Morgunblaðið - 11.09.2003, Blaðsíða 35
rétt lýst, alltaf að hjálpa í stóru og
smáu. Ekki má gleyma stórvandamáli
sem olli mér þvílíkum sálarkvölum,
mér var ofraun að skilja fjárans
stærðfræðina. Honum Guðjóni
frænda tókst að opna mér þann leynd-
ardóm á einu kvöldi. Hann kenndi mér
þríliðuna og þá fannst mér ég hafa yf-
irhöndina, ég hræddist ekki reikning-
inn lengur og enn nýti ég mér þessa
tækni við handavinnubröltið mitt. Það
má ekki gleymast að þú varst mikill
dýravinur. Ótal sögur hefur þú sagt
mér um hin ýmsu dýr, andlitið ljómaði
í brosi og þú sagðir mér hvað skepnan
væri í raun skynsamari en maðurinn.
Elsku frændi, það var svo erfitt að láta
þig frá okkur loksins þegar þú þurftir
á hjálp að halda, en móðir okkar ann-
aðist þig eins lengi og hægt var. Þá
var mér raun í byrjun að heimsækja
þig og þú bjóst þig undir að fara með
mér þegar ég kvaddi þig. Ósjaldan fór
ég frá þér blinduð af tárum. Smám
saman skildi ég að það fór vel um þig,
allir voru þér svo góðir, það hefði
hvergi verið hugsað betur um þig.
Starfsfólk á deild A3 á Hrafnistu á
þakkir skildar. Ég dáist að því, það er
því að þakka að mér urðu smám sam-
an léttari sporin til þín og það var mér
tilhlökkun að sjá einlæga brosið þitt
þegar við hittumst og knúsuðum hvort
annað. Við skildum hvort annað alltaf
svo vel, bæði svona tilfinningaverur,
pínulitlir þrjósku- og sérviskupúkar.
Elsku frændi, hvern skyldi hafa grun-
að að svo stutt yrði á milli þín og
Nonnu systur sem þér þótti svo vænt
um. Við tókum þá ákvörðun að segja
þér ekki frá láti hennar, vorum hrædd
um að þú gætir ekki tjáð söknuð þinn,
en nú munuð þið hittast. Sem betur
fer er dauðinn stundum líkn, þannig á
það að vera. Ég veit að þú hefðir aldrei
viljað vera upp á aðra kominn, þú sem
alltaf vildir hjálpa öðrum. Elsku
frændi, síðustu dagarnir voru mér
næstum ofraun, ég var svo hrædd um
að þú þjáðist og gætir ekki tjáð það, en
auðvitað var þér látið líða eins vel og
hægt var. Ég trúi því að þú hafir ekki
þjáðst og ég veit að þér líður nú
örugglega vel. Það verður svo vel tek-
ið á móti þér, það þótti svo mörgum
vænt um þig og svo margir eru farnir
á undan þér. Minningarnar eru svo
óþrjótandi, þetta eru bara fátækleg
kveðjuorð til þín. Ég minnist þess
þegar við heimsóttum ykkur mömmu í
Sörlaskjólið og alltaf þegar ég kvaddi
þig viðhafðir þú sömu orðin: „Voða-
lega liggur þér alltaf mikið á, þú ert
alltaf að flýta þér.“ En elsku mér
finnst lífið svo stutt. Góða ferð til
nýrra heimkynna. Ég sakna þín.
Þín elskandi frænka
María Björg Filippusdóttir.
MINNINGAR
MORGUNBLAÐIÐ FIMMTUDAGUR 11. SEPTEMBER 2003 35
ATVINNU-
AUGLÝSINGAR
I
I
Starfsfólk óskast
í svínasláturhús á höfuðborgarsvæðinu.
Kjötiðnaðarmenn og starfsfólk, bæði vant og
óvant. Góð laun fyrir góða menn. Upplýsingar
gefur Hilmar í síma 895 9600 frá kl. 8 til 17.
Afgreiðslustarf
Okkur vantar nú þegar góðan starfsmann til
afgreiðslustarfa. Vinnutími frá kl. 13.00—19.00
alla virka daga, auk helgarvinnu.
Upplýsingar gefa Kristjana og Margrét á milli
kl. 9 og 17 í síma 561 1433.
