Morgunblaðið - 11.09.2003, Blaðsíða 40
ÍÞRÓTTIR
40 FIMMTUDAGUR 11. SEPTEMBER 2003 MORGUNBLAÐIÐ
RÚSSAR hleyptu gífurlegri
spennu í baráttuna um topp-
sætin í 10. riðli undankeppni
EM í gærkvöld þegar þeir
unnu stórsigur á efsta liðinu,
Svisslendingum, 4:1. Dmitri
Boulykin skoraði þrennu fyrir
Rússa sem stóðu höllum fæti í
riðlinum en eru nú í góðri
stöðu. Takist þeim að vinna
Georgíu á heimavelli fara þeir
beint í lokakeppni EM ef Sviss
nær ekki að vinna Írland. Það
er nánast hreinn úrslitaleikur
um annað efstu sætanna.
Ítalir stóðust þunga pressu í
Serbíu-Svartfjallalandi og
fóru þaðan með 1:1 jafntefli.
Ítölum nægir nú að vinna
Aserbaídsjan á heimavelli til
að komast í lokakeppnina í
Portúgal. Wales slapp fyrir
horn með jafntefli heima gegn
Finnum, 1:1, og er öruggt með
annað sætið í þeim riðli.
Raúl Gonzalez skoraði bæði
mörk Spánverja sem slógu
Úkraínumenn út með 2:1 sigri.
Grikkland og Spánn bítast um
sigurinn í 6. riðli, Grikkir hafa
stigi meira og vinna riðilinn ef
þeir sigra Norður-Íra heima.
ENGLENDINGAR gerðu það sem þeir þurftu í gær-
kvöld þegar þeir sigruðu Liechtenstein, 2:0, í 7. riðli
undankeppni EM, frammi fyrir 67 þúsund áhorfendum
á Old Trafford í Manchester. Lichtenstein lék grimm-
an varnarleik og náði að halda hreinu í fyrri hálfleik
en þá áttu reyndar bæði David Beckham og James
Beattie skot í þverslá. Á fyrstu sjö mínútum síðari
hálfleiks skoruðu Michael Owen og Wayne Rooney og
þar með var enska liðið búið að ná í stigin sem það
þurfti til að komast í efsta sæti riðilsins. Englendingar
sækja Tyrki heim hinn 11. október og þurfa stig til að
komast beint í lokakeppni EM, annars fara þeir í um-
spilið.
„Við hefðum getað spilað betur en sigurinn var það
sem skipti máli. Þetta var nóg, og nú geta menn farið
að velta vöngum yfir leiknum við Tyrki,“ sagði David
Beckham en hann og Steven Gerrard voru teknir af
velli um leið og 2:0 forskotinu var náð, til að forða
þeim undan gulu spjaldi, sem hefði þýtt leikbann í
Tyrklandi.
Owen og Rooney
sáu um mörkin
Reuters
Wayne Rooney fagnar marki sínu í gærkvöld.
MARTIN Laursen, varnarmaður-
inn frá AC Milan, kom Dönum til
bjargar í gærkvöld. Hann jafnaði,
2:2, gegn Rúmenum á síðustu
stundu þegar þjóðirnar mættust í
lykilleik í 2. riðli undankeppni EM
í knattspyrnu í Kaupmannahöfn.
Danir, sem hefðu komist beint í
lokakeppnina með sigri, standa nú
best að vígi í riðlinum en þeir
sækja Bosníumenn heim í síðustu
umferðinni og nægir jafntefli til
að vinna riðilinn.
Rúmenar hefðu verið í góðri
stöðu með sigri og Adrian Mutu og
Daniel Pancu komu þeim í 2:1 í
síðari hálfleik eftir að Jon Dahl
Tomasson hafði skorað fyrst fyrir
Dani úr vítaspyrnu sem hann
krækti í sjálfur. Jafnteflið þýðir
hins vegar að vonir Rúmena eru
afar litlar, þeir verða að treysta á
að Bosníumenn vinni ekki Dani og
að Norðmenn vinni ekki Lúxem-
borg til að ná öðru sæti og komast
í umspilið.
„Við vorum heppnir því alltof
margir af okkar mönnum þorðu
ekki að spila boltanum. Við misst-
um boltann alltof oft í leiknum og
með slíkum leik lenda menn í
vandræðum gegn sterku liði eins
og því rúmenska,“ sagði Morten
Olsen, þjálfari danska liðsins.
