Morgunblaðið - 30.08.2003, Blaðsíða 6

FRÉTTIR
6 LAUGARDAGUR 30. ÁGÚST 2003 MORGUNBLAÐIÐ
• Baðinnréttingar
• Eldhúsinnréttingar
• Fataskápar
• Innihurðir
I n n r é t t i n g a r
Borgartúni 28 • Sími 562 5000 • www.bjorninn.is
LJÓSMYNDIR af börnum í Kulusuk á Græn-
landi eru viðfangsefni ljósmyndasýningar sem
Friðrik Brekkan leiðsögumaður setur upp í Hár
og list, litlu galleríi á Strandgötunni í Hafnar-
firði, á næstu dögum. Friðrik hélt sýninguna
fyrst úti í Kulusuk og gaf það mikið af myndum
að hann þurfti að gera nýjar fyrir sýninguna nú.
Hann hefur verið leiðsögumaður á Grænlandi
og víðar í fjölda ára og fór fyrst til Kulusuk árið
1976. Síðan eru ferðirnar þangað orðnar yfir
hundrað. „Ég hafði oft með mér myndavél og í
hvert skipti komu börnin hlaupandi og tóku á
móti manni. Ég náði alltaf svo góðu sambandi
við þau og gat fengið að taka myndir af þeim
hér og þar um bæinn.“ Hann segist ávallt hafa
ætlað sér að koma aftur með myndirnar, því
fæstir sem til Kulusuk koma og taka myndir af
heimamönnum efna loforð um að senda þeim
eintak. 30–40 þúsund ferðamenn koma til
Kulusuk á ári hverju. „Ég ákvað að drífa í þessu
og fór með 110 myndir í öllum stærðum, sú
stærsta er fermetri. Ég hafði plastað þær með
þykku plasti og síðan fékk ég lánað hús sem vin-
ur minn á þarna. Í dásamlegu veðri fékk ég
hjálp frá heimamönnum og setti sýninguna utan
á allt húsið. Það kom allur bærinn hlaupandi og
það var rosalega sterkt á að horfa. Þetta er
bara venjulegt fólk. Þetta er ekki fólk sem
snobbar fyrir list og horfir á sýningar með
kokkteilglas í hendi innandyra,“ lýsir Friðrik.
30 af 60 börnum eru látin
Hann leggur áherslu á að íbúar í Kulusuk séu
ekki eins og við Íslendingar, sem lifum í neyslu-
samfélagi og tökum myndir frá vöggu til
grafar. Þetta fólk á ekki myndir af börnunum
sínum, vinum og ættingjum. Hann segir að
ástandið í Kulusuk sé ekki gott og segir að það
sýni það best að af sextíu börnum, sem hann
hefur myndað í gegnum tíðina, eru þrjátíu ekki
á lífi. „Fólk hefur framið sjálfsmorð, lent í
fangelsi, drukknað við selveiðar og verið myrt.
Þjáningin hjá þessu fólki er svo djúp.“
Friðrik segir sögu af konu sem til hans kom
og spurði hvort hún mætti taka mynd niður.
Síðan fór hún afsíðis og bar hana að hjarta sér.
Tvö börn hennar höfðu framið sjálfsmorð. Hann
segist hafa boðað fólkið til sín þegar sýningunni
lauk og gefið þeim myndir af ættingjum sínum.
Hann hafði því gefið helming sýningarinnar.
Af þessum þrjátíu börnum sem eru á lífi eru
ekki nema tíu á staðnum. Hin hafa farið burt.
„Þau fara í menninguna, annaðhvort til vest-
urstrandarinnar eða Kaupmannahafnar. Svo
koma þau aftur seinna. Þetta er náttúrlega
dásamlegt umhverfi.“ Friðrik segir það sorgleg-
asta við þetta allt að til Kulusuk séu daglegar
ferðir. Aftur á móti skorti áhuga þeirra sem
þangað koma og jafnvel starfa til þess að taka
sig saman og smíða rólur eða eitthvað slíkt.
„Það þarf svo lítið til þess að gleðja fólkið. Næst
þegar ég fer þangað ætla ég að fara með tvær
rólur.“
Gaf ættingjum látinna hálfa sýninguna
RÁÐHERRAR neytendamála á
Norðurlöndunum eru sammála um
að grunnskólar eigi að vera lausir
við kostun af hvaða tagi sem er og
að móta þurfi reglur um slíkt í skól-
um.
Valgerður Sverrisdóttir við-
skiptaráðherra, sem sótti fund ráð-
herranna í Stokkhólmi í tengslum
við ráðherrafund Norðurlandaráðs
sem lauk í gær, segir að þrýstingur
sé mikill á börn og með aukinni
tækni, einkum farsímaeign, sé auð-
veldara að ná til þeirra en áður.
Kostun getur verið af ýmsu tagi en
gefur fyrirtækjum jafnan beinan að-
gang að ákveðnum markhópi.
„Það er sameiginleg skoðun ráð-
herranna að grunnskólarnir eigi að
vera „frísvæði“. Það er ekki mikið
um reglur á þessu sviði og raunar
ekki um það að ræða að þær séu til
staðar. Og það er eitt af því sem við
sjáum ástæðu til að vinna í,“ segir
ráðherra.
