22.08.2003, Side 19
HÖFUÐBORGARSVÆÐIÐ
MORGUNBLAÐIÐ FÖSTUDAGUR 22. ÁGÚST 2003 19
The New Eye - haust 2003
Við kynnum Pure Color - EyeShadow Duos
www.esteelauder.com
Blikandi stjörnur á hausthimni
Hausttískan leggur áherslu á liti og leikræn tilþrif og Estée Lauder
leiðir okkur inn í hauströkkrið með Pure Color EyeShadow Duos
augnskuggasamstæðunum, djarflegum litasamsetningum þar sem
djúpir litir og ljósir kallast á og gera augun stærri og tjáningarfyllri -
ljá þeim stjörnublik á hausti.
Ráðgjafi frá Estée Lauder verður í versluninni í dag, föstudag og laugardag.
GARÐBÆINGAR munu halda sér-
stakan öryggisdag fjölskyldunnar á
Garðatorgi á morgun, laugardag,
frá kl. 11 til 16. Þá sýna fyrirtæki
og stofnanir þjónustu og búnað
sem tengist öryggis- og slysavarna-
málum heimila í Garðabæ.
Öryggisdagurinn er hluti af
verkefni sem mun standa yfir í
nokkra mánuði og hefur það að
markmiði að fækka slysum á heim-
ilum í Garðabæ og fræða íbúa bæj-
arins um slysavarnir og skyndi-
hjálp.
Rétt viðbrögð sýnd
Margt áhugavert verður í boði
fyrir alla fjölskylduna, til dæmis
kynningar á búnaði og þjónustu.
Lögregla og slökkvilið verða á
staðnum og kynna starfsemi sína.
Gestum gefst einnig tækifæri á að
æfa fyrstu viðbrögð við slysum og
sýnd verður notkun á öryggisbún-
aði. Þá mun slökkviliðið sýna
hvernig á að slökkva eld, leiðbein-
endur í skyndihjálp verða með
sýnikennslu og kynnt verða rétt
viðbrögð í náttúruhamförum.
Að verkefninu standa Garðabæj-
ardeild Rauða kross Íslands og
Garðabær. Meðal þess sem gert
verður í tengslum við verkefnið er
að birtar verða greinar og ábend-
ingar sem tengjast öryggismálum í
Garðapóstinum og gátlisti sendur
inn á hvert heimili í bænum. Með
því að fara yfir listann geta bæj-
arbúar farið yfir og eflt slysavarnir
á heimilum sínum.
Öryggis-
dagur fjöl-
skyldunnar
á Garða-
torgi
Garðabær
ÞAÐ verður margt skemmtilegt í
boði í Fjölskyldu- og húsdýragarð-
inum á morgun, en þá fagna Leik-
skólar Reykjavíkur því að 25 ár eru
liðin síðan Reykjavíkurborg tók við
rekstri 14 dagheimila, 5 skóladag-
heimila og 17 leikskóla af Barna-
vinafélaginu Sumargjöf. Í tilkynn-
ingu frá Leikskólum Reykjavíkur
segir meðal annars: „Margt hefur
breyst á þeim tíma sem liðinn er en
í aldarfjórðung hefur Reykjavíkur-
borg haldið áfram því góða starfi
sem Sumargjöf hóf með rekstri
fyrsta dagheimilisins árið 1924.“
Við hæfi þykir að gleðjast og gera
sér dagamun á þessum tímamótum
og bjóða því Leikskólar Reykjavík-
ur öllum leikskólabörnum í Reykja-
vík og fjölskyldum þeirra í Fjöl-
skyldu- og húsdýragarðinn, þar sem
fjölskyldurnar geta skemmt sér í
fallegu umhverfi garðsins.
Garðurinn er opnaður kl. 10 en
formleg dagskrá hefst kl. 12. Þá
mun Bergur Felixson, fram-
kvæmdastjóri Leikskóla Reykjavík-
ur, setja hátíðina og því næst ávarp-
ar Þórólfur Árnason borgarstjóri
afmælisgesti. Birgitta Haukdal
söngkona mun síðan stjórna afmæl-
issöng fyrir „afmælisbarnið“. Fleira
verður á dagskrá í garðinum, en
fyrst og fremst er ætlunin að börn
og fullorðnir eigi skemmtilegan dag
saman og njóti þess sem garðurinn
hefur upp á að bjóða. Fólk er hvatt
til þess að taka með sér nesti og
skapa þannig lautarferðarstemn-
ingu, en einnig er hægt að notfæra
sér stóra grillið í Fjölskyldugarð-
inum.
Leikskólar Reykjavíkur fagna 25 ára afmæli
Reykjavík
ÞRÁTT fyrir ungan aldur stefnir
söngneminn Jón Svavar Jósefsson
nú óhræddur til Vínarborgar þar
sem hann hyggst nema sönglist,
þýsku og önnur tónlistartengd
fræði. Jón lauk burtfararprófi frá
tónlistarskóla Garðabæjar í vor
með hæstu einkunn og hefur hann
engar efasemdir um að söngurinn
og tónlistin séu það sem koma skal í
hans lífi, þar liggi hans framtíð.
