Morgunblaðið - 30.08.2003, Blaðsíða 2

FRÉTTIR
2 LAUGARDAGUR 30. ÁGÚST 2003 MORGUNBLAÐIÐ
MANNSKÆTT TILRÆÐI
Einn af áhrifamestu leiðtogum
sjía-múslíma í Írak, ajatollah Mo-
hammed Baqir al-Hakim, fórst
ásamt a.m.k. 84 öðrum í sprengju-
tilræði í hinni helgu borg Najaf í
gær. Á þriðja hundrað manns slös-
uðust. Talsmenn fylkingar hans
sögðust vissir um að stuðningsmenn
Saddams Husseins hefðu staðið á
bak við tilræðið.
Gripdeild í banka
Ungur karlmaður var handtekinn
með þýfi eftir gripdeild í útibúi Ís-
landsbanka við Eiðistorg í gær. Lög-
reglan handsamaði manninn ör-
skömmu síðar á strætisvagnabiðstöð
skammt frá bankanum. Náðist þýfið
og var því komið til skila.
38 sagt upp hjá KÁ
Öllu starfsfólki Hótels Selfoss og
skrifstofu Kaupfélags Árnesinga,
KÁ, alls 38 talsins, hefur verið sagt
upp. KÁ er í greiðslustöðvun vegna
mikilla rekstrarerfiðleika.
Campbell hættir
Alastair Campbell, sam-
skiptastjóri Tonys Blairs, forsætis-
ráðherra Bretlands, sagði í gær að
hann myndi hætta störfum innan
fárra vikna. Sagðist Campbell vera
hreykinn af starfi sínu en álagið væri
mikið. Blair fór fögrum orðum um
Campbell og sagði hann ávallt verða
góðan vin sinn.
L a u g a r d a g u r
30.
á g ú s t ˜ 2 0 0 3
Yf ir l i t
Í dag
Sigmund 8 Viðhorf 32
Viðskipti 12 Minningar 32/37
Erlent 14/16 Messur 38/39
Höfuðborgin 18 Kirkjustarf 38/39
Akureyri 18/19 Myndasögur 40
Suðurnes 20 Bréf 40
Árborg 21 Staksteinar 42
Landið 21 Dagbók 42/43
Neytendur 22 Íþróttir 44/47
Heilsa 23 Leikhús 48
Listir 24/25 Fólk 48/53
Forystugrein 38 Bíó 50/53
Menntun 26 Ljósvakamiðlar 54
Umræðan 27/32 Veður 55
* * *
Kynningar – Morgunblaðinu í dag
fylgir auglýsingablaðið Hreyfing.
Blaðinu er dreift á höfuðborgar-
svæðinu.
NÝR vegur um Bröttubrekku var
opnaður formlega í gær af Sturlu
Böðvarssyni samgönguráðherra og
Jóni Rögnvaldssyni vega-
málastjóra. Klipptu þeir á borða
við sýslumörk Dalasýslu og Mýra-
sýslu við það tækifæri.
„Þessi nýi vegur hefur mikla
þýðingu fyrir Dalabyggðina og
bætir vetrarsamgöngur til mikilla
muna. Jafnframt er vegurinn mik-
ilvægur fyrir Vestfirðinga sem
nýta þessa leið,“ segir Sturla.
Vestfjarðavegur um Bröttu-
brekku tengir Borgarfjörð frá
þjóðvegi 1 við Búðardal og er liður
í bættu vegasambandi milli byggð-
arlaga á Vesturlandi. Magnús Val-
ur Jóhannsson, umdæmisstjóri
Vegagerðarinnar í Vesturlands-
umdæmi, segir nú kominn heils-
ársveg á milli Dalasýslu og Borg-
arfjarðarsýslu. Áður hafi fólk
þurft að fara um 25 km lengri leið
um Heydal og Skógarströnd.
Eftir að brúin yfir Gilsfjörð kom
bætir þetta til muna samgöngur
við sunnanverða Vestfirði og í
framtíðinni mun leiðin frá norð-
anverðum Vestfjörðum liggja um
Bröttubrekku að sögn Magnúsar.
Þetta sé því eiginlega tenging
Vesturlands og Vestfjarða við um-
heiminn.
Sturla segir að nú sé fyrsta
stórverkefninu á sviði samgangna
lokið á þessu ári en ráðgert er að
eyða tíu milljörðum króna til sam-
göngubóta í ár. Sérstök aðgerð-
aráætlun í öryggismálum hefur
verið unnin í samgönguráðuneyt-
inu og segir samgönguráðherra
framkvæmdir á árinu miðast að
því að auka öryggi vegakerfisins.
Vakti hann athygli á þessu við
opnun Bröttubrekku í gær enda
hefði sá vegur verið með erfiðari
vegarköflum. „Endurbygging
þessa vegar er liður í því að fækka
þessum hættulegu köflum.“
Nýi vegurinn liggur á svipuðum
slóðum og sá gamli en beygjur eru
færri og ekki eins krappar og eins
er brattinn mun minni. Nýja leiðin
liggur mest í 403 metra hæð eins
og gamli vegurinn lá en er nú lögð
bundnu slitlagi.