Íslendingar taka við formennsku í
ráðherranefnd Norðurlandaráðs á
næsta ári og var stefna Íslands
kynnt undir yfirskriftinni „Auðlegð
Norðurlanda“, og vísað til mann-
auðs og náttúrulegra auðlinda.
Undirbúningur hafinn
að gerð ánægjukönnunar
Að sögn Valgerðar var ákveðið að
hefja undirbúning að gerð ánægju-
könnunar á Norðurlöndunum meðal
neytenda. Meðal þess sem kanna á
er álit neytenda á hversu örugg til-
tekin vara sé og hvernig fólki hafi
gengið að fá upplýsingar og leið-
beiningar um notkun hennar. Þá
verður kannað álit neytenda á því
hversu auðvelt er að flytja viðskipti
yfir til keppinautar.
Einnig var opnuð ný heimasíða,
www.nordicos.org, sem á að auð-
velda neytendum að afla upp-
lýsinga, m.a. um hugbúnað. Heima-
síðan inniheldur upplýsingar á
öllum Norðurlandamálunum, auk
ensku.
Ráðherrar neytendamála á
Norðurlöndunum funda í Stokkhólmi
Grunnskólar verði
lausir við kostun
HALLDÓR Blöndal, forseti Alþingis,
fer í opinbera heimsókn til Slóveníu 1.
til 4. september í boði Boruts Pahor,
forseta slóvenska þingsins. Halldór
mun eiga fund með starfsbróður sín-
um og ræða við Anton Rop, forsætis-
ráðherra Slóveníu, í höfuðborginni
Ljúbljana. Einnig mun forseti Al-
þingis eiga fundi með borgarstjóra
Ljúbljana, mennta- og menningar-
málaráðherra, utanríkisráðherra og
formanni utanríkismálanefndar slóv-
enska þingsins. Þá mun hann þiggja
kvöldverðarboð Boruts Pahor og eig-
inkonu hans í Brdo-kastala.
Með Halldóri í för verða eiginkona
hans, þingmennirnir Guðmundur
Árni Stefánsson og Einar K. Guð-
finnsson, auk Þorsteins Magnússon-
ar, forstöðumanns almennrar skrif-
stofu Alþingis.
Halldór Blön-
dal í heimsókn
til Slóveníu
SLÖKKVILIÐIÐ á höfuðborgar-
svæðinu var kallað út öðru sinni að
atvinnuhúsnæði á horni Auðbrekku
og Skeljabrekku í Kópavogi um tíu-
leytið í gærmorgun eftir að reykur
barst frá eimingartæki í bygging-
unni. Ákveðið var að þynna efnin
með vatni til þess að koma í veg fyrir
efnahvörf og draga úr reyknum. Í
fyrrakvöld var allt tiltækt lið slökkvi-
liðsins kallað út að byggingunni
vegna mikils reyks sem barst frá
eimingartæki sem hafði brunnið yfir.
Þá var slökkviliðið kallað út vegna
eldsvoða í stigagangi í atvinnuhús-
næði í Kaplahrauni í Hafnarfirði um
áttaleytið í gærmorgun. Þegar
starfsmaður kom til vinnu varð hann
var við mikinn reyk og hafði sam-
band við slökkviliðið. Greiðlega gekk
að slökkva eldinn og reykræsta
bygginguna. Eldsupptök liggja ekki
fyrir.
Slökkvilið kall-
að tvisvar að at-
vinnuhúsnæði
BJÖRN Ingi Hrafnsson hefur verið
ráðinn aðstoðarmaður Halldórs Ás-
grímssonar utan-
ríkisráðherra og
tekur hann til
starfa 1. septem-
ber næstkomandi.
Björn Ingi er
þrítugur að aldri.
Hann nam sagn-
fræði og stjórn-
málafræði við Há-
skóla Íslands og
hefur að undanförnu gegnt störfum
skrifstofustjóra þingflokks fram-
sóknarmanna og verið kynningar-
fulltrúi Framsóknarflokksins. Áður
starfaði hann um árabil við blaða-
mennsku og dagskrárgerð í útvarpi
og sjónvarpi.
Björn Ingi er kvæntur Hólmfríði
Rós Eyjólfsdóttur hjúkrunarfræð-
ingi. Eiga þau son og búa í Reykjavík.
Nýr aðstoðar-
maður utan-
ríkisráðherra
Í DAG, laugardaginn 30. ágúst,
verða umferðarljósin á gatnamótum
Miklubrautar og Kringlumýrar-
brautar í Reykjavík tekin úr sam-
bandi vegna breytinga. Ljósin verða
óvirk frá kl. 8.30 fram eftir degi. Á
meðan annast lögreglan umferðar-
stjórn.
Breytingin felst í því að sett verða
beygjuljós á vinstri beygjur af
Kringlumýrarbraut inn á Miklu-
braut, sem verða þó ekki virk nema á
kvöldin og um nætur virka daga og
allar helgar. Þegar beygjuljós eru
ekki virk blikka þau gulu ljósi.
Umferðarljós
tekin úr
sambandi
♦ ♦ ♦
♦ ♦ ♦
♦ ♦ ♦