Morgunblaðið - 07.10.2003, Blaðsíða 6

FRÉTTIR
6 ÞRIÐJUDAGUR 7. OKTÓBER 2003 MORGUNBLAÐIÐ
KARLAR virðast mun duglegri en
konur við að biðja um launahækkun,
en samkvæmt könnun IMG Gallup
höfðu 33% karla óskað óvænt eftir
launahækkun síðustu 12 mánuði, en
einungis 17% kvenna. Þetta er meðal
niðurstaðna könnunar IMG Gallup
meðal félagsmanna Eflingar stétta-
félags, Verkalýðsfélagsins Hlífar og
Verkalýðs- og sjómannafélags
Keflavíkur vegna komandi kjara-
samninga.
75% kvenna sem báðu um launa-
hækkun síðustu 12 mánuði fengu
hana, en 70% karla. Samkvæmt
könnuninni biðja starfsmenn í föst-
um hlutastörfum síst um launa-
hækkun, mun sjaldnar en þeir sem
eru í fullu starfi.
Harpa Ólafsdóttir, hagfræðingur
Eflingar, segir að þetta sýni að kon-
ur þurfi að vera duglegri að biðja um
launahækkun, en tekur þó fram að
það sé miserfitt að sækja hækkun
eftir vinnugeirum. Opinberir starfs-
menn eigi t.d. erfiðara með það en
aðrir.
„Þegar við höfum verið að skoða
þessar launatölur sjáum við að laun
kvenna hafa hækkað meira undan-
farið en laun karla,“ segir Harpa.
Hlutfall kvenna sem eru með yfir
131.000 kr. í heildarlaun hefur hækk-
að úr 30% í 54% milli ára.
Mikill munur er á launum karla og
kvenna samkvæmt könnuninni. Síð-
ustu mánaðartekjur fyrir skatta
voru að meðaltali um 227 þúsund hjá
körlum en 131 þúsund hjá konum.
Launamunurinn sem fram kemur í
könnuninni kann að einhverju leyti
að skýrast af því að karlar vinna oft
fleiri klukkustundir í viku hverri,
karlar vinna að meðaltali um 51
klukkustundir í viku, en konur að
meðaltali 38.
Karlar með 41% hærri laun
fyrir dagvinnu
Einnig vinna karlar að meðaltali
meiri yfirvinnu, um 12 tíma á viku að
meðaltali, samanborið við um 5
klukkustundir á viku hjá konum.
Munurinn var því minni þegar dag-
vinnulaun ein voru borin saman,
meðaldagvinnulaun karla voru um
142 þúsund en meðaldagvinnulaun
kvenna um 101 þúsund. „Launamun-
urinn skýrist að hluta til á mismun-
andi vinnutíma, 59% kvenna vinna
enga yfirvinnu en 38% karla vinna 10
yfirvinnustundir eða fleiri. En því er
ekki að neita að ef dagvinnulaunin
eru tekin eingöngu þá eru karlar
með hærri laun,“ segir Harpa. Hún
bendir einnig á að hluti af skýring-
unni geti verið að fleiri karlar en
konur starfi í bygginga- eða mann-
virkjagerð, þar sem laun eru gjarnan
hærri en í öðrum störfum.
Fólk meðvitað um símenntun
Atvinnurekendur virðast vera enn
jákvæðari gagnvart símenntun
starfsmanna heldur en fram kom í
sambærilegri könnun í fyrra. Um
82% aðspurðra sögðust vera sam-
mála því að fræðsla og námskeið skili
betri kjörum og 70% sögðust telja að
starf þeirra krefjist símenntunar.
„Fólk er orðið meðvitaðra um rétt
sinn til að sækja símenntun, 44% fé-
lagsmanna þekkja rétt sinn, en voru
bara 28% í fyrra. Við [hjá Eflingu]
höfum lagt gríðarlega áherslu á að
auka símenntun,“ segir Harpa.