„Ef heppnin og stórkostleg
frammistaða hjá Thomas Sörensen
í markinu hefðu ekki komið til
skjalanna hefðum við aldrei náð
þessu jafntefli,“ sagði hinn ís-
lenskættaði Jon Dahl Tomasson.
Laursen kom Dönum til
bjargar gegn Rúmenum
Fredi Bobic kom Þjóðverjum yfirá 25. mínútu eftir sendingu frá
Kevin Kuranyi og Michael Ballack
skoraði, 2:0, úr vítaspyrnu í byrjun
síðari hálfleiks. Neil McCann svaraði
fljótlega fyrir Skota en þeir voru
aldrei líklegir til að jafna metin þótt
þeir ættu ágætar sóknir af og til á
lokakaflanum.
Rudi Völler gerði fjórar breyting-
ar á liði sínu eftir leikinn á Íslandi. Í
framlínunni komu þeir Fredi Bobic
og Kevin Kuranyi í staðinn fyrir Mir-
oslav Klose og Oliver Neuville og á
miðjunni voru þeir Marko Rehmer
og Tobias Rau í staðinn fyrir Sebast-
ian Kehl og Christian Rahn.
„Þjóðverjar byggðu upp sinn leik
á svipaðan hátt og gegn okkur en
náðu að þessu sinni að spila ágætis
fótbolta á köflum. Þeir Schneider og
Rau voru mjög öflugir á vængjunum,
Bobic vann vel frammi og Kuranyi
sýndi að hann er hættulegur sóknar-
maður. Þá sýndi Ballack öðru hverju
hvað í honum býr. Vörnin var traust
með Wörns sem besta mann, helst að
Carsten Ramelow væri veikur
hlekkur í liðinu en hann náði sér ekki
á strik í stöðu varnartengiliðs,“ sagði
Ásgeir.
Hann metur stöðuna fyrir loka-
leikinn í Hamborg þannig að mögu-
leikar íslenska liðsins byggist frekar
á hvernig fer hjá Skotum og Lithá-
um. Takist Skotum ekki að vinna
þann leik, tapi eða geri jafntefli, eru
Íslendingar komnir í spilið um sæti í
lokakeppninni og takist íslenska lið-
inu hið ómögulega, að sigra í Ham-
borg, er það komið beint í úrslita-
keppnina í Portúgal.
Þyrftum að skora á
93. mínútu í Hamborg
„Það er virkilega gaman að vera í
þessari stöðu og leikurinn í Ham-
borg þyrfti helst að þróast þannig að
hann væri markalaus fram á 93. mín-
útu, en þá myndum við skora og
tryggja okkur sæti á EM. En við
verðum að vera raunsæir og það
verður erfitt að sækja stig, hvað þá
sigur, til Hamborgar. Leikur Skota
og Litháa fer fram á sama tíma og
við munum fylgjast með gangi mála
þar og haga okkar seglum eftir því.
Annars var ljótt að heyra af
meiðslum Heiðars Helgusonar og
það er slæmt að vera án hans í þess-
um mikilvæga leik. Vonandi eru
meiðslin hjá Heiðari ekki alvarleg,
því það er þegar ljóst að Jóhannes
Karl tekur út bann og verður ekki
með. En það kemur maður í manns
stað,“ sagði Ásgeir Sigurvinsson.
Völler ekki fyllilega ánægður
Rudi Völler, þjálfari Þjóðverja,
sagðist ekki vera fyllilega ánægður
þrátt fyrir sigurinn. „Við sóttum af
krafti frá byrjun og vorum sterkir í
návígi og á köflum náðum við stór-
góðum samleiksköflum. En það
vantaði talsvert upp á að við sýndum
heilsteyptan leik í 90 mínútur, menn
gerðu sig enn seka um einföld mistök
og þegar upp var staðið var þetta
naumur sigur,“ sagði Völler sem
kvaðst útkeyrður eftir átök undan-
farinna daga sem hefðu verið honum
mjög erfiðir.
Gerðum Þjóðverjum
erfitt fyrir
„Við bitum frá okkur og gerðum
Þjóðverjum mjög erfitt fyrir og leik-
ur okkar er stöðugt að batna. Strák-
arnir eru stöðugt að fá meiri trú á
sinn styrk og voru staðráðnir í að ná í
stig hér í Dortmund. Við erum á
réttri leið,“ sagði Berti Vogts, hinn
þýski þjálfari Skota.