„Hugmyndin er að vera úti í Vín í
svona þrjú til þrettán ár, enda er
lífið fullt af möguleikum og maður
má ekki útiloka neitt,“ segir Jón,
sem fer ekki alltaf troðnar slóðir í
nálgun sinni á tónlist og vali á söng-
efni. Á burtfarartónleikum sínum
söng hann meðal annars vísur Æra
Tobba, kunnar þjóðvísur með
skrýtnum blæ, við tónlist Karls O.
Runólfssonar, sem tilbrigði við hin-
ar hefðbundnu óperuaríur.
Jón lærði söng undir leiðsögn
Snæbjargar Snæbjarnardóttur. Þá
leiðsögn segir Jón hafa opnað fyrir
margt fleira en sönginn. „Þegar
maður fer að læra að opna svona
fyrir hljóðið og líkamsstöðu sína, þá
fer að opnast fyrir svo margt fleira
í lífinu, maður verður allur opnari
og hressari og meira lifandi. Þetta
er það mikilvægasta við söngnámið
að mínu mati.“
Frönsk kvikmyndatónlist er
lifandi, einföld og falleg
Jón er mikill áhugamaður um
hljóðfæraleik, hann leikur meðal
annars á harmóníku, gítar og píanó
og hefur nú stundað harmóník-
unám í eitt ár og hefur þegar náð
nokkru valdi á þessu flókna hljóð-
færi. „Harmonikkan hefur alltaf
heillað mig, ég er kannski undir
miklum áhrifum frá franskri kvik-
myndatónlist, til dæmis úr mynd-
unum Delicatessen og Amelie. Hún
er svo einföld en samt svo tilfinn-
ingarík og falleg.
Ég hef líka ofboðslega gaman af
því að læra á ný hljóðfæri og mig
langar til þess að læra á eins mörg
hljóðfæri og ég get í lífinu. Það er
eitthvað sem ég ætla aldrei að
hætta.“
Tekjur og peningar geta reynst
mörgum hindrun þegar kemur að
námi erlendis, en Jón lumar þar á
leynivopni. Hann er sveitastrákur,
Eyfirðingur að ætt og uppruna og
stoltur af því og er þess vegna ekki
óvanur sveitastörfum. Jón hefur
undanfarin tvö ár lært og starfað
við hestajárningar og hefur þegar
komið sér fyrir í starfi við slíka iðju
í Austurríki. „Það er náttúrulega
gríðarlegur áhugi á íslenska hest-
inum í Austurríki, margir Austur-
ríkismenn eiga íslenska hesta og
mikil eftirspurn eftir liðtækum
járningamönnum. Því ætti sosum
ekki að væsa um mig þarna úti.“
Þess má að lokum geta að Jón
hyggur á kveðjutónleika áður en
hann flytur utan um miðjan sept-
ember, þó engin dagsetning sé fest
á slíkan viðburð.
Söngurinn
opnar fyrir allt
Morgunblaðið/Árni Sæberg
Jón Svavar Jósefsson hyggst nema sönglist og hljóðfæraleik á komandi ár-
um, auk þess sem hestajárningar verða á dagskránni í Austurríki.
Reykjavík
UMHVERFISNEFND Mosfells-
bæjar hefur veitt umhverfisviður-
kenningar ársins 2003. Veittar
voru viðurkenningar fyrir fallega
einkagarða, umhverfi fyrirtækja og
vel hirtar og snyrtilegar götur. Var
valið að sögn erfitt, þar sem mikil
og almenn áhersla er lögð á fallegt
umhverfi í Mosfellsbæ og mikið um
fallegar götur og lóðir. Þrátt fyrir
erfitt val urðu þó á endanum þrír
aðilar ofan á sem hlutu viðurkenn-
ingu Umhverfisnefndar Mosfells-
bæjar. Þessum aðilum var boðið í
hátíðlega móttöku föstudaginn
15.ágúst s.l. og þar afhenti formað-
ur nefndarinnar, Klara Sigurðar-
dóttir, viðurkenningarskildi og
skjöl.
Eftirfarandi aðilar hlutu viður-
kenningu Umhverfisnefndar Mos-
fellsbæjar:
Dröfn Sigurgeirsdóttir og Helgi
Ólafsson fengu viðurkenningu fyrir
fallegan einkagarð í Hvammi.
Kentucky Fried Chicken, Há-
holti 9, hlaut viðurkenningu fyrir
fallegt og metnaðarfullt umhverfi
fyrirtækisins.
Íbúar við Lækjartún fengu við-
urkenningu fyrir snyrtilega og fal-
lega götu.
Klara Sigurðardóttir, formaður Umhverfisnefndar Mosfellsbæjar,
ásamt hróðugum handhöfum umhverfisviðurkenninga.
Mosfellsbær veitir
umhverfis-
viðurkenningar
Mosfellsbær