Hafist var handa við að leggja
nýja veginn um Bröttubrekku árið
1999. Lengd vegarkaflans er 11,3
km og voru 550 þúsund rúmmetr-
ar af efni notaðir til fyllingar.
Heildarkostnaður tveggja áfanga
þessarar framkvæmdar nemur um
600 milljónum króna.
Nýr vegur um Bröttubrekku opnaður
Morgunblaðið/Þorkell
Beygjur um Bröttubrekku eru nú færri og ekki eins krappar og á gamla
veginum. Þá er brattinn mun minni.
Sturla Böðvarsson og Jón Rögn-
valdsson klipptu á borðann.
STÚLKAN sem lést af slysförum á
Torremolinos á Spáni aðfaranótt mið-
vikudags hét Stefanía Guðrún Pét-
ursdóttir, til heimilis á Prestastíg 11 í
Reykjavík. Hún var fædd hinn 23.
október árið 1984 og eru foreldrar
hennar Sigrún Edda Sigurðardóttir
og Pétur Emilsson. Stefanía Guðrún
átti fjögur eldri systkini. Hugðist hún
hefja nám við Fjölbrautaskólann í
Breiðholti nú í haust.
Lést af
slysförum
VALSMENN voru sannarlega léttir í
lund þegar þeir mættu á Hlíðarenda í
gærkvöldi til að fagna heimkomu
knattspyrnukappans Guðna Bergs-
sonar eftir langan og farsælan at-
vinnumannsferil hans með Totten-
ham Hotspur og Bolton Wanderers á
Englandi. Meðal þeirra er samfögn-
uðu og heiðruðu Guðna með nærveru
sinni voru Íslandsmeistarar Vals í
knattspyrnu árin 1985 og 1987, gaml-
ir handboltafélagar Guðna, stjórn-
armenn og ötulir stuðningsmenn.
Slegið var á létta strengi fram eftir
kvöldi og á sjónvarpsskjá voru sýndar
myndir af sigurleik Vals gegn Món-
akó í Evrópukeppni meistaraliða árið
1988. Hér nælir Grímur Sæmundsen,
formaður Vals, heiðursmerki félags-
ins í barm Guðna.
Morgunblaðið/Arnaldur
Guðni heiðraður
STAÐA þriggja efstu manna í
landsliðsflokki Skákþings Ís-
lands er óbreytt eftir 6. umferð-
ina í gærkvöldi þar sem þeir
unnu allir sínar skákir. Hannes
Hlífar Stefánsson er efstur með
5½ vinning og jafnir í öðru og
þriðja sæti eru Þröstur Þór-
hallsson og Róbert Harðarson
með 4½ vinning hvor. Stefán
Kristjánsson er í fjórða sæti
með 3½ vinning. Sjöunda um-
ferð verður tefld í dag.
Efstu menn
unnu skák-
ir sínar
NÚ STANDA yfir framkvæmdir til
þess að draga úr hættu á grjóthruni
við Sævarhöfða í Reykjavík. Leiðin
er mjög fjölfarin því íbúar í
Bryggjuhverfi keyra hana á leið
sinni til og frá miðborginni. Sigfús
Þormarsson, verkstjóri hjá Ístaki,
segir að verið sé að útbúa fláa á
hamarinn en með því dregur úr
hættu á grjóthruni.
Vegna framkvæmdanna hefur
þurft að loka leiðinni en starfsmenn
Ístaks eru óánægðir með að margir
íbúar Bryggjuhverfisins skuli ekki
virða lokanir á götunni og við það
skapast mikil hætta því að sumt
grjótið sem hrynur niður við fram-
kvæmdirnar vegur mörg tonn og
gæti valdið miklum skaða ef bíll
yrði fyrir því.
Sigfús segir að verklok séu áætl-
uð 1. október næstkomandi.
Morgunblaðið/Ómar
Stöðva grjóthrun
HESTAMAÐUR datt af baki
við bæinn Syðri-Hofdali í
Skagafirði um áttaleytið í gær-
kvöldi. Í fyrstu var óttast að
hestamaðurinn hefði misst
meðvitund en er komið var að
honum reyndist svo ekki vera.
Var hann að taka þátt í hrossa-
rekstri meðfram veginum um
Blönduhlíð er óhappið átti sér
stað.
Hestamaðurinn var fluttur
með sjúkrabíl á Sjúkrahúsið á
Sauðárkróki. Læknar þar
ákváðu að senda hann til Ak-
ureyrar til frekari rannsókna
og sneiðmyndatöku.
Bílvelta á Stokksnesi
Eldri fólksbíll með fjórum
ungmennum innanborðs valt á
Austurfjörum við Stokksnes,
sunnan Hafnar í Hornafirði,
um hálfáttaleytið í gærkvöldi.
Ungmennin voru öll í beltum og
sluppu við meiðsl, utan þess að
bílstjórinn fékk smáskrámur.
Að sögn lögreglu á Höfn missti
bílstjórinn stjórn á bílnum í
sandi.
Datt af
baki í
Skagafirði