„Við vorum undir mikilli pressu
eftir lélegan leik á Íslandi og það var
ljóst að við yrðum að gera mun bet-
ur. Ég var viss um að það tækist, við
þurftum að taka okkur á, og það
gerðum við,“ sagði Oliver Kahn,
markvörður og fyrirliði Þjóðverja.
Litháar unnu í Þórshöfn
Litháar unnu Færeyinga, 3:1, í
Þórshöfn í gærkvöld. Þeir geta því
náð þriðja sætinu úr höndum Skota
með sigri í Glasgow í síðustu umferð-
inni og myndu með því hækka um
styrkleikaflokk. Súni Olsen jafnaði
fyrir Færeyinga, undir lok fyrri hálf-
leiks, en Litháar tryggðu sér sigur-
inn með tveimur mörkum í síðari
hálfleiknum.
„Þjóðverjar
hraðari og
beittari“
„ÞETTA var mjög sanngjarn sigur hjá Þjóðverjum, þeir voru mun
beittari og hraðari en í leiknum hér heima og Skotar nýttu nánast
eina marktækifæri sitt í leiknum,“ sagði Ásgeir Sigurvinsson,
landsliðsþjálfari í knattspyrnu, en hann og Logi Ólafsson fylgdust
með Þjóðverjum sigra Skota, 2:1, í 5. riðli Evrópukeppninnar í Dort-
mund í gærkvöld. Úrslitin þýða að Þjóðverjar eru komnir í efsta sæti
riðilsins, náðu því úr höndum Íslendinga, og fyrir lokaumferðina eru
þeir með 15 stig, Íslendingar 13 og Skotar 11.
Reuters
Sænski dómarinn Andreas Frisk reynir að skilja að leikmenn Þýskalands og Skotlands í leik lið-
anna í Dortmund í gærkvöld. Þjóðverjar unnu, 2:1, og eru komnir í efsta sæti 5. riðils.
FRAKKAR, Svíar, Tékkar og Búlg-
arar tryggðu sér í gærkvöld fyrstu
sætin í lokakeppni Evrópumóts
landsliða í knattspyrnu en þessar
fjórar þjóðir hafa unnið í sínum riðl-
um í undankeppninni þótt einni um-
ferð sé ólokið.
Frakkar innsigluðu yfirburði sína
í 1. riðli með því að vinna útisigur á
Slóvenum, 2:0, þrátt fyrir að Claude
Makelele væri vísað af velli um
miðjan síðari hálfleik. David Trez-
egut skoraði snemma leiks og Oliv-
ier Dacourt innsiglaði sigurinn
skömmu eftir að Frakkar voru orðn-
ir manni færri. Þrátt fyrir ósigurinn
eru Slóvenar öruggir með 2. sætið
og spila um sæti í lokakeppninni.
Tékkar lögðu Hollendinga, 3:1, í
hreinum úrslitaleik í 3. riðli en þjóð-
irnar voru jafnar að stigum og lang-
efstar fyrir leikinn. Tékkar eru nú
þremur stigum á undan og efsta
sætið er þeirra, vegna innbyrðis úr-
slitanna gegn Hollendingum. Gest-
irnir urðu fyrir áfalli snemma í
leiknum þegar Edgar Davids fékk
að líta rauða spjaldið. Tékkar gengu
á lagið, Jan Koller og Karel Pob-
orsky skoruðu, en Hollendingar
eygðu von þegar Rafael van der
Waart minnkaði muninn. En undir
lokin náðu Tékkar skyndisókn þar
sem Milan Baros hristi af sér hol-
lensku vörnina og tryggði sigurinn,
3:1.
Svíar fóru til Póllands og sigruðu
þar, 2:0. Á meðan unnu Lettar nokk-
uð óvæntan sigur á Ungverjum, 3:1,
og þar með var forysta Svía orðin
fjögur stig og EM-farseðillinn í
höfn. Lettar hafa gert það gott í
riðlinum og nái þeir jafntefli í Sví-
þjóð í lokaumferðinni komast þeir í
umspilið.
Búlgarar unnu Andorra, 3:0, á
útivelli og biðu síðan úrslitanna í
leik Belga og Króata. Þar höfðu
Belgar betur og Búlgarar gátu fagn-
að. Belgar og Króatar eru nú jafnir
að stigum í öðru til þriðja sæti en
Króatar fara í umspilið ef þeim tekst
að vinna Búlgara heima í lokaum-
ferðinni.
Fjórar þjóðir
komnar á EM
Spenna
í 10. riðli