Yngstu og elstu hóparnir virðast
vera viðkvæmastir gagnvart at-
vinnuleysi, og vilja því leggja mikla
áherslu á starfsöryggi í næstu samn-
ingum við atvinnurekendur. Þriðj-
ungur fólks á aldrinum 16 til 19 ára
annars vegar og 55 til 68 ára hins
vegar vill leggja áherslu á starfsör-
yggi, samanborið við á bilinu 22 til
29% annarra aldurshópa.
Viðhorfskönnun hjá félagsmönnum Flóabandalagsins
Tvöfalt fleiri karlar
báðu um launahækkun
ÍSLENSK fyrirtæki í Þýskalandi
verða með sérstaka kynningu í
tengslum við landsleik Þýskalands og
Íslands í Evrópukeppninni í knatt-
spyrnu í Hamborg á laugardag og
bjóða um 500 Þjóðverjum í mat fyrir
leikinn og svo á leikinn.
Guðmundur Kjartansson, ferða-
frömuður í Þýskalandi, hefur skipu-
lagt uppákomur í tengslum við lands-
leikinn, en hann keypti 500 miða í júlí
með þýska viðskiptavini íslenskra
fyrirtækja í huga. „Þetta er þrenns
konar,“ segir hann. „Í fyrsta lagi
bjóða íslensk fyrirtæki í Þýsklandi
helstu viðskiptavinum sínum í mat og
síðan á leikinn, en þetta er um 500
manna hópur og verður Árni M.
Mathiesen sjávarútvegsráðherra
heiðursgestur. Atli Eðvaldsson, fyrr-
verandi landsliðsþjálfari í knatt-
spyrnu, fer yfir málin áður en farið
verður á leikinn en borðað verður í
gömlum bóndabæ, Das Bauernhaus,
rétt við völlinn. Um 150 til 200 manns
verða á leiknum á vegum ÍT-ferða og
koma þeir saman á öðrum veitinga-
stað, Weite West, fyrir leik. Í þriðja
lagi verður haldin stór almenn sam-
koma á veðhlaupavellinum Trabrenn-
bahn rétt við AOL-leikvanginn. Þar
verður aðstaða fyrir alla stuðnings-
menn Íslands í samvinnu við Áfram
Ísland klúbbinn og er reiknað með
um 1.000 til 1.500 manns, bæði frá Ís-
landi, Skandinavíu og víðar, en á
svæðinu verður meðal annars hægt
að kaupa fána og peysur og fleira.
Eftir leikinn verður síðan opið hús á
bóndabænum, þar sem Stefán Hilm-
arsson syngur með stórhljómsveit
Jóns Ólafssonar um kvöldið.“
Að sögn Guðmundar hefur hann
fundið fyrir miklum áhuga Íslendinga
á leiknum og gerir hann ráð fyrir
mikilli stemmningu í þeirra röðum.
„Það verður vel að öllu staðið,“ segir
hann.
Íslensk fyrirtæki í Þýskalandi með kynningu í tengslum við landsleik
Bjóða um 500 Þjóðverjum á leikinn
ÁRNI Magnússon félagsmálaráð-
herra hefur skipað Margréti Maríu
Sigurðardóttur héraðsdómslögmann
í embætti fram-
kvæmdastjóra
Jafnréttisstofu.
Er hún skipuð til
fimm ára frá og
með 1. nóvember
nk.
Alls bárust níu
umsóknir um
embættið áður en
frestur rann út 10.
september sl. Þar á meðal voru: Hel-
ena Þ. Karlsdóttir forstöðumaður,
Kristín Ólafsdóttir jafnréttisráðgjafi,
Rósa G. Erlingsdóttir jafnréttis-
fulltrúi, Steinar Almarsson mann-
fræðingur, Steinunn Ketilsdóttir við-
skiptafræðingur, Steinunn Snæland
fluggagnafræðingur, Svala Jónsdótt-
ir jafnréttisráðgjafi og Þórður B. Sig-
urðsson mannfræðingur.