Lögfræðingur eða
löggiltur fasteignasali
óskast – hálft starf
Gróin fasteignasala óskar eftir lögfræðingi eða
löggiltum fasteignasala nú þegar til að annast
ýmis konar skjalagerð og uppgjör. Miðað er
við hálfsdags vinnu. Góð laun í boði. Einnig
kæmi til greina fullt starf sem fælist í skjalagerð
og sölumennsku.
Þeir, sem hafa áhuga, sendi tilboð merkt:
„L — 14164“ til auglýsingadeildar Morgun-
blaðsins fyrir kl. 12.00 miðvikudaginn 17. sept-
ember. Algjörum trúnaði heitið.
ⓦ Í Reykjavík
á Laugaveg
Upplýsingar
í síma
569 1116.
R A Ð A U G L Ý S I N G A R
FERÐIR / FERÐALÖG
Ferð og saga
Ferð og saga býður upp á fyrstu haustferðina
á slóðum Einars Benediktssonar sunnudaginn
14. september. Sögumenn: Guðrún Ásmunds-
dóttir, Eyvindur Erlendsson og Margrét Áka-
dóttir. Uppl. í símum 551 4715 og 898 4385.
www.storytrips.com
SMÁAUGLÝSINGAR
DULSPEKI
Miðill sem svarar þér í dag.
Hringdu og fáðu einkalestur og
svör við vandamálum í starfi
eða einkalífi í síma 001 352 624
1720.
FÉLAGSLÍF
Í kvöld kl. 20.00
Lofgjörðarsamkoma. Gestir Kari
Hansen og Anne Marie Nordbö.
Allir hjartanlega velkomnir.
Fimmtudagur 11. sept. 2003
Almenn samkoma í Þríbúðum,
Hverfisgötu 42, kl. 20:00.
Mikill söngur og vitnisburðir.
Predikun Stefán Hákonarson.
Föstudagur 12. sept. 2003
Opinn AA-fundur kl. 20:00.
Mánudagur 15. sept. 2003
UNGSAM kl.19:00.
Uppbyggileg þjálfun fyrir ungt
fólk í bata.
www.samhjalp.is
FRÉTTIR
Lokað
verður á skrifstofu Félags íslenskra hjúkrunarfræðinga eftir
hádegi í dag, fimmtudaginn 11. september, vegna útfarar
MARÍU PÉTURSDÓTTUR, heiðursfélaga Félags íslenskra
hjúkrunarfræðinga.
Stjórnin.
Í APRÍL sl. voru 30 ár frá því að
starfsemi á endurhæfingardeild á
Grensási hófst og af því tilefni af-
hentu konur úr kvennadeild
Reykjavíkurdeildar Rauða kross
Íslands Grensásdeild að gjöf 10
sjúkrarúm af fullkomnustu gerð
ásamt náttborðum. Andvirði gjaf-
arinnar er tæpar 3 milljónir
króna.
Kvennadeildin var stofnuð 1966
og eru um 250 sjálfboðaliðar starf-
andi í dag. Helsta tekjulind deild-
arinnar er sölubúðirnar á sjúkra-
húsunum og rennur stærsti hluti
ágóðans til sjúkrahúsanna í formi
lækninga- og rannsóknartækja.
Vetrarstarf Kvennadeildarinnar
fer senn að hefjast og um mán-
aðamót september-október verður
send dagskrá til allra félags-
kvenna, sem eru um 700, varðandi
starfsemina á komandi vetri, segir
í fréttatilkynningu.
Kvennadeildin í heimsókn á Bessastöðum í sumar.
Gjöf til endurhæfingar-
deildar á Grensási
Fræðslufundur um íslenskt sam-
félag í Alþjóðahúsinu Í kvöld,
fimmtudaginn 11. september, kl. 20 fer
fram fundur í Alþjóðahúsi, Hverf-
isgötu 18, þar sem fjallað verður um
atvinnu- og dvalarleyfi. Sérfræðingur
frá Útlendingastofnun flytur fyr-
irlestur og svarar spurningum þátt-
takenda. Fundurinn fer fram á ís-
lensku og er túlkaður á pólsku.
Þátttaka er ókeypis.
Ókeypis Sahaja yoga í Faxaskála
við Faxabraut mánudaga og fimmtu-
daga kl. 18.30. Kennararnir eru frá
Hollandi og Belgíu, þeir ferðast um
heiminn til að kenna fólki endurgjalds-
laust fræði Sahaja yoga. Samtökin eru
byggð á fræðum líkamans en ekki
trúarlegum og eru allir velkomnir.
