Morgunblaðið - 11.09.2003, Blaðsíða 43
ÍÞRÓTTIR
MORGUNBLAÐIÐ FIMMTUDAGUR 11. SEPTEMBER 2003 43
GOLF - BRIDGE
OPIÐ GOLF - BRIDGE MÓT
VERÐUR HALDIÐ HJÁ
GOLFKLÚBBNUM SETBERGI
Laugardaginn 13. september
Keppnisfyrirkomulag:
1. Golf: Tveir saman - Betri bolti
2. Bridge: Tvímenningur - Barometer.
Mæting í golfið er kl. 8.30 en ræst verður út af öllum teigum kl. 9.
Mæting í bridge kl. 14.30 og byrjað að spila kl. 15.
Spilastaður fyrir bridge verður í Flatahrauni 3, Hafnarfirði.
Hámarksforgjöf: Karlar 18 punktar og konur 24 punktar.
38 punktar í golfinu gefa 50% skor. Skorið fyrir golf og bridge lagt saman.
Skilyrði fyrir þátttöku er að keppendur hafi skráða forgjöf og hafi keppt í bridge.
Veitt verða verðlaun fyrir 3 efstu sætin.
Aukaverðlaun: Besta skor í golfi og besta skor í bridge.
Léttar veitingar eftir golfið.
Þátttökugjald kr. 4.000.
Skráning í síma 565 5690 og 664 4591.
HERMANN Hreiðarsson, landsliðs-
maður í knattspyrnu, meiddist á
hné á æfingu með liði sínu Charl-
ton sl. mánudag og verður frá
keppni í 2–3 vikur. Hermann sagði
í gær í samtali við Morgunblaðið
að það hefði verið lítið að gerast á
æfingunni þegar atvikið átti sér
stað. „Ég flækti fótinn í grasinu
og það kom hnykkur á hnéð með
þeim afleiðingum að ég er bólginn
og á erfitt með að hreyfa hnéð
mikið í dag. Það er mín tilfinning
að ég muni eiga í þessu næstu
tvær til þrjár vikurnar og ætti því
að vera klár í slaginn gegn Þjóð-
verjum hinn 11. október,“ sagði
Hermann en læknar enska úrvals-
deildarliðsins ætla að bíða með úr-
skurð sinn á meðan hnéð er enn
bólgið. „Þetta er ekkert stórmál
og ég verð ekki lengi frá vegna
þessa.“
Hermann missir af þessum sök-
um af leik Charlton gegn Eng-
landsmeisturum Manchester Unit-
ed á laugardaginn kemur og
væntanlega af leikjum gegn Aston
Villa og Liverpool þar á eftir.
Hermann frá
vegna
meiðsla
Morgunblaðið/Einar Falur
Hermann Hreiðarsson
Enska knattspyrnusambandiðákvað fyrir nokkru að hafa ekki
forgöngu um sölu miða á leikinn og
hefur beinlínis farið þess á leit við
stuðningsmenn enska knattspyrnu-
landsliðsins að þeir fari ekki til Tyrk-
lands á leikinn. Ekki verði hægt að
tryggja öryggi þeirra ef upp úr sýður
á meðal áhorfenda í leikslok og er
mönnum í fersku minni þegar tveir
stuðningsmenn Leeds voru drepnir í
Tyrklandi eftir Evrópuleik liðsins þar
fyrir tveimur árum.
Leikurinn er báðum þjóðum afar
mikilvægur því eins og sakir standa
þá sker hann úr um hvor þjóðin vinn-
ur 7. riðil undankeppninnar og trygg-
ir sér sæti í lokakeppni Evrópumóts-
ins í Portúgal á næsta sumri.
Tilmæli enska knattspyrnusam-
bandsins og yfirlýsing Svens Görans
Erikssons, landsliðsþjálfara Eng-
lendinga, um að stuðningsmenn
enska landsliðsins eigi ekki að hætta
lífi sínu til að fara til Tyrklands á leik-
inn, hafa farið mjög fyrir brjóstið á
forsvarsmönnum tyrkneska knatt-
spyrnusambandsins. Þeir hafa svarað
fullum hálsi og sagt að þeir selji hvaða
Englendingi sem er miða á leikinn. Þá
hefur Haluk Ulusoy, formaður tyrk-
neska knattspyrnusambandsins, síst
sparað stóru orðin. Hefur hann m.a.
látið hafa eftir sér að það sé ekki
skrítið þótt Eriksson vilji ekki að
stuðningsmenn enska landsliðsins
komi til Tyrklands, hann vilji ekki að
þeir verða vitni að tapi enska liðsins.
„Hvað sem því líður þá er ljóst að
Eriksson verður rekinn úr starfi sínu
eftir leikinn, hann verður rúinn
trausti í leikslok,“ hefur Ulusoy m.a.
sagt og bætt því við að Eriksson fái
aðeins starf sem þjálfari smáliðs þeg-
ar hann hættir með enska landsliðið.
Eriksson og forvígismenn enska
knattspyrnusambandsins hafa ekki
svarað Olusoy að svo stöddu.