Stýrir Jafn-
réttisstofu
NÍU lið mættu til leiks í árlega
dorgveiðikeppni nemenda í auð-
lindadeild Háskólans á Akureyri,
sem fram fór á ÚA-bryggjunni í
leiðindaveðri sl. föstudag. Kepp-
endur mæta jafnan með hin frum-
legustu veiðarfæri til leiks, enda
eru veitt verðlaun fyrir frumleika,
mesta aflann og fallegasta fiskinn.
Keppendur notuðu m.a. skíðastaf,
kústskaft og herðatré við veið-
arnar. Tuðran var valin frum-
legasta veiðarfærið, Hanna og
tvíbbarnir lönduðu mestum afla og
Skiptilykillinn landaði fallegasta
fiskinum að mati dómnefndar. Þá
sá dómmefndin sér ekki annað fært
en að víta liðið Kókus, vegna um-
gengni um auðlindina og almenna
fúlmennsku gagnvart öðrum kepp-
endum.
Tuðran frumlegasta veiðarfærið
Morgunblaðið/Kristján
Jóhann Rúnar Sigurðsson á Tuðrunni, frumlegasta veiðarfærinu. Úr slöngunni dingluðu krókar en Jóhann var
notaður til að þyngja og stýra. Félagar hans, Hákon Rúnarsson og Sindri Viðarsson, héldu í spotta á bryggjunni.
FÉLAGSMÁLARÁÐHERRA, Árni
Magnússon, hefur skipað Ásmund
Stefánsson, framkvæmdastjóra
Framtaks fjár-
festingarbanka,
og fyrrverandi
forseta ASÍ, í
embætti ríkis-
sáttasemjara.
Þórir Einarsson,
núverandi ríkis-
sáttasemjari, læt-
ur af störfum 1.
nóvember vegna
aldurs. Embættið er veitt til fimm
ára.
Ásmundur segist ekki taka undir
þá gagnrýni að hann sé of tengdur
verkalýðshreyfingunni til að geta
verið sáttasemjari: „Ég held að minn
bakgrunnur gefi mér mjög sterkar
forsendur til að gegna starfinu. Ég
hef verið beggja vegna borðsins og
þekki það sem gerist við samninga-
borðið betur en flestir aðrir.“
Ásmundur
Stefánsson
ríkissátta-
semjari
♦ ♦ ♦
UTANRÍKISRÁÐHERRA
Rússlands, Ígor Ívanov, hefur
ritað hinum íslenska starfs-
bróður sínum, Halldóri Ás-
grímssyni, bréf í tilefni þess að
60 ár eru liðin frá því að Rússar
og Íslendingar tóku upp stjórn-
málasamband.
Í bréfinu, sem ritað er 1.
þessa mánaðar, vísar Ívanov til
fyrstu opinberu heimsóknar
forseta Íslands til Rússlands.
Heimsókn forsetans hafi gefið
sambandi Rússlands og Íslands
aukinn þrótt. Tvíhliða sam-
skipti ríkjanna hafi aukist til
muna og viðskipti stóreflst. „Þá
er ánægjulegt að afstaða þjóða
okkar gagnvart helstu alþjóð-
legum málum fer saman,“ segir
í bréfinu. „Við sjáum í þessari
farsælu þróun og hinu hlýja
andrúmslofti samskipta okkar
ekki síst þitt drjúga framlag,
herra ráðherra,“ segir og í bréf
Ívanovs.
Rússar fagni því þessu stór-
afmæli í samskiptum ríkjanna
og vænti þess að tengslin milli
Rússlands og Íslands eflist enn
frekar báðum þjóðunum til
hagsbótar.
Stjórnmálasam-
band Íslands og
Rússlands
Fagna
60 ára
afmæli