Morgunblaðið - 30.08.2003, Blaðsíða 45
ÍÞRÓTTIR
MORGUNBLAÐIÐ LAUGARDAGUR 30. ÁGÚST 2003 45
NÍNA Björk Geirsdóttir er í 45.–48. sæti
eftir þrjá keppnisdaga af fjórum á Evrópu-
móti áhugakvenna í golfi sem nú stendur
yfir á Írlandi. Nína lék á 78 höggum í gær
en hafði áður leikið á 77 og 79 höggum.
Hún er í hópi 71 þátttakanda sem halda
áfram keppni á lokadeginum í dag. Nína
Björk er samtals á 234 höggum, 15 yfir
pari. Sophie Walker frá Englandi er með
forystu, er á 218 höggum, einu undir pari,
en Sophie Giquel frá Frakklandi er næst, á
pari.
Aðrir keppendur, 38 talsins, eru úr leik
en í þeirra hópi er Helena Árnadóttir sem
lék á 79 höggum í gær og áður á 82 og 83
höggum. Hún lauk þar með keppni í 85.
sæti af 109 þátttakendum.
Nína Björk
komst áfram SLAKUR árangur íslenskra félagsliða í Evr-ópumótunum í knattspyrnu undanfarið hefur
þau áhrfi að stuðull Íslands lækkar verulega.
Þannig má benda á að fyrir tímabilið 1998–
99 var Ísland með stuðulinn rúmlega 6,6 hjá
UEFA en í ár er hann tæplega 3,5.
Stuðullinn er fundinn þannig að lið fá stig
fyrir sigur og helmingi færri fyrir jafntefli
þannig að það skiptir máli að fá stig. Stigin
eru svo lögð saman og deilt í með fjölda liða
frá viðkomandi landi og landsstuðullinn
fundinn út fyrir viðkomandi land. Í fyrra
gerðu íslensk lið eitt jafntefli í mótum í Evr-
ópu en í ár urðu þau þrjú. Stuðlum síðustu
fimm ára er haldið til haga og næst þegar
reiknað verður dettur tímabil ið 1998–99 út
en yfirstandandi tímabil kemur inn í staðinn.
Rétt er að taka fram að stuðull þessi hefur
engin áhrif á stöðu landsliða Evrópuland-
anna.
Þegar dregið er í Evrópumótin er litið til
stuðlanna. Þar fær hvert lið helminginn af
landsstuðli síns lands auk þeirra stiga sem
það lið hefur áunnið sér sjálft (engin stig eru
gefin til liða fyrir Intertoto leiki og leiki í
forkeppni). Má sem dæmi nefna að KR var
raðað niður fyrir síðasta drátt í 1. umferð
forkeppni Meistaradeildar Evrópu og var því
talið sterkara en mótherjarnir sem voru í
hinum pottinum. Haldi hins vegar svo fram
sem horfir, að íslenski stuðullinn lækki
áfram kemur að því að íslensk lið verða í
pottinum með þeim slökustu í álfunni.
Stuðlar þessir skipta máli bæði fyrir landið
sem slíkt og einnig fyrir hvert félag. Félögin
fá helming af stuðli viðkomandi lands og
sinn stuðul að auki. Nefnum dæmi: Norska
liðið Rosenborg hefur háan stuðul enda hef-
ur liðinu gengið vel í mótum Evrópu. Önnur
norsk lið hafa hins vegar ekki riðið feitum
hesti frá þeim og því er landsstuðullinn lágur
og lækkar stuðul Rosenborgar.
Stuðull Íslands hjá UEFA hefur lækkað
Úr leik Fylkis og AIK í fyrrakvöld.
FYLKIS-banarnir í AIK frá Stokk-
hólmi mæta Valencia frá Spáni í 1.
umferð í UEFA kepninni í knatt-
spyrnu. Austuríska liðið Kärnten,
sem sigraði Grindavík naumlega,
með Helga Kolviðsson innanborðs
mætir Feyenoord. Nokkur önnur
„Íslendingalið“ voru í pottinum.
Lokeren, lið þeirra Arnars Grétars-
sonar, Arnars Þórs Viðarssonar,
Rúnars Kristinssonar og Marels
Baldvinssonar, dróst gegn Man-
chester City og leika síðari leikinn á
heimavelli í Belgíu. Norska liðið
Molde, sem Ólafur Stígsson, Bjarni
Þorsteinsson og Andri Sigþórsson
eru á mála hjá, spilar gegn Leiria frá
Portúgal. Lyn, lið þeirra Helga Sig-
urðssonar og Jóhanns Birnis Guð-
mundssonar, keppir við PAOK frá
Grikklandi og norsku meistararnir
Rosenborg, þar sem Árni Gautur
Arason landsliðsmarkvörður er, fer
til Lettlands og leikur við leika við
Ventspils.
Liverpool mætir Olimpija frá Slóv-
eníu og annað enskt lið, Newcastle
mætir Nac Breda frá Hollandi. Fyrri
leikir 1. umferðar fara fram 24. sept-
ember og þeir síðari 15. október.