UEFA ætlar
að bera klæði
á vopnin
KNATTSPYRNUSAMBAND Evrópu, UEFA, hefur boðað fosvarsmenn
enska og tyrkneska knattspyrnusambandsins til fundar í höf-
uðstöðvum UEFA í Sviss á næstu dögum þar sem á að lægja þær
öldur sem risið hafa á milli sambandanna vegna væntanlegs leiks
Tyrkja og Englendinga í undankeppni EM í knattspyrnu sem fram
skal fara í Istanbúl 11. október næstkomandi.
EGILL Már Markússon kom Allan
Borgvardt, leikmanni FH, í opna
skjöldu eftir að Borgvardt hafði verið
dæmdur rangstæður en skaut samt
áður að marki KR-inga. Egill kallaði
Borgvardt til sín til þess að veita hon-
um gula spjaldið en dró þess í stað
upp rauða spjaldið. Borgvardt var
greinilega brugðið en Egill baðst af-
sökunar á mistökunum og var Daninn
glaður að sjá gula spjaldið fara á loft.
VARAMANNASKÝLIN á Laugar-
dalsvellinum voru ekki á sama stað
og vanalega í leik KR og FH í gær.
Þau voru við suðurstúku vallarins en
ekki við norðurstúkuna.
JÓNAS Grani Garðarsson hefur
verið marksækinn með FH-ingum í
bikarnum í ár. Hann er kominn með 6
mörk í keppninni, en húsvíski sókn-
armaðurinn gerði þrennu í 3:0 sigri
gegn Hetti í 32 liða úrslitunum, skor-
aði fyrra markið í 2:1 sigri á Þrótti R. í
16 liða úrslitunum, og bætti svo við
tveimur gegn KR í gærkvöld.
JÓNAS Grani hefur setið á vara-
mannabekk FH í síðustu sex deilda-
leikjum liðsins en fékk tækifæri á ný í
byrjunarliðinu í gærkvöld og kom í
staðinn fyrir Jón Þorgrím Stefánsson
sem fótbrotnaði á dögunum og verður
ekki meira með.
FÓLK
Þetta var í einu orði sagt frá-bært,“ sagði Jónas Grani Garð-
arsson, sem skoraði fyrstu tvö mörk
FH í gærkvöldi þeg-
ar hann gernýtti
færin sín á 26. og 39.
mínútu, sem dugði til
að jafna leikinn. „Við
ætluðum að liggja aðeins til baka og
reyna halda þeim í skefjum því þeir
erum með hættulega menn í framlín-
unni og við erum nokkuð lunknir í
því. Fyrst og fremst ætluðum við
ekki að fá á okkur mark en það gekk
eftir tvö mörk áður en sautján mín-
útur voru liðnar. Þá varð bara að
sækja og við erum líka ágætir í því.
Mér fannst okkur ganga flest í hag-
inn. Við komum grimmir til leiks og
erum miklu betri framan af, eigum
allan fyrri hálfleikinn með húð og
hári. Lendum síðan undir á nokkrum
mínútum með ódýrum mörkum, það
fyrra eftir sofandahátt hjá okkur og
við gefum þeim seinna markið. Það
var sárt en við komum sterkir til
baka, ákveðnir í að gera betur. Það
þýðir ekkert að hætta þó að maður
lendi undir, leikurinn er níutíu mín-
útur og þó að við höfum orðið undir á
sautjándu mínútu er nægur tími til
að bjarga málunum.“
FH-ingar hafa verið á góðu skriði í
deildinni en það hefur stundum kom-
ið niður á öðrum vígstöðvum. Jónas
telur það hinsvegar hafa hjálpað.
„Það vinnur eflaust eitthvað saman
að okkur gengur vel í deildinni en
það þarf að halda sér vel við efnið því
stundum dettur lið niður eftir
nokkra góða leiki í röð. Við glímum
við það núna að ná fleiri góðum leikj-
um og halda stöðugleika,“ sagði Jón-
as og taldi löngun í bikar í fyrsta sinn
nægilega. „Við þurftum ekki aðra
hvatningu fyrir þennan leik en að
vita að sigur skilar okkur bikarúr-
slitaleik, það á að vera alveg nóg.
Menn gera mikið úr því að KR sé lið
sem allir vilja vinna en við þurftum
þess ekki. Við höfum tvisvar leikið til
úrslita í bikarkeppni en aldrei unnið
og það er kominn tími á það núna.
Mér er sama hvaða lið við fáum í úr-
slitum. Það eru kostir og gallar við
bæði liðin en ég er bara ánægður
með að vera kominn í úrslitaleik,“
bætti Jónas við.
Bikarlöngun
nægur hvati
Stefán
Stefánsson
skrifar
Morgunblaðið/Kristinn
Jónas Grani Garðarsson skoraði tvö mörk í 3:2-sigri FH-inga gegn Íslandsmeistaraliði KR í und-
anúrslitum VISA-bikarkeppninnar á flóðlýstum Laugardalsvellinum í gær.