Einnig verða síðar tímar í Ráðhúsi
Reykjavíkur og verða þeir auglýstir í
sundlaugum Reykjavíkur. www.sahja-
yoga.org.
Gengið með Reykjadalsá Ung-
mennasamband Borgarfjarðar í sam-
vinnu við Veiðimálastofnun – Vest-
urlandsdeild á ári ferskvatnsins hefur
staðið fyrir kvöldgöngum í allt sumar.
Síðasta kvöldganga sumarsins verður
farin í kvöld fimmtudagskvöldið 11.
september kl 19.30. Gengið verður
með Reykjadalsá. Ekið er að minni
Reykholtsdals og keyrt í átt að Loga-
landi. Ekið er framhjá félagsheimilinu
og staðnæmst við bæinn Kjalvar-
arstaði, þaðan verður gengið.
Björn Þorsteinsson verður leiðang-
ursstjóri ásamt heimamönnum en
gengið verður niður frá bænum að
Velli eða Árhver. Fræðst verður um
nánasta umhverfi sem og Reykjadalsá.
Í DAG
LÖGREGLAN í Reykjavík lýsir eftir
vitnum að umferðaróhappi á Hring-
braut við Smáragötu, þriðjudaginn 2.
september um kl. 13. Þar varð árekst-
ur þriggja bíla, hvítrar Daihatsu Char-
ade-fólksbifreiðar, grænnar Nissan
Micra fólksbifreiðar og ljósgrárrar
fólksbifreiðar af óþekktri gerð, sem
ekið var af vettvangi eftir óhappið.
Þeir sem upplýsingar geta veitt um
mál þetta eru beðnir um að hafa sam-
band við lögregluna í Reykjavík.
Lýst eftir
vitnum
SLYSAVARNAFÉLAGIÐ
Landsbjörg hefur ákveðið að
nýta 686 þúsund króna styrk
söfnunarsjóðs flugslyssins í
Skerjafirði til að bjóða 14 til 18
ára unglingum upp á fyrstu-
hjálparnámskeið og verða þau í
umsjá Björgunarskóla Lands-
bjargar. Frá þessu segir á vef-
síðunni flugslys.is.
Ætlunin er að bjóða upp á 16
klukkustunda námskeið ásamt
fræðslu um aðkomu að slysstað.
Til skoðunar er að halda nám-
skeið í Reykjavík, Stykkishólmi,
Vík í Mýrdal og á Flateyri, Ak-
ureyri og Reyðarfirði. Fyrir ut-
an námskeiðshaldið sjálft er fyr-
irhugað að í frítímum og á
kvöldin verði boðið upp á kynn-
ingu á Landsbjörg, kassaklifur
og flotgallasund þar sem við á.
Fyrsta
hjálp
fyrir ung-
linga
BYLGJAN, Kringlan og Danssmiðj-
an standa fyrir söfnun á morgun,
föstudaginn 12. september, til
styrktar Krafti, baráttufélagi ungs
fólks sem greinst hefur með krabba-
mein og aðstandendum.
Söfnunin nefnist Dans-Kraftur og
gengur út á að fá einstaklinga, hópa
og fyrirtæki til að láta fé af hendi
rakna sem síðan rennur til félagsins.
Fyrirtæki, starfsmannafélög, hóp-
ar og einstaklingar geta sent netpóst
á bylgjan@bylgjan.is eða hringja í
síma 567 1111 með framlög í söfn-
unina. Hvert framlag er merkt með
tveimur nöfnum þekktra Íslendinga.
Þar með verður skorað á viðkomandi
að mæta í Kringluna laugardaginn
13. september á milli kl. 13 og 15.30
og fara þar út dansgólf ásamt fleira
fólki og læra nokkur línudansspor
hjá Jóhanni Erni danskennara eða
Jóa dans.
Þessi línudanstími verður
skemmtun sem allir mega taka þátt í
en þátttaka þeirra sem nefndir voru
daginn áður á Bylgjunni tryggir að
framlagið sem fylgdi nafninu rennur
í söfnunina.
Um leið og fé verður safnað með
þessum hætti verður opið símanúm-
er Krafts 907 2700 og ef hringt er í
það númer greiðast 1.000 krónur
með næsta símreikningi.
Safna fyrir Kraft
♦ ♦ ♦