JÓHANNES Karl Guðjónsson,
landsliðsmaður Íslands í knatt-
spyrnu er genginn til liðs við Úlfana
í ensku úrvalsdeildinni. Jóhannes
Karl gekk frá árs lánssamningi við
félagið og þá hafa Úlfarnir um leið
tryggt sér forgangskauprétt á leik-
manninum frá Real Betis. Jóhannes
Karl eða „Joey“ fer beint í leik-
mannahópinn er liðið mætir
Portsmouth á heimavelli sínum
Molineux í dag. „Ég er mjög ánægð-
ur með að mín mál séu loks komin á
hreint. Nú er ég kominn í mína
uppáhaldsliti, gulan búning og
svartar stuttbuxur. Ég æfði með lið-
inu í morgun [gær] og líst ágætlega
á mannskapinn. Ég tel möguleika
mína á að komast í liðið góða því
Dave Jones, knattspyrnustjóri væri
ekki að fá mig til liðsins nema hann
ætlaði að nota mig,“ sagði Jóhannes
í samtali við Morgunblaðið í gær, er
allt var um garð gengið.
Jóhannes mun leika í treyju með
númerið 24. Honum var greinilega
létt að vera kominn með fast land
undir fætur út keppnistíðina þannig
að hann gæti farið að einbeita sér
að knattspyrnunnni.
Úlfarnir reyndu einnig að fá
brasilíska miðvallarleikmanninn
Emerson til liðs við sig. Á síðustu
stundu ákvað leikmaðurinn að
hætta við að ganga til liðs við Úlf-
ana er Glasgow Rangers gerðu hon-
um tilboð. Emerson sagðist ekki
hafa getað neitað tilboði frá liði sem
leikur í Meistaradeild Evrópu eins
Rangers gerir.
Jóhannes Karl fer beint
í leikmannahóp Wolves
Einn leikur er í dag, en þá fá Eyja-menn lið Þróttar í heimsókn og
gætu skotist upp í fimmta sætið með
sigri, en eru nú í því
sjöunda. Þróttur færi
hins vegar í þriðja
sætið með sigri.
Á morgun eru
tveir leikir, Valur tekur á móti KA og
Fram fær FH í heimsókn.
Valsmenn eru í neðsta sætinu með
16 stig og Fram og KA þar fyrir ofan
með stigi meira. Þetta er því sannkall-
aður botnslagur að Hlíðarenda þar
sem stigin skipta gríðarlega miklu
máli. Með sigri færi Valur upp fyrir
KA og Fram og að hlið Eyjamanna ef
þeir tapa í dag. KA færi upp fyrir ÍBV
tapi liðið í dag en yrði annars áfram í
áttunda sæti – en heldur fjær botn-
sætinu en fyrir leikinn.
Haustið nálgast og Framarar eru
komnir í gang. Þeir taka annað kvöld
á móti Fimleikafélagi Hafnarfjarðar,
FH, sem hefur verið á fínu róli í sum-
ar. Með sigri komast Framarar í tutt-
ugu stig, upp fyrir ÍBV tapi Eyja-
menn í dag en gætu eins orðið áfram í
næstneðsta sæti vinni ÍBV og KA.
FH-ingar ætla sér örugglega öll
þrjú stigin og skjótast þar með í ann-
að sæti deildarinnar því annars gætu
þeir orðið í sjötta sæti, vinni ÍA,
Grindavík og Þróttur.
Á mánudagskvöldið lýkur umferð-
inni með tveimur leikjum, Fylkir
tekru á móti Skagamönnum og
Grindvíkingar fá KR-inga í heimsókn.
Taki ÍA öll þrjú stigin fer liðið upp
fyrir Árbæinga í töflunni, verður með
jafnmörg stig en betra markahlutfall.
Fylkismenn vilja stigin því annars
gætu þeir orðið í 4. sæti eftir þessa
umferð, ef FH og ÍA vinna sína leiki.
Vinni KR á mánudaginn og Fylkir
tapar eru KR-ingar svo gott sem
orðnir Íslandsmeistarar, hafa þá 33
stig en Fylkir 26 og getur ekki náð
þeim. FH-ingar gætu náð þeim að
stigum með því að sigra í öllum þrem-
ur leikjunum, fá þá 33 stig eins og KR,
vinni liðið á mánudaginn, en marka-
hlutfall KR er talsvert betra, átta
mörk í plús en FH-ingar eru með
þrjú.
Það má því vænta einhverra breyt-
inga á töflunni um helgina, en auðvit-
að geta allir leikir umferðarinnar end-
að með jafntefli og þá breytist staðan
ekkert.
Skýrast línur um helgina?
SEXTÁNDA umferð Lands-
bankadeildarinnar í knatt-
spyrnu karla verður leikinn um
helgina og er þetta jafnframt
þriðja síðasta umferðin. Lín-
urnar gætu orðið eitthvað
gleggri á mánudagskvöldið þeg-
ar umferðinni lýkur, en mótið
hefur verið sérlega spennandi í
ár og í raun er ekkert alveg ljóst
nú þegar þrjár umferðir eru eft-
ir. Að þessari umferð lokinni
tekur við tveggja vikna frí í
deildinni vegna landsleiks Ís-
lands og Þýskalands í und-
ankeppni EM sem fram fer á
Laugardalsvelli eftir viku.
Skúli Unnar
Sveinsson
skrifar
Morgunblaðið/Skapti Hallgrímsson
Valur tekur á móti KA á Hlíðarenda síðdegis á morgun og verður væntanlega um hörkubaráttu að ræða þar sem bæði liðin eru í neðri
hluta deildarinnar og þurfa sannarlega á stigunum að halda. Þá eiga KA-menn harma að hefna frá fyrri leik liðanna í sumar sem myndin
að ofan er frá, en þá unnu Valsmenn, 2:1. Hér er þó Elmar Dan Sigþórsson nýbúinn að skora mark KA í leiknum og koma liðinu yfir.
Fylkir missti
af Valencia
■ Allur drátturinn/46